 |
11:00GMT(12:00 Burundi): Mu museso, abakoze kudeta bigabanyijemo amatsinda ngo baticirwa hamwe maze bajya kwihisha, bahamagara ibiro ntaramakuru byo hanze ngo babimenyeshe ko bashaka kwishyikiriza inzego z'umutekano
Nkuko bitangazwa n'ibiro ntaramakuru by'u Bufransa (AFP), abagerageje gukora kudeta i Burundi bayobowe na jenerali Niyombare ngo babonye ko ibapfubanye ejo, bahita bagira igitekerezo ninjoro cyo kwigabanyamo amatsinda ngo baticirwa hamwe ikivunge bikitwa ko baguye mu mirwano. Nkuko umuvugizi w'abashatse gukora kudeta yabitangarije AFP, ngo mu gihe cyo mu museso niho bahamagaye ibiro binyuranye by'itangazamakuru byo hanze ngo babimenyeshe ko bitanze kandi ko bakiri bazima. Umunyamakuru wa AFP yakomeje kuvugana na komiseri wa Polisi Venon Ndabanenze wari umuvugizi wari kumwe na jenerali Cyrille Ndayirukiye, bamubwira ko bamenyesheje Minisitiri ushinzwe ingabo n'ushinzwe umutekano ko bitanze bakaba bategereje ko baza kubafata, nta kanya kashize uyu munyamakuru yumva bariho barabashyiraho amapingu maze telefone bavugiraga ho ihita izima.
Umupolisi wo mu rwego rwo hejuru utashatse ko amazina ye atangazwa yabwiye AFP ko aba bagabo tuvuze hejuru bafashwe koko kandi ko bakiri bazima. Naho jenerali Niyombare ngo akaba atarafatwa nkuko byatangajwe mbere. Uyu mupolisi yakomeje avuga ko Jenerali Niyombare ngo yaba yihishe muri karitiye ya Kibenga mu majy'Epfo y'Uburengerazuba ya Bujumbura akaba ariho ashakishwa n'inzego z'umutekano. Andi makuru aturuka i Bujumbura ni avuga ko Petero Nkurunziza ngo yaba yarahise yigira i Ngozi ku nkomoko ejo akimara kuva muri Tanzaniya, akaba ari ho ategurira ijambo ari bugeze ku Barundi ku manywa y'uyu wa gatanu 15/5/2015.
Isesengura: Nkurunziza abereye abarundi igisebe cy'umufunzo.
Nkurunziza abaye nka cya gisebe cy'umufunzo nyiracyo avuza kigahwekera iyo gihuye n'imiti y'inkazi ariko hashira iminsi cyazura umugara ntikibure kumuhitana. Abibeshyaga ko Abarundi bageze ku cyo bifuzaga = amahoro, binyuze mu nzira "y'amasezerano ya Arusha" nibasubize amerwe mu isaho.
Nkurunziza azuye abazimu bari barahwekereye nka cya gisebe cy'umufunzo navugaga hejuru: umwiryane ushingiye ku moko ugiye kwigaragaza mu minsi iri imbere. Muti kubera iki? Ndasubiza nti kuko Abatutsi hafi ya bose bifuzaga ko Nkurunziza yava ku butegetsi bakaba bari bashyigikiye jenerali Niyombare babonaga agiye kuzimya ikirunga cyari kigiye kuruka, abatutsi rero bakaba bagiye gufatwa nk'abanzi n'ingoma y'ubugoryi ya Nkurunziza; ibi bikazashyira i Gorora Pawulo kagame w'u Rwanda ushaka kugira igikoresho umututsi aho ari hose kugirango yigerere ku nyungu ze bwite runaka.
Undi muzimu wari uhwekereye Nkurunziza akanguye ni umuzimu w'uturere: Bururi yagiye ivamo Abahima bategetse u Burundi kugeza ku itorwa rya nyakwigendera Merikiyoru Ndadaye, igiye gutuma u Burundi bujya mu kangaratete, ibi twabishingira ku itwikwa ry'ingoro ya CNDD/FDD ziri hose i Bururi muri ya minsi 15 y'imyigaragambyo yahagaritswe na jenerali Niyombare. Ntitwarangiza tutavuze n'umuzimu w'umwiryane hagati y'Abahutu, abahutu benshi bafite amashyaka akomeye i Burundi berekanye ko bashyigikiye jenerali Niyombare na bagenzi be, muri abo twavuga nka Yohani MINANI na Agato RWASA, aba rero n'abarwanshyaka babo bakaba bagiye kuyacekwa n'Imbonerakure za Nkurunziza. Aba bazimu bose bagiye kumunga umurwayi( u Burundi) buri wese ku giti cye, nta kabuza mu minsi iri mibere bashobora kumuhitana, nka cya gisebe cy'umufunzo gihitana nyiracyo!
