Pageviews all the time

INYANDIKO ZO MU BUBIKO. Kagame yakijije Mukezamfura A. wamuhishuriye kudeta yo kumwirenza n’abahutu bakabigenderamo yateguwe na Colonel Ngoga n’agatsiko, ategeka n’abakada ba FPR i Kigali no mu mahanga gukwirakwiza igihuha cy’uko Mukezamfura A. yasariye mu Bubiligi kugira ngo bace intege abo muri R.N.C ubu bamuhigira kubura hasi hejuru ngo bamwice kuko yabavuyemo!!!




Dore isoko yo kutumvikana hagati ya FPR ya
Kagame na RNC ya Nywamwasa: imitungo
basahuye hirya no hino batashoboye kumvikana ku igabana
 hakagerekaho n'ikibazo cy'abahutu
Iyi nyandiko yahise bwa mbere kuri Shikama kuri 21/2/2014
U Rwanda rwaraziwe rwo rwabonye akaga ruzabara ko gutegekwa n’abantu bavuye i Bugande. Mu nkuru ziheruka twari twabanyuriyemo ukuntu abashaka guhindura ubutegetsi mu Rwanda banyuze mu nzira itavusha amaraso bakwiye ndetse uwashaka yavuga ko bategetswe kwitonda cyane.
Muri iyo nkuru, twasobanuye birambuye uko kimwe mu byo abaje gushinga RNC bapfuye na Shebuja KAGAME harimo n’uko yagize amasoni yo kurimbura abahutu abitewe n’igitutu cy’umuryango mpuzamahanga kandi bari barabyumvikanye bakiri muri Uganda cyane cyane ku italiki 01 Ukwakira 1990 ku munsi wa mbere wo kwatsa umuriro mu Rwanda na n’ubu ukaba ugicumba mu kirere.
Muri iyo nkuru twabaye nk’abakomoza ku mugabo witwa MUKEZAMFURA A. wamennye ibanga akikura n’amata mu kanwa kuko abo mu gatsiko kaje kwibaruka RNC bari bamubwiye ko agomba kuryumaho bamara guhirika Kagame bakamugira Umukuru w’igihugu ariko akamena ibanga bigatuma Col. NGOGA yirasa.
Ikibazo si Kagame gusa kuko na RNC ari uko
Kuri uru rubuga SHIKAMA rwanyu mukunda cyane kandi muri benshi tukaba tunabibashimira, tugerageza kubandikira inkuru kandi mu buryo bukurikiranya ibitekerezo bibyara ibindi byiza muri mwe. Uyu munsi rero tugiye kubabwira ukuntu KAGAME yakwirakwije muri Kigali impuha ko Mukezamfura yasaze kugira ngo ace intege abo muri RNC ubu bamuhigira kubura hasi hejuru aho aba mu gihugu cy’Ububiligi.
Muri SHIKAMA nta kintu na kimwe gishobora kubera mu Rwanda ngo tukiyoberwe kuko, kubera ukuntu abaturage bamaze kuzinukwa ubutegetsi bwa Kagame, ibintu byose bagerageza kubivuga uko bashoboye mu rwego rwo kungikanya imbaraga ngo barebe ko umunsi umwe bazabyuka bagasanga FPR itagihari kandi bavuga ko baziruhutsa.
Gen. NYAMWASA K. F., Major Dr RUDASINGWA T., Procureur GAHIMA G., n’abandi bamaze guhunga bakagenda bavuga Kagame ayica inka, hari abaturage bamwe bacyetse ko ibibazo birebana n’imiyoborere mibi mu Rwanda bigiye kubonerwa ibisubizo.
Abantu babyiyumvishaga bavugaga ko kuba aba bagiye bishobora kuba biciye Kagame intege noneho bigatuma agabanya umurego mu ivanguramoko rikorerwa abahutu mu gihugu nabo bafiteho uburenganzira. Ibi rero ntabwo byari byo kuko nk’uko tugiye kubibona mu kanya, bapfuye inda yabo nini no kugambirira gusahura igihugu no kurya akaribwa n’akataribwa ariko inda ibabyara ni imwe.
MAGAYANE yahanuye ko abavantara bazategeka u Rwanda nyuma ya Habyarimana bazaba ari abarya akaribwa n’akataribwa ariko bakazarwirukanwamo n’umuzungu warubahaye nyuma yo kurwigera akanya nk’ako guhumbya. Ubu uko bigaragara FPR irimo irarenga, ku buryo  ejo hazaza h’u Rwanda hahinguka ariko iki gikombe tuzacyambuka hamenetse amaraso menshi y’abanyarwanda kubera ukuntu FPR itegeka u Rwanda.  
