Zambia yabonye perezida mushya w'agateganyo uzasimbura Michael Sata KING COBRA wari Perezida wa Zamibia witabye Imana mu bitaro i London ejo, uyu nta wundi atari umuzungu ukomoka muri Scottland GUY Scott wari wungirije Perezida SATA/

GUY Scott wabaye Perezida w'agateganyo wa Zambia

Inama y' Abaministri bo muri Zambia yemeje kuri uyu wa wagatatu tariki ya 29/10/2014 ko umuzungu ukomoka muri Scotland mu Bwongereza GUY Scott ufite imyaka 70 y'amavuko aba Perezida w'Agateganyo mu gihe cy'iminsi 90, uyu mugabo akaba yari yungirije umukuru w'igihugu Michael Sata bari barahimbye King Cobra kubera imvugo ye ikarishye yamurangaga. Nyuma y'iyo minsi hazaba amatora rusange y'umukuru w'igihugu nkuko biteganywa n'itegeko nshinga rya Zambia.Ni ubwa kabiri umuzungu atorerwa umwanya ukomeye nk'uyu muri Afrika y'abirabura mu myaka 20 ishize  nyuma ya Frederik De Klerik wo muri Afrika y'Epfo.

NKUSI Yozefu

shikamaye.blogspot.com

Shikama Ku Kuri na Demukarasi(SKUD)

Perezida Michael Sata wa ZAMBIA yitabye Imana mu bitaro by'i London aho yivurizaga indwara y'umutima/ NKUSI Yozefu

Michael SATA(+)

Michael Sata  bari barahaye akabyiniriro ka KING COBRA wari Perezida wa Zambia yitabye Imana afite imyaka 77 y'amavuko akaba yaguye mu bitaro by' i London mu Bwongereza, King Edward VII. Umunyamabanga mu biro bya Perezida Sata bwana Roland Msiska watangaje iyi nkuru kuri Radio/Televiziyo ya Zambia yagize ati : 

" Mbabajwe no kubagezaho inkuru y'incamaugongo y'urupfu rwa Perezida wacu twakundaga. Mugumane ituze, ubumwe n'amahoro muri ibi bihe bikomeye turimo. ". Amakuru aturuka i London aravuga ko Umugore we n'umuhungu we bari bamuriho mu bitaro aho i London nyine. 

Umuhanuzi Gakwaya Damaseni yahanuriye Ba perezida Kagame Pawulo na Petero Nkurunziza amaherezo yabo none arabizize./NKUSI YOZEFU

Gakwaya Danaseni wafungiwe i Burndi azira guhanurira Nkurunziza na Kagame

Kuva FPR yatangira guteza imiborogo mu Rwanda no mu karere k’ibiyaga bigari by’Afrika ku itariki ya 1/10/1994, abanyarwanda benshi niho batangiye kumva ijambo«ubuhanuzi» ubwo bibandagaho bukaba ari ubwa Magayane. Kuva icyo gihe uko iminsi yagiye yisunika, niko bagendaga bareba ibintu biriho bibakorerwaho bakagira bati : «ibi Magayane yari yarabihanuye» , nkaho bariho basoma amateka mu gitabo . Nyuma ya Magayane haje abandi benshi bagiye bahanura bakabizira nkuko yari yarabyivugiye ko nyuma ye hari abazahanura nkawe bakabizira: harimo nka Nsabagasani watotejwe kugeza ahunze u Rwanda, Mama Domitila wishwe,  ba bakecuru b’Intwarane za Yezu bafungiye muri 1930 n’uyu Gakwaya Danaseni Ubu u Burundi bumaze gufunga.

ABAVANDIMWE BATWANDIKIYE : INTWARI ZA NONE KU BANYARWANDA (IGICE CYA MBERE)/ KAYITARE James-Intara y’amajyepfo

                 Metere NTAGANDA Bernard, Perezida Fondateri wa 
            PS IMBERAKURI: N'ubwo usukuma kubera umunyururu, 
komera kandi wihangane kuko abaturage bakwemera kandi bakuri inyuma

Muraho bayobozi, banditsi, basomyi namwe bakunzi b’urubuga SHIKAMA! Muraho Banyarwanda baba mu gihugu no hanze yacyo! Ndi umukunzi n’umusomyi wa runo rubuga Nyakubahwa Dr NKUSI Yozefu yadushyiriyeho ngo tujye dusangira akabisi n’agahiye, amarira n’ibyishimo ndetse n’ibitekerezo aho turi hose.

U RWANDA RWARASANANIWE : « UBWATO BWA PEREZIDA PAUL KAGAME WAGIRA NGO ABEREYE I KIGALI INYUNGU Z’ABANYAMERIKA BUMAZE KUGONGANA N’IMODOKA YA MINISITIRI W’UBUZIMA Dr BINAGWAHO AGNES URANGWA N’UBWISHONGOZI, UBWIRASI, GUHUBUKA, KUJUJUBYA ABAKOZI BA MINISANTE N’AGASUZUGURO»/ UDAHEMUKA Eric

Dr NGAMIJE Daniel (wambaye ishati y'umutuku) wabaye i Gitarama imyaka myinshi kandi abaturage baho bakamukunda cyane ubu akaba ayobora GLOBAL FUND y'Abanyamerika mu Rwanda ashobora gusimbura BINAGWAHO ku buyobozi bwa MINISANTE bibaye ngombwa

Umunyarwanda wavutse nyuma y’1994 bishobora kumworohera kumva ko FPR itegeka uko itegeka kuko nta yandi mateka azi yo hambere. Ibintu bibera mu Rwanda iyo ubisesenguye ushobora kugira ngo abayobora igihugu nta n’umwaka wa mbere w’amashuri abanza bagezemo ari nayo mpamvu nkomeje kuvuga ko rwose bategeka bubandi.

Rumwe mu nzego z’ubuyobozi mu Rwanda rufite ibibazo bikomeye harimo BNR na MINISANTE ariyo minisiteri y’ubuzima. Iyi minisiteri yatwawe n’abatware batandukanye barimo Dr NTAWUKURIRYAYO Jean Damascene wayitegetse neza cyane n’ubuhanga bwinshi.

