INYANDIKO ZO MU BUBIKO. Isesengura-mpamvu na Politiki: Muri gahunda ya NDI UMUNYARWANDA Bwana BUSHISHI Jiyovani ategetswe na FPR gusaba imbabazi z’uko yimye abatutsi buruse zo kwiga muri Kaminuza ku ngoma ya Habyarimana kugira ngo ahabwe ubudepite ku itike ya PSD. Ubu budepite se agabiwe n’ikidodo ku mutima azabumaraho kangahe ??? Ese azabasha kuvuganira rubanda ku Kimihurura ??? Soma SHIKAMA usobanukirwe!!!/UDAHEMUKA Eric

Iyi nyandiko yahise wa mbere kuri shikama kuri 20/3/2014

J. Bushishi

GUTA umutwe muri sisiteme bibaye ikibazo

Igihugu cy’u Rwanda kiyobowe n’agatsiko k’amabandi y’abaswa n’injiji-butwi kitwaje imbunda nkuko U. Evode yakise, ubu kigeze aho umuntu wese abona ko dutegekwa n’abasazi cyangwa abatamutwe. Ibintu Kagame n’agatsiko ke kamugaragiye barimo gukora, uretse n’abaturage batageze mu ishuri, nta n’umuntu usanzwe wiyubaha wabitekereza ngo atinyuke kubivuga mu kanwa ke uretse no kubikora.

Kubera ukuntu Kagame yataye umutwe muri Kigali ubu abamurinda kubera gukeka ko bashobora kumwirasira umunota ku munota isaha ku isaha, amakuru dufite muri SHIKAMA kandi si ukuyashakisha kuko dukorana hafi aratubwira ko buri munsi abamurinda abahindura inshuro enye kugira ngo akomeze ateshe umutwe ABAJEPE bibagore kumwica.

Abo mu gatsiko begereye Kagame cyane barimo MUSONI James utegeka Minisiteri y’ubutegetsi bw’igihugu akaba n’umuswa ku rwego rw’ikirenga mu banyarwanda babayeho ndetse n’abazabaho nk’uko byemezwa n’abokorana nawe yabushabushe akababuragiza, nta cyo ashobora kungura Shebuja Kagame mu byemezo bikomeye bifatwa.

NGARAMBE Faransisiko umunyamabanga mukuru wa FPR ni umusaza wamazwe n’umushiha ahantu hose kandi akaba nimero ya kabiri nyuma ya Shebuja Kagame mu kwanga urunuka abanyamakuru kuko mu myaka myinshi amaze ku bunyamabanga bw’iri shyaka si kenshi atumira abanyamakuru ngo bungurane ibitekerezo mu gihe ibyo bamubaza bitabura.

MUSONI Protais wari soma mbike wa Kagame mu gatsiko, ubu aho anyuze Kagame ahanyuza umuriro kandi niwe wajyaga amugira inama muri byinshi n’ubwo nta kizima cyabaga kibereyemo. Icyo bapfuye ni inkuru KABONERO Charles yasohoye mu kinyamakuru cye UMUSESO aho yasobanuraga neza uko yasambanije ku gahato Madamu Dr KIRABO Kakira wari Meya w’Umujyi wa Kigali inkuru igakwira Kigali.

Byumvikane neza, icyo Kagame yahoye MUSONI Protais si uko yasambanye, kuko kuri Kagame ngo nta mugabo utasambana, ahubwo yamuhoye ko yabikoze ku buryo bimenyekana bikagera mu itangazamakuru. Abandi basigaye muri Leta ni abahutu ubu basigaye bicuza impamvu bavutse ku buryo muri bose ntawe Kagame yagisha inama.

Ibi nkaba mbibahayemo ingero kugira ngo nerekane ko ubu Kagame amaze guta umutwe kugera aho asigaye afata ibyemezo bigayitse byuzuyemo ubuswa kandi agahita ategeka inzego kubyubahiriza nta gushyiraho ubugororangingo na busa. Wibeshye ukavuga ko bidatunganye uhita wicwa nta mikino kwa KAGAME!!!

Ikindi gikuba kiracitse mu bakombozi ba P.S.D

Ishayaka PSD ubu uwavuga ko risigaye ari baringa ntiyaba yibeshye na busa kuko abariyobora bamaze kurihindura agatobero. Dr NTAWUKURIRYAYO Jean Damascene wajyaga yigaragaza nk’umutaripfana akiri Minisitiri w’ubuzima, FPR yaramukanze ibonye afite ivogonyo none ubu yabaye « Mwumve nkome !!! »

Twigeze kubandikira inkuru ndende yavugaga ukuntu ishyaka PSD rya GATABAZI Feliciani ryategetswe na Dr BIRUTA Visenti ku itike ya FPR gusaba imbabazi z’ibyaha byakozwe n’abakombozi aho muri SHIKAMA twagaye bikomeye Dr BIRUTA V. wihaye guha imbabazi abamuteraga amabuye ariko we ntasabe imbabazi abo yayateraga nk’aho we atabaye umwana nk’abandi cyangwa ko abana bavuka mu batutsi badakubagana nk’abandi bana.

