Rwanda.Perezida w’urukiko rw’ikirenga Prof Sam. RUGEGE noneho yeruye kumugaragaro yemeza ko ruswa izakomeza kugerekwa ku banyonzi, abashoferi, abayaya n’ababoyi ariko abanyamayeri n’abize amashuri menshi cyane bagakomeza kuyirya ngo kuko Leta idafite ubushobozi bwo gutahura amayeri yabo.

kuko agakiza kadaturuka iburasirazuba cyangwa iburengerazuba, cyangwa mu butayu bw'imisozi, ahubwo IMANA ni yo mucamanza , icisha umwe bugufi igashyira undi hejuru. Zaburi75: 7-8

 

Porofeseri RUGEGE Sam

munuyamakuru yabajije Perezida w’urukiko rw’ikirenga impamvu mu Rwanda ujya kumva ukumva ngo umushoferi w’ibunaka bamufatanye ruswa y’amafaranga ibihumbi bitanu, ukumva ngo umunyonzi yafashwe atanga ruswa y’ibihumbi bibiri,…Ariko ntihagire umuntu ukomeye ufatirwa mu cyaha cya ruswa.

Prof Sam RUGEGE ubu uyobora urukiko rw’ikirenga akaba yarasimbuye Madamu CYANZAYIRE Aloyiziya kuri uwo mwanya yasubije agira ati : «Ruswa izakomeza gufatanwa abashoferi, abanyonzi,… Ariko abize amashuri menshi cyane n’abanyamayeri bazakomeza kuyirya kuko Leta nta bushobozi ifite bwo gucukumbura no gutahura amayeri yabo. Byasaba Leta kongera manpower (abakozi) yo kubakurikirana»

Iri jambo rya Prof Sam RUGEGE ryuzuyemo ukuri kuko mu 1990 FPR itera u Rwanda ngo bajyaga babwira abakada babo ko nibagera mu Rwanda bagafata ubutegetsi bakabukomeza neza bazaba bemerewe ibintu byose harimo no kurya ruswa kandi ku buryo nta muntu n’umwe uzabakurikirana mbese ngo kugeza ubwo igihugu bazagisahura bakacyeza.

Mu by’ukuri ibyo bintu nako iyi nteruro ndangije kwandika hejuru aha uyumvise wagira ngo ni ukurwanya Leta cyangwa se kwikoma FPR ariko noneho iri jambo rya Prof Sam RUGEGE ritumye mpita mbyemera nta kongera kubaririza no gushidikanya. Mu kanya ndaje mbahe ingero zishyigikira iyi mvugo ya Nyakubahwa Prof S. RUGEGE.

Mu Rwanda, ruswa mu nzego zose

Icyo Prof Sam RUGEGE atavuze neza ni uko atari abahanga n’abanyamayeri ahubwo ari abo muri FPR nabwo bavuye i Bugande gusa bemerewe kurya ruswa abandi bikaba ari gasopo!!! Muti kubera iki ? Kubera ko mu nzego zose z’igihugu ruswa iravuza ubuhuha ku buryo urebye neza wasanga ahasigaye ari mu rugo mu muryango muto w’abantu. Amaherezo umugabo azajya aha umugore we ruswa kugira ngo bajye kuruhuka. Dore aho nibereye!!!

1. Ruswa muri Gira inka munyarwanda

Muri SHIKAMA iteka duhora twirinda guca ibikuba no kugendera muri karabaye. Uyu munsi turimo kwandika iyi nkuru, umutwe w’abadepite wabyukiye mu mpaka za ngo turwane zerekeye ku igenzura rigomba kuzakorwa kugira ngo bamenye umusaruro wavuye muri gahunda ya GIRA INKA MUNYARWANDA.

Depite BALIKANA Eugene yazamuye ikibazo cy’abantu bahawe inka babwirwa ko zihaka ariko zagera mu ngo bagasanga zabaye IMBERERI (inka idashobora kuzabyara bibaho) kandi Leta yaratanze amafaranga akangari mu kuzipima kugira ngo mu itangwa ry’amasoko yo kuzigura hazazanwe inzima.