Abakeka rero ko RNC ishobora kuba umwe mu bazacungura abanyarwanda ubutegetsi bwa gihake bwa KAGAME bashatse basubiza amerwe mu isaho. Icyo Kagame na RNC bahuriyeho ni ukurimbura abahutu n’abatutsi bashakanye nabo.
Icyo badahuriyeho ari nacyo cyabateye gushwana bakiha rubanda ni uburyo bikubira kandi bakamunga ubutunzi bw’igihugu. Kagame ashaka ko ibintu byose biba ibye naho Kayumba na Rudasingwa bagashaka ko abibahaho ariko bakanamutunarika ngo arimbure ABAHUTU agatinya abazungu na LONI.
Ikimenyetso ni Hon. Mukezamfura A.
Kugira ngo SHIKAMA ikugerere ku nyota no ku ngingo inyaruka, tugiye kubanza kukubwira Hon. MUKEZAMFURA A. uwo ariwe kugira ngo usobanukirwe ko ibyo twandika ari ukuri kwambaye ubusa kandi twakoreye isesengura, iperereza n’ubushakashatsi ndetse n’ubwitonzi bwinshi.
Uwaje kuba Honorabule MUKEZAMFURA A.  ni UMUHUTU wavukiye mu BYIMANA ahitwa mu KIZIBAZIBA. Iyo ujya aho avuka uva i Kigali wagera i Gitarama ugakomeza i Kabgayi. Iyo ugeze i Kabgayi ukomeza umuhanda ujya i Butare ukaviramo i Kirengeri.
Iyo ugeze i Kirengeri bamwe bakunda kwita kuri AJOKOMU (Age commun) kubera ko igihe abanyamahanga  bakoraga umuhanda wa Kigali Butare muri za 1982 bashakaga indaya zo mu kigero kimwe noneho bakabwira abari bashinzwe kubashakira izo ndaya kubashakira abakobwa bo mu kigero kimwe aribyo byiswe age commun. Ni aho hakomotse AJOKOMU.
Twigarukiye kuri iyi nkuru yacu, ubwo uhita werekeza mu Byimana kuri Paruwasi ugaca inyuma y’ikigo cy’ababikira cy’amashuri yisumbuye cyitwa G.S.N.D.L (Groupe Scolaire Notre Dame de Lourde - BYIMANA). Uzamuka inyuma gato usa n’ugana iburyo bwawe ukazamuka nk’iminota 30 ukaba ugeze mu Kizibaziba kwa se wa MUKEZAMFURA A.
Amateka ya MUKEZAMFURA A.
Mukezamfura A.  nk’uko nabivuze ni UMUHUTU kuri se na nyina. Yavukiye mu muryango w’abakene cyane ariko akaba umuhanga cyane ibi birenze urugero. Amakuru dufite atwubwira ko yavutse mu 1952. Yarangije amashuri abanza mu Byimana ahita atsinda ajya kwiga i Bukomero mu kigo cyitwa Ecole des Sciences de Byimana cyategetswe na Furere ALIVARUSI w’umubiligi wahategetse kuva mu 1956 kugera mu 1998 akaba yarahavuye apfuye kuko yanyereye mu rwogero agahita apfa.
Amateka n’amakuru dufitiye gihamya avuga ko Mukezamfura akigera i Bukomero muri Kilometero 2 uvuye iwabo, ngo Furere Diregiteri ALIVARUSI yaramukunze cyane kubera ubuhanga bwe bituma anakomera akora n’imirimo ikomeye nk’uko tuza kubibona mu kanya.
Mukezamfura arangije ayisumbuye, yahawe Buruse yo kujya kwiga ibirebana n’uburezi muri I.P.N – RUHENGERI (Institut Pédagogique Nationale). Naho yagize amanota menshi cyane agarutse agirwa umwarimu muri Ecole des Science Byimana.
Kubera ukuntu Furere ALIVARUSI yamukundaga kandi akaba yari inshuti magara na Perezida Habyarimana yamusabye ko yamugira Burugumesitiri wa komini Mukingi ubu yaje guhinduka Akarere ka Ntenyo mu ivugurura rya mbere ikaba ubu yitwa Umurenge wa Byimana mu Karere ka Ruhango. Mukezamfura yayoboye iyo Komini ayisimbuyeho uwitwaga NTIYAMIRA wari utuye i Karama ka Shyogwe.
