Kuba ibyiza byose by'u Rwanda n'ububasha bujyana nabyo byikubiwe n'agatsiko k'abavuye i Bugande nibyo ntandaro yo kwirukanwa muri guverinoma kwa Minisitiri HABINEZA Joseph nyuma yo gukoreshwa amahano agira UMUGANDEKAZI nyampinga uhiga mu bwiza n'umuco abari b'u Rwanda-2015/ UDAHEMUKA Eric

Nyuma y'aho ibinyamakuru byo muri Tanzania bimaze imyaka 2 byishimiye ko umutanzaniya yagizwe Minisitiri mu Rwanda (Lwakabamba S.) ubu noneho ibinyamakuru byo muri Uganda birabyinira ku rukoma byishimira ko Umugandakazi yagizwe Miss w'u Rwanda Kagame yarangije kugira intara ya UGANDA

Burya ikintu cyose kizaba kigira imvano. Minisitiri HABINEZA Yozefu mbere y'uko akurwa muri minisiteri y'umuco na siporo akoherezwa kuba ambasaderi muri Nijeriya amaze kubyinisha abakobwa ku Kicukiro ahaze za divayi,  icyo gihe bamwe bemeje ko FPR yari yamwirukanye muri guverinoma ariko Kagame amwohereza kumucururiza diyama na zahabu muri Nijeriya. Burya yarirukanywe ntiyabimenya!

Muri uko kuva i Kigali yerekeza Abuja muri Nijeriya, Ambasaderi HABINEZA Yozefu yasize ashwanye hafi gufatana mu mashati n'umunyamakuru MURAMIRA Regis wakoraga urubuga rw'imikino kuri CITY RADIO wamushinjaga gucunga nabi FERWAFA no gukabya kwigira umutesi none koko bimukozeho.

Ambasaderi HABINEZA acyururuka indege i Kanombe akubutse muri Nijeriya

Mu kiganiro cya mbere yahaye abanyamakuru akigera mu Rwanda agaruwe kugirwa minisitiri ubugira kabiri muri minisiteri imwe nabwo yasizemo inkuru mbi, Habineza yavuze ko igikorwa cyo gutoranya umwari uhiga abandi ubwiza aricyo kintu azitondera kurusha ibindi byose.

Amakuru SHIKAMA ifite akaba avuga ko NYIRAMONGI Jeannette yari yamuhaye gasopo amusaba kuzakora ibishoboka byose akerekana ubuhanga buhanitse mu gutoranya nyampinga wa 2015 kuko ibyabanje bagenze nabi cyane ku butegetsi bwa MITALI Protais ubu woherejwe muri Ethiopia.

Ibyo Habineza yatangarije itangazamakuru rero kuri NYAMPINGA biragaragara ko bitari bimuri ku mutima ahubwo byari ibyo yapakiwemo na NYIRAMONGI Jeannette kuko gutoranya nyampinga 2015 byabaye bibi cyane, bizamo urunturuntu, kutavuga rumwe, kubusanya,... kugera n'aho ikamba ryo mu Rwanda ryambikwa UMUGANDEKAZI akaryambikirwa muri KIGALI SERENA HOTEL ababyarwanda bakumirwa.

Itangazamakuru ry'i Kampala riremeza ko Nyampinga w'u Rwanda 2015 ari UMUGANDEKAZI 100%

Ibintu bibera mu Rwanda nta handi biba kuri iyi si dutuye. Umwari KUNDWA Doriane niwe watorewe kuba nyampinga uhiga izindi nkumi z'i Rwanda mu 2015. Mu minsi ibiri mbere y'uko hatangazwa Nyampinga w'u Rwanda 2015, ibinyamakuru CHIMPREPORTS na REDPEPPER byandikirwa i Kampala kandi bikaba mu bisomwa cyane muri Uganda byari byanditse ko mu bahatanira ikamba rya nyampinga w'u Rwanda 2015 harimo n'umugandekazi KUNDWA Doriane.

Niba ari umutego abo mu gatsiko bateze HABINEZA Yozefu ntawamenya ariko amakuru SHIKAMA ikura i Kampala aremeza ko uyu mukobwa ari umugandekazi. Ibisobanuro bitangwa na nyina ntibyumvikana kuko avuga ko umukobwa we yigiye amashuri abanza n'ayisumbuye i Kigali. Ibi bikaba ntacyo bivuze cyane kuko yavukiye muri Uganda bakaza mu Rwanda yaravutse. Ikindi ni uko burya se w'umwana amenywa na nyina.

Ibinyamakuru CHIMPREPORTS na REDPEPPER biravuga ko uwabihaye ayo makuru ari umugande wemeza ko yabyaranye uwo mukobwa n'umugore w'umunyarwanda-kazi. Ibi mu by'ukuri nta wabihakana kuko byatangajwe mbere y'uko nyampinga atoranywa ariko igitangaje kurushaho ni impamvu uwo mugandekazi ariwe wambitswe ikamba.