Ikigiye koreka u Rwanda ni ukutavugisha ukuri no kuruma abantu bahuha kandi bagakiza uruhande rumwe urundi rurimo rumungwa. Ejo bundi kuwa kabiri ku italiki 18 Werurwe 2014 inama rusange ya PSD yongeye guterana itumijwe na Dr Vincent BIRUTA ku kagambane na FPR.

Aha niho mpereye mvuga ko ikindi gikuba gicitse muri PSD kuko bategetse umuntu w’umugabo wihaye gupfukama agasaba imbabazi ku bintu by’impitagihe kandi bizikuye inzika kuruta kuvura ibikomere by’amateka. Ubu BUSHISHI Jiyovani agizwe umudepite ariko ni ubudepite bw’ububwa kuko nta cyo azaba aricyo imbere y’uwamushutse na KAGAME.

Icenga rya Kagame na FPR mu gutesha umutwe ABAHUTU bo babyita kubakiza

Ubu amakuru yakwiriye muri Kigali akaba avugwa n’abahisi n’abagenzi, abakomvuwayeri mu matagisi hose, abasinzi n’abanywi mu tubari ni ubuswa bwa FPR burenze ubwo umuntu yakwihanganira. Muti ese byagenze bite ko dufite amashyushyu yo gusoma inkuru yawe ???

Bwana KABAHIZI Celestin wari uyoboye Intara y’Iburengerazuba, Kagame yamutoreye kujya kumuhagararira mu Inteko ishinga amategeko y’umuryango w’Afurika y’Iburasirazuba (EALA : East Africa Legislative Assembly) ifite icyicaro cyayo mu Mujyi wa ARUSHA mu gihugu cya TANZANIYA.

Kagame yahise atekereza umuntu uzajya gusimbura KABAHIZI Celestin. Kagame yahise ategeka ko uwo mwanya wo gutegeka intara y’Iburengerazuba bawuha umugore wari umudepite witwa MUKANDASIRA Karitasi w’umuhutukazi, waje mu nteko avuye mu cyaro cya herera-bandi kuko yari umwarimukazi mu mashuri abanza akaba afite amashuri 6 mu nderabarezi rusange gusa (Normale Primaire A2).

Mushobora gucyeka ko ibi Kagame yabikoze ari uguhubuka cyangwa ubuswa. Reka da!!! Kubera ko igikorwa cyo kwica Colonel KAREGEYA  Patrick cyatesheje Kagame umutwe nawe agahugira mu magambo y’ubwiyahuzi, abo mu gatsiko baje gusanga gahunda ya NDI UMUNYARWANDA yaramizwe cyangwa yaraburijwemo imbere y’ingaruka zo kwica KAREGEYA muri Afurika y’Epfo ku italiki ya 01 Mutarama 2014.

Bahise bashaka uburyo bayizanzamura kandi mu buryo bugaragarira ABAHUTU ko ibintu ari mama wararaye nibwo Kagame ategetse Dr BIRUTA Perezida wa PSD gutumiza umwiherero cyangwa inama ya ruburamunsi kandi agashakamo UMUHUTU wemera ibyaha bigaragara akabisabira imbabazi bakabona kumugira umudepite usimbura nyine Madamu MUKANDASIRA Karitasi nasobanuye aho yagiye hejuru muri iyi nkuru.   

Hon BUSHISHI Jiyovani yunze mu rya Hon BAMPORIKI Edouard

Umugabo witwa BAMPORIKI Edouard ubu ufite amashuri atandatu yisumbuye nayo yize nabi kuko mu myaka 6 yayizemo yirukanywe mu bigo bine kubera ubuswa, ubugoryi, no kunanirwa kumenya icyo gukora, niwe wavuze akari imurori abamba abahutu ku musaraba kuri Karuvariyo agororerwa ubudepite.

Hon. Depite BAMPORIKI ubu ni umuntu ukomeye muri Kigali kuko akimara kuba depite bamuhaye imodoka nziza cyane, inzu yo kubamo, umushahara mwinshi kandi ubu yahise atangira kwiga Kaminuza muri ULK ku Gisozi ku buryo nta cyo abuze mu bigaragara ariko urudodo ku mutima ni rwose kandi ntacyo bizamwungura dore ko na nyina aherutse kumuvumira ku gahera amuziza ko yamutaranze ku karubanda.

