Pageviews all the time

Kuki indege za Leta Zunze Ubumwe z’Amerika n’Ubwongereza zirirwa zikarara zirasa kubo bita intagondwa z’Abayisilamu muri Iraki na Siriya(ISIS), kandi nabo bariho bakora nka ISIS mu Rwanda? /NKUSI Yozefu



Jihadists Weigh Legitimacy, Safety of VK Social Media Platform




Hashize amezi atari make Perezida wa Leta Zunze Ubumwe z'Amerika, Barack Obama ahaye uruhusa ingabo z'igihugu cye kujya kurasa  kucyiyise Leta ya Kiyisilamu(ISIS). Si USA gusa iriho irasa kuri ISIS kuko n'Ubwongereza buyiri inyuma muri iki gikorwa, tutibagiwe ko harimo n'ibindi bihugu nka Jordania, Uburusiya, Ubufaransa, n'ibindi tutarandoye.

Kuki Amahanga aranganjwe imbere na Leta Zunze Ubumwe z'Amerika(USA) arasa kuri ISIS?
Impamvu yo kwibasira iyi Leta ya Kiyisilamu irasobanutse. Abantu bashinze Leta ya Kiyisilamu, bagiye barangwa n'ibikorwa bya kinyamaswa bitakwihanganirwa n'ikiremwa muntu. Twavuga nko kwibasira abatari mu idini ya Isilamu maze bakica abagabo babo bakigarurira abagore babo ; ibi byabaye mu bantu ba nyamuke bo mu bwoko bwitwa Yazid bo bafite imyemerere yo gusenga yari muri kariya gace mbere ya Budhism, Ubukirisitu, na Islam yitwaga ZOROASTRA yari yiganje muri Iran, n'igice cya Irak na Turikiya. Si ibyo gusa kuko hari n'impunzi z'abakirisitu bo muri Ethiopia barenga 25 baciwe imitwe kuko ari abakirisitu;hari kandi no gutega amabombu ahantu hateraniye abantu benshi cyangwa bakabarasaho nkuko biheruka kubera i Paris mu Bufaransa, kenshi muri Nigeria, Somalia, Indoneziya, mu Misiri, Afghanistan, Pakistan  n'ahandi Shikama itarondoye.
Jihadists Weigh Legitimacy, Safety of VK Social Media Platform
                            Ikirango cya Leta ya Kiyisilamu(ISIS)
Abanyamerika n'Abongereza bibumbiye muri PAC nabo bakora nka ISIS mu Rwanda
Kuva muri 2008, u Rwanda rurategekwa n'abacanshuro b'Abanyamerika, Abongereza n'Abagande bibumbiye mucyo Agatsiko kise PAC( Presidencial Advisory council) tugenekereje mu Kinyarwanda ni Njyanama ya Perezida Pawulo Kagame. Ibyiza n'ibibi byose bikorerwa mu Rwanda, biba byizweho n'iyi njyanama, Pawulo Kagame na Leta ze 3 Shikama yabagejejeho ubushize bakabishyira mu bikorwa. Ni muri urwo rwego, iyi njyanama igomba kuba yaragiriye Pawulo Kagame inama yo gufunga itangazamakuru ryigenga ryari rirangajwe imbere n'ibinyamakuru Umuseso n'Umuvugizi mbere y'ingirwamatora ya Perezida wa Repubulika yo muri 2010! Si ibyo gusa kuko iyi njyanama ariyo yagiriye inama Pawulo Kagame guta muri yombi Ingabire Vigitoriya wari uje kwiyamamariza uriya mwanya twavuze hejuru muri 2010.
Bamwe mu bagize Agatsiko k'intagondwa (PAC) gategekera u Rwanda muri USA
Bamwe mu bagize Agatsiko k'intagondwa (PAC) gategekera u Rwanda muri USA
Bamwe mu bagize Agatsiko k'intagondwa (PAC) gategekera u Rwanda muri USA
Kuva muri 2008 iriya njyanama (PAC) igiyeho, niho ibijkorwa bya kinyamaswa bya FPR ubundi byibasiraga Abahutu gusa byatangiye no kwibasira Abatutsi. Turibuka ukuntu uwari umuyobozi wungirije w'ishyaka Green Party Rwisereka Kagwa yaciriwe umutwe hariya i Butare na FPR, kugeza na n'ubu hakaba nta muntu wahagurutse wo muri USA ngo aharanire ko ubu bwicanyi bukurikiranwa nkuko ubu bamwe mu bayobozi ba Hezebola(Hezbollah) bariho bakurikiranwa kubera uruhare bakekwaho kuba baragize mu iyicwa ry'uwahoze ari ministiri w'intebe wa Libani Rafiki Hariri kuri 14/2/2005. Amatohoza yabaye yo gukurikirana aba bantu tuvuze hejuru akaba yarakozwe kubera igitutu cya USA nyamara iyi USA ntacyo yigeze ivugwa ku rupfu rw'abaperezida babiri b'abahutu barasiwe mu kirere nk'inyoni bakaraswa n'abantu bazwi kandi bafite aho babarizwa!!!Si ibyo gusa kuko hari n'zindi ngero nyinshi zerekana ko USA ifite akaboko mu marorerwa u Rwanda rurimo kuva muri 1/10/1990.