Aba bana barahabwa amazi ngo ni amata

Mbere y’uko ariko mbabwira impaka ziriwe ku Kimihurura uyu munsi, nagira ngo mbanze mbamenere ibanga cyangwa bamwe muri mwe murarizi ko gahunda ya gira inka yazanywe n’inkotanyi igamije kubuza abanyarwanda korora inka zihagije zizabamara ubutindi, ubworo n’ubukene.

Gutegeka umuturage kororera mu kiraro ukamubuza kongera kwahura no kuzirika ku gasozi, afite inka makumyabiri cyangwa mirongo itatu, ahita yibwiriza akazikoma agahindizo akazijyana mu isoko mu Ruhango bakibagira agasigarana imwe. Iyi gahunda FPR yayize ngo kugira ngo ihime ABAHUTU kuko bitari gushoboka ko batunga nk’iza Mirenge ku Ntenyo kandi barariye amashyo y’abaturanyi babo b’ABATUTSI. Harahagazwe!!!

                                                    Ngiyo gahunda ya Girinka ikeneshheje bamwe igakiza abayishoyemo

Nzaba mbarirwa. Ubwo ni ukuvuga ko n’UMUHUTU utaraziriye nawe agomba kugendera mu ipaki imwe n’ABAHUTU bene wabo nawe akabuzwa uburenganzira bwo korora nk’uko ndi umunyarwanda itegeka ABAHUTU bose kwaka imbabazi.

Dusubiye ku Kimihurura muri ya nzu yemerezwamo amategeko, Depite Dogiteri veterineri Gabriel SEMASAKA wanabaye umwarimu muri ISAE Busogo imyaka myinshi, akaba ayoboye Komisiyo y’abadepite ishinzwe ibirebana n’ubuhinzi n’ubworozi, yavuze ko bakwiye gusubira hasi kureba niba imihigo yahizwe muri GIRA INKA hari icyo yagezeho kuko nta bipimo fatizo byerekana umukamo w’amata wavuyemo n’akamaro wagiriye abanyarwanda.

Iki gitekerezo cyabo kikaba ntacyo kivuze cyane kuko bashaka kujya gutema igiti bagihereye mu mababi aho kwahuranya mu gihimba. Kugira ngo muri SHIKAMA tubereke ko tuba dufite n’ingero zifatika zerekana ko koko ibyo Prof S. RUGEGE yavuze ari ukuri,

Nimusome iyi nkuru yerekana ukuntu uyu muturage  uyobora Umudugudu wa Murenge, mu Kagali ka Maliba ho mu Murenge wa Nyabitekeri mu Karere ka Nyamasheke, mu Ntara y’Iburengerazuba yageretsweho Ruswa y’ibihumbi bitanu (5,000 Rwf) ngo kubera gahunda ya GIRINKA. Ibyo byabaye ku italiki 13 Kamena 2012.  

“Mu muhango wo kugeza inka ku baturage batishoboye muri gahunda ya Girinka wabaye tariki 13/06/2012 mu murenge wa Ruharambuga, uwasigajwe inyuma n’amateka witwa Mugenzi Jean Marie Vianney ndetse n’umugore we baje gutwara inka basanga batari ku rutonde nyamara umukuru w’umudugudu wabo witwa Dushimimana Fidele yari yababwiye ko byanze bikunze inka yabo ihari.

Nyuma yo guterwa utwatsi n’abashinzwe ubworozi mu mirenge ndetse n’uw’akarere bababwira y’uko batayibaha kandi batari ku rutonde, Mugenzi n’umugore we Nyiranzeyimana Keziya bo mu Murenge wa Nyabitekeri bavuze ko boherejwe n’umukuru w’umudugudu, biza no kugaragara ko hagombaga kuza undi witwa Sebatwa Bernard, ariko akaba atari ahari kuko atamenyeshejwe iyo gahunda.

Nyiranzeyimana avuga ko Dushimimana yamusabye ibihumbi bitanu by’umutobe ngo kuko yamugiriye mu kibazo none akaba agiye guhabwa inka. Nyuma ngo Nyiranzeyimana yamubajije impamvu asabwa amafaranga kandi inka ariwe igenewe asubizwa ko natayatanga inka ntayo azabona.

Nyiranzeyimana akomeza avuga ko yahise ajya kugurisha ibishyimbo kugira ngo abone uko yishyura ibyo bihumbi bitanu ngo azakunde ahabwe inka n’ubwo bitaje kumuhira. Mugenzi yavuze ko niba abasigajwe inyuma n’amateka bacyubikwaho urusyo n’inzego z’ibanze ntaho baba bagana.

