IPEREREZA RYA SHIKAMA I KIGALI : «Nyuma yo gufunga imihanda ya CENTENARY HOUSE-ECOLE BELGE na SULFO RWANDA-MINECOFIN, Paul KAGAME na MAKUZA Bertin(RWANDAFOAM) bamaze gukwiza abakwepo/abasheretsi babo mu bacuruzi bakorera ahafunzwe imihanda babakangurira kujya gukodesha mu nzu yabo. Bose nibamara kujya gukorerayo imihanda izongera ifungurwe! !»/UDAHEMUKA Eric

Igishushanyo mbonera ibumoso,  naho iburyo hari umutirirwa wa 2 wa Kagame yitiriye Makuza.
Iyi niyo ntandaro yo gufunga imihanda muri Kigali kugirango ba Ngofero bave aho bacururizaga
bajye gukorera muri uyu muturirwa wa Kagame

Ibibazo bikomoka ku ifungwa ry'imihanda Centenary House - Ecole belge na Sulfo Rwanda-Minecofin ubu biragaragarira buri wese, biravugisha benshi niba atari bose amangambure muri Kigali gapitali y'u Rwanda.

Niba Kagame Pawulo amaze kwica miliyoni zisaga icumi z’inzirakarengane kuko ngo ingoma z’Abahutu zamuhejeje ishyanga imyaka 40, abo yatumye bavukira mu mashyamba akabatoteza kuva ari impinja umunsi bageze ku butegetsi nkuko yabugeze ho bizagenda bite?/NKUSI Yozefu

Hari imigani myinshi duca mu kinyarwanda dushaka kwerekana ko kugirango umuryango nyarwanda n’igihugu muri rusange bigire amahoro, ituze n’iterambere, uburezi bw’umwana bugomba kuza mbere ya byose. Tukaba tuvuga ngo: umwana apfa mu iterura, umwana ni umutware, umwana w’undi anutsa urukonda, igiti kigororwa kikiri gito, n’iyindi myinshi ntarondoye. Nyamara ingoma ya FPR si ko ibona aya mahame y’abakurambere, kuko yo  mu ngengabitekerezo yayo, umwana utari umututsi ntaba ari umwana ugomba kubaho, iyi ikaba ari yo mpamvu nyuma yo gukorera jenoside Abahutu muri RDCongo kuva muri 1996, abarokoka buri musi bakibaruka, FPR itarebera izuba abo batware b’ejo; ibi nibyo twita kumenera umugi w’inda ku rwara. Ese Kagame yaba yarababajwe akiri umwana ku buryo yagirira inzika Abahutu kugeza no kuri ba Buhinja na ba Rubyogo bavukira mu mashyamba ya RDCongo ahora avutsa ubuzima buri munsi?

ABANYAMERIKA BARI GUTEGA PAUL KAGAME UMUTEGO W’UMUSHIBUKA/Rukirigitangwe

Kagame na ba shebuja b'Abanyamerika bari mu Rugwiro muri Kanama 2015
 bamusaba kwivanga mu kibazo cy'u Burundi

Nyuma y’aho inkuru zisohokeye ku mbuga za interineti hirya no hino, zivuga ko Leta Zunze Ubumwe za Amerika ziri gusaba u Rwanda gufasha gukemura ibibazo biri kubera mu Burundi, byatumye nibaza niba iyi nkuru ari ukuri. Nubwo igisubizo kigoye kuboneka, iyi nkuru ibaye ukuri yaba ihishe byinshi.

Kuva kera, Abatuye ibihugu bikennye dukunze kwivovota ko ibihugu bikize byimvanga cyane mu miyoborere y’ibihugu byacu; nibyo koko ibi ntawabihakana ijana kw’ijana. Ariko kandi, no kubyemeza ijana kw’ijana nabyo byaba ari ukwirengagiza byinshi. Benshi bashobora kwibaza bati: “Mbese iyi mvugo ko idasobanutse, uyu ari gushaka kuvuga iki?”. Icyo iyi mvugo igamije, dufatiye urugero ku byabaye mu Rwanda, ni uko FPR Inkotanyi itari gushobora na rimwe gufata igihugu cy’u Rwanda idafite inkunga ikomeye y’ibihugu by’ibihangange (aha ibikunze gutungwa agatoki cyane ni nk’Amerika, Ubwongereza ndetse na Isirayeli). Uru rugero rusobanuye byose: aba ba rugigana bakize baza ari twe tubazanye, tubatabaje; iyo bemeye kuza, nabo baba bashaka ibihembo.