Muri MINISANTE abandi bagezemo barimo Dr Ezechias RWABUHIHI nawe muramwibuka aho ubu abaye yiyegamiye ku Kimihurura muri ya nzu y’abadepite n’abasenateri. Dr BINAGWAHO Agnes ageze muri iyi minisiteri ibintu byose byarazambye uhereye mu bigo nderabuzima na postes de sante ukazamuka ukagera imbere muri minisiteri nyirizina.

ISESENGURAMVUGO, POLITIKI N’UMUZIKI : BIKINDI Simoni MU NDIRIMBO YE BENE SEBAHINZI cyangwa MBWIRA ABUMVA ATI : «BENE SEBAHINZI BAGOMBA KUMENYA KO INKOTANYI ZIFASHE UBUTEGETSI ZIKORESHEJE AMASASU; AMASHYAKA BARIMO YOSE YAZIMA BURUNDU ABAYARIMO BAGASHIRIRA KU ICUMU NK’UKO ABAHINZA B’ABAHUTU BOSE BASHIRIYE KU ICUMU!!!»/ UDAHEMUKA Eric

BIKINDI Simoni

Iyo umuntu ari umunyamakuru aba afite ububiko buremereye cyane bwaba ubw’inyandiko zakozwe mu biganiro byabaye mu bihe bitandukanye, amajwi y’abo bakoranye ibiganiro hamwe n’indirimbo zitandukanye usanga kenshi zararirimbwe n’abaririmbyi b’abahanga kandi b’ibyatwa mu gihugu, mukarere no ku isi yose muri rusange.

Uyu munsi nibwo nasubiye mu bubiko bwanjye maze nongera kumva nitonze indirimbo z’umuhanzi w’umunyarwanda kandi w’umuhanga witwa BIKINDI Simoni. Mu ndirimbo ze nyinshi mfite nateze amatwi nitonze kandi ntawe unkubaganira indirimbo imwe yise BENE SEBAHINZI / MBWIRA ABUMVA ndende cyane kuko ifite iminota makumyabiri n’isegonda rimwe (20min 01sec).

Mbere y’uko mbasesengurira iyi ndirimbo, nagira ngo mbanze nisobanure ku basomyi n’abakunzi ba SHIKAMA ko buri ngoma igira abayiririmba ku isi hose haba mu Rwanda, haba mu bugereki, kandi nk’uko Paul Kagame afite abamuririmba nta kosa ko na Habyarimana yagombaga kugira abamuririmba.

Kandi namwe mushobora kubyumva : Byaba ari akaga uri umutware ntubone abakuririmba n’abagusingiza. Ikibazo rero kiba muri Afurika ni uko ingorane ziza iyo ingoma ihindutse uretse ko uwo muco muri SHKAMA twiyemeje kuwuca no kuwurandura burundu aho n’abategetsi bakiriho tubaziho amakosa tuyatangaza tugamije ko ukuri gusimbura ikinyoma kandi bigakorwa mu mvugo idasesereza.

Umuhanga mu muziki n'umuhanuzi BIKINDI Simoni : Ibyo waririmbye byose byarabaye, yewe kugera n'aho wa muzimu yanyanyagije ruswa mu bisahiranda nka RUCAGU ubu bikaba birimo bigambanira bene wabo. Cya gihe ujya kwa BIRYABAYOBOKE akakubwira ngo umuzimu arimo kwiyuburura ashukisha abaturage inka (GAHUNDA YA GIRINKA) nabyo byarabaye

BIKINDI Simoni nzi neza ko urukiko rw’umuryango w’abibumbye rukorera Arusha muri Tanzaniya rwamukatiye igifungo cy’imyaka 15 kandi nzi neza ko uru rukiko rwamuhamije icyaha cyo gukangurira rubanda kwica abandi baturage.

Inshingano yanjye nk’umunyamakuru ntabwo nje kumugira umwere cyangwa kuvuguruza umucamanza wamuhamije icyaha akanamugenera igihano ahubwo iyi nyandiko yanjye iri mu ntego SHIKAMA twihaye yo gukomeza kwibutsa abanyarwanda amwe mu magambo akomeye yavuzwe n’abanyapolitiki n’abandi bantu bagize akamaro mu gihugu cyangwa bazwi cyane.

Ayo magambo akomeye kandi bavuze dufite n’uburenganzira nk’abanyamakuru bwo kuyasesengura no kuyahuza n’ibihe by’amateka ngo turebe ko koko ibyavuzwe byabaye cyangwa bibeshyaga ntacyo byagezeho.  

BIKINDI Simoni i Kigali hagati y’1990-1994  

Mbere y’italiki 01 Ukwakira 1990 ku rutonde rw’abahanzi bari abasitari mu Rwanda ntabwo BIKINDI Simoni yari kuza mu myanya ya mbere ahubwo wasangagaho abantu nka SEBANANI Andrea, RUGAMBA Sipiriyani, n’abandi.

Inkotanyi zimaze gutera u Rwanda ziturutse muri Uganda, bisa n’aho BIKINDI yiboneye ikiraka cyo guhimba indirimbo zongereraga akabaraga na morali ingabo z’u Rwanda zitwaga inzirabwoba (FAR). Nyamara na mbere gato hari izindi ndirimbo BIKINDI yari yarahimbye kandi zirakundwa cyane nk’iyo yise TWISHIMIRE UBWIGENGE yahimbye mu 1987 ku isabukuru y’imyaka 25 y’ubwigenge bw’u Rwanda.

Mu ndirimbo BIKINDI yahimbiye urugamba nazo ni nyinshi cyane ntabwo nazirondora no nzirangize ahubwo nabahitiyemo imwe yise BENE SEBAHINZI. Muri iyi ndirimbo yavuzemo ibintu byinshi cyane kandi byagiye koko bibaho FPR imaze kugera ku butegetsi ariko akaba yaranayishyizemo amagambo mashya asa n’ashekeje nk’iryo yise BIRYABAYOBOKE bishatse kuvuga umupfumu utungwa n’ingemu z’abaje bamusanga bamwizaniye atabahamagaye baje kuraguza.

Ibyo BIKINDI yaririmbye byarabaye byose

Muri iyo ndirimbo yavugagamo ibintu bikomeye nk’aho yagiraga ati abaturage bose bagomba kwitangira ingabo z’igihubu byanaba ngombwa bose bakazinjiramo kugira ngo barengere ubusugire bw’igihugu na REPUBULIKA.