Kuri iyi ngingo ariko birababaje kubona bafunga cyangwa bagereka Ruswa ku baturage bo mu rutoki epfo iriya nyamara abakozi bo muri MINAGRI bicaye mu ntebe zikaraga zinepa bahembwa ibya Mirenge bakijijwe n’iyo gahunda ya GIRINKA MUNYARWNADA bigaramiye mu biro kandi abaturage bavuga bati: Ni goronomu kanana watwakaga ibihumbi makumyabiri ngo adushyire ku rutonde rwo guhabwa inka.

2. Ruswa y’amafaranga n’iy’igitsina mu itangwa ry’akazi

Ubu ntibikiri ibanga kuvuga ko mu Rwanda kubona akazi bigerwaho na bake. Mu 1994 kubona akazi mu Rwanda byari byoroshye cyane bitewe n’uko abantu bari barapfuye abandi barahunze bityo Leta yitabaza abahari bashoboka ititaye ku mashuri bize n’uburambe bari bafite niho mwabonaga abize ubunyamabanga baragizwe ABASHINJACYAHA, abize ubwarimu bagirwa ba BURUGUMESITIRI n’ibindi byinshi.

Aba bahagaze se n'amadosiye bitwaje amakote n'ibipapuro hari akazi babona nibabataravuye Uganda!

Ibyo ntibyamaze kabiri kuko ahagana mu 2005 byahinduye isura. Kubona akazi byasabaga ko ugomba kuba watanze bituga ukwaha mu gihe uri umugabo naho waba uri umugore cyangwa umukobwa ukitanga wamara kubagerera ku ngingo bakaguha akazi ushaka kose.

Ng’uko uko abagore bamwe b’injiji twari tuzi bagiye kwibona bisanga mu Nteko ishinga amategeko ku Kimihurura ubu ni ABADEPITE N’ABASENATERI BADAFITE ICYO BUNGUYE ABATURAGE kandi n’amazina yabo turayazi n’ababagize indaya zabo nabo turabazi. Tuzabababwira vuba ahangaha .

Ubu noneho na ruswa bisa n’aho batakiyemera ahubwo kagahabwa abavuye i Bugande gusa. Ni bangahe mu Rwanda batsindiye imirimo y’akazi bakakimwa ngo kubera ko ari ABAHUTU? Ni bangahe batsindiye ikizamini cy’akazi mu Rwanda bakakimwa kubera ko batatanze bituga ukwaha? Ni bangahe bimwe akazi kuko batavuye I Bugande? Ni benshi umubare ntiwabona impapuro ubandikaho.

Mu Rwanda rw’inkotanyi njyewe wandika iyi nkuru nzi abantu ibihumbi bategetswe kwandika basezera ku kazi kubera ko babaga banze gusambana n’abategetsi. Ubwo ni ukuvuga abadamu n’abakobwa babaga bagifite agatima ka Mutima w’urugo bakanga kwiyandarika. Abavuye i Bugande babasabaga ibyo, ni bo Prof S. RUGEGE yita abanyamayeri n’abanyabwenge!!!

3. Ruswa mu itangwa ry’impushya zo gutwara ibinyabiziga

Igipolisi cy’u Rwanda gihora mw’ikinamico ryo kwerekana mu makuru kuri televiziyo y’igihugu abashoferi baba ngo bafatiwe mu cyuho cyo gutanga ruswa y’ibihumbi bibiri (2,000 Rwf), y’ibihumbi bitatu (3,000 Rwf) iyo abaye menshi ntashobora kurenga ibihumbi bitanu (5,000 Rwf) kandi ababikoze bagahita bemera icyaha bakanabisabira imbabazi.

Icyemeza ko ibyo Prof S. RUGEGE avuga ari ukuri koko ni uko ukoze igenzura n’iperereza mu Mujyi wa Kigali no mu Rwanda hose muri rusange, ukareba abagore batwaye imodoka birirwa bagonga ibibambasi by’inzu z’abandi banagonga imodoka z’abandi kubera kutamenya gutwara ikinyabiziga wakumirwa.