Nta yindi nzira yo Gukiza uyu murwayi tuvuga hejuru atari demukarasi mu Burundi; Abarundi barabona ko bayoborwa n'umutegetsi w'umusazi udatinya Imana, amahanga cyangwa abenegihugu. Guharanira inyungu ze bwite byamugize igipfamatwi n'impumyi. Inzira rero abaturage bihitiyemo yo kwerekana ko nta muntu n'umwe ugomba kubarya abicaye ko nkuko babivuga iwabo niyongere isubukurwe, aha ndavuga IMYIGARAGAMBYO; IMYIGARAGAMBYO, IMYIGARAGAMBYO yo kwamagana manda ya 3 ya petero nkurunziza.Abaturage nibongere bave hasi, bafate amafirimbi yabo babwire Nkuruniza ko umukino warangiye ave mu kibuga abise andi makipe.
Nkuko bitangazwa n'ibiro ntaramakuru by'u Bufransa (AFP), abagerageje gukora kudeta i Burundi bayobowe na jenerali Niyombare ngo babonye ko ibapfubanye ejo, bahita bagira igitekerezo ninjoro cyo kwigabanyamo amatsinda ngo baticirwa hamwe ikivunge bikitwa ko baguye mu mirwano. Nkuko umuvugizi w'abashatse gukora kudeta yabitangarije AFP, ngo mu gihe cyo mu museso niho bahamagaye ibiro binyuranye by'itangazamakuru byo hanze ngo babimenyeshe ko bitanze kandi ko bakiri bazima. Umunyamakuru wa AFP yakomeje kuvugana na komiseri wa Polisi Venon Ndabanenze wari umuvugizi wari kumwe na jenerali Cyrille Ndayirukiye, bamubwira ko bamenyesheje Minisitiri ushinzwe ingabo n'ushinzwe umutekano ko bitanze bakaba bategereje ko baza kubafata, nta kanya kashize uyu munyamakuru yumva bariho barabashyiraho amapingu maze telefone bavugiraga ho ihita izima.
Umupolisi wo mu rwego rwo hejuru utashatse ko amazina ye atangazwa yabwiye AFP ko aba bagabo tuvuze hejuru bafashwe koko kandi ko bakiri bazima. Naho jenerali Niyombare ngo akaba atarafatwa nkuko byatangajwe mbere. Uyu mupolisi yakomeje avuga ko Jenerali Niyombare ngo yaba yihishe muri karitiye ya Kibenga mu majy'Epfo y'Uburengerazuba ya Bujumbura akaba ariho ashakishwa n'inzego z'umutekano. Andi makuru aturuka i Bujumbura ni avuga ko Petero Nkurunziza ngo yaba yarahise yigira i Ngozi ku nkomoko ejo akimara kuva muri Tanzaniya, akaba ari ho ategurira ijambo ari bugeze ku Barundi ku manywa y'uyu wa gatanu 15/5/2015.
Isesengura: Nkurunziza abereye abarundi igisebe cy'umufunzo.
Nkurunziza abaye nka cya gisebe cy'umufunzo nyiracyo avuza kigahwekera iyo gihuye n'imiti y'inkazi ariko hashira iminsi cyazura umugara ntikibure kumuhitana. Abibeshyaga ko Abarundi bageze ku cyo bifuzaga = amahoro, binyuze mu nzira "y'amasezerano ya Arusha" nibasubize amerwe mu isaho.
Nkurunziza azuye abazimu bari barahwekereye nka cya gisebe cy'umufunzo navugaga hejuru: umwiryane ushingiye ku moko ugiye kwigaragaza mu minsi iri imbere. Muti kubera iki? Ndasubiza nti kuko Abatutsi hafi ya bose bifuzaga ko Nkurunziza yava ku butegetsi bakaba bari bashyigikiye jenerali Niyombare babonaga agiye kuzimya ikirunga cyari kigiye kuruka, abatutsi rero bakaba bagiye gufatwa nk'abanzi n'ingoma y'ubugoryi ya Nkurunziza; ibi bikazashyira i Gorora Pawulo kagame w'u Rwanda ushaka kugira igikoresho umututsi aho ari hose kugirango yigerere ku nyungu ze bwite runaka.
