AMSTERDAM: RWANDAY DAY YEREKANYE KO KAGAME ARI UMWICANYI RUHARWA.

10 octobre 2015

Amakuru

Ni kuri uyu gatandatu, tariki ya 10/10/15  kuri Radio Inyabutatu ikorera kuri SW no kuri internet, yumvikana mu Rwanda no muri Afrika yose muri rusange. Ubuyobozi bwa Radio Inyabutatu ikorera kuri shortwave ku murongo wa 17605kHz muri band ya 16; no kuri internet amasaha 24/24 kuri site (www.radioinyabitatu.org cyangwa www.inyabutatu.org) buramenyesha abanyarwanda bose ko ku wa gatandatu tariki ya 10/10/15 guhera saa 20h00-21h00 z’ikigoroba i Kigali mu Rwanda, Radio Inyabutatu izabagezaho ikiganiro gifite insanganyamatsiko ikurikira:  
Rwanda day ariyo mu by’ukuri bita Kagame day yerekanye ku buryo budasubirwaho ko Paul Kagame ari umwicanyi ruharwa.

Abanyarwanda batagira ingano bavuye mu ibihugu binyuranye kwereka isi yose ko u Rwanda ruyobowe n’umwicanyi ruharwa Paul Kagame ukomeje kwihisha ubutabera muri Village Urugwiro.

Abanyarwanda bavuye mu bihigu bitandukanye bahuriye i Lahaye guha ubutumwa Leta y’Ubuholandi ko Paul Kagame yari akwiye ahubwo gushyikirizwa urukiko mpuzamahanga mpanabyaha rwa Lahaye; hanyuma bakomereza i Amsterdam kwereka isi yose ko u Rwanda ruyobowe n’umwicanyi ruharwa Paul Kagame ukomeje kwihisha ubutabera muri Village Urugwiro. Buri munsi Paul Kagame amaze k’ubuyobozi uba ari akaga ku banyarwanda. Abanyarwanda baramurambiwe kandi ntibifuza kwongera kumubona yihishe ubutabera muri Village Urugwiro nyuma ya 2017. 

Sibo bazabona bakize uyu mwicanyi umunsi uwariwo wose. Bazahumeka ari uko atagihumeka. Iyi mivumo ntahandi ituruka uretse amaraso ya bagenzi be b’abasirikare yishe n’ay’abanyarwanda muri rusange akomeje kumwokama. Ni ikosa kubyinira umwicanyi ruharwa, kumukomera amashyi cyangwa kumuvugiriza impundu kuko bituma ashyekerwa. Gukomera amashyi Paul Kagame ni nko guheka impyisi kuko areba inyungu ze gusa.   

Yacengeye Interahamwe, arangije azishumuriza abatutsi   bari mu Rwanda azi neza ko nyina, umugore we, abana be, bashiki be, umuryango w’umugore we n’ inkoramutima ze za hafi batari gutikirira muri jenoside yaramaze gutangiza ahanura indege ya Yuvenali Habyarimana kuko babaga hanze y’u Rwanda. Gukingira ikibaba umurozi ruharwa, gukorana  na we cyangwa kumushyigikira ni ugufatanya icyaha  na we no kwikururira ibyago.  
 
DORE ICYO DUKWIYE GUKORA: ni ngombwa kwamagana ikibi aho tugisanze hose bityo ntihagire umugiranabi uba muri twe cyangwa ngo adutegeke.
 
Umwicanyi ruharwa Paul Kagame abanyarwanda bagomba kumuha akato kandi bakamwirukana  muri Village Urugwiro kuko niho ashaka kugumya kwihishamo ubutabera. Abanyarwanda ntibagomba kureka Paul Kagame ngo yizirike ku butegetsi ubuziraherezo. Kumureka akaguma ku butegetsi nyuma ya 2017 ni ukwicukurira imva. Ntagomba gukomeza guhuma abanyarwanda amaso ababeshyeshya iterambere  ridafite naho rishingiye mu gihe inzara n’amavunja bivuza ubuhuha mu Rwanda kandi abaturage baragijwe imbunda, banakubitwa buri munsi! Nta terambere ryaruta ubuzima bw’abanyarwanda benshi Paul Kagame yirengeje.
 
