Agatsiko karashaka ko Dr NKUSI Yozefu ajya ku rutonde rw'ABAHUTU bibeshyera ko bafite ingabo!!!/ NKUSI Yozefu

Ikosa rikomeye umuntu w'umuswa agwamo ni ukumva ko uzi ubwenge, ubucakura, uburyarya, cyangwa ubunararibonye kurusha abandi bityo ukaba ushobora kubakoresha icyo ushaka mu nyungu zawe. Njye  nemera ko nta muswa ubaho bitandukanye n'imyumvire yacu ya kinyarwanda aho bavuga bati uriya mwana ni umuswa kuko atumva neza  imibare, igifransa, cyangwa andi masomo. None se niba atumva biriya byose akaba akina umupira bihebuje akaba yabibyaza umusaruro bikamutunga, uriya tuzongera tuvuge ko yari umuswa? Dore umuswa NYAKURI uwo ariwe: hari umuntu umaze iminsi atwandikira atubwira ko tudakwiye gukomeza kwandika kuri Kagame Pawulo ahubwo tukandika ku mateka yo muri RDCongo( inyandiko ye ya mbere twayicishije ku rubuga ubushize), uyu kandi aremeza ko ngo agiye gushinga umutwe w'inyeshyamba ukora rwihishwa wo kwirukana Kagame Pawulo atubuza kuvuga! 

Agatsiko  kanyibeshyeho kuva muri 1994

Muri rwa rwego rwo gufata Abahutu muri rusange nk'ibigoryi, FPR yohereje umuntu w'umuhutu wari ufite umwanya wa Minisitiri FPR ikimara gufata ubutegetsi mpurira nawe ahantu ho muri Libya ntari buvuge kubera umutekano w'IMBEHE ye. Uyu mukozi wa Kagame yaranyegereye arambaza ati ayo mashuri uriho wiga wiyongeza wiyongeza ni bwoko ki, ko ufite LISANSI mu bukungu ikaba ikenewe waje ukajya gufata umwanya bigishoboka, ko uko mutinda ariko imyanya ibashirana.

Uyu muvandimwe naramurebye numva mugiriye impuhwe maze mukurira inzira ku murima ndashweshuza ndamuhakanira. Mubwira ko ntashobora gukorana n'abantu bamennye amaraso y'abanyarwanda. We ariko yabifashe nabi akeka ko ntashaka gusubira mu Rwanda ngo mfate umwanya mu ngoma y'ABATUTSI niko gukoresha amayeri bigishwa mu ishyaka ryabo rya FPR kugirango anguyaguye nemere mukurikire i Kigali maze arambwira ati: 

" Niko, ingoma y'Abatutsi mbere ya Revolisiyo nta Bahutu barimo?" ndamusubiza nti barimo. yungamo ati:" ku ngoma z'Abahutu nta Batutsi barimo?" nti barimo, yanzura atangaye ati:" none se wowe wacishije makeya ukaza tukarya iyi ngoma y'ABATUTSI!". Igisubizo cyanjye cyabaye ndanze kuko ikibazo nari mfite si ukurya kuko ibiryo byari muri Libya byari bihagije kandi bisa n'aho byaguraga ubusa ukagerekaho ko iki gihe nigaga mu cyiciro cya Masters, nanakora mu biro by'ubusemuzi, mfasha amasomo abana b'abaherwe nanigisha igifransa muri Ambasade y'Abafransa. Ikibazo rero cyatumaga ntajya mu Rwanda cyari ya maraso navugaga hejuru ajejeta mu biganza bya FPR n'abayo.

Nyuma y'uyu mubonano, umubano wanjye n'Agatsiko warushijeho kuba mubi nkuko nigeze kubitangaza ku buryo burambuye muri zimwe mu  nyandiko zahise. Agatsiko karantoteje, kanyima pasiporo kugeza igihe ikibazo nkigeza ku muyobozi mukuru w'ibiro bishinzwe impunzi i Geneve mu Busuwisi; iki gihe akaba yari Madame SADAKO OGATA. Uyu muyobozi yaje kubaza Bihwahwa wo ku ruzi rw'iwabo wa Kinani kitananiye abanzi n'abagambanyi impamvu nimwe Pasiporo y'u Rwanda kandi ndi umunyarwanda maze bamusubiza ko ngo amatwi yanjye yasotse nabi mu ifoto ( ariko njye nabwiye uwari ambasaderi muri Libya icyo gihe nti mwa banyakinyoma mwe iyo muvuga ko ari amazuru yasotse nabi ntimubeshyere amatwi?).