Inyandiko 2 zitaha: Iya mbere:"Niba Kagame Pawulo amaze kwica miliyoni zisaga icumi z’inzirakarengane kuko ngo ingoma z’Abahutu zamuhejeje ishyanga imyaka 40, abo yatumye bavukira mu mashyamba akabatoteza kuva ari impinja umunsi abazarokoka bageze ku butegetsi nkuko yabugeze ho bizagenda bite?"/ NKUSI Yozefu /// Inyandiko ya 2: " Abasenga ni musenge, Ababyeyi mufatire iry’iburyo u Rwanda rwacu n’Abanyarwanda kuko imipango iri gukorerwa Igihugu cy’Uburundi ishobora gusinga iduhekuye twese"/Mbangurunuka Paul.

Ikarita yerekana u Rwanda n'u Burundi

-  Inyandiko ya mbere/ NKUSI Yozefu

I. Tumaze iminsi dusoma ku mbuga zimwe na zimwe abo muri FDLR batabaza bavuga ko abasoda bayo bashyize intwaro hasi bakajyanwa mu nkambi zirinzwe na LONI muri RDCongo bimwe ibibatunga! Abenshi muri twe babifashe nk'amakabyankuru kuko ntawiyumvishaga ko LONI yakora ibyo. Iyi LONI ejobundi niyo yitangarije ubwayo ko yahagaritse guha amafunguro aba FDLR ikavuga ko RDCongo ariyo igomba kubikora! Shikama irabibutsa ko abenshi mu bari muri izi nkambi ari abagore n'abana. 

IMUNGU MU BUKUNGU BW'U RWANDA : «Nyuma gato y'uko guverineri wa BNR Bwana John Rwangombwa yari aherutse guha gasopo abanyamakuru biha ibyo kwandika no gutangaza inkuru zirebana n'ubukungu, leta ya FPR yibye ku mugaragaro mu isanduku ya leta miliyari 15 ziyongera ku zindi miliyari 114 yibye guhera muri 2008»/ UDAHEMUKA Eric

Guverineri Rwangombwa arabeshya ko muri aka gasanduku hari
amafaranga asigayemo kandi karimo ubusa!

Mu kiganiro aherutse guha abanyamakuru i Kigali mu cyumweru gishize, SHIKAMA twamenye ko guverineri wa banki nkuru y'u Rwanda Bwana John RWANGOMBWA yahaye gasopo abo yise abanyamakuru biha gutangaza inkuru zirebana n'ubukungu bw'igihugu kandi abo banyamakuru ari abaswa badasobanukiwe ibirebana n'icungamari rya leta.

ISESENGURABUKUNGU NA POLITIKI : «Kubuza imodoka kunyura mu muhanda uva Centenary House ukagera Ecole Belge no mu muhanda uva kuri SULFO-RWANDA ukazamuka KIPHARMA ugahingukira kuri BANQUE DE KIGALI ukagera MINECOFIN bishobobora gutuma isoko ry'imari n'imigabane mu Rwanda rihanantuka rikikubita hasi/ UDAHEMUKA Eric

Iyi ni inzu nshya Kagame Pawulo yujuje i Kigali ibaye nyirabayazana
 yo gufunga imihanda muri Kigali.
Iyi nzu yiswe MAKUZA House

NDAYISABA Fidele uyobora umujyi wa Kigali aherutse gukoresha ikiganiro n'abanyamakuru ababwira ko ngo gukumira imodoka mu mihanda imwe n'imwe muri Kigali bizazana impinduka nziza. Ibyo kuba avuga ibinyoma sinabitindaho kuko nari nabisobanuye hano kuri SHIKAMA mu nkuru nanditse mbere y'uko icyo kiganiro gitangwa.

