Kigali ejo tariki ya 9/5/2015 yongeye kwibasirwa n'inkongi y'umuriro yahitanye amaduka 3 imari y'abayacururizagamo irashya iratokombera.Rugenera Mariko uyobora ikigo cy'ubuwishingizi cya FPR kimwitirirwa nka za ndege za Kagame zitirirwa Nshuti Manase yahise agera ahaberaga iyi nkongi abwira itangazamakuru ati:"Nta kundi byagenda, ni ko kazi k’ubwishingizi, ni cyo kwishingana bivuze"/NKUSI Yozefu

Inkongi z'imiriro muri Karitiye Matewusi hafi 

y'iposita

Kigali ejo kuri 9/5/2015 yongeye kwibasirwa n'inkongi y'umuriro yahitanye amaduka 3 imari y'abayacururizagamo irashya igratokombera. Ibi bikaba byarabaye mbere gato ya sa moya za nimugoroba. Urubuga igihe.com rukorera Leta y'Agatsiko ruratangaza ko mu gihe aya maduka yashyaga  bwana RUGENERA Mariko ngo nawe yari yaje kwihera ijisho maze ngo agira n'icyo atangariza abanyamakuru ku byariho biba:  "Nta kundi byagenda, ni ko kazi k’ubwishingizi, ni cyo kwishingana bivuze".  Natwe muri Shikama turongeraho tuti : " Ntacyo mvuze ntiteranya"

Kagame n'inkomamashyi ze zo ku Kimihurura ngo akazi ko guhiga abavuga ku bwicanyi bwabo bagiye kukimurira i Burayi n'Amerika: abanyarwanda bose bagomba gushirika ubwoba nka RUTAYISIRE Boniface n'IKONDERA Info bagaharanira ko UKURI gusimbura ikinyoma/NKUSI Yozefu

                                      Rutayisire Bonifasi aremeza ko yapfuye akazuka.

Ku buhamya Rutayisire Bonifasi atanga kuri iyi videwo, aremeza ko habayeho Jenoside yakorewe Abatutsi n'indi yakorewe Abahutu.

Uku kuri ni ko Kagame Pawulo n'Agatsiko barwanya bivuye inyuma. Turibuka uko byagendekeye Radiyo BBC nyuma yo gusohora filimu " Rwanda Untold story" tugenekereje " Ukuri mutamenye ku byabaye mu Rwanda". Rutayisire Bonifasi aratanga ubuhamya bufatika ku bwicanyi FPR yakoreye Abahutu kugirango Abatutsi babone amasambu baturamo ariko aranamagana jenoside yakorewe Abatutsi.

Tubatumikire: umusomyi wa Shikama aranenga Abahutu badasesengura neza ibibera i Burundi bakibasira perezida Nkurunziza Petero

Muraho benedata!Mbere na mbere mbanje kubasuhuza kandi mbashimira umurimo mwihaye wo kuvugisha ukuri ku bibazo by'igihugu cyacu kandi mukabikora musimbutse urukuta rudutanya arirwo amoko n'uturere. Ibyo nabashimira ni byinshi ariko reka ndase ku ntego: nanjye ndi umwe mubavuka ku babyeyi(umuhutu+umututsi).Maze iminsi nkurikirana ibibera i Burundi umunsi ku munsi abantu benshi cyane cyane abarwanya leta y'u Rwanda batutse Nkurunziza biratinda ko yishe amahame ya demokarasi.....ariko aho bigeze aha ntangiye kubona ko Petero Nkurunziza ashobora kuba yararebye kure ndetse akabona aho abahutu benshi batabashije kubona(abanyarwanda+abarundi).Dore impamvu:

UKO ZIMWE MU NTITI Z'U RWANDA ZIBONA IBINTU: " Akarengane gakorerwa umuturage- nyarucari/DAKOTA Venant

Iyangire nk'ingagi

Bwana Mag. Rwamapfa urarengera cyane. Kuva isi yabaho bamwe mu bantu bafite ubusembwa bagize amahirwe yo guhinduka ibihangange, ibuka ba Neron, Hitler, wa mwami w'i Rwanda wali waramaze abagore be abaziza ngo ko basambana! Ibi biterwa nuko Satani aliyo mwami w'iyi Si, bigatuma ikibi gikunze kugira imbaraga kurusha ikiza. Guhimbira umuntu ikinyoma bitambuka vuba kandi nta nkomyi kurusha kumuhembera icyiza yakoze. Ni ako kaga rubanda-isanzwe igwamo, alibyo usanga umututsi-nyarucali* azira ingoma ihendana y'umuntu Kagame; umuhutu nyarucali akazira ingoma z'abantu Kayibanda na Habyarimana! Abo ba nyarucali ntaho baba bahuliye n'udutsiko tulya ingoma, umwanya wabo uboneka gusa iyo ingoma isunduwe cyangwa se igeze mu bibazo, niho ubona babirukira babashakaho ubuhamya, amasinya cyangwa se ibitambo, bibagiwe ibyago abo birukirwa babayemo ntawubacira akanzu.

ITANGAZO: KU WA KABIRI TARIKI YA 12/5/2015 SHIKAMA IZATANGIRA GUKORERA KU RUBUGA RWAYO RUGEZWEHO " www.shikamaye.net" mushobora gutangira gusura ubu. Urubuga rusanzwe www.shikamaye.blogspot.no ruzajya rutambutsa INYANDIKO zo mu bubiko mukunda cyane/NKUSI Yozefu

Ni kenshi mwagiye mutwandikira mudusaba rwose gukora ibishoboka byose ngo mugire aho mutangira ibitekerezo byanyu. Mu kinyarwanda duca umugani ngo: Ujya kugaya impundu z'urushishi arureba imisaya". Shikama ikomeje gushima Imana ihoraho yagiye itugenda imbere ikatuyobora mu gukoresha ubusa busa twari dufite tukabagezaho inyandiko zikabakaba ubu 1400, tukaba twisegura ko twanifuzaga kubaha aho mutangira ibitekerezo nkuko mwabyifuzaga ariko bitashobotse kubera ikibazo cy'amikoro make nyine.