Pasiporo naje kuyibona nyuma y'amezi make bayitesha agaciro kuko bahise bashyiraho pasiporo nshya, yo nza kuyimwa burundu kuko bavugaga ko inshya ngomba kuyifatira i Kigali byanze bikunze. Byabaye ngombwa ko nsezera ku kazi nahembwaga +6 ,000USD, inzu y'ubuntu, tike y'indege y'umuryango buri mwaka , umushahara w'ukwezi kwa 13, maze njya  kwigisha i Butare mpembwa 600USD, hafi ya  yose yigira muri GACACA  n'irindi totezwa nzagira igihe cyo gutanagaza, kugeza ubwo mpunga nkandikira Kagame Pawulo na Minisitri  Musoni James waje kurangiza iki kibazo cya Gacaca macuri ariko binyorohereza umuzigo( uko byagenze nzabitangaza aha n'inyandiko zose zibiherekeje). Hari uwakwibaza ati kuki mutatse ubuhungiro; Libya ntabwo yasinye Amasezerano y'i Geneve yerekeranye n'Impunzi, Kadafi we yemeraga ko niba umuntu agutoteje uza akaguha intwaro ukajya kumwirukana. Nubwo amategeko yari ameze gutyo ariko,  uwari Perezida wa Libya, Moamar Kadafi yategetse ko twitabwaho ku buryo budasanzwe PNUD(UNDP) iduha imfashanyo, u Rwanda rurasizora ngo bayihagarike dutahe, ariko Ambasade yaje gufungwa dusigara turi bwuma kuko twari dufite akazi twese ntawe ugikeneye n'iyo mfashanyo yatumaga ambasade idasinzira ikeka ko ariyo itubuza gutaha,  ikibazo twari dufite n'icy'iyo pasiporo y'u Rwanda cyatumye nsezera ku kazi nkajya gusuzugurwa nk'Abahutu bose mu Rwanda. 

Nkigera mu Rwanda muri 2007, FPR nanone yarongeye yohereza abakada bayo ngo banyemeze ko ngomba rwose kuyijyamo ndetse bambwira n'inyungu nyinshi nakuramo. Kuba minisitiri ngafata ibifaranga byinsi n'imodoka nziza, n'izindi nyungu zitabarika. Ariko nanjye hari ibyo nagombaga gukorera FPR: kujya kurahira mu cyama(ishyaka rya FPR) kandi nkemera no gushaka IBIHUTU byinshi biri inyuma y'igihugu nkabicyura, nkuko uwo mukada yabivugaga. Guhakanira umwicanyi neza ni ukumubwira ko ukibitekerezaho kugeza uvuye imbere y'inkoro n'ikota bye; nguko uko narokotse ingoma y'ibinywamaraso.

Agatsiko kongeye kunyibeshyaho ngo njye ku rutonde rw'Abahutu bibeshyera ko bafite ingabo zikarwanya

Nkimara gushinga SKUD hari umwe mu banyarwanda wanyandikiye, aratelefona, arasizora anyereka rwose ko ashaka ko ishyaka SKUD ryakomera mu Rwanda, anyoherereza ibyangombwa bye birimo impamyabushobozi n'amafoto ye n'izina na nimero telefoni  y'umupasiteri nabaza ibye!. Icyaje kuntangaza ni ukuntu yaje kumbwira ngo ninohereze amafranga ajye ajya kurara mu bayoboke,ngo mbahe na gahunda y'ibyo bazakora naho bizabera. Nahise museka cyane mubaza icyo ajya gukora muri abo baturage, mubwira ko nta kwiyamamaza guhari twe ubu twikorera inyandiko niba abishaka yafatanya natwe. Bwa bwenge buke bwa FPR uyu yari igikoresho bashakaga gucaho berekana ko mfite imitwe y'iterabwoba mu gihugu bakerekana n'amafranga nagiye ntanga n'amabwiriza natangaga, ariko ntibyabashobokeye.

