Ibyo Twabasomeye

Iyi mbivugeho( comment) yakuwe kuri Le Prophete, hasi y'inyandiko :

"Ikiganiro umunyamakuru Amiel Nkuliza yagiranye na Padiri Thomas Nahimana, umuyobozi w’Ishyaka «Ishema-Party"

2015-04-19 02:47:33

i#386178

J'aime

J'aime pas

IGIHE  dit:

Igihe cyirageze kugirango imizinga ivemo imyibano.Hashize imyaka 25 yose abanyarwanda bakulikirana ubulimanganya bw'abanyepolitiki bahemukiye u Rwanda,aho nta kitakozwe ngo ukuli gushye.Ubu ngirango n'abemeragato bamaze kubona ko ihame ali uko ukuli guca muziko ntigushye.Mbonye hasi aha inyangabirama yikomye Nkusi kuko yatangaje ibyo imvugakuli zose zali zizi na mbere ya 94.Koko rero umunyarwanda wese utali warokamwe n'irondakoko n'irondakarere yigishijwe na Twagiramungu ngo warotaga gusimbura Sebukwe,yali azi ko Twagiramungu,yitwaje Ishyaka rya Sebukwe yitaga Ishyaka ry'umucyo,rya Papa na Mama,Ishyaka ye....,yali Pirato Second(wa kabili )nyuma ya Pirato premier(wa mbere) Pawulo Kagame,uwa mbere imbere mu gihugu,uwa kabili,mu majyaruguru y'igihugu.

DMI za Perezida Paul KAGAME zirimo gukoresha amakosa abatwakazi bo muri Komini Busoni mu ntara ya Kirundo mu Burundi mu guhamya ibinyoma ko imbonerakure arizo zihohotera abafite amazuru asongoye(abatutsi) bikaba impamvu yo guhungira mu Rwanda ariko ngo abafite amazuru abwataraye (abahutu) bakababuza guhungira mu Rwanda/ UDAHEMUKA Eric

Maze iminsi nkurikiranira hafi umunota ku munota ibibera mu Burundi haba ku maradiyo mpuzamahanga nka RFI, BBC, DEUTSCHE WELLE, VOA no ku mateleviziyo anyuranye akomeye kuri yi si arimo BBC, FRANCE 24, AL JAZZEERA, CCTV-CHINA, CNN,... Mu biganiro binyura aha hose umwanya uwo ariwo wose ijambo rigarukamo cyane mu nkuru zikorwa ku Burundi ni IMBONERAKURE.

ISESENGURAMVUGO NA POLITIKI: Ambasaderi Jacques BIHOZAGARA ku italiki 04 Nyakanga 1999 yagize ati: «Niba abatutsi twarakorewe jenoside mu Rwanda, ntitugomba kubivanga n'ibibazo bya Kongo- Kinshassa; kereka niba dushaka ko amahanga yongera kutwibasira(...)»/ UDAHEMUKA Eric

                                                                Bihozagara Yakobo

Guhera FPR yagera ku butegetsi i Kigali, umutima wari muri Kongo. Leta zunze ubumwe z'Amerika ziheruka gutangaza ko, ku bwa minisiteri yabwo ishinzwe ububanyi n'amahanga, babona intara ya Kivu y'epfo na Kivu y'amajyaruguru zarigaruriwe n'u Rwanda. Mu Ugushyingo 2013 ubwo M23 yatsindwaga, Perezida Paul KAGAME w'u Rwanda yavuze ko M23 yarwanyijwe byihuta kandi ikarimburwa kubera ko abayigize ari abatutsi.

Mbwire Twagiramungu Fawusitini: "politike yawe y’amacakubiri yo muri 1991-1994 yasekuranyaga amajyaruguru y’u Rwanda n’Amajyepfo mucyo abanzi b’amahoro bise Kiga-Nduga kugirango bagere ku butegetsi, ntizongera kwihanganirwa ukundi"/NKUSI Yozefu

Twagiramungu Fawusitini

Hari iteranamagambo rimaze iminsi ricicikana ku mbuga za interineti hagati y'abayobozi b'impunzi z'Abahutu zibarizwa muri RDCongo zibarirwa mu bihumbi magana atatu n'ishyaka rya Fawusitini Twagiramungu( Rukokoma). Shikama, nk'urubuga rwiyemeje guharanira ko ukuri gusimbura ikinyoma yishimiye kugira icyo igeza ku basomyi bayo ku byerekeye iki kibazo cyatangiye gisa nk'ikiri hagati y'abantu ku giti cyabo, ubu Twagiramungu Fawusitini n'ishyaka rye bakaba bariho bagihindura icy'uturere, Kiga- Nduga. 

Hari ku mugoroba muri Werurwe 2012, abarwanashyaka b’ishyaka Ishema ryashinzwe kuri 28/1/2012 bari bateraniye kuri skype(soma sikayipe) ngo barebe aho buri wese ageze yumvikanisha ishyaka arishakira n’abarwanashyaka bandi. Padiri Tomasi Nahimana, umuyobozi mukuru w’Ishema yangezeho ashaka ko mubwira aho ngeze menyekanisha ishyaka, mubwira ko ahubwo njyewe kuva iryo joro ntakiri umurwanashyaka w’Ishema, nafashe iminota icumi yo gusobanura impamvu maze mpita nsezera! Bagenzi banjye babifashe nk’urwenya maze bansaba gukomeza kuganira kuri iki kibazo iminota mike, ariko nyuma babonye ko nkomeye ku mwanzuro wanjye  ari uko nyuma y’iminota 30 mbatse kunkura kuri Skype bakikomereza inama yabo.

«KUBERA UBUJIJI NA KAMERE MBI YA MUNTU YAMUNZWE N'ICYAHA, RUBANDA YIHAKANYE INICISHA INTUNGANE N'UMUGENGA W'UBUGINGO YEZU MAZE ISABA KO UMWAMI PILATO AREKURA UMWICANYI N'IGISAMBO RUHARWA WITWAGA BARABASI WARI WARAYOGOJE UMUJYI»: Ifatanye natwe kuzirikana ijambo ry'Imana ku cyumweru cya gatatu cya PASIKA mu mwaka wa Liturujiya B, taliki 19 Mata 2015: Isomo rya mbere. Ibyakozwe n'intumwa: 3,13-15.17-19 Isomo rya kabiri: Ibaruwa ya mbere ya Yohani: 2, 1-5a. Ivanjili: Luka: 24,35-48.

 Amasomo ya Liturujiya aracyakomeza kudutwara mu mwuka mwiza utagira uko usa ushingiye ku mutsindo wa Pasika ariwo mu by'ukuri Kirisito Yezu witanzeho igitambo rimwe rizima kugira ngo tujye twishimira kandi tunyurwe no kurya umugati udafunguye aduha wuje ineza n'ubuntu!