Mu gihe yayoboraga iyo Komini, Mukezamfura yagize amateka atari meza na busa mu Byimana ari naho iwabo kuko mu biro bye yari afitemo ubuhiri buteyemo IMISUMARI. Muti ese yabukozaga iki? Ni ubwo yakubitaga abajura babaga ari ba ruharwa. Rimwe yakubise abajura bari bibye inka b’abatwa barapfa byo guhambwa.
Ikindi gihe hari ku mugoroba wa Pasika ABATWA bo mu Byimana babaga bakutse urwagwa rwo kwa Padiri bamaze gusinda basambanya ku ngufu mushiki wa Mukezamfura wari uvuye mu Misa y’igitaramo cya Pasika kuri Paruwasi. Mukezamfura wari umutware yategetse burigadiye kominari witwaga Kayumba gukubita abo banyagwa b’abatwa kugeza banogonotse.
Undi munsi Mukezamfura kubera ko yakundaga gusinda cyane, yatwaye umugore we Madalina ku bitaro i Kabgayi agiye kubyara ari ku nda bageze muri Rugeramigozi kubera isindwe imodoka ya Komini ayirenza umugunguzi barakomereka ibyari ibise bihinduka amaraso ariko ku bwa Nyagasani nta wapfuyemo n’umwana yaje kuvuka nta kibazo.
Kubera utwo dutendo twose, Perezida Habyarimana yahise yohereza abajandarume bo kumufata ngo bamufunge ngo kuko yagushije imodoka ya KOMINI. Kubera ko Furere nababwiye wamukunze cyane wayoboraga Ecole des Sciences mu Byimana yari inshuti magara ya Habyarimana,
Yaratakambye bamusubiza mu kazi hashize iminsi mikeya kubera gukomeza gusinda no kumera nk’ukoreshwa n’amagini HABYARIMANA ategeka ko bamukura ku buburugumusitiri bashyiraho uwitwa NSABIMANA Bazili wari se wabo wa NSANZABAGANWA M. wigeze kuba Minisitiri w’ubucuruzi n’inganda ubu akaba yungirije Guverineri wa Banki nkuru y’igihugu .
Mukezamfura avuye muri Komini yahise yoherezwa muri ORINFOR  no mu IMVAHO. Nyuma rero nibwo twababwiye mu nkuru iheruka ko Kagame yabikozemo umugambi wo gushaka abamuhimbira ibyaha ngo yishe abatutsi muri 1994 ariko ari ukugira ngo amucikishe amujyane i Burayi amukize abo yibwiraga ko bamwirenza.
Mukezamfura nyuma ya 1994     
Mu mateka ya Mukezamfura A. ya nyuma y’1994, yiganjemo kwibera umudepite no kuyobora umutwe w’abadepite mu Rwanda. Muri icyo gihe yanigishaga ibirebana n’imyitwarire y’abantu PSYCHOLOGIE mu Byimana ari naho iwabo mu mashuri abiri yisumbuye ariyo G.S.N.D.L (Groupe Scolaire Notre Dame de Lourde - BYIMANA) no muri ESM (Ecole Secondaire de Mukingi).
Muri SHIKAMA turimo kubategurira inkuru izaba icukumbuye yerekana ukuntu abadepite benshi niba atari bose b’abagore mu Rwanda babuhawe kubera IGITSINA CYABO. Nyakubahwa Mukezamfura nawe ntiyatanzwe kuko ubwo yari umudepite, yajyaga no kwigisha mu Byimana nk’uko nabivuze.
Muri E.S.M yayoborwaga n’umudamu witwa MUKARUGEMA A. Uyu mubyeyi nawe yari umunya Byimana kandi umugabo we Razaro yari yarakoranye na Mukezamfura i Bukomero kwa Furere bombi ari abaporofeseri. Kubera ko umugabo wa MUKARUGEMA A. yishwe muri Genocide mu 1994 yiciwe mu Byimana n’interahamwe, Mukezamfura yabibonyemo uburyo bwiza bwo kumucyura.
Iyo yajyaga kwigisha mu kigo cye, ku kwezi baramuhembaga akabyanga ahubwo akayaguriramo abanyeshuri ikimasa cyo kubaga nabo bakumva ku kanyama. Ubwo rero iyo yarangizaga amasomo ninjoro yararanaga n’uwo Muyobozi wa Segonderi MUKARUGEMA A.
