Umuvandimwe Munyura arunganira Shikama ku gisubizo yahaye Rafiki ku nyandiko "Umuvandimwe RAFIKI Clety aranenga inyandiko ya SHIKAMA"Menya uko abahutu bemeye kuba abambari ba FPR bahunga ingoma batambiye: urugero rwa Mukurarinda ALE(Alain) wari umuhimbabyaha w'Agatsiko/NKUSI Yozefu"/NKUSI Yozefu"

Mukurarinda

Ndabashimiye cyane, Nitwa Munyura Benja, 

Mugusubiza Rafiki munyibukije ibyambayeho ubwo narindi imbere y'inteko gacaca ya ngoma nisobanura ku byaha naregwaga. Ubwo narinkataje mu kwisobanura, umwe mubagize inteko umusaza Byanafashe umwarimu muri kaminuza yanciye mu ijambo ambaza ikibazo kigira kiti: ese ko mbona wisobanura cyane wowe uri Umuhutu cg uri umututsi? 

Nabanje gucanganyikirwa ngirango umusaza yibeshye Niko kumusubizako jye ntaje kuburana ubwoko ahubwo mpagaze imbere y'inteko nisobanura kubyaha ndegwa, nakomeje guhatwa ibibazo ntegekwa gusubiza ikibazo n'abajijwe nuko niko kumusubizako ndi Umuhutu.Yaratangaye cyane niko guherako ambwira ko ntakagombye kwirirwa nisobanura rwose ahubwo ko nakagombye kwemera icyaha nkanagisabira imbabazi. 

Kuri we rero urumva ko iyo uri umuhutu uba warangije guhamwa n'icyaha ntabindi bisobanuro. Imana ireba mu mitima , yo ibasha kumenya ibikorerwa mu bwihisho niyo MUCAMANZA mukuru.

Munyura Benja Ola Olivier

inyandiko yakuweho iki gitekerezo murayisanga aha

Shikama irashimira byimazeyo uyu muvandimwe Munyura kuri uyu mwanya yigomwe kugirango adusangize ku byamubayeho, twizeye kandi ko azakomeza. Imana ikomeze imuhe impagarike n'ubugingo.
Dg Nkusi Yozefu

Mu gihe OROMO muri Ethiopia bemerewe kwigaragambya bamagana amanyanga y' ingoma y'Agatsiko y'aho; mu Rwanda ho n'umuyobozi w'ishyaka ubirose arabizira. Ibi bikaba bizatuma ihirima ry'ingoma ya Kagame Pawulo n'ibizayikurikira bizamera nkuko byagenze ku ngoma ya Moamar Kadafi wa Libya/NKUSI Yozefu

Ubwoko bwa ba nyamwinshi OROMO muri Ethiopia
buhanganye n'ingoma  y'Agatsiko k'aho kabakandamiza

Ethiopia ni igihugu kitigeze gikolonizwa nk’ibindi bihugu byose by’Afurika, ariko kiza guhura n’akaga ko kuyoborwa n’ingoma z’igitugu zagihejeje mu bukene ku buryo ubu kibarirwa mu bihugu by’Afrika bihora mu nzara zidashira; kuri uyu munsi Shikama iriho itegura iyi nyandiko, LONI ikaba itabariza abanyethiopia bagera kuri miliyoni cumi n’eshanu(15,000,000) bugarijwe n’inzara kuri miliyoni zigera kuri mirongo inani (80,000,000)zituye iki gihugu.

Umuvandimwe RAFIKI Clety aranenga inyandiko ya SHIKAMA"Menya uko abahutu bemeye kuba abambari ba FPR bahunga ingoma batambiye: urugero rwa Mukurarinda ALE(Alain) wari umuhimbabyaha w'Agatsiko/NKUSI Yozefu"/NKUSI Yozefu

Ariko Nkusi ndakubwira ikintu kimwe niba uri n'Umuhutu cyangwa Umututsi uri mubi; uravuga ngo iyo Umututsi abonye ubuyobozi bamushyiranaho n'umugore we nguhe urugero umugore wa IGP Gasana, Nyamvumba ,Kabarebe,  Musemakweri abo si abantu bakomeye mu Rwanda abagore babo bagakwiye gukorera nko mu bigo bikomeye?

Kagame Pawulo yari akwiye gushyira mu gaciro agasezera ku butegetsi kuko SATANI LUSUFERO yamurushije imbaraga akaba ari we uyobora igihugu cye!/NKUSI Yozefu

Mu gihe abambari ba FPR bariho bashyashyana hirya no hino batekinika akantu kose kugirango umwami w’Abidishyi azakomeze kubategeka kugeza igihe isi izashirira, ibintu biriho biradogera umunsi ku wundi mu gihugu cya Kagame ku buryo umuntu atatinya kuvuga ko Satani yakigaruriye kikaba  kigeze inyuma ya Sodomu na Gomora nkuko Shikama iheruka kubagezaho inyandiko ibyerekana; igiteye agahinda ni uko Kagame Pawulo akibeshya ko ategeka kandi uyobora u Rwanda ubu ari kimenywa na bose nk’umuravumba. Hasi aha turarebera hamwe bimwe mu bimenyetso bigaragaza ko Satani ariwe usigaye wiyoborera u Rwanda.

Icyitonderwa: kanda kuri buri foto uyigire nini kugirango uyirebe neza, nurangiza ukande hejuru yayo ku nguni y'iburyo ahari aka kamenyetso X ihite isubira kuba ntoya.

Menya uko abahutu bemeye kuba abambari ba FPR bahunga ingoma batambiye: urugero rwa Mukurarinda ALE(Alain) wari umuhimbabyaha w'Agatsiko/NKUSI Yozefu

Mukurarinda A.

Urubuga rwanyu Shikama ruheruka kubagezaho mu ntangiriro z'uyu mwaka wa 2015 urutonde rw'abayobozi nako abategetsi bamaze guhungishiriza imiryango yabo hanze kubera kutizera ejo hazaza h'u Rwanda cyane cyane ku bijyanye n'amahoro. Ku rutonde twabagejejeho harimo inkomamashyi Gasamagera Welarisi( Wellars) wahungishirije abakobwa 2 mu gihugu cya Noruveje ndetse umwe akaba aherutse kurongorwa n'umurundi se ntamutahire ubukwe, undi mwana we akaba aba mu gihugu cy'Ububiligi.Uyu Gasamamagera niwe uba aherekeje Kagame Pawulo muri za Rwanda deyi  ashishikariza abanyarwanda gutaha! Hari n'umukuru w'inteko ishingamategeko nawe wamaze guhungishiriza abe mu gihugu cy'Ububiligi. Aba  bose bafite impamvu zitandukanye baha FPR kugirango itabaca imitwe kandi bakomeze bayikame itarateka; bamwe bavuga ko batandukanye n'abo bashakanye nka Habimana Salehe usigaye uhagarariye Kagame na FPR mu Misiri, abandi bavuga ko abana bagiye kwiga, abandi bakemeza ko abana babo babacitse nka Gasamagera.