Mwambwira koko ko uyu mugore yigeze akorera uruhusa rwo gutwara ibinyabiziga?
Ariko se ko yifitiye igitsina cye kitagwa nabi Abaganda!

Aba nibo bahabwa impushya zo gutwara bazihawe na ba komanda kandi bakaziboherereza mu mabahasha bamaze kubahonga amafaranga atagira umubare cyangwa babahonze na cya gitsina navugaga mu kanya. Muri abo bose b’ibikomerezwa kandi baka atubutse ko nta n’umwe polisi y’igihugu irereka abaturage ? Nibo Prof S. RUGEGE yavugaga.

4. Ruswa mu itemwa ry’amashyamba n’icukurwa ry’ibirombe by’amatafari n’amategura

Dore ibyiza Kagame n'agatsiko badukuriye Uganda! Aba bakoze icyaha cyo gutora inkwi zumye !
He,He ,he. Ngo akabi gasekwa nk'akeza!

Muri gahunda y’ivugururabuhinzi niho uhita ubyumva neza: “Nta muntu n’umwe wemerewe guca ikigori mu murima we, uzagica azishyura amande y’ibihumbi icumi 10,000 Rwf”. Igihugu cy’u Rwanada cyagiye mu BUJYAHABI ibi bitavugwa. Mbere y’1994 iyo wiboneraga ahantu hari ibumba waragendaga ukaricukura ukibumbira amafatari, ugatema ibiti mu kwa we ugatwika ayo mategura cyangwa ayo matafari wibumbiye ukagaburira abana bawe mukaramuka ariko ubu ni ikidashoboka.

Hari abanyarwanda benshi barasiwe mu birombe baraswa n’abavuye i Bugande b’abasirikari cyangwa abavuye ku rugerero kandi mu gihe cy’amahoro babaziza ko bagiye gutema amasiteri yo gutwika imigina cyangwa amatanura y’amatafari n’amategura batabanje kubaha za ruswa.

Umugabo witwa FULGENCE w’ i Gitarama wari ufite imodoka inkotanyi ntizamurasiye mu kirombe mu Byimana munsi y’Ishuri rya Ecole des Sciences Byimana. Bamurasiye mu modoka ye agiye gupakira amatafari yari yaratwitse. Ubwo se ntibahinduye abana be imfubyi ubu ntibirwa baririra i Gitarama kandi yarazize gusa kwanga kubaha ruswa kandi nta n’icyo yayibaheraga????? Ibyo byose byakorwaga n’ubu bikorwa ku manywa y’ihangu abaturage babibona. Bagire bate se???

5. Ruswa mu itangwa ry’amasoko ya Leta

Iyi ngingo yo sindi buyitindeho kuko ho bazana n’ibyuma n’imbunda bakarasana kuko baba bagamije kwigwizaho umutungo w’igihugu. Ngiye kubaha urugero rumwe rwonyine rwerekana ko icyo Perezida w’Urukiko rw’ikirenga yita amayeri n’ubwenge bwinshi ari uburenganzira bahawe bwo kurya ruswa no guhombya igihugu abandi bakanuye amaso.

Aba ni abakozi bo mu kigo ngo gishinzwe amasoko ya Leta ngo barungurana ibitekerezo uko bazajya bayatekinika
26-27 Nzeri 2013, i Kigali

Mu mwaka w’2006-2008 nibwo umuhanda wa kaburimbo Kigali-Butare-Akanyaru wasanwe. Isosiyete yatsindiye iryo soko ni iyitwa SOGEA SATOM VINCI yo mu Bufaransa, Minisitiri w’ibikorwa remezo w’icyo gihe ntashatse kuvuga izina ngo hato ntavaho mukura amata mu kanwa, umuhanda waridutse hatarashira amezi atandatu ukozwe.

Itaka ryasukwaga muri uwo muhanda ryazanwaga na za TINGATINGA zirikuye ku musozi witwa NYESONGA mu Murenge wa Kigoma ukatiye mu ikona riri mu Butantsinda bwa Kigoma na Muyange usa n’ureba i Kinazi kuko bari barahateze intambi nini cyane kugira ngo babashe kumena no gusatura ibitare binini byavagamo amagaraviyo.