Dr NKUSI Yozefu

Ubu noneho agatsiko karongeye kubura undi mutwe nawo ugapfubanye, kabeshya ko kariho gashinga umutwe wa rwihishwa ukorera mu bwihisho urwanya leta ya Kagame, mu mvugo yako ukabona gashaka ko nafatanya nako. Igishekeje kigaragaza na bwa buswa bw'abiyita abanyabwenge navuze hejuru, ni uko izi GATUMWA z'Agatsiko k'amabandi nkuko umukozi wako witwa Me EVODE yakabatije,  zivuga ko mu nyandiko zacu muri Shikama twakwirinda kwandika kuri KAGAME Pawulo n'ingoma ye mpotozi ahubwo tukivugira ku byerekeye ba MOBUTU SESE SEKO bitahiye kwa Nyamuzinda kera. Aha rero muby'ukuri niho muhita mubona ko aka Gatsiko kageze aharindimuka kakaba kariho gata ibitabapfu.

Abahutu bakora nka Rucagu bakemera ko bafite ingabo biyimbire!

Twese twabonye inyandiko ya Rucagu Bonifasi yahise mu kinyamakuru KANGURA muri 1993 ingoma ya Kagame yabatije RUTWITSI. Muri iyi nyandiko yacicikanye ku mbuga nyinshi Shikama ifitiye kopi, Rucagu yerekanyemo ko abanyarwanda bo mu bwoko bw'ABATUTSI atari abantu nk'abandi, muri make ari babi ku mutima, nta cyiza gishobora kuba mu gihugu barimo. Nta wahakana ko inyandiko nk'iyi yagize ingaruka mu marorerwa yoretse igihugu kuva muri 1994 kugeza ubu. Hari ibintu bibiri bimbabaza iyo nsomye iyi nyandiko dore ko hadashobora gushira ukwezi ntayigarutseho:

1. Biratangaje kubona Ngeze Hassan wayoboraga iki kinyamakuru afungiye Arusha abategetsi bamuhaga ibitekerezo agishyiramo nk'uwari depite Rucagu bafite imyanya y'ubuyobozi mu Rwanda ubu .

2. Rucagu arihakana inyandiko yasotse muri 1993 nkaho yasotse icyo gihe ataba mu Rwanda ngo abone umwanya wo kuyamagana.

Aha rero niho hari ibanga: Rucagu ashobora kuba ataranditse iriya nyandiko ahubwo FPR yarayanditse ikayimuha akayisohora muri Kangura ikamwizeza imyanya ikomeye igihe izaba yafashe ubutegetsi. Ibyari bigamijwe hano bikaba byari mu nyungu za FPR muri Propagande zayo zo kwereka amahanga ko Abatutsi ntaho bari, ari abo kugirira impuhwe bagatabarwa amazi atararenga inkombe! Nta shiti ko abahagarariye ibihugu byabo mu Rwanda kiriya gihe basomye iriya nyandiko bagiriye impuhwe n'imbabazi ubwoko bw'Abatutsi muri rusange bibaza ibiri mu mitima y'abaturage basanzwe niba umudepite ubahagarariye nka Rucagu atekereza kuriya! Ibi bishobora kuba byaratumye FPR ihabwa intwaro n'izindi nyungu nyinshi ntarondoye aha byayifashije gutsinda urugamba rwo koreka u Rwanda.

Abiyitirira ingabo batagira nabo bashobora kuba bariho bakoreshwa nka Rucagu. Mboneyeho akanya ko gusaba imbabazi abasomyi ba Shikama ku nyandiko iherutse gusoka hano kuri Shikama ivuga uwiyita jenerali profeseri Pasiteri Dogiteri Mupenzi. Nsabye ko inyandiko nk'izi zitazongera kunyura kuri Shikama. Umurongo wacu ni uguharanira ko ukuri gusimbura ikinyoma kandi turacyawukomeyeho; ntitwarwanya ikinyoma cy'Umututsi ngo twimakaze icy'Umuhutu, oya ntibikabeho. Tutiriwe duta igihe mu magambo, abanyarwanda bazwi bafite ingabo barimo ibice 2: FDLR irinze impunzi z'abahutu barenga 250,000 Kagame ashaka kumarira ku icumu ikaba ibarizwa muri RDCongo inayoborwa na jenerali Byiringiro na RNC ifite akaboko ( influence ) ku gisirikare cyigizwe n'ubwoko bumwe bw'Abatutsi cya FPR yita RDF. 