UDUSAJYA(7).Nyuma yo guhabwa akayabo na Israel kugirango Pawulo Kagame yakire impunzi zo Muri Sudani na Eritrea zirukanwe muri Israel, izimaze kugera mu Rwanda muri uyu mwaka wa 2015 zigera kuri 5000 ziravumira Pawulo Kagame ku gahera./NKUSI Yozefu

impunzi z'abanyareritrea

Hashize amezi make tubagejejeho inkuru iteye ubwoba yerekeranye n'ukuntu Pawulo Kagame yakiriye amafaranga atagira ingano ariko akaba atazwi umubare kandi nta n'aho yanditse mu Rwanda akagereka ku Rwanda umutwaro wo kwakira impunzi zo muri Eritrea na Sudani zifungiye mu butayu bwa Israel, zikaba zigera zose hamwe kuri 20,000. 

UDUSAJYA(6)Nyuma yo gusahura amabanki n’ibigo bya Leta, gushinga ibigega bitagira indiba, ubu noneho FPR igeze aho igwatiriza u Rwanda ku bashoramari; ejo abakiri bato n'abataravuka bazishyura imyenda batariye ho n'agashitu!/Nkusi Yozefu

Gusahura amabanki n’ibigo bya Leta

Mu myaka yashize, twagiye twumva ngo ikigo runaka cyahombye amafaranga angana gutya. Ejo tukumva ngo abayobozi bagikoragamo bahawe indi mirimo, ntihagire ubazwa icyo gihombo. Ikigo kibasiwe cyane ni igitanga amazi n’amashanyarazi cyahoze cyitwa Electrogaz Agatsiko kakaza kukita EWASA ubu twandika iyi nkuru kuri Shikama ntituzi izina rigezweho ry’iki kigo kuko amazina yacyo ahinduka buri munsi mu rwego rwo kuyobya uburari bw’isahurwa rigikorerwamo.

Amabanki nayo ntiyarebewe izuba, ku buryo banki ya BCR byavugwaga muri 2008 ko FPR iyigejeje aharindimuka iyisahura.  Banque de Kigali nayo ni uko byayigendekeye ku buryo Abashoramari bo mu gihugu cy’Ububiligi bahisemo kwikuriramo akabo karenge muri 2009, basigira ibibazo benebyo.

UDUSAJYA(5): IHAME: Buri butegetsi bwose bwo mu Rwanda, nyuma y'imyaka 10 buba bumaze kwigwizaho imitungo n'ubukire benebwo bagasigara bashaka kwishimisha mu njyanishabitsina/NKUSI Yozefu(inyandiko yavuguruwe :2/12/2015 saa18.25 GMT)

Bimwe mubyo FPR yita byiza yakuriye abanyarwanda muri Uganda: Ikimansuro
Photo: igihe.com

Ihame ryose kugirango rifatwe gutyo koko hagomba ibimenyetso bifatika bishyigikira igitekerezo runaka kugirango koko gihinduke ihame rikaba ari ingenzi mu bushakashatsi kuko bugomba kuryubakiraho bufata ibyemezo cyangwa umwanzuro runaka. Ihame turi burebere hamwe riragira riti:" Buri butegetsi bwose bwo mu Rwanda, nyuma y'imyaka 10 buba bumaze kwigwizaho imitungo n'ubukire bene bwo bagakurikizaho kwishimisha mu njyanishabitsina". Muri iyi nyandiko ndaza kwifashisha ubutegetsi bw'ingoma 2 nzi cyane, ni ukuvuga ingoma ya Kinani n'iya Kagame Pawulo.

Ubucurabwenge buratwereka ko mu bisekuru bya Kagame haba harimo abahutu. Ese ibi hari icyo byahindura mu mikorere n'imyumvire bye?/Nkusi Yozefu

Pawulo Kagame

Ikibazo cy'u Rwanda gishingiye ku bwoko abenshi basanga kizatuma abanyarwanda badatera imbere. Abanyarwanda mubyo ukuri bazwiho kuba ari abakozi aho bari hose. Ikibabaje ni uko bahirihimba, bagahatana , bakubaka bwacya bakabisenya. Ibi bikaba  bitandukanye n'ibibera mu bindi bihugu aho amoko asubiranamo akenshi biturutse ku bwumvikane buke bwa rubanda rwa giseseka, mu Rwanda siko bimeze. Abiyita abategetsi nibo usanga baramunzwe n'irondakoko; kandi turavuga ngo umwera uturutse i Bukuru bucya wakwiriye hose.

UDUSAJYA(4): Nkundira Kagame Pawulo ko yemera ibyaha bye, nkamwangira ko atabyihana ngo abisabire imbabazi!: Umubyeyi we yamutoje urukundo, kubabarira no kwita ku bibazo by'abo ategeka. Ese Kagame yaba yarasabye imbabazi uyu mubyeyi mbere yo kwitahira kuko atakurikije inama ze?/NKUSI yozefu

Ubwo inkuru yari imaze gusakara ko umubyeyi wa Pawulo Kagame yitabye Imana, abantu benshi bagiye bagaragaza umujinya batewe n'ibibazo Kagame Pawulo yabashyizemo, bakabyegeka kuri nyakwigendera wabyaye nyiri ku batera ibi bibazo, bati nagende yadukozeho. Igikorwa nk'iki muri Shikama twaracyamaganye kandi tuzahora tucyamagana. Icyaha ni gatozi, tugomba kwipakurura uyu muco mubi Inkotanyi zadukuriye muri Uganda.

Isesenguramvugo n'ubuhanuzi. MAGAYANE ati:"Hazabaho ihene izabyara isekurume indwi zange konka; umwami w'ishyamba azaza kwiba"/ UDAHEMUKA Eric

 Nongeye gusuhuza buri munyarwanda wese n'aho aherereye hose muri kano kanya. Muri byinshi Magayane yavuze ko bizaba mu Rwanda bimwe byarabaye abanyarwanda tubibonesha amaso yacu. Mu itangazamakuru n'isesenguramakuru bigendanye n'igihe cyangwa bigendana n'ibihe tugezemo numvise ari ngombwa kugira umusanzu ntanga ku banyarwanda bose mu kureba aho tugeze n'uko politiki yitwaye mu Rwanda rwacu.

UBUHANUZI: Nyirabiyoro nawe yahanuye amaherezo y'Ingoma y'Agatsiko/Nkusi Yozefu

Shikama imaze iminsi ibagezaho ubuhanuzi bwerekeranye n'iherezo ry'Ingoma ya Pawulo KAGAME. ubu buhanuzi bwasomwe kurusha izindi nyandiko zica kuri Shikama. Abenshi twagiye tuganira bemera rwose ko ubu buhanuzi bufite ishingiro, ariko hari na bake babupinga. Abaha agaciro ubu buhanuzi, twababwira ko iyo tubushyira kuri Shikama si ukugirango, biyicarire barambye ngo Magayane, Nyirabiyoro n'abandi baravuze,! Ni twebwe abanyarwanda twese tuzatuma ibikubiye muri ubu buhanuzi bunyuranye bisohora kuko Imana ngo ifasha uwifashije. Abemera ubu buhanuzi bagomba kubanza kureba koko niba ibimenyetso bibukubiye mo byigaragaza, barangiza bagahaguruka bagahagarara bagafasha ubuhanuzi gusohora.