Ngarutse kuri uwo Muminisitiri, umunyamakuru yamubajije impamvu umuhanda igihugu cyatanzeho amafaranga menshi uriduka utaramara n’umwaka umwe usanwe, kubera ko Minisitiri nawe byari byamurenze niko gusubiza umunyamakuru ati:

“Uravuga ngo kuriduka, ahubwo twasanze baranawuriyeho santimetero icumi ku mbago zombi kandi metero imwe ikorwa na Miliyoni irenga, ubwo ni ukuvuga ko mu birometero biva Kigali bikagera ku Kanyaru, batugavuyeho za Miliyari z’amafaranga”

Abo Minisitiri yavugaga ni abavuye i Bugande bamukoreyemo kuko nta kundi yari kugira ngo abavuguruze kuko aribo bayoboraga ingirwamanama zo gufungura amabahasha ngo yo kureba abatsindiye gupiganira amasoko. Muzabaze uwo Muminisitiri aho iyo mvugo yamugejeje ubu niwe uhazi.

Prof S. RUGEGE rero kuba nawe yaravuye i Bugande nareke kujijisha abanyarwanda yerure avuge ko abagande bemerewe kurya ruswa mu Rwanda kugeza igihe ingoma yabo izahirimira kuko bigaragarira buri wese. Ni nde muntu wavuye i Bugande wari werekanwa kuri televiziyo ko yariye ruswa? Bizaba ryari???      

Nyamara muri SHIKAMA dusanze ari na ngombwa kubabwira Prof S. RUGEge uwo ariwe kugira ngo mumumenye kuko ibyo yavuze biteye agahinda n’umubabaro urenze urugero urebye imyaka afite n’amashuri akangari yize azenguruka isi yose.

Prof Sam RUGEGE ni nde ?

Prof Sam RUGEGE ubu uyobora Urukiko rw’Ikirenga mu Rwanda, yize muri Kaminuza ya Makerere mu Bugande. Yize ahitwa i Yale muri Leta zunze Ubumwe z’Amerika, yize muri Kaminuza y’ahitwa Oxford mu Bwongereza.

Prof Sam RUGEGE yatangiriye akazi ke k’ubucamanza muri Kaminuza ya Makerere mu Bugande aho yabaye umwarimu w’amategeko nyuma aza kuyivanwamo kubera iterabwoba ry’ubutegetsi ba Id Amin Dada. Ubwo yahise ajya kwigisha muri Kaminuza nkuru zo mu bihugu bya Lesotho na Suwazilandi.

Mu 1995, Prof Sam RUGEGE yabaye umwarimu w’amategeko muri Kaminuza ya Cornell Law School aho yigishaga ubucamanza nyafurika. Nyuma yaje kujya i Cape Town muri Afurika y’Epfo muri Kaminuza ya Western Cape aho yigishaga ibirebana n’itegeko-nshinga

Prof Sam RUGEGE yabaye umuyobozi w’inama n’ibiganiro mpuzamaghanga mu bihugu byinshi byo ku isi. Yinjiye mu rukiko rw’ikirenga mu 2004. Mu mwaka w’2005, yagizwe umucamanza mukuru w’urukiko rwa mbere rw’iremezo mu isoko rusange ry’Afurika y’iburasirazuba.         

Tubanyuriremo amateka y’ubucamanza mu Rwanda

1. Guhera 1961 kugeza 1978: Itegeko-nshinga ryo ku italiki 28 Mutarama 1961 ryashyizeho ubutegetsi bw’ubucamanza bugenzurwa n’urukiko rw’ikirenga rwari rugizwe n’abajije batanu bashyirwagaho na Perezida wa Repubulika kandi akagira n’ububasha bwo kubakuraho igihe bibaye ngombwa. Itegeko nshinga ryahinduwe ku italiki 24 Ugushyingo 1962 ryatumye urukiko rw’ikirenga rugirwa n’amashami atanu arimo n’urukiko rushinzwe kurinda iremezo ry’itegeko nshinga.
2. Guhera 1978 kugera 1994: Itegeko nshinga ryavuguruwe ku italiki 28 Ukuboza 1978 ryahaye Perezida wa Repubulika ububasha bwose ku bucamanza mu gihugu akungirizwa na minisitiri w’ubucamanza. Abacamanza bashyirwagaho na Perezida abyumvikanyeho na Minisitiri w’ubucamanza.
3. Guhera 1994 kugeza 2003: Ishyirwaho za kanto, inkiko zisumbuye, inkiko z’ubujurire n’urukiko rw’ikirenga. Ivugururwa ry’imikorere y’urukiko rw’ikirenga ryabaye ku italiki 18 Mata 2000 ryongeyemo ishami rya gatandatu rishinzwe inkiko gacaca.  
4. Guhera 2003 kugeza ubu : Itegeko nshinga ryatowe ku italiki 04 Kamena 2003 ryahinduye byinshi cyane.