Turibuka ukuntu Koloneli Karegeya  kuri 31/12/2013, yiciwe muri Hotel anigishijwe ibiziriko muri Afrika y'Epfo, mbere yaho gato hakaba hari harishwe uwahoze ayobora banki Nyarwanda itsura amajyambere, BRD, Dg Turatsinze Thogene umurambo we bakawusanga mu mazi ku nyanja muri Mozambike mu Kwakira 2012. Mu mpera za 2013, hari abasore banze kujya mu gisoda cya Kagame, maze bicwa urubozo, bafungirwa amaboko inyuma bahambirwa mu mifuka bajugunywa mu kiyaga cya Rweru kigabanya u Rwanda n'u Burundi; aha naho, PAC igira inama Pawulo Kagame yakoze uko ishoboye kugirango amatohoza y'izi mpfu z'aba basore adakorwa!

Nyuma y'aho hari abandi bantu bagiye bicwa urw'agashinyaguro hirya no hino mu Rwanda ariko urupfu rwavuzweho cyane ni urwa Rwigara Asinapolo wicishijwe imodoka akanga guhwana, bakanga bakamuhambira mu mufuka w'abapfu ari muzima imbere y'umuryango we, wakwaka ko bamujyana mu bitaro polisi ikabaseka, ahubwo ikaza kumunogonora imukubise icyuma ku gakanu no ku gahanga! Ese igikorwa nk'iki hari aho gitaniye n'ibyo ISIS iriho ikora muri Irak, Syria, na Libya?? Dogoteri Emanweli Gasakure wari umaze igihe avura Pawulo Kagame umutima, nawe yiciwe muri kasho aho yari afungiwe bivugwa kwa yari ashatse kwambura umupolisi imbunda!Ese ibikorwa nk'ibi PAC igiramo inama Pawulo Kagame hari aho bitandukaniye n'ibya ISIS?

Rwisereka Kagwa wishwe na FPR na PAC urw'agashinyaguro
                                  
imirambo beneyo bishwe urw'agashinyaguro PAC na FPR banga ko hakorwa anketi

Imirambo yajugunywe muri Rweru ivuye mu Rwanda
 
Dr Gasakure wari umuganga wihariye wa Perezida Kagame we bamwishe urw’ UMUJURA! Mana tabara u Rwanda!
Dg Emanweli Gasakure PAC na FPR bategetse ko yicirwa muri Kasho
Image result for andre kagwa rwisereka photo
  
Rwigara Asinapolo, PAC na FPR bamuhambiriye mu mufuka w'abapfu ari muzima,
amaze guhambwa bahita basenyera umuryango we

Uyu ni umuryango wa Imam Mugemangango Mohamedi
wishwe na FPR na PAC kuri 24/1/2016.
Ibindi bigezweho ubu mu Rwanda ni ikibazo cy'idini rya Gitwaza Paul wiyita Apotere(Intumwa) n'irigiswa rya bammwe mu bayisilamu 6 harimo Imam(Abayobozi b'idini) babiri, babuze bavuye kuvuga ubutumwa muri Kaminuza Nkuru y'u Rwanda, ishami rya Butare kuri 10/1/2016.Imiryango y'aba bantu ntako itagize ngo polisi iyibwire aho bari ariko biba iby'ubusa. Shikama imaze hafi umwaka ivuga kuri iki kibazo cy'abayisilamu bo mu Rwanda akenshi gishingiye ku bucuruzi buri hagati ya FPR na bamwe mu bayobozi b'iri dini, hakazamo n'irondakoko byose bikururwa na FPR.Ni muri urwo rwego umwe mu bayisilamu bababajwe n'ishimutwa rya bariya bavugabutumwa 6 aherutse kwinubira ibyo FPR ikorera idini yabo akaba yarabizize, kuko PAC na FPR bahise bagira polisi inama yo kumwicira mu muhanda ninjoro nkuko bishe uwari meya wa Cyumve bakavuga ko yasimbutse imodoka ashaka gutoroka uboshye ko mu Rwanda nta mapingu akihaba yo guhambira abanyururu ngo badacika! 