Undi muzimu wari uhwekereye Nkurunziza akanguye ni umuzimu w'uturere: Bururi yagiye ivamo Abahima bategetse u Burundi kugeza ku itorwa rya nyakwigendera Merikiyoru Ndadaye, igiye gutuma u Burundi bujya mu kangaratete, ibi twabishingira ku itwikwa ry'ingoro ya CNDD/FDD ziri hose i Bururi muri ya minsi 15 y'imyigaragambyo yahagaritswe na jenerali Niyombare. Ntitwarangiza tutavuze n'umuzimu w'umwiryane hagati y'Abahutu, abahutu benshi bafite amashyaka akomeye i Burundi berekanye ko bashyigikiye jenerali Niyombare na bagenzi be, muri abo twavuga nka Yohani MINANI na Agato RWASA, aba rero n'abarwanshyaka babo bakaba bagiye kuyacekwa n'Imbonerakure za Nkurunziza. Aba bazimu bose bagiye kumunga umurwayi( u Burundi) buri wese ku giti cye, nta kabuza mu minsi iri mibere bashobora kumuhitana, nka cya gisebe cy'umufunzo gihitana nyiracyo!
Nta yindi nzira yo Gukiza uyu murwayi tuvuga hejuru atari demukarasi mu Burundi; Abarundi barabona ko bayoborwa n'umutegetsi w'umusazi udatinya Imana, amahanga cyangwa abenegihugu. Guharanira inyungu ze bwite byamugize igipfamatwi n'impumyi. Inzira rero abaturage bihitiyemo yo kwerekana ko nta muntu n'umwe ugomba kubarya abicaye ko nkuko babivuga iwabo niyongere isubukurwe, aha ndavuga IMYIGARAGAMBYO; IMYIGARAGAMBYO, IMYIGARAGAMBYO yo kwamagana manda ya 3 ya petero nkurunziza.Abaturage nibongere bave hasi, bafate amafirimbi yabo babwire Nkuruniza ko umukino warangiye ave mu kibuga abise andi makipe.
15/5/2015. Isaha : 8:00GMT(9:00 Burundi): Abari bakoze kudeta bemeje ko yapfubye Nkurunziza yaraye atashye avuye mu bwihisho muri Tanzaniya
Shikama imaze kumenya ko Petero nkurunziza yaraye ageze i Burundi akubutse muri Tanzaniya, akaba yarahagurutse muri icyo gihugu ku mugoroba w'ejo ku wa kane nyine . Inzira yanyuzemo zaba ikirere cyangwa ubutaka tukaba tutarazimenya neza. Ikindi kandi ni uko umwe mu basirikare bakuru bari bakoze kudeta i Burundi yemeje ko yabapfubanye. Jenerali Ndayirukiye yemereye ibiro ntaramakuru by'Abafransa AFP ko kudeta yabo yapfubye. Undi musirikare nawe mukuru wari muri kudeta yabwiye ibyo biro ko kudeta yapfubye kuko abasiriakare bashyigikiye Nkurunziza babarwanyije bivuye inyuma; yongeyeho ko ibi byereka amahanga ko igisoda cy'u Burundi atari icy'igihugu ari icy'ishyaka. Umuyobozi mukuru wa Radiyo na televiziyo y'i Burundi Jerome Nzokirantevye yavuze ko ejo habaye intambara ikomeye abakoze kudeta bahanganye n'abashyigikiye Nkurunziza Petero, buri wese ashaka kwigarurira aha hantu. Uyu mugabo aremeza ko aba bakoze kudeta bagabye ibitero 2 bikomeye ariko baza gutsindwa bigoranye.
Hagati aho ejo ahagana ku mugoroba, abanyamerika bemeje ko bemera Nkurunziza Petero kuko ari we wemewe n'amategeko. Nyamara bakimara kumva ko habaye kudeta bavugaga ko impande zombi zigomba kumvikna gusa, ibi nibyo twita kugendana n'igihe kwa ba mpatsibihugu. Shikama irabibutsa kandi ko akanama ka Loni gashinzwe umutekano ku isi kateranye ejo kakamagana abakomeje guhohotera abaturage no gufata ubutegetsi mu nzira zitemewe n'amategeko bibera i Burundi, bakemeza ko inzira y'ibiganiro ari byo bizakiza iki gihugu.