Bwana BUSHISHI muri iyo nama ya ruburamunsi yemereye imbere y’abandi bakombozi ko yicuza bikomeye ko yimye abanyeshuri b’ABATUTSI amahirwe yo kwiga Kaminuza i Butare ku ngoma ya HABYARIMANA dore ko yakoze igihe kirekire muri Minisiteri y’amashuri makuru n’ubushakashatsi MINESUPRES yategekwaga na Dr MBONAMPEKA Stanislas.

Bwana BUSHISHI Jiyovani yabaye umuyobozi mukuru w’urwego rw’igihugu rwari rushinzwe gutanga buruse za kaminza guhera mu mwaka w’1984 kugera mu mwaka w’1994 ni ukuvuga ko yaruyoboye imyaka icumi yose. Mwibaze namwe abo yavukije ubureganzira bwo kuzabaho neza bangana iki ko ari uburo buhuye ???

Bwana BUSHISHI J. avuga ko umwanya yari arimo yari afite ubushobozi bwo guha buruse yo kujya kwiga Kaminuza uwo ariwe wese ashatse ariko ko abana b’ABATUTSI yazibimye akaba abisabira imbabazi. Twabamenyesha ko BUSHISHI Jiyonavi yavutse mu mwaka w’1949 akaba ubu afite imyaka 64 y’amavuko. Afite umugore, abana batatu n’abuzukuru babiri

Kagame yongereye inzigo hagati y’ABAHUTU n’inyoko-TUTSI

Kenshi iyo twandika inkuru muri SHIKAMA hagarukamo cyane izina Paul KAGAME kubera ko imikorere ye ariyo ituma byose bizamba kandi nta muntu n’umwe wemerewe kugira icyo abihinduraho mu Rwanda atabimuhereye uburenganzira.

Gufata icyemezo cyo kugira BUSHISHI depite njyewe nk’umuntu w’umusesenguzi wa politiki nta cyo bintwaye na busa kuko ntacyo mfa nawe ariko ikibazo mfite gikomeye ni ikizabikurikira. Kagame n’agatsiko rero bafite umugambi wo gukora Genocide izakorerwa ABAHUTU ku buryo nta n’umwe uzasigara.

Muti ese gute ? Kagame arimo gushuka ABAHUTU bafite inda zabarenze batakigira umutima-nama akabategeka kubanza kwemera ibyaha nyuma akabaha imyanya ariko icyo kigorwa kikaba gihishe ibanga rikomeye ryo kubiba urwango mu BATUTSI kugira ngo bakomeze bahembere umujinya bakusanya ibibi bakorewe n’ABAHUTU noneho umunsi umwe bazabamarire ku icumu.

Nimusubize ubwenge ku gihe mutekereze. Kwihandagaza ukavugira mu gihugu cya KAGAME ngo wimye abana b’ABATUTSI buruse zo kwiga Kaminuza mu gihe cy’imyaka icumi wayoboraga iryo shami muri Minisiteri y’amashuri makuru n’ubushakashatsi. Rubanda baranatinyuka !!! Njye sinabitinyuka niyo bamfatira imbugita ku gakanu !!!

Ese ubwo iyo ubivuga uba uzi abo wimye za Buruse ubu barabaye iki mu gihugu koko ko hari abantu batagira n’ubwenge bubajyana kwa ntaw’utuma undi !!! Ese abo wimye ayo mahirwe batari babuze ubwenge umwe muri bo abaye nk’ikihebe akakwirenza cyangwa akagutera gerenade muri Kigali ntiwaba wizize koko???

Ese abo uvuga ko wimye buruse nibazajya babwira abana babo bati dore kiriya kigabo nicyo cyatugize gitya abo bana baziyunga n’abo kwa BUSHISHI n’abuzukuru be cyangwa bazaba inzigo mu mateka ingoma ibihumbi ???

Aha niho nahereye nemeza ko Kagame arimo gushinga inturubiko ijombye mu kiziriko cy’inzigo n’inzika hagati y’abahutu n’abatutsi kugira ngo Kigali azayisige mu mivu y’amaraso nk’uko yayisanze mu 1994,
, nkuko adasiba kubyivugira. Bigomba kumvikana neza. Muri 1994 ABATUTSI bajya kwicwa babanje kwitwa inzoka kandi koko bakumva nta kundi byagenda.

ABAHUTU nabo rero barimo gutegekwa kwemera ibyaha batakoze kugira ngo FPR ibanze ibice kandi ibakorope mu gihanga aribyo muri SHIKAMA twise ETHNOCIDE ( Kwica abaturage mu mutwe ubashyiramo ibitekerezo ibi bibahindura ibicibwa mu baturanyi ku buryo bazicwa bumva nta kindi kibakwiye ) ku buryo bizagera igihe cyo kubarimbura bumva bakwiye kwicwa kuko umunyacyaha nta jambo aba afite muri rubanda. Umuntu wiyemereye icyaha nta n’uwamurengera byakomeye ageze muy’abagabo!!!