SHIKAMA YONGEYE KWAMAGANIRA KURE IKINYOMA CYA MINISITERI Y’UBUVUZI MU RWANDA: GUKEBA HAKORESHEJWE PREPEX SI UBURYO BWIZA BWO GUKINGIRA ABANYARWANDA SIDA/AIDS AHUBWO NI UBURYO BWIZA BWO KWINJIRIZA AMAFRANGA UMUHERWE KAGAME PAWULO/Nkusi Yozefu

Menya amabanga utari uzi ku bucuruzi bwa PREPEX

Byose byaturutse ku gitekerezo cya Leta Zunze ubumwe z’Amerika zishaka kugabanya amafranga zitanga hirya no hino ku isi mu rwego rwo gukumira kwiyongera k’ubwandu bw’umugera wa SIDA(HIV/AIDS). UNAIDS, umuryango ushamikiye kuri LONI ushinzwe kurwanya SIDA wemeza ko isiramura rikozwe neza rishobora kugabanya ubwiyongere bw’abantu bandura uyu mugera buri mwaka ku rugero rwa 60%. Amerika yasamiye uyu mubare hejuru maze isanga ko kuva muri 2009 kugeza 2015 haba hamaze gusiramurwa abantu b’igitsina gabo mu bihugu 14 , ngo ku rugero rwa 80% kandi ngo ibi bishobora  kurinda abantu bagera kuri miliyoni  4 ubwandu bwa SIDA. Amerika yasanze kandi kuva muri 2009 kugeza muri 2025 ishobora kuzigama miliyaridi hafi 21 z’amadolari ku kayabo yafashaga mu kurwanya SIDA hirya no hino ku isi.

INYANDIKO zo mu bubiko:Kagame yaba agiye gutera u Burundi na RDCongo, no guhungabanya umutekano wa Tanzania mbere ya 15 Ukuboza 2014/ NKUSI Yozefu

Iyi nyandiko yaciye kuri SHIKAMA bwa mbere kuri 12 Ukakira 2014

Kuva mu ntangiriro z’umwaka ushize wa 2013, Shikama yagiye ibagezaho inyandiko zinyuranye n’ibitero Kagame ariho ategura kugaba ku bihugu by’abaturanyi. Muri izo nyandiko zose nta n’imwe yigeze inyomozwa n’Agatsiko kandi kabifitiye uburenganzira, ibi bikaba byerekana  rero ko ibyatangajjwe na Shikama byabaga ari ukuri. Burya ngo guca mu ziko ntigushye, iryavuzwe riratashye rero: amakuru yizewe dukesha bamwe mu ntasi za Kagame, aremeza ko ngo FPR yaba igiye kugaba ibitero simusiga ku Burundi na RDCongo mbere y’itariki ya 15/12/2014. Hasi aha tukaba tubagezaho ibimenyetso nteguza by’ibyo bitero.

INYANDIKO ZO MU BUBIKO: Ko Paul KAGAME yavuze ko azategera perezida Jakaya Mrisho KIKWETE wa Tanzaniya ahantu hizewe akamukindura, none KIKWETE akaba ariwe utorewe kuyobora Afurika y'iburasirazuba, KAGAME arabyifatamo ate? Ese gukindura KIKWETE biracyashobotse? Ese hari isomo rya politiki KAGAME yakungukiramo?/ UDAHEMUKA Eric

Iyi nyandiko yahise kuri SHIKAMA bwa mbere kuri 27/2/2015

uturutse iburyo: ba Perezida Kagame, Kikwete na Kenyatta

Ubwo Kagame yari mu isabukuru y'Afurika yunze ubumwe, Kikwete yavugiye mu ruhame ko kugira ngo akarere k'ibiyaga bigari kagire amahoro, Kagame yashyikirana na FDLR naho Museveni agashyikirana na ADF-NALU. Perezida Museveni ntiyigeze atera hejuru ngo yamagane Kikwete ariko Kagame harakangaranye ageze i Kigali abura amahoro.

IPEREREZA.Iryavuzwe na Shikama riratashye : muri Isirayeli baremeza ko Pawulo Kagame yahawe amamiliyoni y’amadolari ngo Isirayeli ikoyorere mu Rwanda abimukira b’abirabura b'Abanyafurika idashaka kubona ku butaka bwayo/NKUSI Yozefu

Inkambi yo mu butayu bwa Neguev Isirayeli ifungiramo abimukira b'Abanyafurika mbere yo kubohereza
 mu Rwanda. Ubunyamaswa Isirayeli ikorera aha buherutse kwamaganwa n'urukiko
rw'ikirenga rw'iki  gihugu rusaba ko iyi nkambi yahita ifungwa

Shikama iherutse kwamagana yivuye inyuma igikorwa kigayitse cya Perezida Pawulo kagame cyo kwakira ku butaka bw’u Rwanda impunzi z’Abanyafurika ziba muri Isirayeli(soma iyo nyandiko hano). Impamvu yo  kubyamagana ya mbere yari umuetekano w’abanyarwanda n’akarere, icya kabiri kikaba ubuzima bubi izi ngorwa z’abanyafurika zizabaho mu Rwanda kurusha uko zari zimereye muri Isirayeli. Iyi mpamvu ya kabiri niyo yatumye umunyamakuru wa Jeune Afrique, Maxime Perez uri i Yeruzalemu yandika inkuru y’impuruza kuri uyu wa 6/5/2015  musanga aha yamagana ukuntu Isirayeli iriho ikura impunzi mu butayu bwa Neguev yabafungiyemo ikabajugunya mu gihirahiro mu Rwanda na Uganda.

IBITEKEREZO BY'ABANTU BANYURANYE KU BIBERA I BURUNDI. Dogiteri Gasana Anasitazi asanga nta tegeko Perezida Petero Nkurunziza yishe ahubwo uyu mugabo ari ku rugamba ahanganyemo n'Abatutsi bashaka gufata ubutegetsi ku ngufu bayobowe na Petero Buyoya uzwiho ubunararibonye n'uburambe mu gukora kudeta , nawe akaba abifashwamo na Pawulo Kagame nkuko byagenze kuri NDADAYE muri 1993

Dogiteri Gasana Anasitazi

Martin Bangamwabo,

Isesengura ukoze rihuje neza neza n'iryo Semahoro Byiringiro yakoze mu nyandiko ye yatangaje hano kuri DHR ko "Nkurunziza nta tegeko yishe". Nasabaga Byiringiro Semahoro ngo yongere ayidushyirireho kuko ibintu byakomeye! Nkuko nabyanditse hano kenshi Kagame na Museveni ntibigeze bishimira ishyirwa mu bikorwa ry'amasezerano ya Arusha y'abarundi kuko bituma amahanga ahora abashyiraho igitutu ngo no mu Rwanda habe isangira ry'ubutegetsi hagati y'abahutu n'abatutsi. 

Abicanyi ba Kagame Pawulo babigize umwuga " DASSO" bagejeje abaturage aho umwanzi ashaka/NKUSI Yozefu

Abicanyi ba Kagame Pawulo bitwa DASSO bica 

rubozo abaturage

Amahoro n'umutekano FPR yadukuriye muri Uganda kuri 1/10/1990!

 Kanda kuri iyo linki iri hejuru urebe bya bindi ubwirwa ko amahanga aza kwigira ku Rwanda!!