Kubera ko muri rusange ibimenyetso bikubiye mu buhanuzi bunyuranye byarangije kwigaragagaza, tugomba guhaguruka tugatangira kubwira Agatsiko ko kagomba kuzinga akarago kakarekura ubutegetsi kugirango abanyarwanda bareke gukomeza kwicwa n'inzara, guhambwa babona, kwicwa nta mpamvu ku manywa y'ihangu, gusenyerwa, koherezwa muri Rweru, kurya nabi Agatsiko kariho gasesagura muri za Rwanda deyi, abana ba Ngofero bahabwa uburezi budafite ireme ab'Agatsiko bahabwa ubufite ireme.

Igihe ni iki rero kuko ejo hazaba ari kera

Ubuyobozi bwa Shikama

-----------------------------------------------------------------------------------------------.------------

                                                         UBUHANUZI BWA  NYIRABIYORO

Komanteri y'umuvandimwe Kabarari Emmanuel ku nyandiko "Shikama irihanganisha Kagame Pawulo wabuze umubyeyi we yakundaga ariko hari ibyo inamukeburaho/NKUSI Yozefu""

Twanze kuba inkangara y'ubujiji n'ubusahiranda

erega muzicwa nagahinda!!. ndibaza ntakindi gihe urwanda ruzayoborwa numuntu uzi icyogukora nka kagame. impanvu mwese mwahagurutse nuko igihugu kigeze aho uwo ariwe wese yifuza kukiyobora rero ntagitangaza mubyo muvuga ngo igiti cyera imbuto nicyo giterwa amabuye. mperuka mwese muyabangira ingata ngo igihugu kiri kwaka umuriro none abantu biziritse umukanda amatunda areze none ngo murashaka demokarasi mwabaye intyoza. Kagame numugabo cyane

Kabarari Emmanuel

Iyi komanteri murayisanga hano

Shikama irasubiza

Urakoze muvandimwe Kabarari  mu gutanga igitekerezo cyawe. Ariko ndagirango nkubwire ko ushobora kuba uri mu bantu bake babona ko u Rwanda rugeze aheza ku buryo buri wese ashaka kuruyobora.!!!

Icyo abenshi duharanira si ubutegetsi nkuko ubikeka, turaharanira ko abanyarwanda babaho mu gihugu cyabo badafatwa nk'ibintu ari abantu, nta bakorerwa ivangura, itotezwa ridafite ishingiro, nta bifata nk'indobanure zigomba kurya abandi zibakandagiye ku gakanu nkuko bimeze ubu mu Rwanda.

Niba uri mu bari bariziritse umukanda ukaba warawuzituye nkuko uvuga ko u Rwanda rugeza aheza , rukaba rweze imbuto, ndakumenyesha ko amateleviziyo n' ibinyamakuru byinshi byo ku isi bishyira u Rwanda mu bihugu abaturage babyo bafite imirire mibi.. Ibi kandi bikaba byaragiye bishimangirwa n'ibyegeranyo mpuzamahanga binyuranye. None se ayo matunda uvuga u Rwanda rwa Kagame rweze ni ayahe!Icyo nzi iyi ngoma yejeje ni " IKINYOMA" tukaba aricyo turiho turwanya ngo kizarandukane na benecyo bagihaye intebe mu Rugwiro no ku Kimihurura.

Demukarasi murwanya iraje mu Rwanda ibagamburuze kandi ni twe twese Abatwa, Abatutsi n'Abahutu  tuzayimika , abigize INDOBANURE babishaka batabishaka.

Dg NKUSI Yozefu

www.shikamaye.blogspot.no

Shikama ku Kuri na Demukarasi(SKUD)

UBUHANUZI: Ubuhanuzi Imana yahaye Hakizimana Bosiko:" IMANA IGIYE KOHEREZA KORALI YITWA IKOSORA:Imana izavuga cyane muri 2015 ku buryo ntawe izasigaramo ideni. Iyi korali izaza gucurangira mu Rwanda igihe Umupapa uzaba ari mu ruzundiko muri Uganda amaze gukura ikirenge muri iki gihugu atashye." ./NKUSI Yozefu

Ejo nabashyiriyeho videwo Pawulo Kagame ubwe yivugiye mo ko ataraba na Perezida, abantu benshi bamuzaniye ubuhanuzi bw'Imana. Aya magambo ya Kagame rero Shikama yagerageje kuyashungura isanga ko nta wapfa guhakana ukuri kuvugwa n'aba bahanuzi. Rudahigwa, Kayibanda cyangwa Kinani bari abakirisitu kandi batinyaga Imana. Niba Imana itarigeze ituma abahanuzi kuri aba bayobozi 3 mvuze hejuru ikaba yarahisemo Pawulo Kagame ni uko hari impamvu! Kuva muri 1994 kugeza kuri uyu munsi wa none, mu Rwanda hagiye habamo amabi menshi na n'ubu bigikomeje ku buryo Imana isumba byose harimo USA na UK bashyize Kagame mu Rugwiro idashobora gukomeza kubyihanganira, kandi igomba gukosora ba Sekibi ku buryo bw'intangarugero kugirango hatazagira umuntu kuri iyi si uzongera gukora nkabo ukundi.Mu gihe Kagame Pawulo agipinga ubu buhanuzi, twebwe ho abanyarwanda tugarukire Imana, dukundane, dutabarane ariko hejuru ya byose dusezerere irondakoko n'irondakarere.  Ubuhanuzi buri hasi aha uwabuhawe yabugejeje ku turere twose tw'u Rwanda, iby'uyu muntu avuga hafi ya byose bikaba bimaze gusohora. 

Hasi aha shikama yagerageje gushyiraho incamake y'ubu buhanuzi kubera ko hari abantu bashobora kugira ikibazo cyo gufungura VIDEWO kubera amikoro make.

          Hakizimana ararangiza aririmba ati:"  

 NGWINO winjire mu rugo rw'Imana , Inyuma  ni habi, ngwino winjire"

UBUHANUZI: Mu gihe bigaragara ko ubuhanuzi ku Rwanda bugeze ku musozo, Pawulo Kagame we aracyabupinga ngo arashaka ko Imana iza bakavugana imbona nkubone!/NKUSI Yozefu

Kagame ngo arashaka ko Imana iza bakivuganira nk'abareshya!