U RWANDA RUFITE INTEKO ISHINGA AMATEGEKO ARIKO NTIRUGIRA INTUMWA ZA RUBANDA»/ UDAHEMUKA Eric

                                                                   Inteko/Kimihurura

Mu bihugu byageze ku mpinduramatwara ya politiki mbere twavugamo nk'Uburusiya aho inteko ishinga amategeko yaho yitwa DOUMA. Twavuga kandi Leta zunze ubumwe z'Amerika zageze ku mpinduramatwara ya politiki yabaye mu 1776(Revolution americaine) iyi ikaba yarahinduye ibintu hafi ya byose muri iki gihugu aho inteko ishinga amategeko yitwa KONGERE.

ITYAZABWENGE: «MBONA BURI MUNTU WESE UVUTSE ABA ARI UMUTWARO UJE KONGERERA ISI IBIBAZO KUBYO ISANGANYWE; ARIKO NA NONE NTITUGOMBA KWIRENGAGIZA KO UMUNTU WESE UVUTSE ABA YIFITEMO IBISUBIZO BY'IBIBAZO BIBANGAMIYE ISI DUTUYE»/ UDAHEMUKA Eric

Umufransa RENE DESCARTES
31/3/1596-11/02/1650

Mbere y'uko nganiriza abasoma SHIKAMA ndagira ngo mbanze nerekane interuro 3 zavuzwe n'abafilozofe batatu aribo Socrates, Renes Descartes na Nietsche ari nazo ndi bwifashishe mu kwandika iyi nyandiko. Socrates yaravuze ngo JE PENSE DONC JE SUIS(KUBA NTEKEREZA NI ICYEMEZA KO NDIHO NKANJYE NYIRIZINA). Descartes we yaravuze ngo JE DOUTE DONC JE CROIS( KUBA NDI UMUNYAMAKENGA NI ICYEREKANA KO MFITE IBYO NEMERA) naho rero uwitwa NIETSCHE wavuze ko yishe imana yaravuze ngo IL N' Y A RIEN! MEME S'IL Y A QUELQUE CHOSE, CE QUELQUE CHOSE EST INCONNAISSABLE(NTA KINTU NA KIMWE GIHARI(KIBAHO), HARAMUTSE HARI N'IGIHARI, ICYO KINTU KIGOMBA KUBA KITAZWI)

Umusonga w’undi wabujije Abagande n’Abanyetanzania gusinzira naho mu Rwanda biba urwenya kubera kubura ubumuntu!/NKUSI Yozefu

Umuhanzi Desire Luzinda yababajwe n'umusonga wa Rosemary Nankabirwa bituma ajya
kugurisha inkweto ze imiguru 200 ngo abone inkunga yo kumuvuza Kanseri

Ku itariki ya 11/4/2015 ku wa gatandatu w’igishize niho Rosemary Nankabirwa w'imyaka 37 y'amavuko,  umunyamakuru w’ikirangirire kuri Televiziyo y’igihugu cya Uganda (NTV) yagejejwe igitaraganya mu bitaro bya Aga Khan i Nairobi muri Kenya kubera indwara ya kanseri yari imumereye nabi. Ibi bitaro umuntu avuze ko aribyo ibihugu by’akarere bikoreramo taransiferi y’abantu bitashoboye kwivurira ntiyaba yibeshye; hakaba rero havurirwa umugabo hagasiba undi, aha ndashaka kuvuga ko bihenda cyane. Niyo mpamvu abanyamakuru ba NTV bakoze ibishoboka byose ngo babone akayabo ka miliyoni ijana z’amashilingi ya Uganda ( 100,000,000UGX) ibi bitaro byari byatse kugirango uyu murwayi avurwe.

PEREZIDA Paul KAGAME ASUYE AKARERE KA HUYE(BUTARE) MU GIHE INGABO ZE ZITEGURA GUTERA UBURUNDI ZIGAKAMBITSEMO MU GIHE UBURUNDI BUHERUTSE GUFUNGA IMIPAKA YABWO N'U RWANDA HARIMO N'UW'AKANYARU UKORA KURI AKA KARERE, KAGAME KANDI ARASURA KAMINUZA Y'U RWANDA MU GIHE ABAYIGAMO UBU BASIGAYE BARARA HASI-HANZE BANYAGIRWA BARYA UBUSA BAKIYOROSA UMUYAGA! BABA SE BARI BUMUSABIRE MANDA YA GATATU NGO AKOMEZE ABOHEREZE MURI NYICA VUBA(KILL ME QUICKLY)???/ UDAHEMUKA Eric

Ikarita yerekana u Rwanda n'u Burundi

Itangazo rya perezidansi ya repubulika y'u Rwanda riravuga ko kuwa gatandatu taliki 11 no ku cyumweru taliki 12 Mata 2015, perezida Kagame ari mu karere ka Huye mu ruzinduko rw'akazi rw'iminsi ibiri. Muho agomba gusura harimo PIAASS iherereye ku Itaba na Kaminuza nkuru y'u Rwanda.

INUMA/ KIZITO MIHIGO

Higira uhakana cyangwa ngo apfobye jenoside kandi ntihagire uyigira intwaro yo gukandamiza abandi/NKUSI Yozefu

Hari umunyarwanda uherutse kumbwira ko ukwezi kwa Mata ari ukwezi k’umuvumo ku banyarwanda. Abenshi mu rubyiruko usanga  iyo uku kwezi kwegereje bahungira muri Uganda bakaza uku kwezi kurangiye nkuko biherutse gutangazwa na www.igihe.com umwaka ushize wa 2014, nkaba nkeka ko ariyo mpamvu Leta y’Agatsiko muri  yafashe ingamba zo gushyira amananiza ku bagenzi bajya Uganda kuva mu ntangiririo z’uku kwezi nkuko Shikama iheruka kubibatangariza.Muri iyi nyandiko, urasangamo impamvu uku kwezi ari uk’umusaraba ku banyarwanda bose cyane cyane Abahutu.

Inyandiko zo mu bubiko: Anje Kagame hari ibyo yumva kimwe na Kizito Mihigo muri uru urugamba rwo kubohora u Rwanda binyuze mu nzira y’amahoro. Rubyiruko rundi rwo mu Gatsiko, namwe nimukanguke buracyeye!/NKUSI Yozefu

Anje  Kagame

Iyi nyandiko yaciye bwa mbere kuri SHIKAMA kuri 12/5/2014

Ifungwa rya Kizito Mihigo ryababaje abari bamuzi bose, baba abanyarwanda bari mu Rwanda n’abari mu mahanga ndetse n’abanyamahanga. Imbuga nyinshi, amaradiyo anyuranye, ibinyamakuru byo hirya no hino ku isi, byose byagiye bigaruka ku ifungwa rya kizito Mihigo byerekana akababaro byatewe n’iki gikorwa benshi bitaga ko kigayitse .Imwe mu maradiyo yavuze birambuye ku ifungwa rya Kizito Mihigo ni Ijwi ry’Itahuka, iradiyo ya RNC leta ya Kagame Pawulo ishinja Kizito Mihigo kuba yarakoranaga nayo kugirango bahirike ingoma ye. Abacikacumu bagiye batanga ibitekerezo byabo kuri kimwe mu biganiro cyamaze hafi isaha n’iminota mirongo ine n’itanu, bemezaga ko ifungwa rya Kizito Mihigo ryatewe n' ishyari rya Kagame Pawulo yari amufiyiye ko yabonaga agiye kugera ku gikorwa cyo kunga abanyarwanda kandi we byaramunaniye. Intandaro y’ifungwa rya Kizito Mihigo ariko abenshi bayibona mu bitekerezo bikubiye mu ndirimbo aherutse gushyira ahagaragara yise «igisobanuro cy’urupfu» aho yerekanaga ko inzira nziza yo kunga abanyarwanda ari uguha agaciro abahitanywe na jenoside n’ibindi bitiswe yo. Amatohoza urubuga rwanyu Shikama ruherutse gukora ku mbuga nkoranyambaga Tuwiteri( Twitter) na Fesibuku(Facebook) aragaragaza ko abanyarwanda benshi  cyane cyane urubyiruko bashyigikiye iyi myumvire ya Kizito Mihigo , urugero ruri hafi akaba ari Anje Kagame nkuko tugiye kubibona mu kanya.