Kubera ukuntu yamuhataga IGITSINA abanya Byimana bose bakanabimenya, Mukezamfura yamusabiye ko yashyirwa mu Badepite ngo yabasha kuvuganira rubanda. Ng’uko uko ubu uwitwa MUKARUGEMA A. arimo kurya manda ya gatatu ku Kimihurura ayikesha  MUKEZAMFURA A.
Uru ni urugero mbahaye rumwe kandi dufite urutonde rw’abagore bose bagandagaje ku Kimihurura barazanywemo n’abagabo bafata ku myaka ku buryo ubu inteko ya Kimihurura yagereranywa na CADILLAC hahandi babyinira barangiza bakagera ku ngingo.
Ubwo ntituvuze ku bagore NTAWUKURIRYAYO amaze kuzuzamo bamwe muri bo batazi no gusoma no kwandika amazina yabo ariko kumenyana nawe byabagize ba nyakubahwa. Tuzabigarukaho mu minsi ya vuba.
Ese koko Mukezamfura yari kuba Perezida???
Nk’uko nabivuze ntangira iyi nkuru, igisubizo uwakwihuta yavuga ngo YEGO, nyamara igisubizo gikwiye kandi gisesenguwe ni OYA kubera impamvu zikurikira: Agatsiko k’abasirikari bavuye Uganda kigometse kuri Kagame kashakaga uburyo bwo kumugira igikoresho ngo bamuhindure agakingirizo ngo bamugire igikoresho.
Umugambi muri SHIKAMA twabashije gutahura wari uko bagombaga guhitana Kagame bagahita batangaza inzibacyuho bakimika Mukezamfura nyuma bakazamwicira hamwe n’ABAHUTU bene wabo bose mu Rwanda.
RNC irimo guhiga buhongo Mukezamfura mu Burayi
Nk’uko twabyandikiye abakunzi ba SHIKAMA mu nkuru iheruka, kuri njye, nta KAGAME nta R.N.C bose ni abicanyi kandi umugambi wabo ni umwe ni uwo kuvusha amaraso no gusibanganya ikitwa UMUHUTU. Amakuru ya nyuma dufite ni uko ubu Kagame ari mu mazi abira muri FPR bamuziza gucikisha UMUHUTU kandi bari barumvikanye kuzabarimbura nka bwa BUSHWIRIRI ntihazasigare n’uwo kubara inkuru.
Ubu rero, kubera ukuntu byateje ikibazo, Kagame agategeka abo ku Kibuga cy’indege i Kanombe kumutambutsa ngo agiye kwivuriza mu Bubiligi kandi nyuma ntagaruke, Kagame yasabye abakada ba FPR muri Kigali n’ahandi ku isi kubunza ibihuha bivuga ko MUKEZAMFURA yasariye mu Bubiligi kugira ngo abo muri RNC bagabanye ubukana.
Iyi turufu ya kagame ngo igamije kwerekana ko guhiga umuntu w’umuhutu kandi w’umusazi nta mpamvu yo kumutaho igihe kuko ngo hari abandi benshi bakwiye kwicwa mbere ye. Amakuru ubu akaba avuga ko Mukezamfura aba ahantu mu  nzu adasohoka kandi ko nta kibazo afite na kimwe ariko akaba adashobora gusohoka kuko RNC irimo kuritsira.
Twibaze ikibazo gikomeye
Kuki Kagame usanga abo avuga ko bamurwanya mu mahanga akabicirayo kandi bigashoboka, yahisemo kohereza Mukezamfura A. mu Bubiligi abwirwa n’iki ko abo muri RNC bo batabona ububasha bwo kumusangayo ngo bamwirenze?
Iki ni ikibazo umwanditsi yashobora kwibaza akanakibaza mu mwanya w’abasomyi bose ba SHIKAMA. Impamvu nzamuye iki kibazo ni uko ayo mabwiriza-myitwarire Kagame yahaye Mukezamfura agaragaza ko Kagame azi neza imbaraga za R.N.C.
Ikindi ni uko gahunda yo kurimbura ABAHUTU mu Rwanda ihari kandi igaragarira buri wese. Dusabe Imana kudushoboza guhuza imbaraga ngo ubutegetsi buhinduke mu Rwanda nta maraso amenetse, maze abahutu, abatwa n’abatutsi babane mu mahoro. Ariko Kagame avuyeho hakajyaho RNC, byarutwa n’uko Kagame yahamaho kuko banganya ubugome no kwifuza kuduhindura ABAJA BABO!!!
GATENDO A.
Shikamaye.blogspot.no
Shikama ku Kuri na Demukarasi( SKUD)

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355