Kuri iyi videwo iri aha hejuru, Pawulo Kagame ariyemerera ko akiri mu bundi butegetsi mu Rwanda ataraba na perezida wa Repubulika, abiyitaga abahanuzi bamuzaniye ubutumwa bwinshi bahawe n'Imana ariko ngo arabapinga avuga ko ashaka kwivuganira n'Imana imbona nkubone.Nyamara ngo nyamwanga kumva ntiyanze no kubona, biragaragara ko Kagame Pawulo n'Agatsiko ke bari mu bihe bya nyuma kandi nabo barabizi neza kuko bose barangije guhungishiriza imiryango yabo mu mahanga bamwe babeshya ko abana bagiye mu mashuri, abandi bakavuga ko batandukanye nayo!

Ubuhanuzi: Ese manda Kagame yahawe yo guhonyora abanyarwanda irarangirana n’intambara agiye kugaba ku Burundi ikazamwirukana mu Rugwiro muri uyu mwaka wa 2015 nkuko byahanuwe koko?/NKUSI Yozefu

   Umuhanuzi Gakwaya Damaseni

Mbere y’intambara Inkotanyi zagabye ku Rwanda, hari umuhanuzi w’ikirangirire witwaga Magayane utazibagirana mu mateka y’u Rwanda wahanuye ibizaba kuva ku gitero cy’Inkotanyi , gufata ubutegetsi, no kwirukanwa kwazo mu Rwanda. Iyo urebye ibyahanuwe n’uyu mugabo icyo gihe n’uko ibintu biriho bigenda bikurikirana wagirango ibyo yahanuraga yabisomaga mu gitabo yari yandikiwe n’ingufu zidasanzwe!Rwabujindiri Rurya ntiruhage yaragaragaye kandi umururumba yavuzweho uraboneka, ibisahiranda bizarya akaribwa n’akataribwa biraboneka turabibona, ukwishishanya no kugambanirana ku buryo umwana azajya agambanira n’umubyeyi we nabyo turabibona, gusubiranamo kw’abiyicaje ku ngoma nabyo biriho biraba turabibona. Igihe Magayane yahanuraga ibi muri za mirongo inani mu kinyejana gishize cya 20, abantu benshi bamufashe nk’umusazi ndetse ubutegetsi bwa KINANI -kitananiye abanzi n’abagambanyi -bumuta muri gereza buvuga ko ashaka kugumura abaturage gusa.

Shikama irihanganisha Kagame Pawulo wabuze umubyeyi we yakundaga ariko hari ibyo inamukeburaho/NKUSI Yozefu

Shikama irihanganisha Pawulo Kagame wabuze umubyeyi
we ariko iranamukebura

Mu izina ry'abavandimwe bamfasha hano muri SHIKAMA, nihanganishije Pawulo Kagame wabuze umubyeyi we. Imana yakire roho ye mu ijuru ryayo kandi imuhe iruhuko ridashira.

Nyuma yo kwihanganisha Kagame, mboneye ho n'umwanya wo kwamagana ubunyamaswa busigaye buranga abanyarwanda benshi, uyu muco mubi FPR yadukuriye muri Uganda tukaba tugomba kuwipakurua niba dushaka koko kuba ho muri iyi si y'abantu.

POLITIBALL(1):Ikipe Agatsiko FC ya Kapiteni Pawulo Kagame irahurira Arusha n'ikipe Haleluya FC ya Kapiteni Nkurunziza Petero/Nkusi Yozefu

 Uyu mupira ngiye kubagezaho ni igitekerezo! Burya ngo impamvu ingana ururo!Iki gitekerezo kikaba cyaranjemo ubwo nasuraga YouTube nkagwa kuri Videwo yarimo Rukokoma yatumiwe ahantu ariko bamwima ijambo maze aho barimuhereye agira ati: " Erega mwari mwanyimye ijambo!Nta muntu uzambuza gukina politike!" Nahise nibaza nti ese burya politike ni umukino!Narongeye nibuka ko ku bwa Kinani kitananiye abanzi n'abagambanyi hari umutegetsi wajyaga abwira ikipe yakundaga cyane "Panteri Nware" igeze mu kibuga ati:" kanaka we, kora uko ubyumva, intambara ni nk'indi" ubwo yabwiraga abakinnyi kwica abakinnyi b'ikipe mukeba, icya ngombwa bagatsinda. Aha naho naribazaga nti ese burya umupira w'amaguru ni intambara nk'izindi? Iyi myumvire ya Rukokoma n'uriya wari ushyigikiye Panteri Nware, narayihuje yombi nyibyazamo umukino nise Politiball.

Hasi aha mukaba mugiye kugezwaho umukino wa politiball uri buhuze Agatsiko FC ya Kapiteni Kagame  Pawulo na Haleluya ya Kapiteni Petero Nkurunziza. Kubera ko mu Burundi hamaze igihe hagwa imvura nyinshi ibibuga byose bikaba binyerera, no mu gihugu AGACIRO bikaba ari  uko, uyu mukino urakinirwa Arusha muri Tanzaniya! Abanyamakuru 3 bo muri TVG nibo bari bubagezeho iby'uyu mukino: Kawera, Kalinda na Shinani. Muryoherwe.

AGATENDO MU DUTENDO(14): Padiri NAHIMANA Tomasi ari mu yahe mayobera?/Nkusi Yozefu

                                                                                    Padiri Nahimana Tomasi

"Turasaba umwe mu bataripfana kugira icyo avuga ku nyandiko naciye kurihttp://shikamaye.blogspot.com/ (Agatendo mu Dutendo 12 Ese aho padiri Tomas Nahimana ntiyaba yarakoze nka Uwizeyimana Evode! PADIRIOUTAI?/NKUSI Yozefu). Njyewe nicyo nkomeje gusaba.Ntitubasabye ko muduha détails zose, niba nabyo ari strategie z’imikorere y’abataripfana, nabyo tubimenye.Ndabibutsa ko kenshi uru rubuga rwagiraga ibibazo mukabitumenyesha mubicishije ku zindi mbuga noneho tukamenya ko cyari ikibazo runaka bityo tugategereza. Guceceka siwo muti. Abasenye u Rwanda bahisemo IKINYOMA, GUHISHAHISHA(aribyo abantu bitiranya no kugira ibanga)TWAJYA KUBONA TUKABONA IBINTU BITARI BYIZA BITWITUYEHO, nko kurimbura agasozi cyangwa URUSISIRO RWOSE kandi ababiteguye babihishahishe ariko bitabujije ko bamenyesheje ababo tubana mu nsisiro bo bakirinda kugerwaho cyangwa kwitiranwa n’ababaga bakatiwe urwo gupfa. Iyo mikorere yaranze abo bose ntacyo nyivugaho kinini ariko MUMENYE KO GUHISHAHISHA BIJYANA N’UBUGOME KANDI UBUGOME BUTURUKA KU MUBI. None mwe kuki mutakomeza guhitamo UMUCYO? UKURI? CYANGWA MU RUFARANSA TRANSPARENCE? Ubwo se musanze guhishahisha aribyo byiza? Mwanze umucyo ku mugaragaro rero! Muhisemo IKIBI CYARANZE INGOMA ZICA!  Murakoze. Ukuri/ komanteri yo kuri www.leprophete.fr.novembre 17, 2015 at 9:17"