IGISOBANURO CY'URUPFU /KIZITO MIHIGO

INYANDIKO ZO MU BUBIKO: Umuyobozi w’Akarere ka Muhanga MUTAKWASUKU Ivona yagiye gushyinguza Sebukwe BINEGO mu cyubahiro, FPR imutegeka kumusubiza mu muringoti yamwiciyemo i Shyogwe mu 1994 ahubwo imutegeka gutaburuza MBONYUMUTWA Dominiko no kumuhambisha mu irimbi rusange mu Cyakabiri ngo yegere ABAPARIMEHUTU yayoboraga atarapfa!!! None MUTAKWASUKU Ivona yirirwa yigisha gahunda ya NDUMUNYARWANDA !!!!

Iyi nyandiko yahise bwa mbere kuri Shikama kuri 21/01/2014

Meya  wa Muhanga, Mutakwasuku Y.

Muri SHIKAMA twiyemeje kubagezaho ukuri kose ku buzima bw’abanyarwanda n’amateka babayemo / twabayemo kuko ntaho wahungira amateka. Dufite byinshi byo kubasangiza kandi byose bigakorwa ku nyungu z’u Rwanda rwose kugira ngo duce burundu akarengane bamwe bagirira ku bandi.

Hari abajya bagira ngo u Rwanda ruyoborwa n’abantu nyamara atari byo. Ni abantu biyemeje gukandamiza no kurenganya abanyarwanda bo mu gice kimwe kandi bigakorwa kuri gahunda yizwe, yasesenguwe, yateguwe kandi ku buryo nta wemerewe kugira icyo abihinduraho nk’aho aribo kamara. Iki nicyo tudashaka muri SHIKAMA.

Nk’uko tutahwemye kwerekana ko gahunda ya NDUMUNYARWANDA igamije kumvisha bamwe abandi ikabazamura hejuru cyane y’umurongo fatizo w’ubuzima ibi kandi bikaba byarateguwe mu rwego rwo gukomeza gutesha agaciro abanyarwanda bamwe bo mu bwoko bw’abahutu.

«UKWEMERA KWACU NIYO NTSINZI YAGANJE ISI»: Ifatanye natwe kuzirikana ijambo ry'Imana ku cyumweru cya kabiri cya PASIKA mu mwaka wa Liturujiya B, taliki 12 Mata 2015: Isomo rya mbere. Ibyakozwe n'intumwa: 4,32-35 Isomo rya kabiri: Ibaruwa ya mbere ya Yohani: 5, 1-6. Ivanjili: Yohani: 20,19-31.

Mu gukomeza kwizihiza intsizi ya Pasika, mu isomo rya mbere tuributswa ubumwe bukwiye kuranga abemera. Muri ibyo harimo kugira ubumwe, no kwirinda kwikubira. Muri ubu bumwe niho intumwa za Yezu zakomeje guhamya izuka rya Yezu.

PAWULO KAGAME AGOMBA KWIRUKANWA MU RUGWIRO NONE KUKO EJO HAZABA ARI KERA CYANE, NTITUGOMBA KWIBESHYA NGO DUTEGEREZE 2017/NKUSI YOZEFU

Ntidukeneye ba Rwabujindiri mu bihugu bikennye, munyagitugu BLAISE tumuka !
 Niko ibyo byapa bivuga. Kuki tutabwira ibi umunyagitugu Kagame Pawulo none?

Hashize igihe havugwa ko bamwe mu bategetsi bo mu karere k'Ibiyaga bigari by'Afrika bafite umugambi wo guhindura itegeko nshinga kugirango bagundire ubutegetsi kugeza bapfuye. Ibi byavugishije abatavuga rumwe  n'izi nyangabirama z'abategetsi zahindutse abakegesi bagesa ijosi buri wese ushaka kubangamira uriya mugambi wabo mubisha.Ibihugu by'ibihangange nabyo akenshi biri mu bimitse aba bakegesi, biriho biratera hejuru byamagana uyu mugambi mubisha. Ibi nibyo byatumye bamwe muri aba bategetsi bumva igikwiye maze bemera kutazagwa mu ntebe y'ubutegetsi, urugero twatanga hano ni urwa Joseph Kabila wa RDCongo umaze gutangaza ko ataziyamamariza manda ya gatatu. Nkurunziza Petero w'Uburundi we nawe ariho arakoresha amanyanga yose ngo ahindure itegeko nshinga abone uko ategeka ubuziraherezo, ariko Abarundi bamubereye ibamba ku buryo umuntu yakwemeza 100% ko bitazamushobokera gufata manda ya 3!

PAUL KAGAME NA F.P.R I KIGALI: «U Rwanda wagira ngo rutegekwa n'abapagasi baje kwihahira bazamara kugwiza ifeza, zahabu, diyama n'ibindi ntarondora bifuza byose maze bakazisubirira iyo baturutse»/ UDAHEMUKA Eric

 

Ntabwo ndakurikirana nitonze ngo menye neza niba ijambo GUPAGASA ari ijambo ry'Ikinyarwanda mwimerere ariko ndizera ko buri musomyi w'iyi nyandiko ari bubashe kwiyumvisha icyo risobanura. Hambere ku ngoma ya Habyarimana Juvenal, najyaga mbona iwacu mu Byimana(mu Marangara) abakiga bagendaga n'udufuka ku ntugu. Umunsi umwe babiri binjiye iwacu mu rugo basanga twinikije inka niko kwibwira Data ko ari abapagasi baturutse i Rwamatamu ku Kibuye bamusaba kubaha umurimo.

ITANGAZAMAKURU NA POLITIKI: Ikurwaho rya MININFOR igasimbuzwa MINICAAF byari imbanziriza mushinga-mubisha wo kugurisha ORINFOR, kwirukana BBC, DW na RFI mu Rwanda no gupfuka burundu iminwa y'abanyamakuru babusanya n'agatsiko/ UDAHEMUKA Eric

Pr Lawurenti NKUSI

Maze iminsi nibaza icyo umuntu yakora ngo agorore inzira zibusanye zamunze ubutegetsi bwite bwa Leta y'u Rwanda irangajwe imbere na KAGAME na FPR ariko nibuka ko ntari umunyapolitiki ahubwo ndi umunyamakuru.