Abandi bibeshyera ko bafite ingabo ni abakoreshwa ibyo RUCAGU yakoze muri 1993. Biratangaje kuvuga ko kujya mu Mpuzamashyaka irimo FDLR ari ikosa strategique, ariko ugatangaza ko ufite igisoda kitabaho mu gihugu kiriho gikorerwamo ubwicanyi n'ishimuta. Ibi njye nibyo nita ikosa strategique kuko ibyo FPR yaba yarakwemereye byose nkuko bigaragara kuri Rucagu, iriho igushyira mu mutego nk'uwo yateze Rucagu, itandukaniro rikaba ari uko Rucagu yabonye umwanya uhagije wo kuyikama naho aba bashobora kubona ingaruka zitari nziza ejobundi ihirimye batabonye umwanya uhagije wo kuyikama!! Mwibuke inyandiko yasotse ku rubuga rwa FPR igihe.com mu mpera z'umwaka ushize wa 2014 yemezaga ko LONI izihutisha iraswa rya FPR kubera imirambo yari imaze iminsi ireremba mu kiyaga cya Rweru.Iyi mvugo ikaba yerekana ko Kagame yaba yararangije kwereka amahanga ko iyi FDLR n'indi mitwe yishingira ayitirira Abahutu (nkuko abikora muri RDC na za Mai Mai ze ubu zigeze ku mitwe irenga 60) aribo nyirabayazana w'imirambo imaze iminsi igaragara muri Rweru, ibi kandi bikaba binagaragarira mu kwanga kwe ko habaho anketi kuri aya marorerwa kuko yamaze kwemeza abazungu ukuri kwe( nita ikinyoma).

Kagame ariho arifashisha imitwe itabaho n'indi ariho ashinga nkuko mubibona mu nyandiko iri hasi aha, ikigamijwe kikaba ari ukwereka amahanga ko UBWICANYI BWABAYE N'UBURIHO BUBA MU RWANDA ATARI FPR IBIFITEMO URUHARE YONYINE KUKO HARI IMITWE MYINSHI YITWAJE INTWARO!!!!! IBI ISHOBORA KUZONGERA KUBIKORESHA MU NKIKO IGIHE IZABA IRI MU MAPINGU.  

Aba bavuga ko bafite ingabo nabo se bazamera nka RUCAGU bavuge ko bababeshyera ku bintu biyandikiye cyangwa bacishije  ku maradiyo??

Nyiri amatwi wumva uzambere umugabo.

Icyitonderwa: hasi aha urahasanga inyandiko z'umwe mu Bacurabwenge ba Kagame, zivuga ko bagiye gushinga imitwe y'iterabwoba. Ndatangariza Agatsiko ibintu 2: icya mbere ni uko uyu mwuga wako w'urukozasoni ( dirty job)bita kuneka  twawukoze abenshi bataravuka, icya kabiri ni uko muri Shikama tukemera ko Inzira y'amahoro ariyo yonyine twifuza ko yakwirukana Kagame Pawulo na FPR mu Rugwiro, kandi igihe Abanyarwanda bazakangaukira bakumva umubabaro wabo bazabikora nta shiti.

NKUSI Yozefu

Shikamaye.blogspot.no

shikama ku kuri na Demukarasi(SKUD)

____________________________________________________________________________
Soma hasi aha 

Ubutumwa bwa mbere bwohererejwe Shikama

Bavandimwe muraho!

Maze iminsi nsoma Shikama kandi ndabashimira Analysis mukora kuko usanga mutibanda kuruhande uru nuru. Ikindi kandi bigaragara ko mukora uko mushoboye mugashakisha amakuru ya nyayo.  Ibyo nkaba mbibashimira.

Ikindi mbashimira ni uko muri bake babonye ingaruka n'ibibazo byazanywe n'ihindagurika ry'ubutegetsi mu Rwanda. Ibiriho Ubu bikaba birenze urugero kuburyo u Rwanda mu myaka 50 izaza tutazi aho ruzaba rugeze. Aha ndabashimira ko mutera intabwe mu buryo mwiyemeje.

Ngiye kuvuga byinshi wasanga ndondogora, ugasanga turiguta igihe cyacu. Gusa ndababwira ko image mufite y'uko ibintu byifashe mu Rwanda nanjye ariyo mfite.

Gusa ndashaka k'uvuga k'ubintu mbona ntemeranyaho namwe kandi mbona ari inzitizi zo guteza abanyarwanda imbere.