 Tomasi yananiwe kubeshyuza inyandiko ya shikama 

Mu nyandiko ya shikama iheruka, Agatendo mu dutendo (12) musanga aha, twibazaga uko byagendekeye umuvandimwe wacu Padiri Nahimana Tomasi umuyobozi w'urubuga rwabimburiye izindi zigenga, Loporofete ( Le Prophete) -Umuhanuzi. Mu gusoza inyandiko yacu twarangije dukeka ko uyu mupadiri wiyuburuyemo umunyapolitike yaba yaragiye kubohoza umwanya i Kigali mu Ngoma y'Agatsiko nkuko Uwizeyimana Evode yabikoze, tukongera tugakeka ko niba ibyo tuvuze hejuru atari byo, Nahimana Tomasi yaba ariho ategura mu ibanga urugendo rwe rumuganisha i Kigali ngo ajye guhangana na Pawulo Kagame mu ngirwamatora yo muri 2017 nkuko yabyemereye abanyarwanda ko azasesekara i Kigali muri Mutarama 2016 kubera impamvu tuvuze hejuru.

AGATENDO MU DUTENDO(13):Abatekinisiye ba FPR bashinzwe guhimbira ibyaha uwo bashaka guca umutwe umenya akazi kabananiye, Umwidishyi mukuru agomba kubasimbuza abashya. Menya agatendo kabaye mu ifungwa, ifungurwa n'ifungwa bya Kapiteni Dawudi Kabuye/ NKUSI Yozefu

kapiteni Dawudi kabuye

                                   
Kapiteni Dawudi Kabuye ni muntu ki?

Dawudi Kabuye ni umugabo wa Roza Kabuye wa wundi wigeze koherezwa gufatirwa i Burayi ku bwumvikane bwa Pawulo Kagame n'uwari Perezida w'Ubufransa Nicholas Sarkozi kugirango Agatsiko kamenye neza ibikubiye mu idosiye y'umucamanza Jean Louis Bruguere ku cyaha cyo guhanura indege ya Kinani abenshi bemeza ko yabaye imbarutso y'amarorerwa yagwiriye u Rwanda( aha muribuka ka gatendo ka : " Turashaka Roza wacu"!) Umuryango wa Kabuye, uri mu bantu bubatse ubutegetsi bw'indobanure buyobowe na Pwulo Kagame uriho uwutoteza amanywa n'ijoro.

UDUSAJYA(3):Mu gihe ba Munyanya babeshya Kagame ko bazamugwa imbere, Twebwe ho Ikinyarwanda ashaka gusogota tuzakigwa hejuru!/NKUSI Yozefu

Mu cyumweru gishize, za Nkomamashyi zo ku Kimihurura nyuma yo kwemeza ko itegekonshinga rihinduka kugirango umwami Kagame azagwe mu Rugwiro, zahise zisimbukira  ku wundi mushinga zagejejweho na Guverinema nyayo ya Kagame( ikorera mu Rugwiro). Urwo rukozasoni nta rundi ngo ni ukwiga ukuntu ikinyarwanda cyavanwa mu ndimi zakoreshwaga mu butegetsi kugirango abashoramari bazaze mu Rwanda ku bwinshi!!!!!Muri Shikama rero tukaba twamaganye uru rukozasoni twivuye inyuma. Biteye isoni rwose kubona umutegetsi udafitiye impuhwe abo yabohoje akabashyira ku ngoyi aryama akabyuka avuga ati ibi nibibe gutya, maze Inkomamashyi ze zikabiha umugisha uko byakabaye zititaye ku ngaruka bizagira kuri ejo hazaza h'abanyarwanda.

Agatendo mu Dutendo(12) Ese aho padiri Tomas Nahimana ntiyaba yarakoze nka Uwizeyimana Evode! PADIRIOUTAI?/NKUSI Yozefu

Padiri Nahimana Tomasi
Umukandida w'ishyaka Ishema mu matora ya  Perezida wa Republika muri 2017

   Abanyarwanda baba abari imbere mu gihugu cyangwa hanze yacyo, bazi intambara y’inkundura yarwanywe n’urubuga loporofete(Le prophète)Umuhanuzi rwari ruyobowe n’abapadiri babiri aribo Rudakemwa Forutunatusi(Fortunatus) na Nahimana Tomasi bombi bakomoka muri Diyosezi ya Cyangugu kuva uru rubuga rugishingwa. Agatsiko kararuhagurukiye, karufunga inshuro nyinshi, gasebya benerwo mu itangazamakuru ryako biratinda!Impamvu nta yindi rero ikaba ari uko Agatsiko kagize ubwoba kabonye uru rubuga rutangiye kugezaho abanyarwanda ukuri kw’ibibera iwabo, kandi bigakorwa n’abantu bazi uko kuri banaguhagazeho, bashobora kwizerwa n’abaturage ndetse n’abanyamahanga. Ikindi cyateye ubwoba agatsiko kurushaho ni uko byagoye Agatsiko gushakira aba bagabo bashinze uru rubuga icyaha cy’inkomoko gikoreshwa mu gucecekesha no kujujubya Umuhutu aho ari hose kusi ndetse n’utaravuka! Ikibabaje rero ni uko uru rubuga rwabereye izindi mbuga Rubimburirangabo rwahagaze igitaraganya, abakunzi barwo ntibabwirwe uko byarugendekeye abantu benshi bakaba bibaza niba Padiri Tomasi Nahimana waruyoboraga ataranyonyombye akajya kwibohoreza umwanya kwa Kagame Pawulo nka Evode Uwizeyimana! Shikama yabashyiriyeho hano hasi videwo yerekeranye n’ikiganiro  Padiri Tomasi Nahimana yagiranye na Radiyo Ikondera Info muri 2014 kikaba cyari cyerekeranye n’itahuka rye ngo yiyamarize kuba Perezida wa Repubulika muri 2017. Ibiri muri iki kiganiro bishobora kudufasha kumenya aho umukandida w’Ishema mu matora ya 2017 ku ntebe yo mu Rugwiro yaba aherereye.

UDUSAJYA( 1): isi ntisakaye buri wese yanyagirwa/ Nkusi Yozefu

Muri iyi minsi abanyarwanda bateye umugongo ibibera iwabo maze amaso n'amatwi babyerekeza i Burundi. Nkuko imvugo yasakaye mu Rwanda muri iyi minsi igira iti: " Isi ntisakaye buri wese yanyagirwa" ibyemeza, tugomba kumenya ko ibibera i Burundi bishobora kuba n'ahandi hose ku isi no mu Rwanda harimo. Niyo mpamvu rero tugomba gukomeza gukurikirana ibibera i Burundi, dusabira ku Mana abavandimwe bacu b'Abarundi ngo ibarinde Sekibi, ariko tukanazirikana ko turi mu isi idasakaye, tugashikama tugashaka uko twasakara inzu yacu"RWANDA" ngo tutanyagirwa!