"Abamambure b'akana gashinzwe umutekano ku isi ka Loni bamaganye abatera imvururu bose mu Burundi, zikaba zihohotera abaturage, tukaba kandi tunamaganye na bariya bashaka kugera ku butegetsi baciye mu nzira zitemewe n'amategeko.Duhamagariye impande zose kudakoresha imbaraga maze bagashyira imbere ibiganiro biganisha ku mahoro arambye.Akanama gashyigikiye ibikorwa by'intumwa idasnzwe ya Loni mu karere Said Djinnit, Afrika yiyunze (AU), n'umuryango w'Afrika y'i burengerazuba(EAC)"
Imvugo nk'iyi ya Loni mu gihe akarere kacu kaba karimo gashya iramenyerewe kuva muri 1945!!
Isesengura kuri kudeta y'i Burundi:
Ntawahakana ko gupfuba kw'iyi kudeta byaturutse ku mutima wa Jenerali Niyombere wo kwanga kumena amaraso y'Abarundi agashyira imbere ibiganiro kugirango abatsimbaraye kuri nkurunziza bafungure radiyo na televiziyo mu mahoro. Ibi kandi nibyo byahaye igihe umwicanyi Nkuruniza cyo kwisuganya nawe agakoresha imiyoboro y'itumanaho inyuranye ( telefone, skype, twitter, n'ibindi) kugirango aburizemo iki gikorwa cya Jenerali Niyombare abenshi bafataga nk'intwari y'u Burundi. Ikindi cyatumye iyi kudeta ipfuba, ni itumanaho abakoze kudeta bongeye gusubukura mu gihugu dore ko Nkurunziza yari amaze iminsi arihagaritse. Bityo, aba basoda iyo baryihorera bakanashaka uko Radiyo Buja na Televiziyo bidakora gusa, wenda ntibayifate, aka Nurunziza kari kuba gashobotse kuko byari kuborohera kwigarurira imitima y'abasirikare benshi. Ubutumwa Nkurunziza yagiye acisha kuri iriya miyoboro y'itumanaho nibwo bwatumye abasirikare benshi bumva ko Nkurunziza agikomeye.
Ikindi kibazo cyabangamiye aba bakoze kudeta gifitanye isano na manda ya gatatu ya Nkurunziza. Muby'ukuri abantu bagize ishyaka rya Nkurunziza baba abasivile cyangwa abasoda, ni abahutu bafite umururumba wo gukira vuba byasaze. Ibi bituma batumva ko hari amategeko agenga igihugu, umuryango mpuzamahanga, cyangwa se ko bakorera abaturage.Urugero rutari kure Shikama yatanga ni uko CNDD/FDD ifite umuturirwa w'akataraboneka i Bujumbura, ikaba ifite n'izindi ngoro hirya no hino mu gihugu, nyamara Perezida wa repubulika Nkurunziza ataha akanakorera mu mazu akodeshwa agashendeburo!!!! Biteye isoni kubona mu myaka 10 amaze ategeka yarashoboye kwiyubakira amazu ye maremare i Buja, n'ay'ishyaka, akaba atarashoboye kubaka icumbi rye n'ibiro ashobora gukoresha we n'abandi bazaza nyuma ye. Ni muri urwo rwego usanga benshi muri aba basirikare bakuru bafite imiturirwa ihambaye i Bujumbura, bakaba rero bumvaga kugenda kwa Nkurunziza kwatuma batiyuzuriza iyi mishinga yabo ngo bashyireho n'akarusho. Aha niho haturuka imvugo yasakaye i Burundi ubu, cyane cyane mu gisoda,ngo: " Abatutsi bategetse imyaka 400, natwe tugomba gutegeka byibura 100"!
Aha umuntu yakwibaza niba kuba umuhutu ari ukuba uri muri CNDD/FDD, igiteye ishozi kurushaho, umuntu akaba yakwibaza niba muri iri shyaka nta wundi muhutu bagira atari Nkurunziza! None se ko adashigaje imyaka 50 yo kubaho, indi 50 itaha bazajya bamukoresha ari momi(kubika umurambo nka kumwe kw'abafarawo bo mu Misiri ya kera) niba aba bahutu bumva ko bagomba gutegeka byibura imyaka 100 kandi bagategekesha Nkurunziza wenyine! Harahagazwe.
Urebye amafuti iri shyaka na Nkurunziza bakoreye Abarundi, iyi nzira jenerali Niyombare yari abahitiyemo niyo yonyine yashoboraga gutuma bazakomeza kugirirwa icyizere mu Barundi, naho ubundi nta shiti iri shyaka rizajyana burundu na Nkurunziza kandi iminsi iri imbere iduhishiye byinshi. Niba uyu Nkurunziza akomeje kwizera ingufu za gisirikare agatsimbarara kuri manda ye ya 3, amabuye n'amafirimbi by'abaturage birakora ibyananiye intwari jenerali Niyombare maze CNDD/FDD na Nkurunziza babe amateka.