KIGALI-AMAKURU YIHUTIRWA: Muri Kigali icyoba ni cyose ntawe unyeganyega, ntawe uzi ikiza gukurikiraho! Mu Rwanda hose birabujijwe kumva BBC uzafatwa ayumva azafungwa imyaka 25. Nta munyarwanda ucyemerewe kujya muri UGANDA na KENYA akoresheje INDANGAMUNTU: Baragera ku mipaka(Cyanika, Gatuna na Kagitumba) bagategekwa gusubirayo gushaka pasiporo igura 50,000 Frw/ UDAHEMUKA Eric

Umupaka wa Cyanika

Amakuru ya nyuma agera kuri SHIKAMA aremeza ko uko bucya, uko amasaha yisunika, uhagarara muri Kigali ukagira amakenga akomeye. Ibi biraterwa n'uko nk'uko bimaze imyaka 3, nta muntu n'umwe wemerewe guhagararana n'undi mu nzira nyabagendwa ngo bamarane iminota irenze umwe kuko ako kanya hahita haza abantu bambaye siviri utazi iyo bavuye bakabategeka gutandukana byihuse!

ISESENGURAMVUGO NA POLITIKI: Umunyamakuru Francois SOUDAN wa JEUNE AFRIQUE yabajije Paul KAGAME niba azahindura ingingo y'101, 2 mu itegeko nshinga agafata manda ya 3 maze KAGAME amusubizanya ubwihebe n'ubwiyahuzi agira ati: «Nahindura itegeko nshinga nkaguma ku butegetsi ubuziraherezo cyangwa nareka kurihindura nkabuvaho, byose ntacyo bizahindura; abumva ko bampaye ubutegetsi bamaze gufata imyanzuro yabo kera!»/ UDAHEMUKA Eric

Tito Rutaremara wakoze ibishoboka byose LUNARI ikiyubururamo  FPR Inkotanyi.
Ariho arakora uko ashoboye ngo itegeko nshinga naryo rihinduke LUNARI ikomeze  itegeke
 u Rwanda kugeza igihe isi izashirira ngo kuko bo bavukana imbuto yo gutegeka, turabyanze Rutarema!!

Uko ibintu bimeze ubu mu Rwanda ni uko witegereje neza wabona ko hari ibihande bine urebye neza wasanga ntacyo bipfana ku kuri u Rwanda rutegereje kuko mu isesengura ngiye kubagezaho muraza gusanga ibintu mu Rwanda bikaze kuruta uko mwaba mubyibwira byose bikomotse ku kirunga cyenda gusandara hejuru y'abanyarwanda nk'ingaruka z'uko FPR yubatse igihugu gishingiye ku muntu umwe ariwe Paul KAGAME.

Buruse/Scholarship

Hari buruse nyinshi kuri Shikama y'icyongereza

UBUHANUZI:«UBUTUMWA BUGENEWE ABANYARWANDA AHO BARI HOSE BUTURUTSE KU MUKOZI W’IMANA WITWA MAMAN JEANNE WABWERETSWE MU 2008 AKEMEZA KO YAHAWE N'IMANA UBURENGANZIRA BWO GUTANGAZA IBYO YERETSWE K'U RWANDA KU ITALIKI 13 GICURASI 2014»

Kuwa 13/5/2014 nibwo nahawe uburenganzira bwo gutangaza ubutumwa nahawe n’Uwiteka Imana bugenewe abanyarwanda

aho baherereye hose, ndetse n’abantu b’isi yose. Ubwo nari mw’iyerekwa nabwiwe ko igihe ari iki Imana Imbwira ko “ubuhanuzi bwicaye ku ntebe”.

MITALI Protais washenye burundu ishyaka PL kubera FPR akaburagiza abarwanashyaka, agasahura iri shyaka miliyoni 63, akagambanira KIZITO Mihigo,... ahunze nta n'ukwezi amaze agizwe na Kagame ambasaderi muri Ethiopia. Minisitiri Cheikh Musa Fazil HARELIMANA se wasenye PDI kubera FPR bakanafatanya kubambisha Kizito MIHIGO aho yaba akiri i Kigali cyangwa nawe yahunze ntibabimenya???/ UDAHEMUKA Eric

Mitali Porotazi
Ati muceceke ntimuvuge aho nihishe

Ubwenge bwari bwiza iyo butamenywa na bose! Inyamanswa ibona ishyamba ririmo gukongoka ikituramira iba ari igikenya! Ese Kagame na FPR bakoresheje Mitali Protais mu gusenya PL barangiza bakamugororera kuba minisitiri, ambasaderi, aho baba barigeze batekereza ko umunsi umwe azitandukanya nabo agahunga? Mitali se we aho azakira FPR n'amabanga ayibikiye ku makosa atagira ingano yamukoresheje?

RDC: AFERWAR-DUTERIMBERE IRIFURIZA ABARI N’ABATEGARUGORI PASIKA NZIZA.

                                                Racy Nyinawanshuti, perezida wa AFERWAR-DUTERIMBERE

Racy Nyinawanshuti

AFERWAR-DUTERIMBERE

Perezida

Isoko: ikazeiwacu.fr

Pawulo Kagame yariye byinshi agezeho n'aho arya akataribwa: kwakira impunzi z'Abanyafurika zahungiye ku yindi migabane ni ubugambanyi buzoreka u Rwanda n'Akarere rurimo/NKUSI Yozefu

Zimwe mu mpunzi za Eritrea zigeze muri Israel.
90% ntibazi gusoma no kwandika kandi bavuga ururimi rumwe gusa
rwitwa TIGRINYA!

Mu gitabao cye yise "IGIKOMANGOMA" gisobanura uko igikomangoma gishobora gufata ubutegetsi kikanabukomeza Nikola Machiaveli avuga ko ntawe ukubaza uko wageze ku butegetsi iyo wabugezeho kuko intebe uriho niyo isobanura  amayira wanyuzemo. Bityo ushobora kwiba, kuroga, kwica, gusambana ukagera ku ntebe y'ubutegetsi ukiyita intwari kandi ukabyumvisha abantu bakabyemera. Wagirango Machiaveli yari azi ko FPR na Kagame bazabaho cyangwa se FPR  na Kagame babanje kwihugura ku mitetekerereze ya Machiaveli mbere yo kwambuka Kagitumba kuri ya tariki y'umuvumo 1/10/1990! None se ibyo Machiaveli avuga sibyo Kagame na FPR bakoresheje ngo bagere ku butegetsi kandi babugumeho kugeza na n'ubu? Turaza kurebera hamwe hasi aha indi nzira ya Machiaveli Kagame ariho acamo ngo agume kuri ya ntebe y'ikinyoma yo mu Rugwiro, iyo nta yindi atari ukugambanira impunzi z'Abanyafurika zari zimereye neza muri Israel akaba ashaka kuzigeza iwe ngo azohereze kwica impunzi z'abana b'abahutu yahejeje ishyanga mu mashyamba y'inzitane ya RDCongo. Iki ni igikorwa cya kabiri Kagame akoreye Israel kugirango imufashe kuramba ku ntebe y'ikinyoma yicayeho mu Rugwiro. Igiheruka ni bwa buryo bwo gukona Abahutu hakoreshejwe agapira kitwa Prepex gakorerwa muri Israel, ubu kakaba kamaze kugira ibiremba abagabo batabarika, cyane cyane muri Ruhengeri na Gisenyi.