Abo ni abicanyi bashya ba Kagame bashyiriweho kwica rubozo abaturage. Kagame yasanze abitwaga Lukodefensi batarabikoraga neza abasimbuza abicanyi babigize umwuga bitwa DASSO. Imana niba ibaho nitabare u Rwanda.

NKUSI Yozefu

shikamaye.blogspot.no

shikama ku Kuri na Demukarasi(SKUD)

ISESENGURAMARI N'UMUTUNGO BYA LETA: AKUMIRO MU ICUNGAMUTUNGO RYA LETA Y'U RWANDA:«PEREZIDA Paul KAGAME YAGUZE RWIHISHWA INDEGE ZE BWITE EBYIRI ZO MU BWOKO BWA BOMBARDIER GLOBAL EXPRESS BD-700 KU GACIRO KA 102,400,000,000 FRW(MILIYARI IJANA N'EBYIRI NA MILIYONI MAGANA ANE Z'AMAFARANGA Y'U RWANDA). IZI NDEGE ZIPARIKA MURI AFURIKA Y'EPFO, ABATEGETSI BOSE B'U RWANDA IYO BAGIYE MU MAHANGA NIZO BATEGETSWE KUGENDAMO LETA Y'U RWANDA IKISHYURA PAUL KAGAME»/ UDAHEMUKA Eric

Indege Kagame Pawulo yaguze amafranga agera kuri 102,400,000,000
Miliyaridi ijana n'ebyiri na miliyoni magana ane z'amanyarwanda!
Ese igihe kizagera abwire abanyarwanda aho aya mafaranga yavuye??

Dr. NKUSI Yozefu dukorana hano kuri SHIKAMA niwe ujya ukunda kwitabaza imvugo y'abakurambere bacu mu Rwanda aho bagize bati:«N'UWENDEYE NYINA MU NYENGA YARAMENYEKANYE!» Ikintu gitangaje cyerekana ko abanyarwanda kuva cyera twifitemo abahanga ni uko iyi mvugo yadutse ikoranabuhanga ritarabaho.

Urubuga rw'abasomyi: TWAGIRAMUNGU FAWUSITINI N’ABO BAKORANA BAREKE GUFATA ABANYARWANDA NK’ INJIJI/ KAYITARE James na UWIMANA Jean de Dieu

                                         Twagiramungu Fawusitini avugira abicanyi ba RPF

                         ko bica impunzi zirenga 5000 i Kibeho muri 1995 birwanagaho kandi                                                                               abasaba gukomeza igikorwa cyabo

Ikiduteye kwandika iyi nyandiko ivuga kuri Twagiramungu (Rukokoma) ni ukubera  ko hari inyandiko nyinshi  zimaze igihe zica ku mbuga za interineti zivuga kuri uyu munyapolitiki n’abo bahanganye. Iheruka ikaba ari iyo Dogiteri Nkusi Yozefu yasohoye  ku rubuga www.shikamaye.blogspot.com aho yasubizaga abakomiseri ba Twagiramungu Fawusitini. Dogiteri Nkusi yarangije atangaje ko atazongera kugira icyo avuga kuri uwo mugabo, ariko aha rugari abasomyi b’urubuga « Shikamaye » bashaka kugira icyo bamuvugaho (Rukokoma). Ni muri urwo rwego rero  natwe twifuje kugira icyo  tuvuga ku ngingo eshatu   muri nyinshi abashyigikiye  Twagiramungu bakoresha bamuvugira. Izo ngingo zikaba ari izi zikurikira :

ISESENGURAMVUGO, UMUCO NA POLITIKI: «NAYIGIZIKI Saveriyo wanabaye umunyamabanga w'umwami MUTARA III Charles Leon Pierre RUDAHIGWA baramubajije bati bite ko utahunze kandi ingoma ya cyami yakuweho? Nawe arabasubiza ati:«Iyo ingoma zihinduye imirishyo, urahunga cyangwa ukayoboka bityo nahisemo kuyoboka!!!»»/ UDAHEMUKA Eric

Igihugu cyacu u Rwanda cyibarutse intiti, cyibyariye inararibonye, abahanga bo mu ngeri zinyuranye, abasizi, abakaraza kabuhariwe, abategetsi beza/babi mu bihe byabo(...) ku buryo n'abagereki bavuga ko babyaye abafilozofe(abatyazabwenge) iyo biza kuba nk'ibishoboka tukajyana mu ipiganwa natwe abanyarwanda twari kubahiga ndabarahiye!

TALIKI 03 GICURASI, UMUNSI NGARUKAMWAKA MPUZAMAHANGA W'UBWISANZURE BW'ITANGAZAMAKURU: «R.S.F IRIZIHIZA ISABUKURU Y'IMYAKA 30 IVUTSE MU GIHE MU RWANDA AGATSIKO GAKOMEJE KUNIGA ITANGAZAMAKURU AHO UBU IKINYAMAKURU INGENZI CYA NSENGUMUREMYI Ephrem CYAFUNZWE AZIZWA KWANDIKA KU BIBAZO BIRI MURI A.D.E.P.R BYATEWEMO NA F.P.R»/ UDAHEMUKA Eric

Ku italiki 03 Gicurasi 1985 i Paris mu Bufaransa nibwo havutse umuryango witwa REPORTERS SANS FRONTIÈRES / REPORTERS WITHOUT BORDERS cyangwa umuryango w'abanyamakuru batagira umupaka tubishyize mu Kinyarwanda. Mu ishingwa ry'uwo muryango icyari kigamijwe ni uguharanira ko abanyamakuru bagira uburenganzira mu mwuga wabo.

Mu mukino w'amakofe w'akataraboneka wabereye i Las Vegas kuri uyu wa 3/5/2015 muri USA , umunyamerika Floyd Mayweather yatsinze umunyafilipine Manny Pacquiao. Reba uko byari byifashe mu mafoto/Nkusi Yozefu

Mayweather akubita igipfunsi Pacquiao

Mu rukerera none tariki ya 3/5/2015 umukino w'amakofe wari utegerejwe cyane wagombaga guhuza ibyamamare bibiri: Floyd Mayweather w'umunyamerika na Manny Pacquiao w'umunyafilipne, wabereye ku kibuga MGM Grand i Las Vegas muri USA  nkuko byari biteganyijwe. Abakinnyi barangije rawundi (Round) cumi n'ebyiri ntawe utsinze biba ngombwa ko habarwa amanota, nyuma  haza gutangazwa ko umunyamerika atsinze.  Reba hasi aha mu mafoto uko ibintu byari byifashe.