Isaha: 21:23GMT( 22:23 Burundi): Nkurunziza arakihishe muri Tanzaniya
 |
| Iyi ni bulende y'abakoze kudeta yashwanyagujwe n'ibisasu hafi ya Radiyo Televiziyo ya Leta. Hirya yaho murabona umusoda wahasize agatwe |
Hagati aho abanyepolitike banyuranye bakomeje kwerekana ko bishimiye kudeta, ejo yari Dogiteri Yohani Minani uyu munsi Agato Rwasa nawe akaba yatangarije Radiyo Ijwi ry'Amerika(VOA) ko nta yindi nzira yabonaga yo gukiza u Burundi atari iriya ya kudeta. Ubufransa n'abagize akanama ka Loni gashinzwe amahoro ku isi bamaganye kudeta, na Afrika yiyunze nayo irayamagana(AU) dore ko wagirango yashyiriweho kohereza indorerezi mu ngirwa matora hirya no hino muri Afrika gusa; ariko se mu mahame yayo ntiharimo no kutivanga mu bibazo by'imbere by'ibihugu biyigize, hahahahaha!!! Abakoze muri AU bakubwira ko ubwaho naho biba ari ibicika hagati y'abakozi ba AU: bariya banyarwanda si beza, bariya Bagana barikunda, bariya bakora gutya, n'ibindi bisekeje nako biteye agahinda. Aba rero bakora gutya sibo umuntu yategaho umusaruro wo gukemura ibibazo byugarije Afrika.Umuyobozi wa AU ejubundi yamaganaga Nkurunziza none aramagana uyu munsi abashaka gukosora ibyo yamaganaga!
Umunyamakuru wa BBC yigeze kumbaza muri 2011 ati:
"Ko ndeba Perezida wa Misri yafunze umutwe abaturage bakaba bariho baraswa na polisi nyuma y'iminsi irenga 4 bigaragambya amaherezo ni ayahe?
naramusubije nti:
" Ariho arakubura inzu yakoreragamo , narangiza urabona agiye"
Nyuma y'isaha imwe hatangajwe ko uwari Perezida wa Misiri Hosni Moubarak kajugujugu imujyanye mu buhungiro mu mujyi wa Sharm El Shekh muri Sinai. Na Nkurunziza nibyo biriho bikorwa, bariho barakubura nibarangiza baratubwira ko bifatanyije n'abamuhiritse. Gukubura mvuga mu mvugo ijimije ni ukwigizayo amadosiye y'amabi perezida aba yarakoze: kwiba, kwica , gusahura, kugambanira igihugu,n'ibindi.
Isaha: 17:000GMT( 18:00 Burundi)
Amakuru ariho acicikana yerekeranye na kudeta y'i Burundi aravuga ko ubu Ingabo zishyigikiye Nkurunziza zashoboye kwigarurira ikibuga cy'indege mpuzamahanga cya Bujumbura, zikaba kandi zinafite mu maboko yazo radiyo y'igihugu ubu isigaye ariyo ivuga yonyine n'ubwo ivuga nabi kubera kononwa n'imirwano ya none. Andi makuru aremeza ko iyi mirwano hagati y'ingabo imaze kugwamo abasoda barenga 5; akanameza ko umuvugizi wa Leta ya Tanzaniya yatangaje mu kanya ko Perezida Nkurunziza atakiri muri Tanzaniya; ngo ntawe uzi aho yaba yagannye.
Ibibera i Burundi uyu munsi birerekana ko niba Loni ntacyo ikoze mu maguru mashya, igihugu gishobora kuba umuyonga mu gihe kitarenze n'iminsi itatu! Niba igisoda gicitsemo kabiri, mu kanya haraba hariho igisoda kirwanira Opozisiyo n'abaturage, n'ikirwanira Nkurunziza gifatanyije na polisi ye n'imbonerakure ze. Ariko abaturage nibongera kuvuza ifirmbi bakegura n'amabuye byabo, aba bose Nkurunziza ariho akangisha barahinduka amazi dore noneho ko nabo baba bafite igisoda , imbunda n'amasasu bakesha iki gisoda cyagumutse kiba kiri ku ruhande rwabo! Nkurunziza arabara nabi cyane, nako nta gihe yigeze abara neza ! Imana yonyine itabare u Burundi.