NYAMARA U RWANDA RWONGEYE KWIGARURIRWA NA BA GASHAKABUHAKE ! / UWIMANA Jean de Dieu

Kagame yagiye gufata amabwiriza k'umwamikazi Elisabeth w'Ubwongereza

Iyi nkuru njya kuyandika natekereje ku kintu nabonye mu minsi micye ishize ku bibera hano mu Rwanda. Icyo gihe nari ndi mu modoka itwara abagenzi (Coaster) tuva i Huye twerekeza mu mugi wa Nyamagabe ahitwaga Gikongoro kera. Turi muri iyo modoka, umushoferi  yashakishije radio tugenda twumva mu modoka, maze  afatisha imwe mu maradiyo akorera i Kigali.

Ubwicanyi bwibasira inzirakarengane z'abasivile nk'ibyabaye i Garissa kuri 2/4/2015 ni ibyo kwamaganwa/Nkusi Yozefu

Amashusho y'ubugome burenze kamere nk'aherutse kugaragara ku mbuga
yerekeranye n'imirambo iherutse kujugunywa mu kiyaga cya Rweru

Umunsi w'ejo tariki ya 2/4/2015 mu gicuku niho abanyeshuri ba Kaminuza ya Garissa yagabweho igitero n'abantu bagera kuri 5 bipfutse ibitambaro mu maso bitwaje imbunda za K47 barobaboanura abayisilamu babashyira ku ruhande maze batangira kurasa urufaya abatari abayisilamu.Leta ya Kenya itangaza ko muri iki gitero cyaguyemo abantu bagera kuri 147, hakaba hari abarenga 70  bakomeretse.

Ifatanye natwe kuzirikana ijambo ry'Imana ku munsi mukuru wa PASIKA, taliki 05 Mata 2015: Isomo rya mbere. Ibyakozwe n'intumwa: 10,34a.37-43 Isomo rya kabiri: 1 Abanyakorinti: 5, 6b-8 cyangwa Abanyakolosi:3,1-4. Ivanjili: Yohani: 20,1-9.: «YEZU YAZUKIYE GUHA UBUGINGO RUBANDA RWOSE YIFASHISHIJE ABAHAMYA BE YATOYE MBERE NGO BAMAMAZE INKURU NZIZA Y'UMUKIRO»/ Padiri Tabaro

Mu masomo yo ku minsi isanzwe no mu Misa ku byumweru bisanzwe, isomo rya mbere twarisangaga mu isezerano rya cyera ariko kuri Pasika siko biri kuko amasomo yose avanwa mu isezerano rishya twarazwe na Yezu Kirisitu.

UBUTUMWA BWA AFERWAR–DUTERIMBERE: IGIHE CYOSE IMANA IKIDUSHYIZEHO AMABOKO, TUZIBUKA ABACU.

2 avril 2015Amakuru

Nkuko bigaragara mu bikorwa birimo bitegurwa ubu mu gihugu, dusanga ko nta cyahindutse, kuko urukundo rwabuze mu bana b’u Rwanda, rugatuma haba intambara igikomeza kugeza uyu munsi, aho bamwe muri twe tugikurikiranwa aho twahungiye n’abashaka kuturimbura,mu nyungu zishingiye ku kwikunda birengeje urugero, no kwiyibagiza ko natwe turi abantu, ruracyabura, ari nabyo bituma hari abagikomeza kwibwira ko amaraso ya bamwe arusha agaciro ay’abandi.

Racy Nyinawanshuti, perezida wa AFERWAR-DUTERIMBERE

Niyo mpamvu dufashe uyu mwanya ngo twibutse abanyarwanda, ko ubwiyunge nyabwo hagati y’abanyarwanda, cyane cyane abahutu n’abatutsi, budashobora kugerwaho mu gihe ubutegetsi bwa FPR bugikomeza kwigisha no gukwirakwiza kw’isi yose, ko bikwiye kumvisha umubyeyi w’umuhutu cyangwa imfubyi y’umuhutu biciwe ababo na FPR bakaba babizi neza, ko agaciro k’amaraso y’ababo kari hasi y’amaraso y’abatutsi bapfuye, mu by’umuryango w’abibumbye wise jenoside nyarwanda; inkotanyi zikaba zikomeza kubikoresha nk’impiri zihora zikubita ku mitwe y’abatari abatutsi mu Rwanda, kandi nabo bariciwe.

Dr. MUKABARAMBA Alvera umunyamabanga wa Leta muri MINALOC uvuga ahumbaguza, ateshaguzwa kubera ukuntu Kagame na FPR bamuhahamuye mu matora ya perezida muri 2010 aho yari kandida ku itike ya PPC; akoresheje ishyaka rye PPC ikosa rya politiki asabira Paul Kagame guhindura itegeko nshinga ngo azapfire ku butegetsi/ UDAHEMUKA Eric

Dr Mukabaramba Alvera

 Buri wese agira uko abona ibintu akagira n'umubera icyitegererezo mu buzima bwe. Ku giti cyanjye nzahora nzirikana n'icyubahiro cyinshi Dr. NTAWUKURIRYAYO Jean Damascene kuko ari umugabo utavugirwamo kandi akaba umutaripfana.

AMATORA YA PEREZIDA MURI NIJERIYA:«Kuki Imana yirirwa ahandi ikanararayo ntitahe mu Rwanda? Ubanza natwe abariho muri iyi minsi tuzapfa tutabonye mu Rwanda perezida asimburana n'undi mu mahoro!»/ UDAHEMUKA Eric

Genda uruhuke wakoreye neza igihugu cyakubyaye ntuhwanye na Pawulo
 Kagame ugiye kutumarira ku icumu

                                                          

Dr. NKUSI Yozefu aheruka kubagezaho inkuru ndende aho yibazaga impamvu Goodluck Jonathan atabanza ngo aperereze amenye ibibera mu Rwanda noneho ngo abone gutanga ikiganiro kuri BBC TV. Icyari kigamijwe ni ukwerekana ko mu Rwanda abaturage bicwa umusubizo kandi Kagame akigamba ko azajya abarasa ku manywa y'ihangu mu gihe Goodluck Jonathan we yavugaga ko nta mukuru w'igihugu wakwishimira ko abaturage be bapfa uko baba bameze kose aganisha kuri Boko Haram.