Faustin Twagiramungu : quand les nostalgiques de la ‘suprématie Kiga’ le traitent de tous les noms!/Source: RDI Rwanda Rwiza Website

Posted on May 1, 2015, by Admin

Dans un article publié en date du 17/04/2015 sur www.shikamaye.blogspot.com, le Dr Nkusi Joseph s’en prend avec véhémence à certains Commissaires du parti politique RDI Rwanda Rwiza qui, dans divers écrits publiés par le blog www.veritasInfo.fr, ont dû démentir ses allégations mensongères concernant l’action politique de Faustin Twagiramungu, Président de ce parti. Tout porte à croire que, pour des raisons obscures, le Dr Nkusi aurait épousé les thèses des BAKIGA extrémistes, selon lesquelles les politiciens BANYENDUGA, Twagiramungu en tête, sont des traîtres ayant vendu le Rwanda au FPR-Inkotanyi.

Faustin Twagiramungu : quand les nostalgiques de la « suprématie KIGA » le traitent de tous les noms!/ Source: VERITAS INFO

Publié le 2 mai 2015 par veritas

                                                      Faustin Twagiramungu

Dans un article publié en date du 17/04/2015 sur www.shikamaye.blogspot.com, le Dr Nkusi Joseph s’en prend avec véhémence à certains Commissaires du parti politique RDI Rwanda-Rwiza qui, dans divers écrits publiés par le blog www.veritasInfo.fr, ont dû démentir ses allégations mensongères concernant l’action politique de Faustin Twagiramungu, Président de ce parti. Tout porte à croire que, pour des raisons obscures, le Dr Nkusi aurait épousé les thèses des BAKIGA extrémistes, selon lesquelles les politiciens BANYENDUGA, Twagiramungu en tête, sont des traîtres ayant vendu le Rwanda au FPR-Inkotanyi.

FPR imaze iminsi ikwiza ikinyoma muri Kigali ko Lt. Gen. Charles KAYONGA ambasaderi w'u Rwanda mu Bushinwa afunzwe kugira ngo bahume amaso itangazamakuru ritabwira isi ko ba minisitiri MUSHIKIWABO Louise na MUSONI James bari mu ruzinduko mu Bushinwa mu mugambi mubisha wo kugura intwaro zo gutera u Burundi no kuzana amarozi yo gukwiza mu mpunzi z'abanyarwanda ziba mu mahanga zanze kuyoboka ikinyoma cya KAGAME na FPR/ UDAHEMUKA Eric

Jenerali Karoli Kayonga

Muri Gashyantare 2014 nkiba mu Rwanda nanditse inkuru ndende mu kinyamakuru ISIMBI nari mbereye umwanditsi mukuru maze nyiha umutwe ugira uti: «Lt. Gen. Charles KAYONGA agizwe ambasaderi mu Bushinwa nyuma ya penetensiya» Iyo nkuru uwazayishaka azajye muri archives za MHC azayisoma.

«URUKUNDO RUTARYARYA KANDI RUDACOGORA NICYO KINTU CYONYINE KURI IYI SI GIHESHA UMUTIMA W'UMUNTU GUTURIZA IMBERE Y'IMANA»: Ifatanye natwe kuzirikana ijambo ry'Imana kuri iki cyumweru cya gatanu cya PASIKA mu mwaka wa Liturujiya-B, taliki 03 Gicurasi 2015: Isomo rya mbere. Ibyakozwe n'intumwa: 9,26-31 Isomo rya kabiri: Ibaruwa ya mbere ya Yohani: 3, 18-24. Ivanjili: Yohani: 15,1-8./ Padiri Tabaro

                                          Yezu avuma igiti cy'umutini kiteraga imbuto

                                                 Igishushanyo cyo mu Misiri muri 1684

Amasomo liturujiya yatugeneye uyu munsi arasa n'asubiza ikibazo kigoye isi yose kukibonera umuti uhamye:«KUKI URUKUNDO RWABUZE MU BANTU RWAGIYE HE???» Kubera ko tubirebera mu gihe cyacu, haba ubwo tugwa mu mutego tukibwira ko ababayeho mu bisekuru n'ibinyejana byabayeho mbere yacu bari muri paradizo.

Amakuru yo muri Tanzaniya: 1) Ejo kuri 1/5/2015 Diamond Platinum yerekanye ko acuditse na Zari mu gitaramo White Party cyari cyateguwe n'uyu mugore i Dar es Salaam.2 ) Kikwete agiye kongera imishahara y'abakozi kandi ntazarenza n'umunsi n'umwe ku ntebe y'ubuperezida yicayeho/NKUSI Yozefu

Diamond Platinum aherutse guhamagazwa mu nama y'umuryango irimo nyina, bashiki be , nyirarume, n'inshuti ze. Ikibazo nyamukuru kwari ukumubaza niba inda umuherwe w'umugandekazi Zari atwite ari iye koko. Diamond yemeje ko nta gushidikanya inda ari iye kandi ko azabibereka mu munsi mukuru wariho utegurwa n'uyu mukunzi we i Dar es salaam bita "White Party " imeze nka wa wundi Agatsiko kajya gategura kita "Dinner en Blanc". Ejo rero kuri 1/5/2015 niho Diamond yasesekaye muri uyu munsi mukuru, agatoki ku kandi na Zari wiyita Zari the lady Boss, tugenekereje mu kinyarwanda ni " Zari umugore w'umuherwe". Reba hasi ku mafoto uko byari ibicika mu gitaramo

ISESENGURAMVUGO N'UBUHANUZI: Alias Matabi ati : «RDF izohereza ingabo bazimarire Kibumba na Rutchuru, RDC ishyireho umupaka M23-RDF itazemererwa kurenga mu gutera RDC, Paul KAGAME ingabo azaba asigaranye azazohereza gufunga(gukumira) ku mipaka ku buryo azasigarira aho maze akicwa ari nta kirengera afite»/ UDAHEMUKA Eric

Umusore ushobora kuba aba mu mpunzi z'abahutu baciriwe mu mashyamba ya RD Kongo, hari ubuhanuzi Imana yamuhaye bufite iminota 23 n'amasegonda 59. Muri ubu buhanuzi avugamo ivuka rya M23 n'uburyo umugambi wo gutangiza uyu mutwe w'inyeshyamba wacuriwe i Kigali muri FPR. Muri byinshi ntarondora yavuzemo, muri iyi nyandiko ndagaruka gusa ku bikubiye mu mutwe mpaye iyi nyandiko kuko bihuye neza neza na politiki iri mu karere k'ibiyaga bigari.

Nyuma yo gukona Abahutu ngo batororoka, bikaba bizwi ko hari abagore bagiye bagirwa ingumba kwa muganga mu ibanga, ubu noneho byabaye ku mugaragaro aho umuhutukazi utwite yakubitiwe kwa muganga na muganga amuziza ko ngo yatwise ari umuhutukazi; umugambi mubisha wa Kagame Pawulo uriho urashyirwa mu bikorwa!!!!