Isaha: 11:14 GMT
Bya bice 2 byavutse mu gisoda cy'u Burundi byaraye birwana bikoresheje intwaro ziremereye n'izoroheje. Shikama irabamenyesha kandi ko ya maradiyo yigenga yose harimo na RPA yaraye arashweho akaba yagurumanaga mu gitondo. Ubu biraza kugora kumenya amakuru y'ukuri ku bibera i Burundi kuko ubu amakuru yose atangwa na radiyo televiziyo iriho ikoreshwa n'abashyigikiye Petero Nkurunziza gusa.Turabamenyesha ko na radiyo Bonesha FM yakoraga relais ya BBC Gahuza ikumvikana kuri FM mu Burundi ubu nayo idakora kuko yaraye irashweho bya muzinga kimwe n'izindi zose zigenga.
Hagati aho Shikama irabamenyesha ko igihuggu cy'u Bufransa kimwe mmuri 5 bigize akanama ka LONI gashinzwe umutekano ku isi ku buryo buhoraho, cyatumije inama iza kuba uyu munsi kugirango higwe icyakorerwa igihugu cy'u Burundi. Uko bigaragara ni uko NKURUNZIZA Petero n'abagize CNDD/FDD baba abasirikare bakuru cyangwa abanyepolitike, bagiye kwibona imbere y'inkiko mu minsi iri imbere. Kwica abantu cyangwa konona imitungo y'abantu ubishaka kandi wabigambiriye, ni ibyaha bihanwa n'amategeko y'ibihugu cyangwa mpuzamahanga.
Nkurunziza we akomeje gutukana kuri Twitter abwira Abarundi ko ngo ibintu yabisubije mu buryo kandi akaba yatsinze IBIBURABWENGE. Ese ikiburabwenge n'usenya ibyo yasanze byubatswe cyangwa n'ushaka kubiramira? Gutwika aya maradiyo, bigaragaje ko uyu muntu( Petero Nkurunziza) bashobora kuba bamubeshyera agomba kuba atarakandagiye mu ishuri ku buryo nshidikanya ko byibura yaba yarize n'ayo Pawulo Kagame yarangije!
Igihe cya saa 11:40 GMT, nta rusaku rw'amasasu rwari rucyumvikana i Bujumbura, abakoze kudeta bavuze ko ibintu bari bamaze kubishyira mu buryo bakaba bafite Bujumbura n'igihugu cyose mu biganza byabo.
Isaha: 17:000GMT( 18:00 Burundi)
 |
| Radiyo yigenga RPA yatwitswe n'abantu ba Nkurunziza |
Ibibera i Burundi uyu munsi birerekana ko niba Loni ntacyo ikoze mu maguru mashya, igihugu gishobora kuba umuyonga mu gihe kitarenze n'iminsi itatu! Niba igisoda gicitsemo kabiri, mu kanya haraba hariho igisoda kirwanira Opozisiyo n'abaturage, n'ikirwanira Nkurunziza gifatanyije na polisi ye n'imbonerakure ze. Ariko abaturage nibongera kuvuza ifirmbi bakegura n'amabuye byabo, aba bose Nkurunziza ariho akangisha barahinduka amazi dore noneho ko nabo baba bafite igisoda , imbunda n'amasasu bakesha iki gisoda cyagumutse kiba kiri ku ruhande rwabo! Nkurunziza arabara nabi cyane, nako nta gihe yigeze abara neza ! Imana yonyine itabare u Burundi.
Isaha: 11:14 GMT
Bya bice 2 byavutse mu gisoda cy'u Burundi byaraye birwana bikoresheje intwaro ziremereye n'izoroheje. Shikama irabamenyesha kandi ko ya maradiyo yigenga yose harimo na RPA yaraye arashweho akaba yagurumanaga mu gitondo. Ubu biraza kugora kumenya amakuru y'ukuri ku bibera i Burundi kuko ubu amakuru yose atangwa na radiyo televiziyo iriho ikoreshwa n'abashyigikiye Petero Nkurunziza gusa.Turabamenyesha ko na radiyo Bonesha FM yakoraga relais ya BBC Gahuza ikumvikana kuri FM mu Burundi ubu nayo idakora kuko yaraye irashweho bya muzinga kimwe n'izindi zose zigenga.
|
| Iyi ni inzu radiyo yigenga ya RPA yakoreragamo yatwitswe uyu munsi mu gitondo |
Nkurunziza we akomeje gutukana kuri Twitter abwira Abarundi ko ngo ibintu yabisubije mu buryo kandi akaba yatsinze IBIBURABWENGE. Ese ikiburabwenge n'usenya ibyo yasanze byubatswe cyangwa n'ushaka kubiramira? Gutwika aya maradiyo, bigaragaje ko uyu muntu( Petero Nkurunziza) bashobora kuba bamubeshyera agomba kuba atarakandagiye mu ishuri ku buryo nshidikanya ko byibura yaba yarize n'ayo Pawulo Kagame yarangije!