Inkuru yukuri n'imvaho y'uko uyu muntu yishwe, murayisanga hano ikaba ibarwa n'uwabonye uko uyu Imamu yishwe;bikaba muby'ukuri ntaho bitaniye n'uko ISIS yica abantu!None se Amerika n'Ubwongereza kuki bajya kurasa kuri ISIS kandi bariho bakora nkayo mu Rwanda?Tukiri kuri uyu Imam Mugemangango Mohamed, amakuru ava i Kigali aremeza ko yazize ko yariho akora iperereza ku irigiswa rya bariya bayisilamu twavuze hejuru; Agatsiko kakaba kari kakoze uko gashoboye ngo kamwegekeho dosiye ya ISIS bikananirana kagahitamo kumuhitana, soma inkuru ibisobanura hano.  Nanone amakuru Shikama ikura  mu Rwanda aravuga ko ubu irigiswa ry'abantu ryakajije umurego, urugero rwa hafi rukaba ari umugangakazi uherutse kurigiswa na polisi ya FPR na PAC ku manywa y'ihangu, inkuru y'iryo rigiswa murayisanga hano.
Uzamukunda Mariya Kalara wari umwe mu bayobozi b'ibitaro
by'i Rwamgana, yaburiwe irengero kuri 24/1/2016
Nkuko abatari abayisilamu b'abasuni bagenda bahunga ahantu hose higaruriwe na ISIS, ni nako mu Rwanda umuntu wese utikirije intero ya FPR na PAC ahita ahunga kugirango atamburwa ubuzima!Urugero rwa hafi twatanga ni urw'abapasitori 7 ba ADEPR batagiye bikiriza neza iriya ntero ya FPR, umwaka wa 2015 ukarangira bose bishwe! Apotere Gitwaza wa Zion Temple nawe utarakanguriye abayoboke be kwikorera inkangara ngo bazishyire za Nkomamashyi zo ku Kimihurura baka ko Kagame Pawulo n'urugo rwe bazabategeka kugeza isi irangiyeubu idini ye igize aharindimuka. 

Nyuma yo kwikorera ibyaha by'Agatsiko akabijyana kubitura imana yo muri Israel ariko ntiyikoreze inkangara abayobke be, Shikama ifite amakuru yizewe ko uyu mukozi w'imana yo muri Israel akiva gutura ibyaha by'Agatsiko yaciye mu Bwongereza akabayo igihe gito, ubu akaba yarahungiye Agatsiko muri Leta Zunze Ubumwe z'Amerika(USA). Agatsiko ariko ntikashizwe kuko ubu gashaka uburyo bwose ngo gasenye Zion Temple burundu, ni muri urwo rwego ubu bamwe mu bayobozi b'iri dini, FPR yacengeye ingo zabo, ubu ikaba isa n'iyafunguye umurongo ku rubuga rw'Igihe.com kugirango abagabo n'abagore bayobora iri dini bavuge uko bashakanye n'uko baryamana, inkuru y'igihe ijyana n'isenya ry'ingo z'abayoboke ba Zion Temple  rikorwa na FPR murayisanga hano
FPR na PAC bamaze kubura uko birenza Gitwaza( hagati) ubu bashyiriyeho umurongo  ku gihe.com Bizimana Abrahim n'umugore we Mukabadege Liliyana, birirwa batukaniraho bamena amabanga y'urugo
Mbere yo kohereza indege zo kurasa kubo Amerika n'Ubwongereza bita Intagondwa z'Abayisilamu, bakwiye gusubiza ubwenge ku gihe bakareba umubare w'abantu bamaze gupfa mu Rwanda no mu karere rurimo kuva muri 1990(hafi miliyoni icumi)kubera ubutagondwa bwabo no kwikunda; bakaba bumva ko inyungu zabo zigomba kuza mbere y'ubuzima bw'abirabura bo mu Rwanda no mu Karere. Ubu bwicanyi Pawulo Kagame ubwe yarabubashinje igihe ikinywamaraso Karake cyafatirwaga mu Bwongereza. Uyu mutegetsi yagiye imbere ya za Nkomamashyi zo ku Kimihurura aravuga ati: " Ntidushobora kubyemera, aba badushinja, ibyo baturega nibo babikoze"! Igihe kikaba kigeze rwose ko twese abanyarwanda duhaguruka tugahagarara tukabwira aba bicanyi ko turambiwe guhora dutanga ibitambo bitotswa.

Dg NKUSI Yozefu
www.shikamaye.blogspot.no
Muzamenya Ukuri maze kubabohore

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355