Inyeshyamba Kagame Pawulo wibeshya ko ashobora gutsemba Abahutu
akabamara ku isi

Ya magambo Kagame yajyaga avuga muri za 1990s yerekana ko ubwoko bw'abahutu bushobora gushira burundu nubwo ari nyamwinshi ariho arashyirwa mu bikorwa. "Umufuniko w'icupa ushobora kuvida ingunguru ya rubariro", " sinkomoka muri nyamuke, turi ba nyamwinshi". Aya ni amwe mu magambo yerekana ko Abahutu batagomba gukomeza kwiratana ubwinshi bwabo, ko igihe kimwe ashobora gukora ibishoboka bakibona babaye ba nyamuke. Hasi aha murahasanga inkuru ibabaje y'umugore utwite wagiye kwa muganga ngo basuzume inda ye nk'undi mugore wese utwite, maze muganga akamwahuka agakubita amuziza ko ngo yatwise ari umuhutukazi bikaba byamuviriyemo gupfa!!!?  Ibi bibaye nyuma y'ibikorwa by'ubugome byagiye bigirirwa abagore mu bitaro bya Kigali, aho umuforomokazi yihereranye kenshi abahutukazi bagiye bamusanga ngo abavure akabatera urw'ingusho cyangwa akabakorera ubundi bugome butuma baba ibimuga burundu,kandi akabyigamba Leta ntigire icyo ikora. 

Nkurikije ibimaze kwandikwa n'ikinyamakuru IMIRASIRE.COM gikorera i Kigali, ubanza mu mubonano wabo i Butare uheruka, ba perezida NKURUNZIZA Petero na KAGAME Pawulo barananiwe kumvikana ku buryo uwavuga ko mu minsi mike hagati ya Kigali na Bujumbura intambara yeruye igiye kurota igashwanyaguza utu duhugu tubiri dukennye cyane ataba yibeshye/ UDAHEMUKA Eric

NINDE MUNYAKINYOMA?

Kuwa mbere, taliki 27 Mata 2015, ikinyamakuru IMIRASIRE gikorera i Kigali cyazindukanye inkuru ifite umutwe ugira uti:

«Mu Burundi haravugwa abarwanyi ba FDLR bambitswe imyambaro ya gipolisi barwanya abamagana manda ya gatatu ya Perezida Nkurunziza»

INYANDIKO ZO MU BUBIKO: POLITIBALL:Ese hari icyo wari uzi kuri aya makipe: Rukokoma Victory Club Twagiramungu F. abereye Kapiteni n’Amakaramu Maremare Politiball Club Kagame P. abereye Kapiteni?/ NKUSI Yozefu

Ese aho abakomiseri ba Rukokoma bigeze basoma iyi nyandiko yahise kuri shikama kuri 9/8/2014?

Abakapiteni bombi

Igihe Twagiramungu Fawusitini( Rukokoma) yari amaze kwivumbura akegura mu butegetsi bw’agatsiko muri 1995, umuntu yabashije kungezaho ikinyamakuru cyandikirwaga mu Rwanda icyo gihe ntakibuka neza izina ryacyo.  Umunyamakuru w’inyandiko yavugaga ku kwegura kwa Rukokoma n’ingaruka kuzagira ku butegetsi bw’Agatsiko,  yagize ati: « Twagiramungu ubu ariho aragenderera amahanga  asobanura impamvu ananijwe akegura, ubu akaba ageze muri Afrika y’Epfo, guverinema y’ubumwe yitege imipira yo mu kirere y’uyu munyapoliti mu gihe kiri imbere».

Umusomyi wa Shikama arasanga kugaba igitero kuri FDLR n'impunzi irinze ari umugambi wa ILLUMINATI ariko uzahitana abawucuze.

Iyi nyandiko yahise bwa mbere kuri Shikama kuri 13/8/2014

Ishusho ya illuminati iri i London mu Bwongereza

Njyewe nk’umuntu wemera Imana hari ibintu turimo guhishurirwa muri iyi minsi byari byarabaye urujijo ariko noneho biragenda bisobanuka. Mushobora gusanga mubiziho cyangwa akaba ari ubwa mbere mubyumvise. Gutyo muratahura cg muzatahura impamvu Kagame na M7 bakomeje kwigira akari aha kajyahe mu biyaga bigari. Ibi byose biri kuba hari ikibiri inyuma aricyo Illuminati kandi USA na biriya bihugu by’iburayi bari muri iriya Illuminati ariko bagakorana hagati yabo baryaryana. Gutyo USA bimaze kumenyekana ko ariyo yashyizeho Al Qaeda ariko bikaba byari mu mugambi wo kujya kurwanya abayisilamu mu kiriya gice cya Asie Mineure.

IBARUWA IFUNGUYE AMASHYAKA YA OPOZISIYO N’AMASHYIRAHAMWE NYARWANDA YANDIKIYE INAMA ISHINZWE AMAHORO KW’ ISI N’IBIHUGU BIGIZE ONU, UE, UA, SADC, IBASABA KO HABAHO GUHA AGACIRO KANGANA, ABAHUTU BAROKOTSE JENOSIDE HUTU N’ABATUTSI BAROKOTSE JENOSIDE TUTSI/Dogiteri Gasana Anasitazi na Bwana Rutayisire Bonifasi

Bruxelles, taliki ya 17/12/2014

-          Nyakubahwa Umukuru wa leta w'imwe muzigize Umuryango w'Abibumbye ONU (Bose)

-          Nyakubahwa Umwe mu bagize Inama Ishinzwe Amahoro kw’Isi mu buryo buhoraho (Bose);

-          Nyakubahwa Munyamabanga Mukuru w’Umuryango w’Abibumbye (UN/ONU);

INYANDIKO ZO MU BUBIKO: NYUMA YO GUHINDURA ABAHUTU IBYO NTAZI BITAGIZE ICYO BIVUZE, NYUMA YO KWIRARA MU BATUTSI AGAFUNGA, AKICA, AKANASHIMUTA UBU AKABA YADUKIRIYE N'ABATUTSIKAZI BAKOMA UBUMWE N'IBIKOMEREZWA BYAMWICAJE MURI VILAJE URUGWIRO, PEREZIDA Paul KAGAME AHO BIGEZE MURI SHIKAMA TURABONA AMEZE NKA YA NKUNGUZI Y'INKWARE ISHOKA IMBEREBERE (AGACA) KAYIREBA!!! / UDAHEMUKA Eric

Ifungwa rya Colonel Tom BYABAGAMBA rishobora kuba rigiye gutuma byose mu Rwanda bihinduka FPR ya Kagame igasandara. Ikintera kuvuga ntya ni uko cyera cyari ikizira gufunga umubyeyi, umugore cyangwa umutegarugori.