Nyuma y'intara z'iburasirazuba n'iburengerazuba, serwakira y'ingoma ya FPR yo kweguza abayobozi b'uturere ku gahato no kubafunga isesekaye mu ntara y'amajyepfo:«Muri Ruhango ibanje, bavanyemo perezida wa njyanama y'akarere Bwana GAKUBA Didier kugira ngo FPR izabone uko ikanyaga Meya MBABAZI Francois-Xavier n'abamwungirije nta kirengera bafite!»/ UDAHEMUKA Eric

Mbabazi Franswa Saveri

Ntabwo nzi impamvu FPR iha abantu akazi bakakemera kuko birangira bicuza bagasanga birutwa n'iyo bari kukihorera. Nyuma ya serwakira ya FPR iherutse gukukumba abayobozi b'uturere tw'intara y'iburasirazuba ikimukira i Burengerazuba naho ikabamaramo(Gaspard wa Rutsiro nawe ari hafi), ubu noneho intara y'amajyepfo niyo itahiwe.

UBUREZI N'ITERAMBERE: «Ese mwari muzi ko mu Rwanda hari abantu barangiza Kaminuza batarakandagira mu nzu zibikwamo ibitabo(Bibliothèques/Libraries) bagahabwa imbeshya-bumenyi batarasoma igitabo na kimwe!»/ UDAHEMUKA Eric

Iri somero rishya riri i Kigali ryatwaye akayabo ariko ngo Makuza
Berinarudo niwe utiramo ibitabo byinshi!
Reba hasi y'iyi nyandiko uko amasomero y'ahandi akora/urugero rwa Noruveje

Uyu munsi ntabwo ndi bujye muri POLITIKI ahubwo nagira ngo abasoma SHIKAMA mwese muze dufatane urunana maze tujye gutemberera mu nzu zibikwamo ibitabo byo gusoma twita libraries cyangwa bibliothèques.

Ingirwamashyaka mu Rwanda nka, PSD, PL, PPC, PDC na PDI, … zitakomeza kubeshyera Abanyarwanda nabo bazi kwivugira./ Rwamapfa

Muraho mwese abashaka Demokarasi muri Repubulika, 

Mukabaramba, Mukabalisa, Fazil Harerimana n'abandi nkabo barekeraho kubeshyera Abanyarwanda. Baragenda ari 4 cg. 5 bagakora akanama, basohoka bagafata  ijambo ngo abaturage benshi, ngo abo ayoboye baracyashaka, ngo Rongi batoye n, ibindi n, ibindi.  Umunyamakuru yabaza uko bangana bakanigwa. Biriya birerekana ubuswa n, ubwoba muri Politiki. Nta shyaka rivugira irindi.

AKUMIRO MURI DEMUKARASI:«Paul KAGAME afite inyota y'ubutegetsi nk'uwavutse ejo, amaze kubwira Jeune Afrique ko muri 2017 icyemezo kizafatwa n'abanyarwanda, yirukanye minisitiri KARUGARAMA Tharcisse na Martin NGOGA kuko bamubujije guhindura itegeko nshinga none minisitiri BUSINGYE Johnston ushinzwe kubahiriza ibirango bya Repubulika niwe uherutse gutangaza ko itegeko nshinga rigomba guhinduka ngo Kagame azapfire ku butegetsi!»/ UDAHEMUKA Eric

Minisitiri Businge Johnston

Ariko ibyo mu Rwanda mvukamo byaranyobeye rwose! Noneho ndumiwe! Ni ubutegetsi buryoha bukagira icyanga kirenze cyangwa ni abategetsi babutwerera n'ibyo butifitemo? Kugira ngo muri iyi nyandiko mbashe kwereka abanyarwanda muyisoma ko igihugu kirimo kugwa mu mwobo bucece,

Ndagerageza gufata imyitwarire n'imitegekere bya FPR na Kagame mbihuze n'ibikubiye mu gitabo cyitwa:«DE L'ART DE GOUVERNER PAR LES LOIS ET PAR LA FORCE» cyanditswe n'umutyazabwenge akaba n'umunyapolitiki ukomoka mu Butaliyani witwa NICOLAS MACHIAVEL wavutse mu 1469 akitaba Imana mu 1527 afite imyaka 58 y'amavuko.

AYIHUTIRWA:«Taliki 09 Gashyantare 2015, Paul KAGAME yasimbutse urupfu akatira muri Rugende-KABUGA umuhango wo guha amapeti abapolisi 466 i GISHARI-RWAMAGANA yari agiyemo uburizwamo none agatsiko kariga uko yazayabambikira mu nteko ku Kimihurura kuko bakiri i GISHARI mu gihe ibyo bagombaga kwiga babirangije!»

Kubera ukuntu Paul KAGAME yahemukiye bitababarirwa abanyarwanda benshi akabicira abavandimwe abenshi abaziza ubusa, ni ngombwa kurwanya ikibi kuko kidakwiye mu Rwanda. Kubera iyi mpamvu nta banga na rimwe ngomba kugirira Paul KAGAME n'agatsiko ke k'abicanyi biyemeje kuzamugwa inyuma.

ITANGAZAMAKURU N'UMUCO: Mbega Rwanda naguhoza nte?:«Bamwe barakonwa ngo batazongera kubyara mu gihe abo kwa SENTORE na MASAMBA barimo kuzuza ibinyendaro muri Kigali bikandikwa mu kinyamakuru IGIHE. SHIKAMA turasaba MIGEPROF na MINISPOC kwihanangiriza IGIHE kigacika kuri iyi mikorere kuko atari itangazamakuru rikozwe kinyamwuga»/ UDAHEMUKA Eric

Ibibazo biri mu butegetsi no gushyira ibintu mu buryo mu Rwanda ni byinshi cyane ku buryo umunyamakuru atabyandikaho byose ngo abirangize. Ni ugusaba nyir'imyaka akongera abakozi kuko akazi ko gukora ari kenshi cyane.

Umuco warazahaye, itangazamakuru ridakorwa kinyamwuga, umutegetsi uvuze ukuri aricwa, agafungwa cyangwa akeguzwa, abo mu nzego z'ibanze barirukanwa ubutitsa, abantu mu Rwanda ntibakunda Paul KAGAME ahubwo baramutinya, kubaka ubutegetsi butonesha bamwe bukabaha uburenganzira bwo gukora n'ibidakorwa ndetse bakanahabwa n'urubuga rwo kubitangaza, kwishongora no gukina ku mubyimba abatemerewe na mba!

IMIBEREHO MYIZA Y'ABATURAGE: Mu rwego rwo kwereka Abatutsi barokokeye mu Rwanda ko IBUKA-FARG babubakiye amazu nabi ku bushake agasenyuka mu myaka 2 gusa, ubu minisiteri y'ingabo(MINADEF) niyo imaze guhabwa kububakira bundi bushya mu kurushaho kwikubira umutungo wose bityo ibyahanuriwe mu nama y'umushyikirano-2010 bikaba bisohoreye kuri Paul KAGAME na Tito RUTAREMARA/ UDAHEMUKA Eric

Minisiteri y'ingabo z'u Rwanda MINADEF binyujijwe muri cya kigo cyayo cy'ubwubatsi cyitwa HORIZON CONSTRUCTION imaze guhabwa isoko ritapiganiwe ririmo inoti zitubutse ryo kubakira abatutsi barokotse muri '94 batishoboye. Uyu mushinga ukaba uri mu mugambi muremure kandi mubisha wa FPR wo gukomeza gushinyagurira abatutsi byitwa ko barokotse jenocide yabakorewe. Mvuze byitwa, kuko nta nkunga igaragara bahawe na Leta kandi itarabinaniwe.