Inteko ishinga amategeko yuzuyemo abagore b’indaya  n’abagabo bishinja ibyaha batakoze

Ibi twigeze kubivuga inshuro nyinshi. FPR kubera gutinya ububasha bw’urwego ubundi rwagombye gushinga amategeko no gukuraho Perezida kimwe no kumubangamira mu ishyirwa mu bikorwa ry’imigambi ye mibisha, mu gihe inteko yaba ikora uko bikwiye,

Bahisemo kwiharira uburenganzira bwose ku ijambo mu gihugu ubudepite babuha abagore b’indaya z’abasirikari n’iz’abayobozi bo mu nzego zo hejuru imyanya isigaye bayegurira abagabo biyemereye ibyaha batakoze nka BAMPORIKI Edouard, BUSHISHI Giovanni, MPORANYI Theobald, KABONEKA Francis  n’abandi kugira ngo mu gihe bagatanze ibitekerezo byazamura abaturage bajye bahugira mu gushimira Kagame ko yabagororeye mu gihe bumva batari babikwiye.

Bigenda gutya Kagame bikamworohera kubona amajwi yemeza ibyifuzo bye-buhumyi kabone n’iyo byaba biza guheza umwuka abaturage ari nayo mpamvu muri SHIKAMA tuvuga ko ku Kimihurura hatari inteko ishinga amategeko ahubwo hari inteko yemeza-buhumyi amategeko y’agatsiko ka Kagame.

Dr BIRUTA Vincent akwiye kuva muri politiki akajya kuvura abarwayi kuko ananiwe

Ariko koko, ko abantu bacunga abandi basinziriye, nk’ubu uwahuza Nyakwigendera GATABAZI Felicien na Dr BIRUTA Vincent byagenda bite??? GATABAZI yamubaza ati : « Rya shyaka nameneye amaraso niryo urimo kugambanira kandi ariryo rikugize icyo uri cyo !!!!!!!! » Dr BIRUTA yasubiza ngo iki ???????????

Ibi bisobanuro byose ntanze nibyo byerekana ko F.P.R ari agatsiko k’amabandi gategekana igihugu ubuswa kandi kitwaje intwaro. Nizere ko Metere Evode UWIZEYIMANA atazisubiraho ngo ni uko Kagame yamutamitse ikinyama kinini kiriho amavuta y’inka !!!

Nizere ko Evode UWIZEYIMANA atazavuga ko u Rwanda rutegekwa n’abatagatifu bo muri FPR !!!

Dr BIRUTA akabije kugambanira ishyaka PSD kandi biragaragara ko nta cyiza azarigezaho kuko ibi binaba na nyuma y’uko avangavanze ibintu muri minisiteri y’uburezi, mbese k’uko MUDIDI Emmanuel yabivanze muri K.I.E ku buryo ubu utamenya iyo yerekeza. Muri SHIKAMA turagira inama Dr BIRUTA kwegura muri politiki akajya kwivurira abarwayi muri CHUK na FAYCAL.

Dr Vincent BIRUTA

Ni byiza ko yegura hakiri kare inzira zikigendwa kuko umunsi Kagame yamaze kumukamuramo ibyo yari amukeneyemo byose ngo PSD ihinduke igikanka,  azamuhindura nk’igikatsi cyashizemo uburyohe nawe azamujugunye cyangwa nibinarimba azamwirenze cyane ko atishe bacye kandi bari bakomeye kumuruta!! Kuba Dr BIRUTA ari umututsi ukomoka i Shyorongi warokotse arokowe n’abakombozi ba PSD ntacyo bivuze imbere ya Kagame wataye umutwe kubera kwica benshi kandi ukigambiriye kumara abandi mu gihugu no mu mahanga hose ku isi !!!

Naho kuri Hon. BUSHISHI Jiyovani mu minsi mikeya araba arahiriye iyi mirimo mu Nteko ku Kimihurura umuhango nurangira batujyane muri bwa busitani bureba ku ruhande rw’i Nyarutarama abagande bajye basoma ku kirahuri cya WISIKI bamucengezamo ijisho kandi amenye ko azarahirira imbere ya Kagame arimo kumunnyega anatekereza ukuntu bazamushyiramo ikiziriko kuko yemeye ko yatumye ABAHUTU biga kaminuza bonyine nk’aho ABATUTSI bo batari ibiremwa. Ese ubwo mama urwo rubanza azarukira ??? Harahagazwe !!!!!!!!!! Nimukomere cyane !!!

UDAHEMUKA Eric.
shikamaye.blogspot.no
Shikama ku Kuri na Demukarasi(SKUD)