Kuri Kagame nta mutima w'urugo:

Mu bihugu byose byo ku isi, umugore niwe mutima w'urugo, mu bihugu by'abayisilamu ho hari ibyo umugore aba atemerewe akenshi ubisesenguye atari ukumwanga cyangwa kumutsikamira ahubwo ari ukurinda cya gicumbi cy'umuryango abumbatiye. Kuri Kagame rero nk'uko kitazira guha umugore inshingano ziremereye urugo rukazahara, nta n'icyo bitwaye kumufunga umugabo n'urubyaro bagahobagira kuko urugo rutarimo umugore ntacyo ruba rumaze kandi n'iyo rwakimara, ruba rubuzemo ikintu cy'agaciro ntagereranywa.

Madamu KANTENGWA Angélique uherutse gufungwa yahoze ayobora isanduku y'ubwiteganyirize bw'abakozi mu Rwanda yari izwi ku izina KIMENYABOSE rya KESE SOSIYALI nyuma FPR ikayihindura izina ikayita RSSB (RWANDA SOCIAL SECURITY BOARD) hagamijwe kuyisahura bakayeza. Ubu Kantengwa mbere yo kumufunga babanje kumwirukana nk'abirukana umuboyi ukora mu gikoni dore ko aribo batagira amategeko abagenga.

INYANDIKO ZO MU BUBIKO: IRYAVUZWE NA SHIKAMA RIRATASHYE : PEREZIDA Paul KAGAME AMAZE GUTEGEKA INTEKO ISHINGA AMATEGEKO Y’U RWANDA IMITWE YOMBI GUHAGARIKA BURUNDU AMASEZEREANO GUVERINOMA Y’U RWANDA YAGIRANYE N’UBWONGEREZA ATUMA RADIYO B.B.C NA TELEVIZIYO B.B.C BYUMVIKANA MU RWANDA/ UDAHEMUKA Eric

Intore za Pawulo Kagame zifatanwa ibyuma byo gutera abakongomani bari baje
 kwamagana shebuja i London mu Bwongereza , 20/10/2014

Mu nkuru SHIKAMA twabagejejeho yarebanaga n’umuhango w’irahizwa rya Perezida wa Sena Dr MAKUZA Bernard twagarutse ku ijambo ryavugiwe ku Kimihurura mu ngoro y’nteko ishinga amategeko na Perezida Paul Kagame.

INYANDIKO ZO MU BUBIKO: Omar Bechir perezida wa Sudani kwizirika ku ntebe y’ubutegetsi mu rwego rwo guhunga ubutabera nka Kagame Pawulo w'u Rwanda/NKUSI Yozefu

Omar Hasssan Ahmad Al Bashir, prezida wa 7 wa Sudani yavutse kuri 1/1/1944. Yafashe ubutegetsi akoze kudeta muri 1989 yahiritse uwari umukuru w’igihugu Sadiq al-Mahdi. Amaze gutorerwa kuba prezida wa Sudani ubugira gatatu mu matora abenshi bemeza ko yarimo ruswa n’igitugu. Ku itariki ya 4/3/2009 Perezida Bashir yabaye perezida wa mbere ushakishwa n’urukiko Mpanabyaha Mpuzamahanga rukorera I La Haye mu gihugu cy’Ubuholande ashinjwa ubwicanyi, gufata ku ngufu abagore n’abakobwa, no gusahura byose byakorewe mu ntara ya Dar Fur kuva muri 2003, LONI ikaba yemeza ko iyi ntambara imaze guhitana abantu barenga  ibihumbi magana atatu(300,000) b’abasivile ariko Leta ya Sudani yo ikaba yemeza ko hapfuye gusa ibihumbi cumi(10,000)

INYANDIKO ZO MU BUBIKO.. Kagame afitiye gahunda ndende abanyarwanda: Abamukuye Uganda azabatsembera mu mahanga aho bamuhungiye nka Karegeya, naho abamutoye abakoze isoni!/NKUSI Yozefu

Iyi nyandiko yaciye bwa mbere kuri Shikama kuri 12/1/2014

Kagame Pawulo

Mu ngirwa masengesho yahuje abategetsi b'Agatsiko na bamwe mu bayobozi b'amadini barangajwe imbere n'umwidishyi Rutayisire  yabereye muri Serena Hoteli none kuri 12/1/2014, Kagame  yabaye nka wa musazi ati ibyari inama bibaye isoko. Nuko ibyari amasangesho abasenzi  bagezwaho gahunda ndende yo gutsemba abanyarwanda.  Kagame yerekanye ko abanyarwanda bagiye kukabona niba badahagurutse ngo bamwivune mu maguru mashya. Yavuze ko ari igihe gito gisigaye abari hanze bose badahumeka umwuka wa FPR we yita abanzi b'igihugu akaba amaze kubatsemba. Yabisubiyemo no mu cyongererza ati: " It is a matter of time". Ni nako kandi abari aho bamuhaga amashyi y'urufaya!

IBYO MU 1959 MU RWANDA BIHURIYE HE N’IBY’UBU?

Dogiteri GASANA Anasitazi

Nyuma y’imyaka 55 (1/11/1959) mu Rwanda habaye imyivumbagatanyo(revolution) yo gukuraho ingoma ya Cyami, ubu mu 2014 umuntu yakwibaza ati ese ibyo turimo ubu n’ibyo mu 1959 hari aho byaba bihuriye? Igisubizo ni uko hari aho bihuriye rwose.

Nta gucika intege no kubura ibyiringiro kuko Afurika muri iyi minsi ikomeje kubona abatanga isomo ntangarugero muri demukarasi: Perezida Thomas Bony Yayi ntazahatanira indi manda/ UDAHEMUKA Eric

Perezida Thomas Bony Yayi arahirira kuzategeka Benin

Muri iyi minsi umuyaga w'impinduramatwara muri Afurika uravuza ubuhuha. Bamwe warabahitanye usiga ubambitse ibara barimo Mubarak, Khaddafi, Compaore. Bamwe waberetse ko bagomba kugenza macye ko ikizaba imbere kidafurutse barimo Kabila Kabange wa RD Congo na Nkurunziza w'u Burundi.