Intambara ya rurangiza izambika ubusa abayiteguye bakayishoza ikazasiga ihinduye abakinnyi mu karere k’ibiyaga bigari by 'Afrika( Igice cya Gatatu):IGITERO KU BURUNDI MURI UKU KWEZI K'UGUSHYINGO!/NKUSI Yozefu

Kagame Pawulo agura ibi bisasu, abibazaga icyo azabikoresha bagiye kukibona
muri uku kwezi k'Ugushyingo 2015

Mutwihanganire kuba twaratinze kubagezaho iyi nyandiko abenshi muri mwe badutangarije kenshi ko bayitegerezanye amatsiko menshi. Impamvu yo gutinda nta yindi rero ni uko mu gahugu k’ikinamico buri gihe bucya bucyana ayandi; ni ukuvuga ko igihe cyose twabaga tugiye kubageza ho iyi  nyandiko, hari andi makuru mashya twungukaga bikaba ngombwa ko nayo tuyashyiramo.

"Iki ni igihango, mumenye ko FDLR niza ikabasangana iyi foto itazabasiga, niyo mpamvu tugomba gufatanya kuyitsemba"Jenerali Kabarebe Jyemusi. Menya icyihishe inyuma y'umusanazu wa FPR uriho wakwa ku ngufu abatavuga rumwe n'ingoma y'Agatsiko ka FPR

Nkimara kubona inyandiko yaciye kuri Veritas info muri iki gitondo yerekeranye n'umunyarwanda umaze iminsi atotezwa n'inzego z'ubutegetsi z'u Rwanda kugeza aho ashimutiwe, numvise ngomba kugira icyo mvuga kuri aya marorerwa akorwa n'agatsiko k'amabandi yitwaje intwaro kugirango gahatire abanyarwanda bose gutekererezwa n'umuntu umwe rukumbi umwicanyi Pawulo Kagame.

Iyi nyandiko ivuga akaga umuvandimwe wacu Ntirutwa Tewofile  yahuye nako murayisanga hano(kanda hano uyigereho.)

Hari umunywarwanda uherutse kunyandikira ambwira ati : " Erega hano i Kigali twibereye muri gereza nkuru yitwa u Rwanda!" Naramusubije nti nimwihangane kuko nta kindi nari mfite nakora, ariko aya magambo ye yanyibukije ibyambayeho mu bihe bya nyuma ndi mu Rwanda n'ibiheruka kuba kuri bamwe mu bakorera ibinyamakuru byo hanze, ndaturika ndarira nk'umwana ! Ibi byose murasanga ntaho bitaniye n'ibyabaye kuri Ntirutwa Tewofile musomye hejuru aha.

GUTABARIZA ABAYOBOZI BAKURU B’ISHYAKA PS-IMBERAKURI BASHIMUSWE NA LETA YA KIGALI.

5 novembre 2015

Politiki

Nyuma y’igihe kirekire ishyaka rishakisha abayobozi baryo bari baraburiwe irengero kuva mu kwezi kwa Nyakanga 2015, ishyaka PS-Imberakuri ribabajwe cyane no kumenyesha abanyarwanda bose, imiryango iharanira uburenganzira bwa muntu mu Rwanda n’inshuti z’u Rwanda ku isi hose ko abayobozi baryo aribo Bwana AlexisBAKUNZIBAKE, umuyobozi mukuru w’sihyaka na Bwana Kaki Hassan Orange, umunyamabanga w’ishyaka ushinzwe umutungo n’inshuti bari kumwe ko bashimuswe na Leta ya FPR inkotanyi mu gihugu cya Kenya aho bari nka kimwe mu bihugu by’umuryango wa Africa y’iburasirazuba (East African Community).

Amakuru yizewe agera ku ishyaka akaba yemeza ko Bwana Alexis BAKUNZIBAKE nuwo bari kumwe witwa Robert KAYEMBE bakigera muri Kenya mu ruzinduko bari bagiyemo bashimuswe na rwa rwego rw’abicanyi rwa FPR rwitwa DMI k’ubufatanye n’abanyakenya bakorana mu bibi nkibi maze bashyirwa ahantu bakorewe iyicwarubozo rikabije cyane babasaba kuvuga aho abarwanashyaka ba PS-Imberakuri bahunze nabo bakorana baba bari ndetse baza kubigeraho bakoresheje telephone bari bambuye BAKUNZIBAKE Alexis bituma bashimuta n’umunyamabanga mukuru w’ishyaka Bwana Kaki Hussan Orange aho yakoraga muri icyo gihugu cya Kenya.

AGATENDO MU DUTENDO: " Umuvandimwe Makoki Mugisha arava imizi ubwana n'ubucakura by'inkomamashyi Bamporiki nk'umuntu wabanye nawe!

Bamporiki ni uwo wambaye ishati wahimbawe

Aba bantu bose barasa ariko buriya hari RUCAGU mukuru muribo burya ni BAMPORIKI ati gute ? Bamporiki avuka mu muryango wabakene pe, akaba yaranabayeho nabi kuburyo Bushoboka bwose, ariko abatamuzi neza bumva ibyo abeshya bagirango ni umuntukoko, oya Siko bimeze. 

Ntarondogoye Bamporamanyanga uyu yansanze ku kigo nigagaho ubwo twari dukubutse mu buhungiro Leta Igenda idusanganya mu bigo bibonetse byose, uyu mugabo bamporiki yari avuye i Kibogora muri IJW(institut  John Wesley ) ntabwo yaje kwiga muri ESR RANGIRO kubera ko yari umuhanga oya, burya nkuko Mudidi yabivuze nta muswa ubaho. Bamporiki rero yaje muri icyo Kigo kubera Ko yari umuhanga mu gukina amakinamico, no kumenya gucunga Izamu. Uyu bamporiki yari umuswa mwiza kuko interrogation zikomeye zazaga arwaye zarangira nimugoroba akaba arakize akajya mu masengesho rwose yari azi Kurucaga gusumba Bonifasi .

Kuranga igitabo gishya Bita ukwabo

Gusoma bitera kumenya.

Hamaze gusohoka igitabo gishya “Bita ukwabo” kuri Editions-scribe.com cyanditswe na Froduald Harelimana usanzwe yandika ibitabo mu kinyarwanda cyiza kandi cyoroshye gusoma.

Iyi Bita ukwabo yanditse ku mazina bwite manyarwanda y'abantu, ibintu bitandukanye n'ahantu ku buryo bw'urutonde rufite ibisobanuro. Iyi Bita ukwabo izagufasha gutekereza no ku mazina mahimbano,ibisingizo n'ibibyiniriro biganje mu mvugo n'ibiganiro.