Ibyahishuwe bya 19 : sosiyete FAHICO ihangana na AMUR mu gutwara abajya mu rugendo rutagatifu i Maka niyo ikozeho nyirayo Shehi GAHUTU Abdulkarim kugeza ba Munafikina bakoze uko bashoboye ngo atabwe mu gihome /NKUSI Yozefu

Kagame na Musoni baseka Shekh Gahutu

Shehe Gahutu Abdulkarim ni muntu ki?

Uyu mugabo ni umunyarwanda wize kaminuza muri Arabiya Sawudite, agaragaza ubwenge budasanzwe n’ubwitonzi ku buryo arangije abarabu bahise bakora uko bashoboye ngo abone akazi muri iki gihugu cya Arabiya Saoudite.  Nyuma yaje kujya muri Tanzaniya akaba ari naho yarongoreye umutanzaniyakazi, ariko akaza gufata umugambi wo kuza mu Rwanda muri 1998. Umugore n’abana bo baracyari muri Tanzaniya kugeza n’ubu, ajya gusura umuryango we kenshi.  

Kanda hano usome inkuru irambuye kuri www.ki.shikamaye.net 

IBIHWIHWISWA MURI KIGALI : «Icyoba ni cyose muri Kaminuza y'u Rwanda i Butare(UNR) no mu mujyi wa Kigali kubera gutinya ko Leta ya Bujumbura yabagabaho igitero cya gisirikari gikaze! Ese birashoboka? Byakorwa bite? Na nde? Gihe ki? Intsinzi yatsinda aka kaga n'imiborogo ku baturage bacu yo se irashoboka???»/ UDAHEMUKA Eric

Karita yerekana u Rwanda n'u Burundi

Kirya abandi bajya kukirya kikishaririza! Na nyina w'undi abyara umuhungu! Utaranigwa agaramye agira ngo ijuru riri hafi! Izi mvugo eshatu(3) kimwe n'izindi namwe musoma SHIKAMA mwakongeraho ni kizwi na bose muri Kigali no mu Rwanda hose.

NYUMA YO KUBUZA ABATUNZE IMODOKA KUNYURA IMBERE Y'INZU YA KAGAME UBU NONEHO ABAKORAGA UMURIMO WO KUBAGA INYAMA Z'INKA NO KUZIGURISHA(KUZICURUZA) F.P.R(MINADEF) IBUBIKIYE IMBEHE KUKO ABANYARWANDA BOSE UHEREYE KU BATUYE KIGALI BAGIYE KUJYA BARYA KU ITEGEKO INYAMA ZABAGIWE MU KIGO CYA GISIRIKARI CY'I GAKO MU BUGESERA/ UDAHEMUKA Eric

Abategetsi bagiye gusura umushinga w'inka zo kubagwa

Mu gutangira iyi nkuru ndagira ngo nshimire MURINDABIGWI washinze IGIHE.COM ubu cyigaruriwe n'agatsiko bitamuturutseho. Icyo mushimira ni uko mu buzima umunyamakuru abamo mu buhungiro nta buryo bwo gutara amakuru ku gihugu cye buhagije aba afite.

ISESENGURAMPAMVU NA POLITIKI : «Kubera umuriro w'inkekwe urimo kwenyegezwa n'Ubwongereza, hagati ya perezida w'u Rwanda Nyakubahwa Paul KAGAME na Lt. Gen. Emmanuel KARENZI KARAKE (D.M.I) umwe agomba guhitana undi byanze bikunze cyangwa byaba ngombwa bombi bakajyana»/ UDAHEMUKA Eric

Magayane yahanuye ko Kagame azaraswa umwambi w'igishirira(isasu)
akazabikorerwa n'inshuti ye magara. Aho si Ikinywamaraso Karenzi Karake yavugaga?