ABANYEPOLITIKE BACU BATEYE IKIGONGWE.Umuturage w’i Bujumbura aganira na Shikama kuri 25/4/2015/Nkusi Yozefu

Nkurunziza Petero azahagararira CNDD/FDD mu matora yo muri Kamena 2015
Igihe U Burundi buzaba butora umukuru w'igihugu

Impaka zirashize Nkurunziza Petero agiye kwiyamamariza manda ya gatatu yavugishije Abarundi amangambure. Muby’ukuri ntacyo amashyaka atavuga rumwe na leta y’ishyaka riri ku butegetsi atakoze kugirango Nkurunziza Petero atiyamamariza bwa gatatu kuyobora u Burundi. Ibihugu byinshi byo ku isi nabyo birangajwe imbere na Leta Zunze ubumwe z’Amerika byakoze uko bishoboye ngo bigondonze Nkurunziza kugirango atiyamamaza ariko biba iby’ubusa. Imiryango Mpuzamahanga nayo yashyizeho akayo aho kumvwa inama zayo  abenshi barahambirizwa birukanwa ku butaka bw’u Burundi shishi itabona!

Pawulo Kagame yeretse Petero Nkurunziza ko amurusha gukina amakarita: UBWOKO n’UBUHUNZI si ibigarasha nkuko Nkurunziza yabikekaga!/NKUSI Yozefu

Kagame na Nkurunziza mu kibuga

Mu nyandiko mperuka kubagezaho navuzemo iby’umugabo Nikola Machiaveli uhamya  mu gitabo cye « igikomangoma» ko inzira zose zikoreshwa kugirango ubutegetsi bugerweho kuko iyo wamaze kubucakira intebe wicayeho ariyo isobanura inzira wanyuzemo: ni ukuvuga ubwicanyi n’andi manyanga wakoresheje yose bikitwa ubutwari. Pawulo Kagame nawe akunda gushimangira iyi mvugo ya Machiaveli muri za disikuru ze zose  aho yerekana ko ari akamana k’i Rwanda n’ubwoko bumwe bwo mu karere adahari iki gihugu kitabaho n’ubwo bwoko bikaba uko. Ariko muri izi mvugo ze z’urukozasoni usangamo ijambo «kwica» rigaruka kenshi, anyuzamo agashyiramo n’imikino ngo abamwumva batarushaho guhahamuka. Ni muri urwo rwego yigisha abanyarwanda ubwoko bw’amakarita: Amaturufu yisanishaho n’Ibigarasha asanisha ku batemera kuba Abidishyi be.

Mu gihe maneko wa Kagame umutekamitwe kabuhariwe Paul GITWAZA MUHIRWA amaze kwirukanwa burundu ku butaka bwa USA n'ubuyobozi bukuru bw'ubutasi CIA, Vatikani nayo ikaba imugera amajanja, agiye gutura i Bujumbura ngo agire uruhare rutaziguye mu ntambara Kagame arimo gutegura ku Burundi/ UDAHEMUKA Eric

Hari abantu 5 mu Rwanda twayobewe imikorere yabo n'imbaraga zibakoresha aho ziva: Uwa mbere ni Paul Kagame umaze imyaka 20 iyinga 21 ategeka igihugu kandi yaramaze abantu n'ubu akibamara ariko ntihagire ukopfora. Uwa kabiri ni Tony Blair wavugiye muri Serena i Kigali ko akunda Kagame kuruta n'uko akunda umugore we n'umwana we.

VATIKANI:«Ubutegetsi bw'Ubutaliyani buremeza ko bumaze kuburizamo igitero simusiga cyagombaga kwibasira VATIKANI kigabwe n'umutwe w'iterabwoba wa Kiyisilamu ukorana bya hafi na Al Qaïda» Source : RFI-PARIS/ UDAHEMUKA Eric

I Vatikani: Aho hirabura ni urubuga rwittiriwe Mutagatifu Petero

Mu bihe byo hambere tukiri abana muri za '85-90 ndibuka ko ahantu nko kwa furere, mu rugo rw'ababikira, kwa padiri, imbere mu Kiliziya,...mu myumvire yacu wumvaga ari ahantu hatagatifu, hakomeye, ku buryo abahinjira bose baba batuje kandi ku buryo uhageze ari mu kaga ahita aruhuka, ndetse ko nta watinyuka kuhakorera ikibi cyangwa ikizira!

«PETERO WUZUYE ROHO MUTAGATIFU, ARASOBANURIRA ABATWARE B'IMIRYANGO UKO IKIREMA CYONGEYE KUBA GITARAGA KUBERA IZINA RYA YEZU KIRISITU W'I NAZARETI WAZUTSE AKABA UMUSHUMBA. MWIZA»: Ifatanye natwe kuzirikana ijambo ry'Imana ku cyumweru cya kane cya PASIKA mu mwaka wa Liturujiya-B, taliki 26 Mata 2015: Isomo rya mbere. Ibyakozwe n'intumwa: 4,8-12 Isomo rya kabiri: Ibaruwa ya mbere ya Yohani: 3, 1-2. Ivanjili: Yohani: 10,11-18.

Yezu akiza ikirema

Kuri iki cyumweru, Kiliziya y'isi yose turifatanya mu isengesho ryo gusabira ihamagarwa ry'abiyegurira Imana n'abasaseridoti. Intego y'uyu muhamagaro inahuye neza neza n'ubutumwa Petero atanga mu gitabo cy'ibyakozwe n'intumwa aho, yuzuye Roho Mutagatifu, asobanurira rubanda uko Yezu yakijije ikirema kikaba umuntu mutaraga.

Ihurizo: nyuma y'aho umuhanzi WEMA SEPETU wo muri Tanzania atangarije ko adashobora kubyara, hari abaganga n'abapfumu bagera kuri 26 babujijwe gusinzira n'umusonga w'uyu muhanzi bakaba biteguye kumufasha kubona urubyaro. Umva aho ihurizo riri/ Nkusi Yozefu

Nyuma y'aho umukinnyi wa filimi akaba yaranabaye nyampinga wa Tanzania, Wema Sepetu atangarije ko adashobora kubyara hari abaganga babyigiye (dogiteri) n'aba gakondo( abapfumu) bagera kuri 26 bamaze gutangaza ko bashobora kumufasha kubona umwana. Aba baganga bandikiye ikinyamakuru Mpekuzi Huru gisomwa cyane muri Tanzania bagisaba ko cyabahera nimero yabo ya Telefoni uyu mukobwa akabatelefona.  Umwe muri bo yavuze ko abagore bahangayikishwa n'utubazo tudafatika twabonerwa umuti ku buryo bworoshe

Bwana Julien PALUKU, guverineri w'intara ya Kivu ya ruguru kuri iyi taliki 23 Mata 2015 yemeje ko ingabo nyinshi za Paul KAGAME zongeye kwabuka umupaka zivogera ubusugire bwa Repubulika Iharanira Demukarasi ya Kongo/UDAHEMUKA Eric

Igisoda cya Pawulo Kagame(RDF) mu burasirazuba bwa RDCongo

Mu makuru yo mu gitondo kare ku italiki 23 Mata 2015, radiyo y'abafaransa yitwa RFI yatangaje ko ifite amakuru yizewe yemeza ko ingabo z'u Rwanda zongeye kuvogera ku mugaragaro ubusugire bwa RD Kongo.