RUCAGU Boniface uba yambaye Kagame hose kugera no ku masogisi arimo kugambanira mwene wabo Habumuremyi ngo asohoze ibyahanuwe na BIKINDI

Ibi murabizi ko byabaye nyuma gato aho interahamwe ziraye mu mihanda n’amahiri n’inkota n’ibyuma n’imipanga maze si ukwica abantu kaarahava. Ikindi BIKINDI yavuze ni uko INKOTANYI zashoboraga gutsinda zikoresheje imbunda: Ibi nabyo byarabaye kuko amasezerano y’Arusha yahindutse ibipapuro ku nyungu za bamwe no gukunda ubutegetsi kurusha abenegihugu tukahabonera urw’imbwa yaboneye ku iriba.

BIKINDI ati : “FPR iramutse ifashe ubutegetsi, amashyaka yose yazima burundu”

Aha niho nshaka gutsindagira cyane kuko iki gitero cyatumye nshima cyane BIKINDI kuko maze kongera kumva iyi ndirimbo nitonze nkasesengura n’ibirimo kubera mu Rwanda nabonye neza ko koko ashobora kuba yari umuhanuzi ndetse umuhanga mu gusesengura ibizaba ndetse ubu amateka akaba shobora kwisubiramo vuba.

FPR ikigera ku butegetsi yihutiye gusenya amashyaka ya politiki ihereye ku ryari rikomeye kurusha ayandi yose ariryo MDR PARMEHUTU ari naryo shyaka rya ba sogokuru ryabakuye kuri shiku, ikiboko no gutura amaturo ibwami batanabibashima.

Kugira ngo iyi MDR isenyuke, FPR yakoresheje bamwe mu bayirimo muri icyo gihe, abantu nka SAFARI Stanley, MAKUZA Bernard n’abandi ntarondora muri aka kanya, bitandukanije n’iri shyaka kandi nyamara ari ryo ryakuye rubanda mu kaga no gukandamizwa.

Uyu mugambi wa FPR kandi wo guhorahoza aya mashyaka uracyakomeje kuko buriya kuba Kagame yaragize MAKUZA Bernard Perezida wa Senat nacyo uwasesengura neza yitonze yabona ko biri muri rwa rwego rwo kumushimira ko M.D.R yasenyutse mu gihe nyamara nta kosa yakoze uretse gusa kwaka abatutsi ubutegetsi bugahabwa n’abahutu kuko n’abatutsi bategetse imyaka n’myaniko batabuvukanye ya mbuto itabaho.

Si MDR gusa, nimurebe ukuntu PSD ya GATABAZI Felicien, Dr NTAWUKURIRYAYO Jean Damascene na Dr BIRUTA Vincent imaze gusenyuka. Ku ikubitiro habanje kwicwa GATABAZI Felicien wanarishinze kandi hari amakuru nakomeje kugenda numva avuga ko GATABAZI ashobora kuba yarivuganywe na FPR kuko yabonaga ari umugabo utavugirwamo ku buryo byari kuzagora Kagame cyane gutegekana nawe.

Nimurebe ibiherutse kuba kuri Dr NTAWUKURIRYAYO Jean Damascene wari usigaye ari nkawe musingi w’iri shyaka aho bamukuye ku buyobozi bwa Sena ku ngufu. Nimurebe PL ya MITALI Protais we warigurishije akarigambanira ku ikubitiro maze Kagame nawe kugira ngo amwereke ko PL nta cyo iricyo ahita amuvana muri minisiteri amwohereza muri Etiyopiya kujya kuba ambasaderi.

Ku batazi ibirebana na politiki rero mumenye ko iyo uwitwa ko ari umuyobozi w’ishyaka rya politiki umugize ambasaderi burya ishyaka uba urishenye burundu. Bavandimwe banyarwanda, iteka iyo ngiye kwandika inyandiko iyo ariyo yose nirinda impamvu yose yatuma inyandiko yanjye yazamo kubogamira ku ruhande runaka cyangwa guteranya abanyarwanda kuko ibintu byabaye mu 1994 n’ubwo nari nkiri muto n’imyaka 16 ariko ndabyibuka neza cyane kandi byanteye agahinda kanteye nkumva ngomba kugira uruhare rutaziguye mu kunga abanyarwanda nkoresheje ubwenge bwanjye bwose n’umwanya wanjye wose. Ubwo simvuze PS Imberakuri, PDI ya Minisitiri Moussa Fazil imeze nk’itabaho, PDC,…

Ubu bugambanyi bwa FPR mu gusenya burundu amashyaka ya politiki ntibureba gusa amashyaka akorera imbere mu gihugu: Nimurebe ibirimo kubera muri opozisiyo ikorera mu mahanga ikaba yarananiwe gufata ubutegetsi ngo abaturage bongere bagire ihumure kandi bararambiwe Kagame na FPR ariko bakabura uwabasembura ngo bajye mu mihanda birukane agatsiko k’amabandi.

Nimurebe ibirimo kubera muri CPC na FDLR/ FCLR-UBUMWE aho wabonaga ibintu bigiye kujya mu buryo ariko bakagira batya bagashwana byose bigahinduka zeru ubu bakaba basa n’abagiye gutangirira ku busa. 

   

BIKINDI na none ati : “FPR ifashe ubutegetsi, abari muri ayo mashyaka (mvuze hejuru) bashirira ku icumu nk’uko abahinza b’abahutu bose bashiriye ku icumu”

Politiki iyo irimo kuba, nta muntu n’umwe watinyuka kugira icyo avuga ku bizaba nko mu myaka 20 izakurikiraho kubera impamvu nyinshi. Zimwe muri izo ni uko abagena iyo politiki baba bafite inyungu z’ikirenga ku buryo ubavuguruje baguhitana.

Impamvu ya kabiri ni uko benshi baba batanareba kure ngo bamenye ibishobora kuzakurikiraho. Ikindi ni uko poropaganda y’ushaka gufata ubutegetsi iba ikaze cyane ku buryo utitonze yagutwara abaturage bose ikabegukana.

Nk’uko BIKINDI yabiririmbye, abari muri ayo mashyaka ya politiki koko bashiriye ku icumu. Uhereye i Kibeho ukareba abaturage baharimburiwe, urebye abatutsi biciwe mu Rwanda, urebye abahutu barimburiwe muri Repubulika Iharanira Demukarasi ya Kongo.