Ibyo ntemeranyaho namwe ni ibi:

1. Ibibazo by'abanyarwanda ntago ari FPR. ( FPR ni umuryango washizwe n'abanyarwanda bashakaga ubutegetsi bafashijwe n'abanyamahanga) kuri njye FPR ni igikoresho. Bivuzengo niba FPR ivuyeho bitazakemura ibibazo byacu , ahubwo hazavuka indi nayo izaza ari igikoresho. The question is Who is the problem? Aho kwica Gitera wakwica ikibimutera.

2. Gushyira hanze amabanga yose ( Ukuri)siwo muti w'ibibazo by'abana b'urwanda. muravuga muti ni byiza ko abanyarwanda bamenya ukuri. Ariko mwiyibagije ko " Toute la verite n'est pas bonne a dire" (nta francais mfitemuri computer) icyangobwa ni uko mwumva message shaka kubaha.

Kuko iyo urebye, ibintu mushyira hanze, byakangobye kuba bikurikizwa na actions kugirango bitongera kubaho. Ariko siko bimeze. Abasoma cyangwa abakurikira ibyo muvuga;abenshi ni abishyira mu gutwi kumwe,bigasohokera mu kundi. Which means for them, the information you have given to them is wasted.

Byari kuba byiza iyo byibura izo information zageraga kuri 5% z'abana babanyarwanda bishyize hamwe bashobora kuzibyaza inyungu.

Ahandashaka k'ubabwira ko muri abahanga mu gucukumbura no kubona amakuru ashyushye kandi akomeye( very important)

3.Mubona ko muri abahuza cyangwa abanywanyi babanyarwanda. Njye mbona muri Tools ( mu buryo mutabona) y'abanyamahanga( bagashaka buhake) mugukomeza umugambi wabo wo kwimakaza ibibazo mubanyafrica.  Kugirango ugerageze kubona ibyo mvuga hano, birasaba ko urenga k'umuranga mutima ukareba kure. Kandi muzi ko amateka agenda y'isubiramo. Uko bimeze kose, ibyo mukora hari abandi babikoze ,urugero natanga ni mu myaka 1990-1994. Havutse itangazamakuru ryavugaga ukuri, n'ayandi yavugaga ibitabapfu. Uko byagenze murabizi k'undusha.

iyo ndebye inyuma rero nsanga ikigihe turimo gisa neza na 1990-1993.

Mu nyumve neza, ndi umwe mubasoma Shikama buri munsi kandi ndayikunda pe, gusa ndagirango mbabwire ko there is another way, you could use your shikama to turn the page of Rwanda and others than you think.

Ntago narangiza ntashimiye uriya munyamakuru witwa Udahemuka Eric, kuko munyandiko ze ubona afite ubuhanga mugishyira hamwe inkuru ze.

Ntago nanditse iyi message, ngirango mbace intege,kuko sibyo ngambiriye, ahubwo ni ukugirango dutizanye imbaraga zo kureba ejo hazaza h'abana b'anyafrika. Kandi ngo ijya kurisha ihera kurugo. Ntago uzajya kuzimya umuriro wo kwa kananaka kandi nawe iwawe usize waka.

Ni mushaka ko dukomeza cyangwa tuganira, muzabwire tubikore.

Andreas H
___________________________________________________________________________

Ibyo Shikama yasubije

mahoro iwacu <mahoriwacu@gmail.com>	Feb 17 (6 days ago)
to Habiyambere

Muvandimwe Habiyambere,

uraho urakomeye?

Urakoze cyane kutwungura inama uretse ko tu n'as pas ete exlpicite mubyo uvuga ku buryo byarushaho kutwubaka! Urugero:

- uravuga ko amabanga yose atari ngombwa kuyasohora ahubwo  twayaha 5% z'abanyarwanda bishyize hamwe bashobora kuyabyaza inyungu. Abo bantu bari hehe? Ku rubuga rwacu hariho No za telephone,Fax n' aho tubarizwa, kuki abo uvuga nta numwe wakoresheje ibi mvuze ngo ahabwe ayo makuru ayabyaze inyungu?

- Ntabwo wavuze ukuntu turiho dutiza ba gashakabuhake( shikama irwanya urunuka) umurindi.

Komereza aho rero utugire inama kandi twashima kurushaho uramutse ugiye wandika inyandiko mu Kinyarwanda, Francais cyangwa Anglais igaca ku rubuga.