Tubanyuriremo inkomoko n’amateka bya RUSWA

Mu mateka y’abanyaburayi, iyo babaga bagira ngo baguhembe wagize igikorwa ukobr baguhaga inzoga mu gacuma keza cyane kabumbye mu ibumba. Iyi mvugo ya ruswa yadutse mu kinyejana cya cumi na gatandatu XVI. Icyo cyo kunywa cyashoboraga kuba ari inzoga cyangwa ikindi kintu baguhitiyemo bagushimiye.

Hari n’ubwo bagushyiriragamo amafaranga nk’ikimenyetso cy’uko bagushimiye ibyo wabakoreye. Uko iminsi n’amasekuru byagiye bisimburana uwo muco wakwiriye isi yose kugeza n’uyu munsi iza guhabwa imvugo ya ruswa.

Abahanga mu birebana n’ubutabera bagaragaza impamvu zitera ruswa mu gihugu zirimo : imiyoborere mibi, kutagira politiki ihamye yo kurwanya ruswa, inzego za Leta zidafashe, abakozi bahembwa intica ntikize  cyangwa imishahara mito cyane n’isumbana ry’imishahara, umuco wo guhonga abategetsi nyuma yo kugukorera igikorwa runaka n’umuco wabaye akamenyero nko kujya gupfukamira abategesi ubiguraho ngo bucye kabiri.

Muri SHIKAMA dukurikije aya mashuri yose Prof Sam RUGEGE yize n’aho yakoze bikanakubitiraho ko nawe yavuye i Bugande, birumvikana ko adafite uburenganzira bwo kwibeshya kuri iyi mvugo ye. Mu yandi magambo bisobanuye ko yeruhe agatangaza ko abavuye i Bugande bafite uburenganzira bwo kurya ruswa mu gihugu kandi mu nzego zose.

Ejo Minisirtiri w’ubutabera Johnston BUSINGE we yiriwe ku Kimihurura atera iyaharurutswe ngo arasaba ko bajya batangaza amazina y’abanyereza umutungo wa Leta. Minisitiri BUSINGYE nawe wavuye i Bugande SHIKAMA turamushimira byimazeyo kuko nibura yerekanye ko nawe aziko igihugu bakimaze bakimunga.

Uko byigaragaza ubu niba koko akomeje atajijisha nka Kagame, abagande bene wabo bagiye kumuhigira hasi kubura hejuru kuko ashaka kubakura ibiryo mu kanwa. Kandi ga bifite no kutumvikana. Amasoko yose akomeye atsindirwa na FPR, HORIZON CONSTRUCTION, INYANGE INDUSTRIES

Yirirwa yuhira abana b’abanyarwanda amata y’amajagano bamazemo ubuntu ngo barayaha abana bafite imirire mibi mu bigo ndera buzima kandi bakabishyuza igiciro gikubye inshuro umunani ayaguraga Litiro y’amata y’inka mazima yo mu cyaro batarabuza bantu kororera ku gasozi.

Ibi byose kandi bigombera ubucukumbuzi n’ubushakashatsi ntibikorerwe abaturage bose babibona amanywa ava! Abagore b’abaminisitiri nibo bapiganirwa amasoko yo guha ibikoresho za Minisiteri, abagore b’abasirikari nibo bapiganira amsoko yo guha ibikoresho ibigo bikomeye, usanga Meya w’Akarere afite ibigo bitandatu bishinzwe gupiganira amasoko mu karere ayobora!!! Ugasanga umugore we ariwe uyobora ayo mapiganwa,… FPR u Rwanda yaruroshye mu manga kandi ntiruzapfa kuvamo keretse yeguye ikava ku butegegtsi kandi ikagenda ubutagaruka kuko nta cyiza yazaniye abanyarwanda na kimwe.  