Iki gitabo cyafasha cyane cyane urubyiruko rwibaza ku mazina yabo, ay'ababyeyi n'abakurambere ndetse n'ahantu batuye n'aho bavukiye. Harimo kandi n'imigani n'ibisakuzo bikoreshwa kenshi mu kinyarwanda. Ndetse n'uzi gusoma ikinyarwanda buke nta kibazo yagira cyo kucyifashisha ngo abone ibisobanuro akeneye ashire amatsiko.

Kiboneka:

        Kuri Editions-scribe.com
        Iguriro ry’ibitabo rikwegereye ryagufasha kugitumiza
        Baza rubanda15@yahoo.com
Mukomere kandi mukomeze umuco n'ikinyarwanda.


ISBN:
978-2-930765-09-9
Date de publication:
10-2015
Format:
14,8x21
Volume:
172 pages

Regards,
Froduald Harelimana | rubanda15@yahoo.com

"Niko Nkusi we, nta batutsi bariye ku ngoma ya Kayibanda? Nta Batutsi bariye ku ngoma ya Kinani?None se wacishije make natwe tukarya kuri iyi ngoma y’Abatutsi!" Minisitiri w’umuhutu umwe w’Agatsiko abwira Nkusi Yozefu muri 1996. Abahutu bagomba kwemera uruhare rwabo mu bibazo byagwiriye u Rwanda kuva kuri Mashira wa Nkuba ya Sabugabo kugeza ubu akenshi biturutse ku nda nini ya bamwe muribo./Nkusi Yozefu(igice cya gatatu)"

Rucagu Bonifasi
Kurucaga ni uwa mbere!

Mu nyandiko 2 z'ubushize twavuze kuri bamwe mu bisahiranda by'abahutu byaranze ibihe bya gihake na gikolonize, ingoma ya Kayibanda, duherukira ku ngoma ya Kinani . Uyu munsi tukaba tugiye kuvuga kuri bamwe mu bahutu b'inda nini bo ku ngoma ya Pawulo Kagame.

Ku ngoma ya Kagame Pawulo

Iyi ngoma niyo igaragaza neza neza umuhutu wavugwaga mu gihe cya cyami na gikolonize ko agira inda nyango uwo ari we «Yewe mugaragu nahatse kera, ngwino nkwitumire i Nyanza, ariko ntuntenguhe, ndabizi Abahutu mugira inda nyango.». Muri make, ni umunyarwanda utagira umurongo uhamye agenderaho, agenda ahinduka akurikije inyungu akura aha na hariya. Ingero ni nyinshi zifatika , Shikama ikaba ikugezaho nkeya cyane muri zo zigaragarira buri wese kuko abagiye kuvugwa hasi aha muri iyi nyandiko bakiriho kandi ibikorwa byabo bikaba byarigaragaje cyangwa bikigaragaza.

"Niko Nkusi we, nta batutsi bariye ku ngoma ya Kayibanda? Nta Batutsi bariye ku ngoma ya Kinani?None se wacishije make natwe tukarya kuri iyi ngoma y’Abatutsi!" Minisitiri w’umuhutu umwe w’Agatsiko abwira Nkusi Yozefu muri 1996. Abahutu bagomba kwemera uruhare rwabo mu bibazo byagwiriye u Rwanda kuva kuri Mashira wa Nkuba ya Sabugabo kugeza ubu akenshi biturutse ku nda nini ya bamwe muribo./Nkusi Yozefu(igice cya kabiri)"

Koloneli Nselkalije Aloyizi( Macinya)

Ubushize twababwiye ukuntu umwami w'umuhutu Mashira wa Nkuba ya Sabugabo yiraye agasabana mu bagore ( gushyingirana ) n'umwami w'agahugu gatoya Rwanda rwa Gasabo kayoborwaga n'inyaryenge z'Abanyiginya zuje ubugome n'ubucakura. Muri ubu burangare bwa Mashira, hiyongereye ho inda nini ya mwene se Munyanya wagambanye n'umwami Mibambwe, bakica igihangange Mashira wari wacumubikiye Mibambwe avuye mu buhungiro muri Congo!. Uyu munsi turarebera hamwe uko abahutu b'inda nini bagiye bagambanira bene wabo mu bindi  bihe bitatu bitandukanye.

Mu cyumweru gitaha Muzagezwaho igice cya gatatu cy'iyi nyandiko:"Intambara ya rurangiza izambika ubusa abayiteguye bakayishoza, ikazasiga ihinduye abakinnyi mu karere k’ibiyaga bigari by 'Afrika"

Misile( Missiles) Kagame yaguze mu Bushinwa

Hari abashobora kuba baraketse ko twibagiwe kubageza ho igice cya gatatu cy'iyi nyandiko nkuko twari twabibasezeranyije! Oya, si uko bimeze; muri Shikama buri gihe dutangaza ibintu dufitiye gihamya kandi dushobora guhagarara ho igihe icyo aricyo cyose. Ni muri urwo rwego rero, byadusabye ko dufata igihe gihagije tukanyarukira mu Rwanda, Burundi, Tanzania, Uganda na RDCongo dushaka ibimenyetso cyangwa gihamya bituma dushimangira ibikubiye mu mutwe w'inyandiko:

Intambara ya rurangiza izambika ubusa abayiteguye bakayishoza, ikazasiga ihinduye abakinnyi mu karere k’ibiyaga bigari by 'Afrika.

ITANGAZO: Buruse/Scholarships. Turasubiza ibibazo mwabajije bijyanye n'izi buruse/ NKUSI Yozefu

Dg NKUSI Yozefu 
Arakangurira urubyiruko kwitabira imbuga ziruha amahirwe yarwo y'ejo hazaza ( nka buruse)
 aho gushishikarira iz'urukozasoni rwashyiriweho na FPR mu rwego rwo kururangaza

Hari abantu benshi bamaze iminsi batwandikira batubaza ukuntu basaba kwemererwa muri ziriya kaminuza tubashyirira ku rubuga rwa Shikama. Ibi biradutangaza cyane kuko twabasobanuriye kenshi uko bikorwa. Tugasanga urubyiruko rw'u Rwanda rufite ikibazo cyo gushungura ngo rumenye ibirufitiye akamaro kuri INTERINETI.

Usanga inyandiko z'urukozasoni zihita ku mbuga z'urukozasoni urubyiruko rwashyiriweho na FPR mu rwego rwo kururangaza zisomwa n'abantu batabarika, izijyanye n'amashuri y'ubuntu arutegurira ejo harwo hazaza heza, ni mbarwa bazisoma; n'ababikoze kandi usanga basoma bahushura cyangwa amacuri nka Jenerali IBINGIRA wa RDF usoma ikinyamakuru agicuritse!Kuko iyo bamaze gusoma bahita babaza ibintu ibyo bamaze gusoma bifitiye ibisubizo.