Ibihe byiza.

NKUSI Yozefu
________________________________________________________________________________

Ubutumwa bwa kabiri Habiyambere yoherereje Shikama

:

Murakoze k'unsubiza. Kandi nabonye mwanabinyujije kuri Online. Gusa nibagiwe kubasaba ko  mutabitangaza, online kuko nifuzaga ko tugirana discussion. Kuko ngo burya Ibuye ryagaragaye ntiriba rikishe Isuka. Ndagirango ngaruke ku bintu 2 wavuze  muri iyi email yawe:

1. 5% z'abana babanyarwanda. Okey, Ibyo aribyo byose ubu abanyarwanda bazwi barwanya ubutegetsi bwa FPR ni abakorera mu mashyaka ndetse na FDLR twakwita ko ifite ingabo. Abo bantu bakabaye bakoresha information munyuza kuri Shikama Or bakabaye bafite ishami rikusanya izo information bakazibyaza umusaruro.  Burya information nibwo bukungu, nibyo bitanga Power. Ukurusha information aba akurusha ubukire.

Muri abo 5% ndikuvuga , hari n'abandi ubu turimo kwisuganya ngo dutangire underground work yo kuvana FPR k'ubutetsi mu buryo bwa " smart" no kubaka u Rwanda rwacu rwejo hazaza ngo abana bacu bazabane mu rukundo n'ubworoherane.Si intwaro, si ugutukana , ntituri ishyaka , ntiturwanira ubutegetsi, our work is to bring down the tree from underground. Ntumbaze uti gute kuko igihe ntikiragera. Uti kuki mutaduhamagara ko dufite Tel: Fax..  Ibyo aribyo byose, ibyo umuntu akeneye k'umenya, muhita mubishyira online, none se naba nkuhamagarira iki kandi umpa information gratuit. Sinkuca intege, Gusa igihe nikigera dukeneye inkunga yanyu tuzababwira.

 Le problem is that we are very discret, kuko tudashaka ko hari ugirirwa nabi cyangwa  umuryango we ukagira ibibazo. Akaba ariyo mpamvu nifuza ko izi email zidashyirwa kuri online. Ntidukeneye kwiyamamaza, ntidukeneye abanyamuryango, abo dukeneye tugenda tubakura muri network yacu. icyangobwa ni uko uba uri inyangamugayo, ufite urukundo rukunda ikiremwa muntu. Kandi ukaba utarivanze mu macakubili n'intambara zaranze ibihugu byacu.Aha urumvako nkuhishuriye byinshi.

2. Impamvu nyamukuru nanditse iyi email yari ukubaha indi vision y'uko ushobora k'ubona shikama. Singaruka kuri version yanyu kuko niko mwayifashe.

Niba mwarosomye amateka y'abarabu muri west Africa, mugasoma k'umateka y'abami babayeho mbere y'umwaduko wabazungu, mugasoma amateka y'abazungu n'imikoronize y'Africa usanga ibintu byinshi bigenda bigaruka nk'uko amateka abigaragaza.

Niba mwarasomye neza, muzi umubare w'abana babanyekongo,Umwami "Leopord" w'ububiligi yiciye muri Congo? baruta kure umubare wa Kagame Paul. Umubare w'abana b'abagande biciwe mu ntambara z'ababereye i Bugande. None kuki abo bantu bishwe na Leopold batavugwa. kandi barazize ubwoko bwabo? Kuki mwe mutabavuga? Kuki mu vuga gusa aba Kagame? Kuki mutavuga abo Museveni yishe?

Muzi neza ko Ibihugu byacu bigifite bagashakabuhake twita ubu utuzina twiza ngo ni " abaterankunga". Bakaba baraduhaye ibyo twita ubwingenge bucagase kuko bakidutegeka. Ni hehe mu kindi gihugu byabaye ko ambassadeur afita ijambo ngo arigeneye abaturage? Muri make nziko muba mugihugu cyiza nka Norway, uko babayeho, uko bigenga, aho bakura ubukungu bw'abo n'uko bikoreshwa, byose murabizi. Mwigeze mubona aho ambassadeur waUSA aza akabwira abaturage ati mugomba gukora gucya.

None se ni iki twe twabuze ngo tumere nkabo?  Aho ikibazo kiri ni aha rero. 