Kigali ahora arata yanitsemo amagufa y’abacu babuze ubuzima bwabo igihe yatangizaga jenoside ahanura indege yarimo Yuvenali Habyarimana. Paul Kagame si intwari nkuko ahora abyigamba we n’umucurabwenge w’ibinyoma bya FPR Tito Rutaremara ahubwo ni ikigwari gihimbira guhohotera inzirakarengane. Buri gihe, akoresha ibinyoma, akitwikira ijoro cyangwa agakoresha amarozi yarangiza akegeka ubwicanyi bwe ku bandi. Ni ukuri koko, iyo umuntu adafite amahoro n’umutekano, ntaho abari.  
 
Ariko burya ngo iyo imbwa ikwirukankanye ishaka kukurya, urahindukira ukayireba, igahunga izinze umurizo. Erega munyarwanda ni wowe ubwirwa!!! Kandi baca umugani ngo: « uhishira umurozi akakumaraho urubyaro ».   

Abatumirwa muri iki kiganiro ni aba bakurikira :

1.    Bwana Ruyenzi Schadrack, umunyamategeko. 
2.    Prof Micheli Niyibizi wo muri FDI – INKINGI
3.    Bwana Yosefu Mutarambirwa, umuyobozi mukuru w’Ihuriro ry’Inyabutatu – RPRK 
4.    Bwana Jackson Munyeragwe, umunyamabanga  mukuru  w’Ihuriro ry’Inyabutatu – RPRK   
 
Radio Inyabutatu kuri facebook: Ushobora gukurikira ibiganiro bya Radio Inyabutatu kuri FACEBOOK page yayo, ukoresheje uburyo bwa Soundcloud kuri mudasobwa.   

AGASHYA: 

Abantu bari muri Amerika, Kanada, Ubwongereza, Ubufaransa n’Ububirigi bashobora kwumva Radio Inyabutatu ku matelefoni yabo agendanwa hatitawe k’ubwoko bwa telefoni bafite, ntabwo bisaba ko telefoni yawe iba iriho amafaranga ya internet ntanubwo bisaba ko telefoni yawe iba ifite option ya internet muriyo, icyo usabwa ni uguhamagara umwe muri iyi mirongo ya telefoni ikurikira:  

1. Umurongo wo mu Bwongerezani: (+44) 033.00.10.38.98
2. Umurongo wo muri Amerika na Kanada ni: (+1) 712.432.5797  

Iyi mirongo yombi ushobora kuyihamagara ukoresheje telephone mobile cyangwa telephone  fixe. Iyo uhamagaye kuri umwe muri iyi mirongo wumva Radio Inyabutatu kandi nta mafaranga wishyura.

Abafite telefoni zifite skype bo bashobora guhamagara kuri izi telefoni bagakurikirana gahunda za Radio Inyabutatu hatitawe ku gihugu baba barimo, nabwo ntibishyura. Abifuza kuzagira ibyo babaza cyangwa bunganira muri iki kiganiro, bashobora gukoresha ibi bikurikira:

Telephone:  +44 20 3239 7318

Email: editor@radioinyabutatu.org. This email address is being protected from spambots. You need JavaScript enabled to view it. 

Skype: radioinyabutatu

Facebook: Radio Inyabutatu 
 
Kugira ngo wumve Radio Inyabutatu ikorera kuri Shortwave Station, bigusaba kuba ufite akaradiyo akariko kose gafite umurongo wa SW/Shortwave.  Mugire Imana.

Ubuyobozi bwa  Radio Inyabutatu
Akarere  k’ibiyaga bigari bya Afurika