Kuki Agatsiko katakoze nka Uhuru Kenyatta mu mwiherero wako gaherutsemo i Gabiro ngo gahananture imishahara yako y'umurengera hakaboneka ikiramira abanyarwanda bariho bicwa n'inzara no guha ubushobozi urubyiruko rwugarijwe n'ubushomeri?

Gabiro: 8-10/3/2014

Mu gihe inzara iriho inuma mu gihugu hose mu Rwanda kubera igabanuka ry'ibiribwa akenshi rituruka kuri gahunda mbi z'Agatsiko zerekeranye n'ubuhinzi mu Rwanda, hejuru y'iki cyago hakaba hageretseho n'ibura ry'akazi mu gihugu hose nako gatangwa hashingiwe ku kimenyane; abantu bari biteze ko inama yiswe iy'umwiherero w'abategetsi bakuru b'igihugu iheruka kubera i Gabiro kuva kuri 8/3/2014 kugeza 10/32014, hari icyo iri buvuge kuri ibi bibazo byombi byugarije abanyarwanda.  Ndetse hariho n'abakekaga ko Kagame n'agatsiko ke bari bukore nka Perezida wa Kenya Uhuru Kenyatta, bakagabanya byibura udufranga dukeya ku mishahara y'umurengera bigeneye, maze tukaramira amagara y'abageraniwe n'inzara no kugabanya umubare w'abashomeri wiyongera uko bukeye mu Rwanda, aho ubu urangije kaminuza iyo agize Imana abona umuha akazi k'ububoyi! Biragaragara rero ko ibibazo by'abanyarwanda bidahangayikishije abategetsi kuko aho kwiga kuri ibi bibazo byugarije rubanda, biririye , bakanywa, bakaniganirira barangiza bagataha nkuko basanzwe babikora. Umunyamakuru wa Shikama,  BAZIGUKETA F. yateguye inyandiko icukumbuye kuri ibi bibazo muri busange kuri Shikama Magazine.

Icyitonderwa

Inyandiko za Shikama Magazine muzajya muzisoma mugana hasi. Ni ukuvuga ko iyi nyandiko  tuvuze hejuru  yo kuwa 18/3/2014, muyisanga hasi y'iya Mbangurunuka mwasomye kuri 17/3/2014 aho kuba hejuru yayo. Ibi biraterwa na tekinike, kuko hari ibintu byinshi tukigerageza  ku rubuga rwa Shikama Magazine. Nibirangira, muzajya muyisoma nkuko musoma shikama.blogspot.no.

Murakoze

soma inyandiko ya BAZIGUKETA F. hano

NKUSI Yozefu

shikamaye.blogspot.no

shikamaye.com

Shikama ku Kuri na Demukarasi(SKUD)