Kuva ku italiki 19 Nyakanga 1994 umunsi FPR yafatiyeho ubutegetsi i Kigali no mu Rwanda hose, igihugu cyacu u Rwanda gihorana amakuru akangari ku buryo guhitamo ingingo wandikaho uri umunyamakuru wabigize umwuga bigusaba kubanza gukora imyitozo.

Menya ibya Jenerali Karenzi Karake Umujenerali Karenzi Karake(KK-Kagame’s Killer) watumye Abanyarwanda bongera kwibwa akayabo k’amafaranga, agatuma amahanga acika uruhondogo ni muntu ki?/Paul Mbangurunuka

Karenzi Karake avuye muri Gereza mu Bwongereza akaba yari ageze ku kibuga cy'indege
Gregoire KAYIBANDA cy'i Kanombe i Kigali/Foto: igihe.com

Kuri www.ki.shikamaye.net,
Ejo tariki ya 22/8/2015, umuvandimwe wacu Paul Mbangurunuka azatugezaho byinshi tutari tuzi ku KINYWAMARASO Karenzi Karake.

- uko yishe abaperezida barenga 5 ariko agahusha Petero Nkuruniza w'i Burundi
- uko yishe abo Kagame na FPR bita IBIHUTU
- uko Kagame amwizera byasaze
- uko ubu Kagame ashobora kumwirenza cyangwa Karake akirenza Kagame

ISESENGURAMVUGO NA POLITIKI : «Mu ndahiro ye kuri iyi taliki 20 Kanama 2015 perezida Petero NKURUNZIZA yongeye guca amarenga ko uteza akaduruvayo ka politiki muri Bujumbura amuzi neza kandi ko ashobora kuzagubwa gitumo bityo ubuhanuzi butegerejwe na benshi bakazabubonesha amaso yabo»/ UDAHEMUKA Eric

Nkurunziza na Kagame

Hano kuri SHIKAMA mbere y'uko akaduruvayo ka politiki kaduka muri Bujumbura twari twarabagejejeho inyandiko ntibuka umubare zababwiraga ko Kagame yarahiye akirenga ko agomba gutera Uburundi.

AMAZU YA KAGAME AZAMUKA NK'IBIHUMYO MURI KIGALI : «Perezida Paul KAGAME na Gen. James KABAREBE bashenye gare bayubakamo KIGALI CITY TOWER bohereza abanyarwanda Nyabugogo mu bizenga by'amazi, bategeka abantu bose kunywa amata y'inyange ku gahato none Kagame abujije abanyarwanda kugendera mu mihanda ikikije indi nzu ye MAKUZA PEACE HOUSE yitirirwa Makuza Bertin umuherwe nyiri RWANDA FOAM na RULIBA kuri Nyabarongo»/ UDAHEMUKA Eric

Uyu ni umwe mu mihanda igiye kugendwa n'amaguru gusa muri Kigali
kubera umutekano w'amazu y'ubucuruzi ya Paul Kagame tutibagiwe
n'umururumba we wo gushaka kwiharira amasoko y'ibintu byose mu gihugu

Abanyarwanda baribuka igihe Kagame na Kabarebe bari bagwije amadorari bakuye muri zahabu basahuraga muri Zaire maze bagahita bafata icyemezo cyo kubaka inzu ya bombi mu mugi rwagati ahahoze ikigo abagenzi bategeragamo imodoka.

Isesenguramvugo, Politiki n'Ikinyabupfura : Metere Evodi Uwizeyimana ati : «Amashyaka ya opozisiyo(arwanya Kigali) akorera mu buhungiro ni nka butiki zo muri karitiye nazo zahombye kandi u Rwanda rutegekwa n'agatsiko k'amabandi kitwaje intwaro»/ UDAHEMUKA Eric

Metere Evode Uwizeyimana

Metere Evode UWIZEYIMANA uvuka mu BYIMANA ku Ntenyo ku bilometero 3 uvuye i Kirengeri umanuka ugana mu Ruhango werekeza i Butare ubu yaciye abantu ururondogoro. Bamwe baremeza ko yahunze u Rwanda abandi barahamya ko ari mu kiruhuko cy'akazi yemererwa n'amategeko. 