Abavandimwe Mugisha na Ngendahayo baratanga ibitekerezo byabo kuri iyi nyandiko :""Niko Nkusi we, nta batutsi bariye ku ngoma ya Kayibanda? Nta Batutsi bariye ku ngoma ya Kinani?None se wacishije make natwe tukarya kuri iyi ngoma y’Abatutsi!" Minisitiri w’umuhutu umwe w’Agatsiko abwira Nkusi Yozefu muri 1996. Abahutu bagomba kwemera uruhare rwabo mu bibazo byagwiriye u Rwanda kuva kuri Mashira wa Nkuba ya Sabugabo kugeza ubu akenshi biturutse ku nda nini ya bamwe muribo./Nkusi Yozefu(igice cya mbere)"

Mukantabana arahirira kuzacinya abahutu aho bari hose ku isi
Pawulo Kagame akamwuzuriza imbehe!

1. makoki mugisha

5 hours ago  -  Shared publicly

Ibi ni ukuri kwambaye ubusa narabibonye muri champions zo kwicara mu rucaca ngo bari mu nkiko gacaca aho bafataga umuntu warangije amashuri abanza ngo president w'inteko ya gacaca yamara kurahira bagashinja se ko yayoboye ibitero by'interahamwe ,akabura uko abigenza agakatira se umubyara igihano k'imyaka n'imyaniko.

 Ntagiye kure ba Munyanya bagambaniye igihugu bakihera Mibambwe wari wibereye I busajya muri mirongo urwenda twarabibonye kandi ngo amateka yisubiramo ibyo ni ukuri naho izo nkundamugayo zitwazako abatutsi bariye ku ngoma z'abahutu byibure nabo baziriyeho bahuha ndavuga ko banekeraga mibambwe wabo (Unarmim),kandi bemeje mashira(HABYARIMANA )agomba gucyura Mibambwe yakwanga bakamugarika ibyo twarabibonye.

"Niko Nkusi we, nta batutsi bariye ku ngoma ya Kayibanda? Nta Batutsi bariye ku ngoma ya Kinani?None se wacishije make natwe tukarya kuri iyi ngoma y’Abatutsi!" Minisitiri w’umuhutu umwe w’Agatsiko abwira Nkusi Yozefu muri 1996. Abahutu bagomba kwemera uruhare rwabo mu bibazo byagwiriye u Rwanda kuva kuri Mashira wa Nkuba ya Sabugabo kugeza ubu akenshi biturutse ku nda nini ya bamwe muribo./Nkusi Yozefu(igice cya mbere)

«Yewe mugaragu nahatse kera, ngwino nkwitumire i Nyanza(i Bwami), ariko ntuntenguhe, ndabizi Abahutu mugira inda nyango.» Igitabo cyo gusoma cyo mu mwaka wa gatatu w'amashuri abanza muri za 1970s cyari cyaranditswe kandi kigakoreshwa mu mashuri no mu gihe cya gihake na gikolonize.

Mukantabana Serafina
Yamaze imyaka 20  mu buhungiro ahunze ubwicanyi bwa FPR; nyuma y'aho Kagame amwujurije imbehe,
yigize intagondwa,  arahirira kurwanya Umuhutu aho ari hose ku isi!

Ibintu bimaze iminsi bitangazwa na Minisitiri w’Agatsiko ushinzwe ibiza n’Ubuhunzi Mukantabana Serafina byatumye nibaza niba koko imvugo zipfobya Abahutu zakoreshwaga ku mugaragaro igihe cya gihake nk’iyo mubona hejuru aha ko bagira inda nini zitari zifite ishingiro, imyumvire nk’iyi ikaba ari nayo FPR igenderaho bigakorwa mu ibanga usibye ko Pawulo Kagame  ajya abatamaza we akerura.Wambwira ute ko uyu muminisitiri wagizwe impunzi na FPR imyaka isaga 20 yavumbukamo umukozi wa FPR w’intagondwa igamije kunyitsa Abahutu bene wabo kugeza aho ajya ku cyicaro cya HCR kuvuga ko kuva we avuye mu buhungiro iyi HCR igomba gutangaza ko nta munyarwanda wakongera gufatwa nk’impunzi?Si ibyo gusa kuko ejobundi atatinye no kujya kubwira amagambo atamitswe na FPR ( nta muhutu utekereza, avuga ibyo ahawe na FPR) ko Impunzi z’Abarundi niba zitemeye kugambanira Nkurunziza Petero zirukanwa zigasubira iwazo kurwanirayo!

Umuvandimwe Adolphe N. Ngendahayo aragira icyo abaza kuri iyi nyandiko: " Ikinyoma cya Pawulo Kagame kinyibutsa icya Kadafi! Menya impamvu imperuka y'aba banyabinyoma babiri izaba imwe./NKUSI Yozefu " Ese birakwiye kugereranya Kadafi na Semuhanuka Kagame?

Bwana Dr. Nkusi, urakoze kubwiri sesengura. Nanze guharira(Kujya impaka ) kubyo wavuze kuri Kaddafi surtout ko wabaye yo uzi realites nyinshi. Icyo nshaka kuvuga umuntu yumvise ugereranya Kadafi na Semuhanuka yagirango nawe ushyigikiye ba mpatsibihugu. 

Komanteri ya Makoki Mugisha kuri iyi nyandiko: "Ikinyoma cya Pawulo Kagame kinyibutsa icya Kadafi! Menya impamvu imperuka y'aba banyabinyoma bombi izaba imwe./NKUSI Yozefu"

Mukimara gusoma iyi komanteri  y'umuvandimwe wacu Makoki Mugisha, murahita mumenya ko hari abanyarwanda bicaranye inganzo wenda batazi ko bafite ngo bayibyaze umusaruro!!! Murasanga ko umuvandimwe Mugisha atatanze komanteri gusa ahubwo yadushyikirije igisigo kitagira uko gisa cyuzuye mo impanuro k'ushaka kumva no gusobanukirwa!!Nagira inama uyu muvandimwe gukomeza gutera ibitambwe kuko u Rwanda rushya rukeneye abameze nkawe benshi.

Ubuyobozi bwa Shikama

_________________________________

BURUSE ZO MU MAHANGA (SCHOLARSHIPS). Itangazo rireba abanyeshuri bari muri za Kaminuza zo mu Rwanda n'abarangiza amashuri yisumbuye yo mu Rwanda. Abari hanze y'u Rwanda namwe ntimucikwe./Nkusi Yozefu

Shikama yishimiye kumenyesha abanyeshuri barangiza amashuri yisumbuye mu Rwanda n'abari mu byiciro binyuranye bya Kaminuza zo mu Rwanda ibi bikurikira:

1. Mwashyiriweho Peji(Page) kuri Shikama muzajya musangaho Scholarships/buruse zinyuranye zijyanye n'ibyiciro n'ibyo mushaka kuzoberamo. Kugirango mwemererwe muri izi za kaminuza ni ukuzuza Forms kuri interineti(online), kandi ni ubuntu. Ni byiza gusaba ahantu hanyuranye kandi mukuzuza forms mukabikorana ubushishozi, mutanga impapuro zisabwa zose; nsubiyemo ko byose bikorerwa ubuntu.