Urebye abakomeje kwicwa buhoro buhoro nyuma mu Rwanda, urebye abanyapolitiki bafunzwe mu magereza, urebye abanyerezwa n’abajugunywa mu biyaga bishwe bahambiriwe mu mifuka; ntiwahakana ko abarwanashyaka bashiriye ku icumu kandi bakomeje kumvishwa nk’uko BIKINDI Simoni yabihanuye dore hashize imyaka 24 kuko izi ndirimbo yazihimbye mu 1990.

Ingoma ya Paul Kagame umugabo w’amayeri menshi yumvishije abanyarwanda umva ko bavuga!

Nyuma y’inyandiko mbandikiye hejuru aha, nyuma yo gukomeza kugenda nsesengura ibiba ku Rwanda igihugu cyanjye nkunda byahebuje kandi nkabitekerezaho ntari umuhutu ku ruhande rwa data cyangwa ngo nigire umututsi ku ruhande rwa mama, narashobewe kandi mbona ibi bikurikira.

Icya mbere ni uko byanze bikunze FPR yishakiraga ubutegetsi KU KIGUZI ICYO ARICYO CYOSE bityo kugira ngo UMUHUTU yongere ahinduke umugererwa mu gihugu cyamubyaye kandi azabeho ntacyo avuze nta n’icyo aricyo bityo uburetwa, ubucakara, shiku, umujishi n’ikiboko byongere bihabwe intebe.

Ibyahanuwe na BIKINDI birimo gusohorera kuri Dr HABUMUREMYI Pierre Damien bikozwe na RUCAGU Boniface

Ibi ndumva nta wabimpakanya uretse gutsa umututsi wavuye i Bugande. Yewe kugera no ku bavandimwe b’abatutsi twarimo kuyacekwa kimwe mu Rwanda mu 1994, ubu barimo kubona neza ko FPR ntacyo ipfana nabo. Uwababwira inyandiko tubona kuri SHIKAMA uko ziba zanditse n’ibyo tubwirwa n’abatwandikira mwakumirwa, kugera n’aho no muri IBUKA batwandikira batakamba bati FPR iratumaze nimwongere ingufu mu nyandiko zanyu zunga abanyarwanda.

Nta wampakanya kandi ko FPR yagaruye ubwami: Nimundebere abahutu bari mu butegetsi kwa Kagame ko hari ugira ijambo! Bene wabo bararengana babatakambira bakaruma gihwa. Njyewe ubwanjye ndi umuhamya w’aka karengane kuko kambayeho inshuro ntarondora. Natsinze ibizai by’akazi inshuro nyinhsi.

Mu gusoza iyi nyandiko, navuga gusa ko ibyo BIKINDI yaririmbye byabaye kandi birimo kutubaho, ikindi ni uko Imana igiriye impuhwe abanyarwanda twese nta n’umwe uvuyemo yadukiza ubutegetsi bwa FPR kandi birashoboka kuko ishobora byose.

Kugira ngo bizashoboke neza kandi bwangu(vuba) abanyamashyaka muri opozisiyo ubabonam o ikibazo aho mu gihe bashyize imbaraga hamwe ahubwo usanga birirwa bavuga ngo ntibakwishyira hamwe badahuje umurongo w’ibitekerezo mu gihe ikihutirwa atari umurongo w’ibitekerezo ahubwo ari ukurengera umuturage no kumukura mu kangaratete arimo noneho iyo mirongo itandukanye ya politiki ikazasuzumwa nyuma.

UDAHEMUKA Eric

shikamaye.blogspot.com

Shikama ku Kuri na Demukarasi(SKUD)

KUBESHYUZA IBINYOMA AKANGARI BYATANGAJWE MU NKURU YANYANDITSWEHO N’URUBUGA IGIHE.COM RWA F.P.R na KAGAME RUKORERA MU RWANDA KU ITALIKI 22 MATA 2014 NYUMA Y’IBYUMWERU BITATU NGIYE MU BUHUNGIRO/ UDAHEMUKA Eric

Ku italiki 22 Mata 2014 ku isaha ya saa saba n’iminota mirongo itatu n’umunani ku isaha yo mu Rwanda ni ukuvuga kuri iyo taliki saa tanu n’iminota mirongo itatu n’umunani, ikinyamakuru gikorera kuri murandasi cyitwa cyo mu Rwanda IGIHE.COM cyatambukije inkuru yari ifite umutwe ugira uti : «Irengero ry’abanyamakuru babiri ryateye urujijo».

Muri iyo nyandiko yanditswe n’umunyamakuru witwa RUBIBI Olivier yavuzemo ibirebana n’ihunga ry’abanyamakuru babiri aribo GATERA Stanley umuyobozi w’ikinyamakuru UMUSINGI akaba na mwene nyina wa GATSIMBAZI Nelson. Havugwagamo kandi uwitwa UDAHEMUKA Eric (ariwe njye) umwanditsi mukuru w’ikinyamakuru ISIMBI kiyoborwa na NDUWAYO Emmanuel.

Ijambo ry'Imana kuri iki cyumweru cya 30 gisanzwe, taliki 26 Ukwakira 2014. Iisomo rya mbere: Iyimukamisiri: 22, 20-26. Isomo rya kabiri: Abanyatesaloniki ba mbere: 1, 5c-10. Ivanjili: Matayo: 22, 34-40. "Byagenze bite kugira ngo FPR inyunyunze imitsi y’imfubyi n’abapfakazi mu gihe abayigize bari bakwiye gutegeka igihugu neza cyane bitewe n’uko babaye abasuhuke mu gihugu cya Misiri(impunzi mu mahanga)?" Abatagatifu : Evariste na Dimitri/ Padiri TABARO

Aba baturage ba Nyamasheke bashegeshwe n'uko utwo bagombye kurya
twose batujugunye muri cya kigega kitagira indiba kandi gihora cyasamye, AGACIRO

Amasomo yo kuri iki cyumweru arakebura abategetsi b’igihugu ataretse na rubanda muri rusange ariko iyo uyasomye witonze udahubuka uhita ubona ibyo bavugamo bihura n’ibirimo kubera mu Rwanda ndetse n’ibyarubayemo kuva FPR yagera ku butegetsi.

