Muyogoro kuwa 8/8/2014

MUDAHERANWA Boniface 

Akagari kaMuyogoro

Umurenge wa Huye

Akarere ka Huye      

INTARA Y’AMAJYEPFO                                            

Tel:+250785260863/+250727295294

Email :     mudaboniface@gmail.com                                                                                

Ba Nyakubahwa Bayobozi b’Urubuga SHIKAMA

Email: mahoriwacu@gmail.com                                               

Impamvu : Kwibutsa.

Ba Nyakubahwa,

Nkuko muri Umuryango w’Abanyarwanda n’abanyamahanga benshi mudahwema gutabariza no gutabara ingorwa z’abanyarwanda banyanyagiye hirya no hino ku isi, mbandikiye mbibutsa inyandiko ndende naboherereje ku itariki ya 13/11/2013 ikubiyemo ibibazo nabasabiraga ubutabazi (ubufasha) ariko kugeza ubu nkaba nta gisubizo nigeze mbona.

Mu by’ukuri nongeye kubandikira mbaririra, ntabaza, ntakamba nivuye inyuma kuko mu bibazo nabagejejeho binkomereye n’umukecuru Maman bikaza no kunyura ku binyamakuru IKAZE IWACU, LE PROPHETE, IJWI RYA RUBANDA n’ibindi, mu nkuru igira iti : “GUTABARIZA BONIFACE MUDAHERANWA” byarushijeho kwiyongera.

                                       

                                          Uku niko byari bihagaze mu gihe cyo gutabarizwa.  

Nyuma y’izo nkuru zababaje abantu benshi, zakurikiwe n’uruhurirane mbonezamugambi mwiza wo kudutabara, mu majwi y’abanyarwanda benshi kandi mu mahanga menshi, bamwe bantegeka gufunguza konti nzakiriraho ubufasha, nza no kuyifunguza (00050-0637855-97) iherereye muri Banque de Kigali. Abandi bansezeranya gukoresha Western Union, abandi banyaka plan na devis by’inyubako iciriritse. Ibi byose nabigeragaho bingoye ariko ndabitanga. Hafi ya bose banyizezaga ko bitarenga ukwezi kumwe ntaratabarwa none umwaka urenda kurangira. N’iyo mpamagaye inomero za telefoni bakoresheje bampamagara, zicamo ngatwarwa amafaranga ariko agashiramo ntacyo tuvuganye. Nkaba ntashidikanya ko abenshi bari muri mwe, bityo mukaba mushobora kubanyibukiriza mukantabara mwokabyara mwe kuko ibintu byakomeje kuba bibi, kuko n’akaruri twabagamo kadusenyukiyeho, ubu turangara ku gasozi.

               Kugeza aha amagambo yashize ivuga, ni amarira masa !!!!

Ubu rero noneho uko tumeze biteye agahinda katuma umuntu yiyahura, kuko haraziraho no kutagira ubwisungane mu kwivuza (mutuelle de santé), hakaziraho ubumuga bw’urutugu mu mpanuka nakoze bwiyongera k’ubundi navanye mu buroko bw’imyaka 15 y’agatsi, ku buryo ntabasha kugira icyo nkora ngo ndebe jye na mukecuru w’imyaka 85 ko twabona ikitubeshaho. Ibi byose ariko bikubitiraho no kuba naribwe ibikoresho byanjye by’imirimo y’ubukorikori nikoreraga (artiste graphiste-sérigraphiste-électricité domestique) byibwe ndi mu bitaro.

Nkaba nifuza ko bishobotse mwantakambira ku bagiraneza b’ingeri nyinshi ngatabarwa vuba nk’uko nabisezeranijwe icyizere kikaraza amasinde kuko aho ngeze nk’uko mubibona hateye agahinda mu buzima budafite intego n’icyerekezo. Ahasigaye Imana ibahe imigisha myinshi mu byo mukora byose bigamije kurwana ku batishoboye. Mugire amahoro masa.

MUDAHERANWA Boniface                                                                                           

N.B. :  Mubashije kumbonera ubufasha bw’amafaranga mwayacisha kuri Western Union cyangwa kuri kuri Compte 00050-0637855-97 iri muri Banque de Kigali cyangwa se kuri MTN Mobile Money +250785260863 cyangwa se ubundi buryo mwabona buboroheye kandi mwizeye.