SHIKAMA twamaganye iyi mikorere

Muri SHIKAMA ntabwo tuzahora tuvuga amakosa akorwa na FPR ngo tugume muri urwo gusa, birakwiye ko hatangazwa ingamba zifatika zo kugarura ibya rubanda kandi ntibishobora gukorwa FPR ikiri ku butegetsi kuko igizwe n’agatsiko k’ibisambo ibi birya akaribwa n’akataribwa aka wa mugani wa MAGAYANE.

Muri SHIKAMA turasaba ko gusahura igihugu byahita bihagarara kuko nibidakorwa akari cyera abanyereza umutungo wa Leta bazabiryozwa kandi FPR uhereye kuri Kagame bagomba kwibuka ko inda itajya ihaga kandi ko akari cyera bazabiryozwa mu butabera kuko igihugu cy’u rwanda kitazimuka bibaho kandi ntabwo bazahora barutegeka. Igihe kizagera baveho n’abandi barutegeke.

Aho kugira ngo bazahozwe mu nkiko, bazizwa ko bacunze nabi umutungo wa rubanda kandi bashoboraga gucunga neza, ibyiza nibaveho begure bahe umwanya abize kuyobora abaturage kandi barahari kuko bazabikora neza. SHIKAMA turasaba abanyarwanda bose abari mu gihugu n’abahejejwe ishyanga kumva ko umutungo w’igihugu ari ineza ya twese kandi ko dukwiye gufatanya kwamagana abawukegeta nk’aho ari akarima ka ba se. Kagame n’agatsiko ke birirwa bakangisha ngo igihugu barakirwaniye ngo baraye mu rugano, uru si urwitwazo kuko n’abandi bashoboraga kujyayo bakarwana kandi ntawe byananira.

Byaba bibabaje kandi kurwana ukarara rwantambi hanyuma wagera ku butegetsi ugakora amakosa aruta ayakorwaga n’abo wahiritse. Ubwo se byaba bimaze iki? Kuri twe muri SHIKAMA tubona byarutwa no kutajya ku butegetsi kuko uba wararuhiye ubusa.

SHIKAMA kandi twongeye kwikoma rwose INTEKO ISHINGA AMATEGEKO Y’U RWANDA KU KIMIHURURA kuko ariyo yoshya KAGAME N’AGATSIKO KE. Ntibuyumvikana ukuntu birirwa bemeza amategeko aha uburenganzira agatsiko gukomeza kumunga igihugu.

Abadepite n’abasenateri namwe nimutareba neza mushobora kuzisanga mu nkiko mwisobanura gukoresha nabi ububasha mwahawe bwo kurengera rubanda mukabukoresha mu kubabamba ku musaraba no kubahotora. N’iyo ubutabera butabibaryoza, umutima nama wanyu wo uzahora ubakomanga iteka. NIMUKUNDE ABANYARWANDA MUREKE ABABAKORESHA KU NYUNGU Z’AGATSIKO K’ABANTU BATARENGA 20.  

NB. Mu gusoza tubararikiye kuzasoma mu minsi iri imbere inkuru ibabaje turimo kubategurira ivuga ukuntu inteko ishinga amategeko y’u Rwanda yatoye itegeko ryemerera abashakanye n’abayobozi bakuru b’igihugu gukora ubucuruzi kandi amategeko mpuzamahanga y’ubucuruzi atabyemera ndetse n’ingingo zibibuza zizwi neza. Nyamara abadepite babirenzeho batora iryo tegeko ry’urukozasoni. NI AKUMIRO   

BWIZA M.

Shikama ye

SKUD

__________________________________________________

PS/ Nkusi Yozefu

Ariko Mana !!!

Iyi nkuru irabaje rwose, nako iteye agahinda!

ibi by'uko abavuye Uganda bihariye igihugu na ruswa ivuza ubuhuha koko bireze mu Rwanda.

1. Abavuye Uganda kuvuna umuheha bakongezwa undi

Ibi binyibukije umwarimu wari muri Kaminuza Nkuru ya Butare ufite Dogitora! Abanyeshuri ubwabo bivumburiye ko abapfunyikira amazi( bo babyita kuroga) muri 2008, akiva muri Afrika y'Epfo. Uyu mugabo akaba yaramunzwe n'irondakoko rirenze kamere, kubivugaho bwakwira bugacya. Reka rero nabona ko abanyeshuri bamutahuye, abure burundu, kaminuza imushakishe abonetse yemeza ko adashaka kwigisha. Baramwinginze kugirango umwaka wa kaminuza urangire kubw'Imana araza. 