Mu isomo rya mbere : Baratugezaho amategeko yerekeranye no kudahemukira Imana no kutarenganya abatishoboye, aho umwanditsi ayihanangiriza abategetsi b’abanyapolitiki ababuza kurenganya no gukandamiza umupfakazi n’imfubyi.

Umuvandimwe Dieudonne K. yandikiye Shikama

Muraho,

 Kandi mugire amahoro, ndi umusomyi wikinyamakuru cyanyu Shikama nkunda inkuru munyuza

muri cyo kinyamakuru ,ariko hari titre mbonye nabonye ya Udahemuka Eric ivuga ngo

UMUSANZU WANJYE MU GUCYEMURA IBIBAZO BY’U RWANDA: “GUTSIMBARARA KU BYO HAMBERE NA NTITERANYA BYA VATIKANI, UBUGAMBANYI N’UBWOBA BY’ABATEGETSI BA KILIZIYA GATULIKA Y’U RWANDA, IKIMWARO, UBWICANYI, UBUGOME NDENGAKAMERE N’IPFUNWE BYA PEREZIDA Paul KAGAME NA FPR INKOTANYI BIGOMBA GUSHAKIRWA IBISUBIZO MU MAGURU MASHYA MU RUGAMBA RUTOROSHYE RWO KUBONERA IBISUBIZO BIRAMBYE IBIBAZO BY’U RWANDA.

nubwo ari ndende bwose ariko navuze ngo najye kamfata mudasobwa yanjye mushimire kuko ibi najye nibibazo mbona muri societe nyarwanda ariko kuba hari nkumuntu nka Eric ugerageza kubivuga nibwo mpita mbo nako

harinabantu bintwari kandi ko badapfa ngo bashire kandi ko ukuri kuzageraho kugatsinda.

Komereza aho

Imana ikomeze ikurinde

Dieudonne K.

______________________________________________

PS/Nkusi Yozefu
Urakoze muvandimwe Dieudonne K. gushima, turizera ko uzakomeza no kutugezaho ibindi bitekerezo.
Imana ikurinde natwe twese Abanyarwanda

UMUSANZU WANJYE MU GUCYEMURA IBIBAZO BY’U RWANDA: “GUTSIMBARARA KU BYO HAMBERE NA NTITERANYA BYA VATIKANI, UBUGAMBANYI N’UBWOBA BY’ABATEGETSI BA KILIZIYA GATULIKA Y’U RWANDA, IKIMWARO, UBWICANYI, UBUGOME NDENGAKAMERE N’IPFUNWE BYA PEREZIDA Paul KAGAME NA FPR INKOTANYI BIGOMBA GUSHAKIRWA IBISUBIZO MU MAGURU MASHYA MU RUGAMBA RUTOROSHYE RWO KUBONERA IBISUBIZO BIRAMBYE IBIBAZO BY’U RWANDA”(IGICE CYA MBERE)/ UDAHEMUKA Eric

Udahemuka Eric ari mu kazi muri Sitidiyo za Radiyo Mariya-Rwanda
i Gitarama

Abanyarwanda bajya bakunda kuvuga iyi nteruro rimwe na rimwe batebya maze bakagira bati : “Utaranigwa agaramye agira ngo ijuru riri hafi”, hano ijuru bavuga baba bashaka kuvuga ikirere ariko ahubwo njyewe nshobora guhindura iyi nteruro yose kugira ngo nyihuze n’icyo nshaka kubwira abanyarwanda basoma SHIKAMA noneho nkavuga nti: “Utarabona n’amaso ye bica umuntu w’inzirakarengane agira ngo urupfu ntirubaho!!!”

Hari abantu bajya bagwa mu mutego w’uko rimwe na rimwe imyaka bafite ari mikeya maze bagatinya amaso n’ubuhanga bw’abakuze bazasoma inyandiko zabo bagahitamo kwicecekera ikaramu bakayibika. Njyewe si uko mbyumva kuko n’ubwo navutse mu 1977 nkaba nzuzuza imyaka 37 ku italiki 24 Ugushyingo 2014, hari ibyo nzi bishobora gushakirwamo ibisubizo ku bibazo byugarije u Rwanda kuko nabihagazeho kandi nkaba njijutse.

Muri iyi nyandiko izagira ibice byinshi nzagaruka ku bintu bitatu bikomeje kuba impamvu mbona ituma abanyarwanda bashirira ku icumu kandi bagahindurwa abacakara n’imfungwa mu gihugu cyabo kandi hari ibyari gukorwa ngo ikibazo kirangizwe burundu kandi mu mahoro ntawe utsikamiwe. Ibyo bintu bitatu ni :

KWAMAMAZA: 2014 Rwanda Country Training on Resource Mobilization, Project Planning and Proposal Writing

Dear All,

Attached please find the tentative progarmme for the 2014 Rwanda Country Training on Resource Mobilization, Project Planning and Proposal Writing.

The training will be held from October 27th to 31st, 2014 at Centre Christus in Remera, Gasabo, Kigali. This training has been organized by Regional Partnership for Resource Development (REPARED) in collaboration with the Jesuits. It is part of the Regional Partnership for Resource Development capacity building programme on Resource Mobilization, Community Development and Project Management aimed at mediating organizational development constraints through improved skills and knowledge. The training aims at enabling organizations in the Region in mobilizing resources and building their capacity to fundraise more effectively for priority projects and facilitate the implementation of their activities.

The deadline for registration is Friday 24^th October 2014. Attached also is the official Invitation letter in PDF.

Dr. John Chikati
Regional Coordinator
Regional Partnership for Resource Development
IFRD Gardens, off Ngong’ Road, Nairobi, Kenya
P.O. Box 5027 - 00506 Nairobi, Kenya.
Tel: (+254) 020 3872823 | Mobile: / (+254) 711 728473/ (+254) 721 637584
E-mail: ifdm@hotmail.com / ifdm@wananchi.com

www.repared.co.k

Umuvandimwe wacu E. yaratwandikiye

Muvandimwe,

Nongeye kubashimira ubwitange ,urukundo n'umurava muhorana mu murimo wanyu utoroshye wo gushakira amahoro bene kanyarwanda kandi mubikora mutavangura amoko.Imana ikomeze ibarinde kandi ukuri kuzatsinda ikinyoma.