Ifatanye natwe kuzirikana ijambo ry'Imana kuri iki cyumweru cya MASHAMI, taliki 29 Werurwe 2015: Isomo rya mbere. Izayi: 50,4-7 Isomo rya kabiri: Abanyafilipi: 2, 6-11. Ivanjili: Mariko: 14,1-15, 47 cyangwa Mariko: 15, 1-39: «UMUNSI MUKURU WA MASHAMI: IKIMENYETSO CYO GUCA BUGUFI NGO IZUKA RYA YEZU RIDUHINDUKIRE UMUKIRO»/ Padiri Tabaro

Ku cyumweru gitaha tuzasoza IGISIBO ku munsi mukuru wa Pasika umunsi mukuru ngarukamwaka wibutsa IZUKA RYA YEZU. Mu kwitegura guhimbaza Pasika mu minsi 7 isigaye, turazirikana ku mukindo batema ku giti washibutseho maze bakawitwaza mu Misa yo kuri MASHAMI abandi 
babishoboye iryo shami bakarihesha umugisha, abo bishobokeye bakamanika iryo shami mu nzu, aho bishoboka kuri paruwasi bakayatwika akavamo ivu rizasigwa abakirisitu mu gisibo kizakurikiraho, ndetse mu gihe cy'inyigisho za Yezu aho yanyuze kuri MASHAMI bari bashashe amashami y'imikindo n'imizeti maze bamwicaza ku ndogobe atambuka hejuru y'ayo mashami nk'ikimenyetso cy'uko baciye bugufi mu mitima yabo yiteguye kwakira umwami. Muri make ngiyo inkomoko ya MASHAMI.

UBUREZI NA POLITIKI:«Mu Rwanda, ireme ry'uburezi ntirishobora kugerwaho mu gihe abana 160 mu mashuri abanza bakigira mu cyumba kimwe naho mu yisumbuye 85 bakabyiganira mu cyumba cya metero eshanu ku munani aho usanga bane bicaranye ku ntebe imwe!»/ UDAHEMUKA Eric

Ntabwo najya kwirirwa mpfusha ubusa umwanya wanjye mbeshyuza FPR ivuga ko mu Rwanda ireme ry'uburezi ryazamutse kuko n'abategetsi b'u Rwanda bazi neza ko ubu kwigira mu Rwanda ari uguherekeza abandi cyane cyane mu mashuri abanza n'ayisumbuye.

Abanyarwanda twese nta n'umwe uvuyemo dufite uburenganzira n'inshingano ku burezi

Ndongera kwisegura ku basomyi ba SHIKAMA nzi ko bakunda byacitse na politiki ishyushye. Uyu munsi rero ndashaka gusangira namwe uko uburezi bwitwaye mu Rwanda kuko mbizi neza bitewe n'uko nabwo nabukozemo igihe kingana n'imyaka 2 n'amezi ane nigisha mu mashuri yisumbuye.

Ndabaza: Ibyo Goodluck Jonathan wa Nigeria yatangarije BBC TV kuki atabanje kubaza ibibera mu Rwanda?/NKUSI Yozefu

Goodluck Jonathan

Mu Kiganiro umukuru wa Nigeria Goodluck Jonathan aherutse kugirana na BBC TV yabajijwemo ibibazo bitatu by’ingenzi  aribyo: Uko urugamba rwo kurwanya Boko Haram ruteye,  amatora yegereje y’umukuru w’igihugu, abaturage bamaze kugwa muri urwo rugamba.Ku byerekeye Boko Haram yatangaje ko ingabo za Nigeria zabonye ibikoresho bya gisirikare bihagije zitari zifite, naho amatora azaba ahangayemo na Jenerali Buhari wigeze nawe kuba Perezida wa Nigeria, yavuze ko yizeye kuyatsinda nta shiti. Abajijwe niba nta baturage benshi bariho bagwa ku rugamba, Perezida Goodluck yasubizanye agahinda  yerekana ko atifuzaga ko n’abagize Boko Haram bapfa kuko nabo ari abaturage ashinzwe kuyobora: « Iyo tuvuga ngo hapfuye abarwanyi bo muri Boko Haram 400, cyangwa 500 burya nabo ugomba kumenya ko ari abaturage ba Nigeria. Nta muperezida wifuza ko hari abaturage be bapfa»

UBURASIRAZUBA BWO HAGATI:«Niba Amerika ibona ko ari ngombwa kugirana ibiganiro na Perezida Bashal Al Assad wa Syria nyuma y'intambara imaze imyaka 4 yari igamije kumuhitana ariko akababera ibamba, inzirakarengane zirenga 215,000 zizaryozwa nde???»/ UDAHEMUKA Eric

Bashal Al Assad wa Syria

Benshi mu bageze mu ishuri babwiwe kandi bigishwa ko isi itegekwa n'ibikuta bibiri bya rutura aribyo CAPITALISM iyobowe na Leta zunze ubumwe z'Amerika(USA) hakaba n'ikindi gikuta cyitwa COMMUNISM kirangajwe imbere n'Uburusiya. Ubu butegetsi 2 bwamamaye cyane nyuma y'intambara ya 2 y'isi yose yarangiye ahagana mu 1945-1946.

Nyamara abasesenguraga amateka y'isi bakanayandika ubanza bari bibagiwe ko ibintu bihora bihinduka. Icya mbere nta wigeze atekereza ko Ubushinwa bwazaba igihangange umunsi umwe ngo USA ijyeyo kuguza amadeni mu mabanki yaho. Ibi ariko iyo ubyumva warasomye ntibyagutangaza uhereye ku nteruro umwe mu bategetse Ubushinwa yigeze kuvuga agira ati:«Quand la Chine s'eveillera, la terre tremblera!» Bivuze mu Kinyarwanda ngo umunsi Ubushinwa bwakangutse isi izahindagana!

Abayobozi b'ingirwamadini yo mu Rwanda bagombye kujya kwigira ku muhanuzi MBORO wo muri Afrika y’Epfo/NKUSI Yozefu

Umuhanuzi Mboro yasuye Nyakwigendera Nelson Mandela

Hari muri 2008, nari natumiwe n’inshuti yanjye kujya mu rusengero isengeramo ngo ndebe ukuntu Imana ikora ibitangaza. Naje gutungurwa n’uwiyita ko ari umukozi w’Imana ngo wariho azenguruka igihugu cyose akangurira abantu gutanga amaturo n’icya cumi, ibi ngo akaba yari yabitumwe n’Imana.  Umuhango wo kubwiriza ntiwatinze kuko uyu mutekamutwe wari ku ibanga na Pasiteri w’urusengero twarimo yahise ahabwa umwanya abwira abantu ko batanga ibyo bafite , abatabifite aho bakiyandikisha  bakazabizana umunsi ukurikiyeho! Abemeragato, cyane cayane b’igitsina gore bemeye ko bazatanga rwose imyaka ,amafranga ndetse n’umukobwa wari wambaye ikanzu ngo yakundaga kurusha izindi kuri uwo munsi yagiye imbere ararira avuga ko azayizana bukeye! Hashize icyumweru kimwe gusa, mpura na Pasiterei w’urusengero ibi byaberagamo wagenderaga mu modoka ihenze ya Pajero atakiyigenderamo ahubwo yaraguze inshya ihenze kurushaho. Niko kwibuka wa mugani sogokuru yajyaga ancira ko « Iby’indangare Rwabugiri yabitanze!»