Umwaka wararangiye no muri Perezidansi kwa Kagame ngo ba, bati jya mu bandi, fata intebe hariya uve ku ngwa. Ikibabaje, ni uko uyu mwarimu akimara kuva muri Kaminuza yateranye amagambo, ndetse ageretseho n'ibitutsi ku bayobozi ba Kaminuza avuyemo. Bwenge buke, ntiyamenye ko Lwakabamba nawe ari mu Gatsiko n'ubwo atari Umugande! Kagame yavuye muri Misiyo asanga uwo mugabo arakora mu biro iwe mu Rugwiro; yahise amubwira ati: "mvira aha, uwananiwe kwigisha siwe uzashobora kunkorera"

Kuko yari afite cya cyasha gitagatifu ko yavuye Uganda, yahise yerekezwa muri Rwanda Development Board( RDB), naho badahemba ahubwo bakuka. Igisekeje ni uko uyu mutware yize politiki kandi iki kigo kikaba ngo gishinzwe iterambere!

2) Ruswa mu nzego zose

Ibi ni ibigaragarira buri munyarwanda, umuhisi n'umugenzi. Abagore bahabwa amaperimi bamaze gutanga igitsina baragaragaye vuba aha mu mujyi wa Kigali aho birirwa bagonga amazu bagiye guparika cyangwa bariho bakura imodoka muri Parikingi. Urubuga rwa Kagame Igihe.com rwabavuzeho cyane!

Ikindi niboneye n'amaso yanjye ni ibi byo kubuza abantu gutema ibiti mu mashyamba yabo. Ibi byambayeho muri 2007, ahitwa mu kagari ka Kibingo mu murenge wa Karama ahahoze ari Komini Runyinya aho mfite igit kirengeje imyaka 40 ariko nkaba narasabwe kuvugana na Gitifu w'akagari, namara kuvugana nawe nkajya mu bilometero birenga 20 kujya kuvugana na Agoronome kugirango nteme icyo giti! Uko kuvugana ni ugutanga ruswa, nkuko nabisobanuriwe n'abaturage. Igiti narakiretse ubu kiri aho!

Hakurya y'aho ahantu hitwa i Mukimba hari umugabo witwaga Pawulini, wari waritereye ishyamba rinini koko. Abasirikare ba RDF( dore ko ubu nta bigo bikibaho bakambika mu mashyamba y'abaturage aho birirwa bababuza epfo na ruguru)baraje bamubwira ko ishyamba ribaye iryabo niyongera kuvuga bazamwica.

Ntibwateye kabiri, uyu mugabo yarafunzwe agwa ku Karubanda. Aba basirikare bahise birara mu ishyamba baratwika nyiraryo taranapfa, yewe n'agati kamaze umwaka umwe nako kratwikwa! Uko niko babuzaga kandi abaturage bo hafi aho kwitwikira ibiti byabo ngo bakuremo ayo kugura isuka; ushaka gutwika, urabahamagara bakaza bagatwika bakakujugunyira ayo bashaka.

Aba basoda b'abaicanyi ba Kagame kandi ntibagarukira mu mashyamba gusa kuko iyo bumvise ko hari uwiyengeye akagwa cyangwa amarwa baza bakabimena bakaguca n'amande!Guhinga ibijumba kandi nacyo ni icyaha bahana bihanukiriye; ushobora no gucibwa amande basanze utarateye indabo imbere y'urugo rwawe! Bafatanyije na bamwe mu bayobozi, bajya gutegera aho bita mu Gatobwe, umuntu wese uje yikoreye amakara bakayafata bakayamwambura, yamara kugwira bagapakira imodoka bakajya kwigurishiriza i Butare.

Ngayo nguko, nguko uko i Butare babayeho mu mmajyanyuma bazaniwe n'agatsiko k'Abagande ba FPR.
____________________________________________________

kuko agakiza kadaturuka iburasirazuba cyangwa iburengerazuba, cyangwa mu butayu bw'imisozi, ahubwo IMANA ni yo mucamanza , icisha umwe bugufi igashyira undi hejuru. Zaburi75: 7-8