Umuvandimwe wanyu ukunda Shikama,

E.

Durban South Africa.

__________________________________________________________

Shikama/Nkusi:

Urakoze muvandimwe kutumenyesha ko ibyo dukora bikunyura. Turasaba n'abandi basomyi ba Shikama bari hirya no hino ku isi kutwandikira bashima cyanga banenga ibyo dukora. Cyane cyane batubwira uko twanoza umurimo wacu kurushaho nk'umuvandimwe uherutse kutugira inama yo kutavanga urubuga rwnyu Shikama na politiki y'amashyaka.

Imana ibarinde

Abanyarwanda bakomeje kuba ba NTIBINDEBA mu gihe igihugu cyugarijwe n'amakuba!/NKUSI Yozefu

Tureke kuba ba Ntibindeba nk'iyi nzovu ihaguruka igahagarara amanywa
n'ijoro ngo ihangane na ba Rushimusi

Mu gihe hariho hatoragurwa imirambo y'abantu iboheye mu mifuka mu kiyaga cya RWERU Leta y'i Brundi ikaba imaze kwemeza ku mugaragaro ko iyi mirambo ituruka mu Rwanda, mu gihe nanone ibuhumbi by'abantu biriho biburirwa irengero mu gihugu, mu gihe hari abantu bamaze gufatwa bakaba barishwe cyangwa bafungiye ahantu hatazwi, imbaga nini y'abanyarwanda irakigira NTIBINDEBA ariko buri wese azamenya ko yakosheje ibi turondoye hejuru bimugezeho cyangwa bimugizeho ingaruka!

Muri za 1994  n'imyaka yakurikiye ifata ry'ubutegetsi rya FPR, ABATUTSI bumvaga ngo umuhutu yabuze , yishwe, yaburiwe irengero bakumva ko ibyo KAGAME ariho akorera abahutu ari ukurengera inyungu zabo, bati: "NTIBITUREBA"! Kuva muri 2010 kugeza ubu nabo bariho bayacekwa, niho basobanukiwe ko burya ibyo yakoreraga Abahutu byari bibi, induru si ukuyivuza barenza BAHANDA! Bati ni impyisi, ni umwicanyi, ni Hitler n'ibindi. 

YA KILIZIYA GATULIKA PAUL KAGAME YASENYEYE I GAKURAZO TALIKI 05 KAMENA 1994 ARASA ABASENYERI N’ABAPADIRI MUKAGIRA NGO YAREKEYE AHO SI KO BIRI : «NGO BITEGUYE KUBUZA INZOGERA YO KWA PADIRI KUVUGA. SOMA SHIKAMA UMENYE UKO IYI NZOGERA YAVUTSE, IGIHE YATANGIRIYE, ICYO ITEGEKO-NSHINGA RYA KILIZIYA GATULIKA (DROIT CANONIQUE) RIYIVUGAHO N’AGACIRO IFITE MU BUZIMA BW’UMUKIRISITU BITYO USOBANUKIRWE N’IPFUNWE, IKIMWARO BYA KAGAME NA F.PR BITUMA BAKOMEZA KURINDAGIZA ABANYAGATULIKA»/ UDAHEMUKA Eric

Inzogera yo kwa Padiri ari nayo ivuzwa inshuro 3 buri munsi mu gihe cy'indamutso ya Malayika

Ibintu bibera mu Rwanda kuva FPR yafata ubutegetsi taliki 19 Nyakanga 1994 bitera abantu bashyira mu gaciro kwibaza ibibazo uruhuri. Maze gusoma amateka atandukanye mu bitabo binyuranye nasanze umuturage w’Ubudage ashobora kuba ariwe muntu wababaye kurusha abandi kuri iyi si hagakurikiraho umunyarwanda.

Nyamara ariko ubisesenguye mu mizi y’ubutegetsi wabona neza ko Paul Kagame ategetse nabi cyane abaturage kurusha uko Adolf HITLER yategetse abaturage b’Ubudage. Kubera kubana n’abapadiri cyane twitsiritana imibiri kandi tugahura kenshi mu gihe kingana n’imyaka 10 nakoze muri Radiyo Mariya Rwanda i Kabgayi nabashije kwinjira henshi mu hantu ho kwa Padiri no kwa musenyeri hatinjirwa n’ubonetse wese.

Muri aho nageze henshi cyane harimo mu Iseminari Nkuru ya Nyakibanda yaragijwe Mutagatifu Karoli BORROMEO, Iseminari Nkuru ya Filozofiya y’i Kabgayi yaragijwe Mutagatifu Tomasi wa Aquino, mu rugo kwa Musenyeri i Kabgayi inshuro ntabara n’ahandi henshi, kwa Musenyeri NTIHINYURWA Tadeyo i Kigali, yewe nageze no mu RUGUNGA mu rugo no mu biro by’Intumwa ya Papa mu Rwanda inshuro ebyiri ku bwa Nonce Apostolique IVO SCAPOLLO.

Kagame yaba agiye gutera u Burundi na RDCongo, no guhungabanya umutekano wa Tanzania mbere ya 15 Ukuboza 2014/ NKUSI Yozefu

Kuva mu ntangiriro z’umwaka ushize wa 2013, Shikama yagiye ibagezaho inyandiko zinyuranye n’ibitero Kagame ariho ategura kugaba ku bihugu by’abaturanyi. Muri izo nyandiko zose nta n’imwe yigeze inyomozwa n’Agatsiko kandi kabifitiye uburenganzira, ibi bikaba byerekana  rero ko ibyatangajjwe na Shikama byabaga ari ukuri. Burya ngo guca mu ziko ntigushye, iryavuzwe riratashye rero: amakuru yizewe dukesha bamwe mu ntasi za Kagame, aremeza ko ngo FPR yaba igiye kugaba ibitero simusiga ku Burundi na RDCongo mbere y’itariki ya 15/12/2014. Hasi aha tukaba tubagezaho ibimenyetso nteguza by’ibyo bitero.