Igihe cya saa 11:40 GMT, nta rusaku rw'amasasu rwari rucyumvikana i Bujumbura, abakoze kudeta bavuze ko ibintu bari bamaze kubishyira mu buryo bakaba bafite Bujumbura n'igihugu cyose mu biganza byabo.
14/5/2015. Isaha: 8:40 GMT
Amakauru Shikama ikisha abari i Burundi muri iki gitondo ni avuga ko imishyikirano yariho iba ku mugoroba hagati y'igice cy'abasoda bashyigikiye jenerali Niyombare wakoze kudeta n'ikindi gice gishyigikiye uwari Perezida Petero Nkurunziza, ngo ntacyo yagezeho. Kunanirwa kumvikana nibyo byatumye ibi bice byombi birasana mu gicuku, Shikama ikaba itaramenya niba hari abahaguye. Abashyigikiye Nkurunziza ngo ni abahoze bari muri CNDD/FDD ikiri mu ishyamba naho abashyigikiye Niyombare ngo ni abahoze bagize igisirikare ku ngoma z'abatutsi zabanjirije iz'abahutu. Turabibutsa ko nubwo u Burundi butuwe na 10% by'Abatutsi na hafi 99% by'Abahutu tutibagiwe na ba nyamuke b'abatwa, mu masezerano aya moko 2 akomeye yagiranye kugirango hahagarikwe intambara z'urudaca zazonze iki gihugu imyaka myinshi, hemejwe ko mu gisoda cya Leta abatutsi bagiramo 40% naho abahutu bakagira 60%, aya masezerano yabereye mu mujyi wa Arusha ho muri Tanzaniya yiswe "Amasezerano ya Arusha" niyo yashyizeho n'uko aba Barundi bagomba kuyobora igihugu cyabo.
Andi makuru aturuka i Bujumbura ni avuga ko perezida Nkurunziza indege yari imutwaye ku mugoroba imwerekeza i Burundi yangiwe kwinjira mu kirere cy'u Burundi dore ko cyari kinafunze kandi amatara y'aho yose yazimijwe.Byabaye ngombwa ko Nkurunziza asubira muri Tanzaniya ubu akaba ariho akiri. Radiyo na televiziyo by'igihugu ndetse n'ingoro y'umukuru w'igihugu ubu birinzwe n'abashyigikiye Petero Nkurunziza. Jenerali Niyombare ushyigikiwe na Opozisiyo , abaturage n'igice cy'igisoda ubu ariho aravugira ku iradiyo yigenga ya RPA yari imaze iminsi yarafunzwe na Nkurunziza ayirega kugumura abaturage ifatanyije n'abatavuga rumwe nawe.
13/5/2015. Isaha: 21:24GMT
Abantu benshi bakurikirana ibibera i Burundi bemeje ko uwari Perezida w'igihugu Petero Nkurunziza yahagurutse i Dar es Salaam igihe cya nimugoroba, umuvugizi we uri i Burundi akaba yemezaga ko ngo yerekeje i Burundi gusubiza ibintu mu buryo. Kugeza iyi saha twandika iyi nkuru, biravugwa ko Perezida Nkurunziza Petero ataragera i Bujumbura. Andi makuru ageze kuri Shikama mu kanya ni ayemeza ko ngo Nkurunziza yaba yerekeje i Kampala muri Uganda. Amwe mu mazu akorerwamo n'ibyegera bya Nkurunziza na Radiyo y'igihugu ubu birinzwe n'abagishyigikiye Nkuruniza.
Ikindi tumaze kumva ni uko ngo ubu hari ibiganiro biriho biba hagati y'ingabo zivuga ko zahiritse Petero Nkurunziza n'izindi zigizwe n'abahoze ari abarwanyi ba CNDD/FDD badashaka kumva uwahigika Nkurunziza mu gushakira umuti ibibazo bibera i Burundi. Dogiteri Yohani Minani, umwe mu bagize opozisiyo warwanyaga Nkurunziza yivuye inyuma, amaze gutangariza muri Tanzaniya aho yari yagiye mu nama y'abakuru b'ibihugu bya EAC yo gushakira umuti ibibazo by'i Burundi, ko yishiniye iki gikorwa yita icya kigabo cyakozwe n'ingabo. Tukiri kuri iyi nama itabaye kubera kudeta y'i Burundi, abari bayitumiwemo bongeye kwemeranya kongera guhurira muri Tanzaniya nyuma y'ibyumweru bibiri.