Ni bangahe mu banyamakuru nkamwe babonye ko icyi ari ikibazo? ni bangahe bacyanditseho?

Ahubwo aho kugirango abanyamakuru bandike kuri iki kibazo, batatse umwirabura ngo noneho arajyahe ko USA imufite imigambi?Aha urabona ko bitworohera k'ubona problem za mugenzi wacu, tukirengagiza les problems z'abandi.Aha rero niho bagashaka buhake, abaterankuga bacu, baradukoresha k'uburyo indirect,mu gukwirakwiza akababaro, umwiryane, urwangano, hagati yacu. Ibyo kandi babikora kuko bazi ko igihe cyose tutumvikana hagati yacu bazahora baturi hejuru, batwereka aho dukora nabi, uko tugomba kubigenza nk'aho turi injiji.

Media rero ni imwe mu ntwaro, abaterankunga bakoresha kuko bazi uburyo ihindura imitekerereze n'imibereho y'abantu ( society). Akaba ariyo mpamvu usanga nta muzungu uhingutsa genecide y'abanyekongo yakozwe na Leopord. Ahubwo bose uzasanga bavuga iya Kagame.

Iyo bigeze muri Africa, rero duhita twemera ibintu byose tutabanje k'ubikorera analys ngo turebe nba aribyo. Ariko na none ntiwarenganya abanyafrica, kuko muri education twahawe nta nahamwe bakwigishije gukora critical analys. Ibyo batwigishije ni subiza "YEGO" cyangwa" OYA"

Usanga rero umwiryane wacu uturuka mukutabona ibintu kimwe niba wowe ubona White,njye nkabona" Black", ngomba gukora uko nshoboye nkagukura munzira kuko ubangamiye ibyo mbona which is "Black". Niba ari wowe ufite ingufu, urankuraho kugirango ibyo ubona aribyo abandi bagenderaho. Ariko mu bazungu, Iyo umwe abona White undi black, baricara noneho bose bagahuriza kuri yellow. Akaba ariyo bagenderaho. Ntawe uca inyuma ngo yivugane mugenzi we kuko batabona ibintu kimwe.  Ubu nkubwiye nti 1+1= 3 ntiwabyemera. Ariko shobora kubikorera demostration nkabikwereka. Kandi nabikweretse ntiwapfa kubyemera kuko ibyo bakwigishije ni 1+1=2 kandi nziko utigezeubaza mwarimu wawe uti Kuki 1+1=2

Abanyafrika, dukunda "easy solutions" ni ukuvuga ibintu bitworoheye, Akaba arinayo mpamvu ubona tudashobora gutera intabwe nini tugana imbere, kuko burigihe cyose, dushaka short cut, yokugirango tugere kubyo twifuza as fast as possible.

Uti none kucyi uvuga ko Shikama ari igikoresho cy'abagashaka buhake? Nkuko nabivuze haruguru, igihe cyose twirirwa tujombana ibikwasi, duterana amagambo,tuvuga kananaka uko yaraye uko yiriwe, uko yanga abahutu, abatutsi........ ni uburyo bufasha babaterankunga bacu gukomeza kudutera inkota ngo dukomeze duhore muri urwo ruboherane rw'ibibazo. None wabwira ute? ukuntu kuva muri 1959-kugeza uyu munsi tukivuga ikibazo hutu-tutsi? None ni inde ugiteza umurindi? Ni Shikama? ni Kagame? ni umuterankunga? ni Umuhinzi wiyicariye mu rutoki? ni inde? Wenda urashubije uti ni Umuterankunga? none se uwo muterankunga ni we wandika Online kuri Shikama? Unyumve neza, uru ni uruhande ngirango mutekerezeho. I am not accusing you to be the newspaper who is building the rwandan conflicts, but I want you to open another Eye and maybe you could find even a better way to use Shikama to become the freedom fighter not only for banyarwanda but for the whole region.  Aha ndagirango mutazagwa mu mutego nk'uwibindi binyamakuru kuko akenshi icyo biba bigamije ari inyungu. ( Amafaranga)

No one will help us end this rwandans problem,except us. Abaterankunga cyangwa bagashaka buhake bo bibatera inyungu. Urumva reroko batazigera bifuza ko birangira.  So n'iki Shikama ishobora gukora?

Ijoro ryiza , tuzakomeza.

PS: Not to be published.