Imirambo yabonetse muri Rweru wari umutego watezwe Perezida Petero NKURUNZIZA
Mu kiganiro kirambuye twagiranye n’imwe mu ntasi zo mu Rugwiro, ntitwibagiwe no kumubaza ikibazo gihangayikishije abanyarwanda n’isi: imirambo  iriho itoragurwa mu kiyaga cya Rweru gihana imbibe n’u Burundi. Uyu muntu yatubwiye ko ari imirambo y’Abanyarwanda bamaze iminsi bicirwa hirya no hino mu gihugu bashinjwa gukorana na FDLR, ariko ngo hakaba harimo n’imirambo y’abahoze ari abasirikare ba RDF ya Kagame bashinjwa nabo gukorana na RNC ya ba Kayumba Nyamwasa.

Tuzirikane ijambo ry'Imana kuri iki cyumweru cya 29 gisanzwe, taliki 19 Ukwakira 2014. Isomo rya mbere: Izayi: 45, 1.4-6a. Zaburi: 95, 1a.3, 4.5b, 7-8a, 9a.10c. Isomo rya kabiri: Abanyatesaloniki ba mbere : 1, 1-5b. Ivanjili: Matayo: 22, 15-21. "Leta y’agatsiko ka FPR ni ingome isoresha rubanda ibirenze kure ibyashobora kumvikana ariko n’umuturage udaha Leta umusoro wagenwe n’amategeko nawe akwiye kwisubiraho" Abatagatifu : Isaac, Joge na Renatha/ Padiri TABARO

Yezu arabwira rubanda ko igomba gusorera leta kandi igakiranukira n'Imana kuko byombi bishoboka. 

Mu isomo rya mbere : Umuhanuzi Izayi arereka rubanda ko Imana uhoraho yasize amavuta SIRUSI kandi ikamuha ukuboko kwayo kw’iburyo kugira ngo amahanga acishwe bugufi imbere yayo.

Mu isomo rya kabiri :  Pawulo Mutagatifu arasobanura uko abaturage bo uri ka karere bakiriye inkuru nziza kuko bahora bibuka ibikorwa byiza n’ukwemera kwabo kimwe n’imiruho igukomokaho. Imana yatoye inkoramutima zayo. Kubera iyo mpamvu, inkuru nziza yamamajwe ntabwo yagejejwe kuri rubanda mumaambo gusa ahubwo yamamajwe n’abantu bashize amana kandi babyiyemeje bishingikirije ububasha butyaye (Ububasha bwa Roho Mutagatifu)  OD

Mu Ivanjiri Ntagatifu igizwe n’interuro zirindwi(7), Yezu arasobaura agacior k’umusoro mu bukungu bw’igihugu n’ukuntu umusoreshwa ashobora no ukiranuira Imana kandi akaba n’intangarugero mu baturanyi be. Yezu wageragejwe inshuro zitabarika n’abasadukayo n’abasaseridoti yabashije kubumvisha igikwiye gukorwa.

Umuvandimwe Mugisha yandikiye Shikama ayishima kandi anayinenga: Imikorere ya Shikama iratanga umusaruro mwiza ariko aranenga n'umugambi ngo abayobozi bayo baba bafite wo kuyishyiramo ishyaka rya Politike./ Nkusi Yozefu

Iyangire nk'ingagi!
Iyi nyamaswa yahanganye na ba Rushimusi kugeza igihe amahanga
atabariye ntiyazimira. Kora nkayo nawe wange kuzimizwa

Bwana Nkusi,

Mbanje kubaramutsa mbifuriza amahoro aturuka ku Mana. Njye ndi umukunzi wa site yanyu "shikamaye". Ibitekerezo mbonaho nsanga byuzuye ubushishozi n'ubunyamwuga. Ariko hariho utubazo tubiri mfite. Utwo tubazo turatandukanye cyane.

1. Website "Shikama" ifite ikibazo mugomba kuba mwebwe ba nyirayo mutazi. Iyo umuntu ayigiyeho ihita ishyira virus muri computer. Nagerageje kubaza abahanga muri informatique bambwira ko izo virus zishyirwa muri sites z'abatavuga rumwe na Leta ya Kagame. Ngo Leta ya Kagame ifite ba informaticiens birirwa bashaka uko bafunga sites zitavuga neza Kagame bitabashobokera bagashyiramo izo virus; muzabigenzure. 

MURAYIRE PROTAIS WAYOBORAGA AKARERE KA KIREHE NTAZIZE KUBUZA ABAKOZI B’AKARERE KUGARAGARIZA MINISTIRI KABONEKA AMAKOSA ARI MU KARERE AHUBWO AJIJIJWE KO YAVUGANIYE ABATURAGE BAHORAGA BAMUBAZA IMPAMVU AMASAMBU YABO YACUKUWEMO IBINOGO BYO GUTABAMO INTWARO ZO KUZATERA TANZANIYA KANDI BIGAKORWA NTA NGURANE BAHAWE KU MYAKA YABO IRANDURWA NTA N’IBISOBANURO BAHAWE/ UDAHEMUKA Eric

MURAYIRE Protais wayoboraga akarere ka Kirehe gahana imbibi na Tanzaniya

Ubutegetsi bw’agatsiko ka FPR niba hari umuntu budashobora kubeshya ni njyewe. N’iyo ntakwandika inkuru ku gikorwa runaka si uko mba nyobewe ko ari ibinyoma byabo ariko nyine kuko byose nta byandikaho mpitamo ibishobora kubwirwa abasomyi ba SHIKAMA kandi mbona biri mu nyungu rusange z’umuturage.

Kuwa kabiri taliki 14 Ukwakira 2014 nibwo namenye inkuru y’akababaro y’uko uwari umuyobozi w’akarere ka Kirehe bwana MURAYIRE Protais yategetswe kwegura agatanga imfunguzo z’ibiro bya meya w’akarere ka Kirehe yari ayoboye imyaka 6 n’imisago.

Nkimara kumenya iyi nkuru nahise nibuka ko ku italiki 14 Mutarama 2014 nagiranye ikiganiro nawe musanze ku biro by’akarere ka Kirehe nkiba mu Rwanda. Icyari kinjyanyeyo si ikindi. Nari ngiyeyo kumubaza ibisobanuro ku  nyandiko nari nkomeje kugezwaho n’abaturage bandikiraga igitangazamakuru nakoreraga nkiba mu Rwanda.