13/5/2015. Isaha: 13:05GMT
Nyuma y'intugunda zo kurwanya manda ya gatatu ya perezida NKURUNZIZA Petero, igisoda cy'i Burundi kiyemeje gufata ubutegetsi kugirango gihagarike imivu y'amaraso yari imaze gutangira gutemba mu gihugu; abapolisi barenga 5 bishwe n'abagumutse naho abaturage barenga 13 bakaba nabo bamaze kuhasiga ubuzima.
Majoro Kanyamibwa Yakobo yigeze kuvugira kuri Radiyo BBC umwaka ushize wa 2014 asobanura impamvu igisoda cyahiritse Perezida Kayibanda Gerigori muri 1973 ati:
" Iyo abanyepolitike bananiwe kumvikana uko bayobora abaturage, nta kundi byagenda , igisirikare kigomba gufata ubutegetsi ngo gikingire igihugu na rubanda"
Ibyo uyu mugabo yavugaga nibyo bibaye i Burundi! Abanyepoltike bananiwe kumvikana ku bintu byanditse ku mpapuro zitagera kuri 60 byiswe " amasezerano ya Arusha " cyane cyane ku bijyanye na manda umukuru w'igihugu agomba kumara, none bose babihombeyemo!
Ibi bibaye kandi uwari Perezida Nkurunziza Petero yari amaze kugera mu murwa mukuru wa Tanzaniya Dar es Salaam aho yahuriye na Kagame Pawulo , n'abandi baperezida bagize umuryango w'Afrika y'i Burasirazuba (EAC) aho bagombaga kwiga ku mpagarara z'i Burundi.
 |
| Jenerali Godefroid NIYOMBARE wahiritse Nkurunziza |
Ibyo aribyo byose, abasoda b'i Burundi berekanye ko bakorera abaturage atari umuntu ku giti cye nkuko bimeze mu gihugu kimwe gituranye n'u Burundi aho usanga igisoda kifata nk'ABASUKUTI!
Kugeza n'ubu Nkururnziza wakombowe nkuko babivuga mu kirundi aracyahakana avuga ko nta cyabaye ariko akemeza ko hari abagerageje kumuhirika ariko umugambi ukuburizwamo. Jenerali Niyombare huerutse kwirukanwa ku mwanya w'Iperereza ry'igihugu kubera kugira inama Nkurunziza yo kutiyamamariza aindi manda ya 3, aravuga ko impamvu zatumye bakora kudeta harimo kwanga kugirwa inama, gusesagura umutungo w'tigihugu, no gukoresha abamilise. Umva iri jambo mu gifransa.
Iyi ni mesage yo kuri twitter ya Perezidansi ibeshyuza ariko yemeza byageragejwe
Tentative de coup d'Etat échouée au #Burundi @soniarolley @bbcafrique @RFI @abakunzi
Igisirikare ubu kiri hose umu mujyi wa Bujumbura, kikaba cyategetse abapolisi n'abigaragambyaga gusubira mu ngo. Hari abasoda benshi ku kibuga cy'indege cya Bujumbura ku buryo Nkurunziza nagaruka atabona aho aca. Ikindi ni uko bivugwa ko ya Radiyo ya Rubanda BONESHA yari yarafunzwe na Leta ya Nkurunziza ubu yatangiye gukora hamwe n'izindi zigenga zari zarafunzwe. Radiyo Ijwi ry'Amerika yari imaze kongera igihe yavugaga kugirango izibe icyuho cy'aya maradiyo yari yarafunzwe.Radiyo Bujumbura na televiziyo y'igihugu byo ngo ubu birakora nkuko bisanzwe kandi ngo birinzwe n'abasoda bashyigikiye Nkurunziza Petero. Abaturage ngo baba bishimye cyane bakajya mu mihanda bamaze kumva ko igisoda cyafashe ubutegetsi.
Soma inyandiko iri aha icyo urubuga IGIHE rwandikirwa i Burundi ukuntu ruvuga ku bimaze kuba.
 |
| Abaturage bishimiye ibyabaye |
NKUSI Yozefu
shikamaye.blogspot.no
shikama ku kuri na Demukarasi(SKUD)
_______________________________________________________________________
.
No comments:
Post a Comment
Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.
Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.
Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355