Minisitiri HABINEZA Yozefu, umutesi ukomoka i Kayenzi(Gitarama) yatezwe umutego n'agatsiko ntiyarabukwa

Minisitiri HABINEZA Yozefu nabonye rugikubita ko amarushanwa ya nyampinga 2015 azamuhitana byanze bikunze. Nkurikije ibyo yagaragaje nk'imigabo n'imigambi ye, nta na kimwe cyakozwe uhereye mu gutangira iki gikorwa kugera mu isozwa ryacyo. Itoranywa rya nyampinga mu rwego rw'intara habanje kuvuka ikibazo kuri metero yakoreshwaga mu gupima uburebure bw'abakobwa.

Abakandida bavugaga ko kubashyiraho metero byatumaga abahungu babapimaga babakora-kora n'ahatari ngombwa. Icyo kibazo cyateje umwuka mubi mu gihugu kandi ntacyo Minisitiri HABINEZA yagikozeho uretse ko nyuma itsinda ryabatoranyaga ryaje kwiga ubundi buryo bwo kubamba metero ku rukuta noneho umukobwa akagenda akegamaho bakareba uburebure bwe.

Itangazamakuru ry'i Kampala rikimara gukwiza muri Uganda ko mu bakandida harimo umugandekazi nabwo ntacyo minisitiri Joseph HABINEZA yakoze. Nk'umuntu wagombye kuba azi neza amayeri inkotanyi zikoresha mu kugusha abahutu mu byaha no mu makosa, yagombaga gukoresha ububasha bwe agategeka ko KUNDWA Doriane akurwa mu irushanwa hakiri kare.

Ibyo ntabyo yakoze, kuri gahunda mu muhango wo gusoza byari biteganijwe ko umushyitsi mukuru aba Jeannette KAGAME ariko amakuru SHIKAMA ifite ni uko umwamikazi akimenya ko hatowe umugandekazi yabihinduye kujyayo akabyihorera. Hano rero Habineza byari bimurangiranye kuko intebe yari yateguriwe Jeannette Kagame ari nawe wari kuvuga ijambo ry'umushyitsi mukuru yari yicayemo ubusa kandi Habineza nta bisobanuro yahawe by'impamvu Nyiramongi ataje.

Perezida Paul Kagame se arongera agire Habineza ambasaderi mu mahanga cyangwa nawe agiye ku rutonde rw'ibigarasha???

Abantu benshi bazi neza Habineza bemeza ko imyanya yose yahawe muri politiki mu Rwanda atari ayikwiye. Ahanini babishingira ko Habineza ari umutesi cyane kandi agahubuka cyane haba mu mvugo no mu bikorwa. Indi ngeso imuranga ni uburaya n'ubusinzi bikabije.

Kubera ko yize ibyo gucuruza kandi akabikoramo igihe kirekire muri BRALIRWA na HENEIKEN, perezida Kagame yamubonyemo umugaragu mwiza wamucururiza Diyama na zahabu byacukurwaga muri Kongo. None izo zahabu ntizigihari, ubwo rero birasa n'uko asezerewe muri politiki ariko ikibabaje ni uko agiye nabi.

Nanagira amahirwe agahabwa undi mwanya uzaba ari uwo kumuherekeza ngo azagere muri 1930 amahoro kuko azaba ahawe umwitangirizwa wo gufungwa. Aho urabe wumva mutima mucye wo mu rutiba!!!

UDAHEMUKA Eric

shikamaye.blogspot.no

Shikama ku Kuri na Demukarasi(SKUD)
___________________________________________________________________________

PS/ NKUSI Yozefu:

Kuba Miss w'u Rwanda aba umugandakazi 100% ndumva nta gitangaza kirimo kuko Kagame Pawulo kuva yafata ubutegetsi na FPR yeretse abanyarwanda ko igihugu cyabo ari akarima ke akoreramo icyo ashaka n'igihe ashakiye. None se uretse Kagame Pawulo igisoda cya FPR kigizwe n'ubwoko bumwe bw'ABATUTSI hari Ofisiye mukuru w'umunyarwanda ubamo bose si Abagande, uhereye ku murozi mukuru Jack Nziza? Minisitiri Lwakabamba Silas ntiyahembwaga muri Kaminuza y'u Rwanda nk'umunyamahanga yiyita Umutanzaniya? Minisitiri Binagwaho hari ijambo na rimwe ry'ikinyarwanda avuga kandi ari mu gihugu kivuga ikinyarwanda? Ejobundi FPR ihindura ikinyarwanda ikagiha gahunda y'URUGANDA , ururimi rukoreshwa cyane muri Uganda, ntikwari uguca amarenga ko icyari u Rwanda cyarangije kuba intara ya UGANDA??? None se Miss abaye Umuganda hari ikibazo gihari mu gihe u Rwanda rwarangije kuba intara ya UGANDA!!!