Nta n'ubwo bigarukira aha gusa kuko abemeza ko atahunze banahamya ko indege imusubiza i Kigali igomba kumushyitsa ku kibuga cy'indege i Kanombe ku mugoroba wo kuri uyu wa kabiri taliki 18 Kanama 2015.

URUPFU RWA PADIRI DOMINIKO KAREKEZI : «IMVUGO YA MUSENYERI KAMBANDA ANTONI WA DIYOSEZI YA KIBUNGO MU ISHYINGURA NI IKIMENYETSO CY'INTEGE NKE, GUSHYA UBWOBA N'UBUGWARI BYA KILIZIYA GATULIKA Y'U RWANDA IVUGA KO IHAGARARIYE YEZU IMBERE Y'UBUGIZI BWA NABI BWA SEKIBI-SHITANI MU RWANDA»/ UDAHEMUKA Eric

Munsenyeri Kambanda Antoni uyobora diyosezi ya Kibungo

Ese indwara y'umutima itera ibikomere mu mutwe? Ese indwara y'umutima ituma umuntu abyimbagana ijosi? Ese uwaba arwaye umutima byashoboka ko yikubita ku cyuma arimo gusamba ku buryo kimukomeretsa mu cyico? Ese mu cyumba padiri araramo habamo ibyuma byica?

"Ndakwica hanyuma Nguhambe, nindangiza ngucire urubanza nindanginza ngufate ngufunge" Ingoma ya Mobutu Sese Seko wa Zaire. " Ndakwica hanyuma Nkujyane mu bitaro bya gisirikare by'i Kanombe byemeze ko wazize indwara cyangwa impanuka hanyuma nguhambe nihagira uwawe ukuririra ngusenyere nawe mugukurikize. "Ingoma ya Kagame. Menya ukuntu ingoma ya Mobutu n'iya Kagame zikora kimwe zibarizwa mu bihe bitandukanye/NKUSI Yozefu

Mu bihe byo hambere mbere ya 1990, perezida wa Zaire Mareshali Mobutu Sese Seko Kuku M’bendu wa Zabanga yari umuperezida utinyitse muri Afrika ndetse no ku isi kubera kuyobora igihugu gikungahaye hasi no hejuru y’ubutaka bwacyo akaba kandi yari nka wa mwana warezwe Bajeyi na Leta zunze Ubumwe z’Amerika kuko yari umukozi wa CIA akaba yarafashaga iki gihugu cy’igihangange kwimira  ikwirakwira rya Komunisime na Sosiyalisimu muri Afurika ibi byombi bikaba bitaracanaga uwaka na Kapitalisimu yari iyobowe na USA n’Uburaya bw’uburengerazuba.

Ingengabitekerezo ziragwira iya TITO RUTAREMARA YO iragatsindwa n'Agasani! Mbangurunuka azagira icyo atubwira ejo kuri iyi ngengasi

Mbangurunuka Paul

Kugirango IBIHUTU( nkuko Abahezanguni ba FPR bita Abahutu) bitarayoboka ingengabitekerezo y'Inyenzi nako Inkotanyi ivuga ko UMUTUTSI yavuye mu ijuru akaba agomba gutegeka no kubahwa nk'Imana nabyo biyoboke, Tito Ruteramera yadukanye inyigisho nshya ivuga ko Abahutu baturutse ku BANYORO bo muri Uganda bakaba bari barwaye ibinyoro baje kuvurwa n'ABATUSI bakoresheje ibikomoka ku nka zabo! Abashi nabo ni uko nabo ngo bakijijwe ibinyoro n'Abatutsi ari ko bo aho guhakwa ku Batutsi nka biriya Bihutu, bo ngo bahise bashimuta bashaka kwiba inka zabondoye zikabavura ibinyoro bandujwe n'IBIHUTU, ni uko abavandimwe bacu bo hirya y'ishyamba ngo baje kwitwa ABASHI!

Ariko MANA, nk'ibi  ni iki koko!!!