MU MUHANGO WO GUSHYIRAHO PEREZIDA WA SENA Y’U RWANDA, PEREZIDA PAUL KAGAME YAGARAGAJE UKO YABAYE IGIKORESHO CYA BA MPATSIBIHUGU N’UBUSEMBWA BYAMUSIGIYE ABONERAHO NO KUBWIRA MAKUZA BERNARD URUMUTEGEREJE/ UDAHEMUKA Eric

Ifoto y'urwibutso nyuma y'umuhango wo kurahira : MAKUZA Bernard (ibumoso), Perezida Kagame Paul (hagati) na HARELIMANA Fatuma (iburyo)

Mu Rwanda ubu hari ibibazo binshi bishingiye ku gutesha agaciro bikabije uburenganzira bw’ibanze bwa muntu. Ibi biragaragarira mu ishimutwa ry’abantu rya hato na hato, inkongi z’umuriro hose mu gihugu, ihunga rya hato na hato ry’abaturage, ifungwa ridakurikije amategeko, inzara ivuza ubuhuha, bikiyongeraho n’amagambo ahahamura abaturage akomeje kuvugwa na Paul Kagame nka Nyakinama, Nyabihu, Kimihurura,...

Kuri uyu wa kabiri, taliki 14 Ukwakira 2014, nibwo Perezida Paul Kagame yashyizeho Perezida wa Sena kuko nta muntu uzi amahame ya Demukarasi kandi ujijutse watinyuka kuvuga ko yatowe biciye mu matora yubahirije ibipimo fatizo tuzi twese.

Abanyarwanda Bararyaryana aho gukoresha ukuri bashakira umuti ibibazo byugarije u Rwanda/Nkusi Yozefu

Burya ngo uhiriye mu nzu ntaho adapfunda imitwe: abanyarwanda benshi bamaze iminsi bandikira urubuga rwanyu Shikama bayisaba kugira icyo ivuga ku bibazo bimaze iminsi bivugwa hagati ya Twagiramungu Rukokoma na FDLR  na Film iherutse gusohorwa na BCC ivuga ahanini ku ruhare rwa Kagame muri Jenoside yabaye mu Rwanda muri 1994 n'ibindi byayikurikiye kugeza aya magingo. Hari n'uwagiye kure uri muri Zambiya anyoherereza Mesaje kuri Watsapu ambwira ko azi neza ko mfite akazi kenshi ati ariko rwose dukure mu rujijo ubu dufite ubwoba nk'ubwo twari dufite muri 1994 mu Rwanda na 1996 mu mashyamba ya RDCongo igihe FPR yarasiraga impunzi mu nkambi.

NI GUTE WACISHA ITANGAZO RYAWE KURI SHIKAMA?

Murakaza neza abashaka gutanga amatangazo  yanyu mwese kuri SHIKAMA: abari mu Rwanda n'inyuma yarwo. Dore uko watanga itangazo ryawe kuri Shikama.

1.Iyo umaze gutunganya itangazo ryawe, ushaka ifoto ijyanye naryo niba ari ngombwa 

2. Mbere yo kohereza itangazo ryawe kuri SHIKAMA urabanza ukariha amadolari cyangwa amaEuro 20 ( 20 USD /Euros), ukariha ukoresheje PayPal,  email: nkusijo@gmail.com

3. Iyo umaze kuriha ufata reference (kopi) y'ubwo burihe ukayoherezanya n'itangazo ryawe kuri email ikurikira:  mahoriwacu@gmail.com

Nta tangazo tuzatuma rihita hatabanje kugaragaza ubwishyu

Murakoze gucisha amatangazo yanyu kuri SHIKAMA

NKUSI Yozefu

ITANGAZO : Gusaba ba Nyakubahwa Habyarimana Emmanuel, Rutayisire Boniface, Gasana Anastase, Twagiramungu Faustin, Ndahayo Eugène, Uwanyirigira, Munyeshyaka, Nkiko, Rusesabagina n’abandi bose

RUTAYISIRE Boniface

Banyarwanda, Banyarwandakazi namwe nshuti z’u Rwanda,

Nk’uko bigaragara, amashyaka menshi muri opposition akomeje kugira ibibazo bikomeye cyane cyane bijyanye no kwishyira hamwe bikorwa mu buryo buhutiweho batabanje kureba icyo bahuriyeho muri politiki iba igiye gukorwa. Muri uko kugira ibibazo muri opposition, bitanga isura mbi ku mashyaka yose no ku banyarwanda kandi bikabagiraho ingaruka nyinshi.

Aho kugira ngo rero hakomeze habeho ishwanyaguzanya ry’amashyaka n’isenyuka ry’impuzamashyaka, ndagira ngo nsabe ku mugaragaro amashyaka  n’impuzamashyaka CNCD-FDU, CPC- RDI  n’ayandi abishatse ko twakwigira hamwe uburyo twashyigikira ubunyarwanda butavangura kandi tukabuteza imbere  maze abanyarwanda twese tugatambukana hamwe kugeza tugeze ku ntsinzi.

IBINSHENGURA: Kuki abanyarwanda inyiturano bahabwa ku neza bagirira abanyamahanga ari ugufungwa?/Nkusi Yozefu

Gereza nkuru ya Kigali(1930)

 Mperutse kuganira n'inshuti yanjye y'umusore w'umubiligi, maze aza kwamagana cyane ukuntu ngo abanyafurika ari abanebwe aho guteza imbere umugabane wabo ukize baza kwirirwa banyanayimbwa i Buraya. Naramurebye maze ndamusubiza nti: " uzi ko ba sokuru bawe baje kunyanayimbwa muri Afrika nyuma y'inama y'i Berlini yo muri 1884-1885 abanyaburayi bakoze bagabana Afrika?". yansubije ko ngo bo ngo baje bazanywe no kuduha ITERAMBERE!Namubajije uwari wababatumiye maze araruca ararumira. Narongeye ndamubaza nti:" wambwira icyo iryo terambere uvuga ryazanye mu Rwanda kigaragara?" Yaratekereje ambwira imihanda, mubwira ko ari abanyarwanda bayiharuye, yongeraho Kiliziya, mubwira ko itaraza twasengaga YIRIRWAHANDI, yatekereje ikindi maze yibuka ko Gereza ya Kigali yitwa  1930 ari Ababiligi bayubatse, niko kuyishyira mu byiza batuzaniye. Namubajije niba yari yayisura ngo arebe ubuzima abarimo babayeho, maze arandeba araseka ati: "ndajya gukorayo iki se ko ari mwe twayubakiye!!"