Abasomyi ba Shikama barasaba ko mu rwego rwo kuzirikana abacu bishwe kuva muri 1990 kandi bakomeje kwicwa na FPR/RDF tutakwibagirwa n'abahutu biciwe muri za Gereza za Kagame n'abandi bakomeje kuzibabarizwamo/NKUSI Yozefu

Turashimira abakomeje kugenda batwungura inama n'abatangiye kutwoherereza inyandiko zerekeranye no kuzirikana abantu bacu bishwe na FPR(APR/RDF) kuva muri 1990 na n'ubu bikaba bigikomeje. Hakaba hari abamaze kutwandikira bifuza ko tutakwibagirwa n'abavandimwe bacu biciwe mu magereza ya Pawulo Kagame n'abandi bakomeje kuhatesekera. Ndumva iki gitekerezo kitagira uko gisa. Mukomeze mutwungure inama ku buryo bizagera ku wa mbere tariki ya 27/4/2015 tumaze gushyiraho gahunda ihamye kandi inogeye buri wese.

Mbaye mbashimiye,

Nkusi Yozefu
Shikamaye.blogspot.no
Shikama ku Kuri na Demukarasi(SKUD)

Shikama irasubiza Abakomiseri ba Twagiramungu Fawusitini/Nkusi Yozefu

                                                            

     Twagiramungu Fawusitini abwira abanyamakuru 

  ko APR(RDF) yirwanagaho  yica impunzi z'abahutu 

zirenga ibiumbi bitanu mu nkambi y'i Kibeho muri 1995

Ndabanza gushimira umuvandimwe majoro Kanyamibwa Yakobo( Komiseri w'ishyaka rya Twagiramungu Fawusitini ushinzwe umutekano n'iperereza) ku nyandiko aherutse guhitisha kuri Veritas Info yerekana ko twagombye twese guhitisha ukuri mubyo tuvuga n’ibyo dukora, ibi rero bikaba bijyanye n’ntego Shikama yihaye yo “ Guharanira ko ukuri gusimbura ikinyoma”. Nkiri kuri uyu muvandimwe, yanenze abantu bapfobya ubutwari bw’Inzirabwoba ku rugamba twashoweho n’Inkotanyi zivuye mu gihugu cya Uganda muri 1990, akagira ati:”ubonye nyina ashaje agirango inka za se zapfuye ubusa”. 

GAHUNDA YO KUZIRIKANA ABAVANDIMWE BACU BISHWE NA APR(RDF) HIRYA NO HINO MU RWANDA KUVA MURI 1990/NKUSI YOZEFU

Ubwicanyi bwakozwe na APR(RDF) ku mpunzi z'abahutu i Kibeho muri 1995

Kubera inzandiko nyinshi zagiye zigera ku rubuga rwanyu SHIKAMA akenshi zabaga zanditswe n'urubyiruko rusaba ko twarusobanurira ku bwicanyi bwagiye bukorwa n'igisirikare cya FPR cyitwaga APR ubu cyahindutse RDF, dore abenshi ibi biba ko bari bataranavuka, Shikama yishimiye kubamenyesha ko yashyizeho  gahunda yo kuzirikana kuri ubwo bwicanyi ku buryo bukurikira: 

KUVUGURUZA INKURU: THADÉE RUHUMURIZA NGO ARACYAHUMEKA.

22 avril 2015

Amakuru

Mu gitondo IKAZE IWACU yari yabagejejeho inkuru y’urupfu rwa wa muhungu wa Paul Kagame, witwa Thadée Ruhumuriza, warashwe ku wa mbere w’iki cyumweru. Ariko amakuru umunyamakuru wacu uri muri Afrika y’epfo amaze gutohoza yemeza ko abicanyi barashe Ruhumuriza batamunogonoye, kubera ko hari abantu abatabaye bumvise urusaku rw’amasasu, bamujyana ku bitaro bikuru bya Capetown, koko babona yapfuye, ariko ngo abaganga bakoze ibitangaza, (réanimation) ku buryo ubu ngo yagaruye ubuzima.

Imana rero yakinze akaboko nubwo nta kabaraga afite, amakuru atugeraho yemeza ko abaganga bemeye ko yasurwa, ariko ntibirenze umuntu umwe. IKAZE IWACU kandi yashoboye kubona amafoto yerekana uko Thadée Ruhumuriza yari yarashwe, ariko ntiturabona uruhushya rwo kuyatangaza, nyirubwite ataratora agatege ngo abyemere. Twihanganishije rero umuryango n’inshuti za Ruhumuriza, kandi dusabye imbabazi ku bari bakutse umutima kubera kumva inkuru mbi y’urupfu rw’uriya musore uzira ubusa.

Turacyakurikirana iyi nkuru, tuzajya tubagezaho amakuru ye uko azajya atugeraho. Kuri Paul Kagame we, amenye ko ibisumizi bye byongeye kumutaba mu nama nkuko byabikoze ubwo byashakaga kwivugana Kayumba Nyamwasa. 

Sylvestre Mukunzi

Ikazeiwacu.fr

ITANGAZO RYO KUBIKA: PAUL KAGAME YIKOZE MU NDA; THADÉE RUHUMURIZA YARASHWE NA DMI I CAPETOWN./Ikaze Iwacu

22 avril 2015

Amakuru

IKAZE IWACU ibabajwe no kumenyesha abanyarwanda bose ko wa muhungu wa Paul Kagame, witwa Ruhumuriza Thadée, wabaga muri Afrika y’epfo mu mugi wa Capetown, yivuganywe n’abicanyi ba Paul Kagame ku mugoroba wo ku wa mbere tariki ya 20-04-2015, arashwe amasasu.

Thadée Ruhumuriza, yarasiwe Capetown na ba maneko ba DMI

Ubu bunyamaswa bwa Kagame burakabije, noneho ageze naho yikora mu nda kugirango adatakaza ubutegetsi. Ngaho abajya bamubyinira bibwira ko abakunda, nibakomeze twababwira iki! Abandi nabo nibabone isomo rivuga ngo: « KAGAME YAKORA ICYO ARI CYO CYOSE, ARIKO AKAGUMA KU BUTEGETSI, NIYO BYABA ARI UKWICA, UMWANA WE, UMUGORE WE…. » THADÉE RUHUMURIZA IMANA IMUHE IRUHUKO RIDASHIRA.

Ubwanditsi

Ikazeiwacu.fr