KWEGUZA KU NGUFU ABAYOBOZI B'UTURERE NO KUBAFUNGA MU RWANDA:«N'ubwo Paul KAGAME na FPR ye barimo kubyiganira manda ya 3, ubutegetsi bwabo bumeze nk'ikimodoka kigendera ku ipine imwe ahantu hacunshumuka cyane cyenda guhirimanga mu kuzimu»/ UDAHEMUKA Eric

Shehe Bahame Hassan

Kuba ubutegetsi bumaze imyaka myinshi butaravaho ntibishobora kuba ikimenyetso simusiga ko bukomeye kandi bwizewe n'abaturage kuko bushobora no kumara imyaka 100 kubera amayeri, ruswa, amacenga, n'icyenewabo akenshi bidasigana n'iterabwoba.

ISESENGURAMVUGO:«Minisitiri Ambasaderi HABINEZA Yozefu yirukanwa bwa mbere muri guverinoma Paul Kagame akamugira ambasaderi muri Nijeriya yatangaje ko yumva ameze nk'ifi bajugunye mu mazi. Mbere gato y'uko yirukanwa bwa kabiri muri guverinoma yavuze ko buri muyobozi agomba kwiyumvisha ko umwanya afite atari isambu yarazwe na se!»/ UDAHEMUKA Eric

Ariho arategurirwa kwamamaza Pawulo Kagame kuri manda ye ya Gatatu

Muzunga muzunga FPR ikoresha abayikorera bigera aho ikabaviramo gukoreshwa za penaliti. Kubera ukuntu kuvuga icyo ushaka ku butaka bw'u Rwanda bisa n'ikizira, abatware babaye ibiragi. N'ugize ngo aravuze ibyo avuze babisamira hejuru bikarangira yubikiwe imbehe.

Nk'uko byemezwa na BUCUMI Denyse(Madamu wa perezida Petero NKURUNZIZA); Lt. Gen. Adolphe NSHIMIRIMANA amaze gutangaza ko agiye kwica Perezida NKURUNZIZA bigahura n'ubuhanuzi bwa Damascene wemeje ko hazabanza gupfa Adolphe hagakurikiraho Nyiricubahiro Petero NKURUNZIZA/ UDAHEMUKA Eric

Nkurunziza Petero Arashaka manda ya gatatu ngo akomeze iri terambere
 yagejeje ku Barundi!

Uwitwa Lt. Gen. Adolphe NSHIMIRIMANA abatuye umujyi wa Bujumbura bahimba HITLER kubera ubugome bwe burenze urugero muri aka kanya amaze gutangaza ko agiye kwica Perezida Petero NKURUNZIZA. Icyo amuziza nta kindi uretse ko ngo yaba yitegura gutangaza ko ataziyamamariza manda ya 3 mu gihe Adolphe NSHIMIRIMANA we yarahiriye ko NKURUNZIZA agomba kwiyamamariza manda ya gatatu.

«Ko ubu mu Rwanda dufite abami batatu bazwi, Kapiteni KABUYE David ushinjwa na Leta ya FPR gukorana n'umwami ariko ntisobanure uwo mwami uwo ariwe ubwo si uguheza abanyarwanda mu cyeragati no kumuhimbira ibinyoma?»/ UDAHEMUKA Eric

Kapiteni David Kabuye

 Ni ubwa kabiri mu minsi yegeranye cyane nanditse kuri Kapiteni David KABUYE ari nawe mugabo wa Madamu Lt. Col. Rose KANYANGE KABUYE. Impamvu ni uko uko mbibona ibyago uyu mugabo arimo n'abandi babiciyemo, ndetse n'abasigaye bataragerwaho nabo ejo cyangwa ejobundi bashobora kwisanga aho ubu ari.

Umwana udasanzwe muri Tanzaniya: NICE VALENTINO w'imyaka itatu n'amezi icyenda yigisha mu mashuri yisumbuye atarigeze akandagira mu kiburamwaka/NKUSI Yozefu

              Nice Valentino akora amahurizo y'imibare 

                        akomeye/Foto Global Publishers

Ibitangaza uyu mwana udasanzwe akora byahuruje itangazamakuru ryo muri Tanzaniya kugirango abanyamakuru birebere imbonankubone ibivugwa kuri uyu mwana w'umuhungu NICE VALENTINO ufite imyaka 3 n'amezi icyenda y'amavuko. Dore ibintu birindwi bitandukanya uyu mwana n'abandi bana bari mu kigero cye nkuko umunyamakuru wa Global Publishers ikinyamakuru gisomwa cyane muri Tanzaniya abivuga; akaba yaragiye kwihera ijisho ari kumwe n'abandi banyamakuru barenga 60 bavuye hirya no hino muri Tanzaniya.

Shehi Saleh HABIMANA uherutse kumara ukwezi i Buraya mu butumwa bwa FPR bwo kuyigurira amazu iteguriramo ibikorwa by'iterabwoba ku bayihunze, yaraye agizwe Ambasaderi mu Misri aho agiye gukurikiranira hafi ibikorwa yatangije/Nkusi Yozefu

Sheh Saleh HABIMANA

Mu byahishuwe bya 17 igice cya 2  urubuga rwanyu Shikama rwabagejejeho ejo ku itariki ya 20 Werurwe 2015, harimo amazina y'ibikomerezwa 2 by'ingoma ya FPR na Pawulo Kagame bimaze guhungishiriza imiryango yabyo i Burayi; muri ibyo harimo  Shehi Saleh HABIMANA wari umwe mu bakozi bakuru ba Komisiyo y'igihugu yiswe ngo Ubumwe n'Ubwiyunge. Twababwiye ko uyu mugabo werekana byasanze ko yitangiye Kagame Pawulo na FPR yamaze guhungishiriza umuryango we mu gihugu cy'Ububiligi ariko akaba abeshya ko yatandukanye n'umugore we; umuntu akaba yakwibaza ko iyo utandukanye n'umugore n'abana muhita mutandukana ku buryo bajyana na nyina aho agiye! Ikindi umuntu yakwibaza ni uko abakegesi bose mu gihe batandukanye n'abagore babo bazajya bahita baka ubuhungiro mu Buraya, ese ibi byonyine ntibyaba gihamya ko mu gihugu cya Kagame Pawulo nta mutekano ubamo?!