 |
| Mitari na Habiyaremye |
Icyitonderwa: mu gihe musoma iyi nyandiko, mushobora no gukanda ku mirongo ifite irangi rya bururu mugasoma izindi nyandiko zifitanye isano nayo.Muryoherwe.
Ubwo inkuru yasakaraga hirya no hino ku mbuga no ku maradiyo ko Kagame yirukanye Minisitiri w'Intebe Dr Harebiyaremye P.D,Mitari na Kalibata Shikama yahise isohora inkuru kuri 24/7/2014 ivuga ko aba bantu bari baragarayeho kunanirwa kugeza n'aho bamwe bafungisha umujyambere w'umucikacumu, umwana kuribo Kizito Mihigo. Shikama rero ikaba yaremezaga ko Kagame ahita yohereza abantu nk'aba muri za Ambasade hirya no hino ku isi guhagararira inyungu ze nkuko yabikoreye Ruhangarabatanu rwa Mudatinya amwohereza kumuhagararira muri Nigeria, igihe ababyeyi bariho bavuza induru muri Kigali ko abana babo baba banduye cya cyorezo bakimara kubona amafoto yari yafatanye nabo mu isindwe ryo mu rwego rwo hejuru. Iryo Shikama yavugaga riratashye, Mitari wari umaze iminsi yibasiwe na Shikama kubera gukoresha diplomu y'impimbano yahawe na ULK no gufungisha umuziranenge Kizito Mihigo uzwiho gushakira ineza abanyarwanda bose; uru rubuga rukaba rwariho rusaba ko uyu mugabo ashyikirizwa ubutabera, Kagame yafashe umwanzuro wo kumuhungishiriza muri Etiyopiya muri Amabasade ye.
Si Shikama gusa kuko n'urubuga rwa Kagame na Nziza Rushyashya.net rwanditse kuri uyu mugabo ruvuga ko yariye ruswa ya sosiyete y'Abaturikiya b'abatekamutwe bemeje ko bakubaka ikibuga cya rutura cyo kwakira CAN 2016 akabaha ubutaka kandi batabifitiye ubushobozi. Ibi kandi ngo byagombaga gukorwa na MININFRA. Iri kosa ngo Mitari yaryemereye imbere ya Kagame muri wa mwiherero uheruka kubera i Gabiro muri 2013 abisabira n'imbabazi, ariko nubwo ikibuga kitacyubatswe, icya cumi cye yari yamaze kugishyingura! Si ibi gusa, ishyaka rya PL aturukamo ngo yarishyizemo amacakubiri kugirango akomeze ariyoborebimuhe amahirwe yo kuba Minisitri kugeza igihe FPR izaba itakiyobora u Rwanda.
 |
| Icyacumi yakuye mu bashoramari bo muri Turukiya nticyamujije kurya imodoka uyu mwana w'umukobwa yari yatsindiye! |
Kubera ibi byose bivugwa kuri Mitari, Kagame yasanze kumugumana mu Rwanda birushaho kumwongerera ibibazo n'abacikacumu bamumereye nabi i Kigali kubera ifungwa rya Kizito Mihigo ku kagambane ka Mitari. Kuguma mu Rwanda k'uyu mugabo byasabaga ko Kagame amuha umutekano udasanzwe wo kumukingira bariya barakare, ibi kandi byari no kuzatera ibibazo mu rubanza rwa Kizito Mihigo aho abashinjabinyoma bategurwa na Nziza bari kuzagira ipfunwe ryo gushinja umuziranenge bareba Nyirabayazana aho. Agiye atabajijwe aho yashyize amafranga yo kubaka ikibuga cya CAN 2016, dipolomu y'impimbano no kwica inzirakarengane; iyi niyo mpamvu Shikama tuvuga ko ubutegetsi bwa Kagame budahagarariye inyungu za Rubanda ahubwo buhagarariye iz'agatsiko.
Dr Kalibata nawe yagabanye umwanya muri Kaminuza y'u Rwanda , Kagame yasanze nta mpamvu yo kumuhungisha nubwo asize ateje inzara y'injyanamuntu mu gihugu. Shikama irabamenyesha ko uyu mugore yagizwe umuyobozi mukuru wungirije ushinzwe iterambere ry'ikigo4 muri iriya kaminuza. Naho Dr Habiyaremye we umenya videwo yakoze kuri Makuza Anasitazi wigendeye gitwari imukozeho. Ibyo yashinjaga abigendeye nibyo Agatsiko kariho kamushinja: urubuga rwa Nziza na Kagame Rushyashya.net ruremeza ko Dr Habiyaremye ngo yabibye amacakubiri mu Ntara y'amajyaruguru aho akomoka kandi ngo ni Nyirabayazana w'umutekano muke waho; ese aho Rucagu ntiyaba yaramurucaze?
Uyu Dr Habiyaremye ariko nubwo Kagame amwirukanye biragaragara ko yari umukozi udasanzwe nka Kagame aho mu myaka 20 amaze ategeka u Rwanda, ari mu bakire ba mbere ku isi: indege zihenze zo gutemberamo, imitrurirwa mu Rwanda nka Kigali City Tower, i Dubai, Singapore, Boston, Uk , Germany, n'ahandi henshi abanyarwanada bazamenya wa munsi. Uyu Habiyaremye rero nawe mu myaka 3 gusa amaze ari minisitri w'intebe ya Kagame, ngo yabashije kubaka amahoteri 3 yo mu rwego rwo hejuru: East-African Hotel iri i Kibagabaga, Faraja confort iri i Musanze, na Ruhondo Beach iri ku biyaga bya Burera na Ruhondo. We rero ngo agomba kuba ari n'Umutaripfana kuko ngo akimara kumenya ko yakombowe wa mugani w'Abarundi, yabwiye abantu ko amahoteri ye amauhagije, umenya ariyo mpamvu atoherejwe muri Ambasade nk'abandi bose bananiwe akazi! Shikama twamugira inama gusa gushaka Sekoko Hatari azandikaho ariya mahoteri inzira zikigendwa!
 |
| Umukozi udasanzwe Kagame atagombaga kwitesha: Mu myaka 3 gusa yubatse amahoteri 3, akora filimu, abona n'impamyabumenyi y'ikirenga PhD |
Abahinduriwe inkongoro Shikama irababwira iti: " ZIRAKAMWA"!!!!. Abizigamiye nabo twabiciye akajisho z'ibyo bagomba gukora hejuru aha !
NKUSI Yozefu
Shikamaye.blogspot.com
Shikama ku Kuri na Demukarasi(SKUD)
No comments:
Post a Comment
Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.
Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.
Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355