Ni ah'ejo mu nyandiko ya MBANGURUNUKA Paul kuri SHIKAMA/ www.ki.shikamaye.net

Dg NKUSI Yozefu

Shikama Uharanire ko Ukuri gusimbura Ikinyoma

www.shikamaye.blogspot.no

RWA RUGOMERO RW'AMASHANYARAZI PEREZIDA KAGAME AHERUTSE GUTAHA I RUGENDABARI(GITARAMA) MEYA Yvonne MUTAKWASUKU AKEMERERA IMBERE YE KO AGIYE GUHINDURA AMAZI YA NYABARONGO URUBOGOBOGO UBU ABONYE KO BITAZAMUSHOBOKERA KUKO IMASHINI Z'URWO RUGANDA ZUZUYEMO IBYONDO ZITARAMARA UMWAKA BITYO UMUJYI WA GITARAMA UKABA URI MU ICURABURINDI/ UDAHEMUKA Eric

Vuba aha, hano kuri SHIKAMA duheruka kubagezaho inkuru y'ibirori byo gutaha ku mugaraharo urugomero rw'amashanyarazi byabereye mu murenge wa Rugendabari i Muhanga.

Muri uwo muhango Perezida Kagame yabajije impamvu amazi ya Nyabarongo yanduye cyane bigera n'aho ahinduka ibiziba agasa n'umuhondo kandi ubundi amazi agomba kuba ari urubogobogo.

Mu gihe ababyarira mu bitaro bya Kaminuza nkuru y'u Rwanda i Butare barara barwana n'imbeba ngo zitarya impinja, mu kigo nderabuzima cya Burambamba bo babyaza bacanye itoroshi!/NKUSI Yozefu

Ibitaro bya Kaminuza ya Butare

Mu kinyarwanda baravuga ngo utigerera i bwami abeshywa byinshi, iyo uri hanze y'u Rwanda ugasoma ibyo itangazamakuru ry'Agtaisko rivuga, wagirango igihugu cyabaye Paradizo, naho byahe byo kajya ko ahubwo aka Gatsiko kagihinduye Gehenomu.

Ubuzima buzira umuze ni kimwe mu bipimo fatizo byerekana ko koko mu  gihugu runaka hari mo iterambere cyangwa kiriho kirigana mo. Ibi si ko bimeze mu Rwanda. Icyabanje kuntangaza ngeze muri kiriya gihugu navuyemo muri 1987 njya muri Libya nkakigarukamo muri 2007, ni ibyo nabonye  mu bitaro byose nasuye muri 1987: Butare, Kigali bitaga CHK, na Ruhengeri byose bisa n'ibyatawe ugakeka ko hashize byibura imyaka 20 nta kintu gikorerwa mo!

Uwahaye INKOTANYI akazina kazikwiye:"AGATSIKO K'AMABANDI YITWAJE INTWARO", umunyamategeko Evode Uwiringiyimana yongeye guhungira muri CANADA/NKUSI Yozefu

Amakuru Shikama ikura ahantu hizewe muri za Maneko za Pawulo Kagame aravuga ko uwahaye Inyenzi nako INKOTANYI akazina kazikwiye : "Agatsiko k'amabandi yitwaje intwaro" yongeye guhungira muri Canada.

INYANDIKO NSHYA YA MBANGURUNUKA IRI HE?

Hari abariho bandikira SHIKAMA bayibaza inyandiko ya MBANGURUNUKA. Iyi nyandiko iri ku rubuga rushya, nayihashyize kuva ejo kugirango mwisanzure mu gutanga ibitekerezo byanyu kuri iriya nyandiko. NDASHIMIRA byimazeyo abavandimwe bamaze kuyisoma bakaba batanze ibitekerezo byabo, abandi namwe mwikubite agashyi; nkuko nabivuze ubushize, ndashaka kubona  umubare wa komanteri ungana n'ummubare w'abasomye inyandiko, impamvu narayibabwiye.

www.ki.shikamaye.net

NKUSI Yozefu

ISESENGURABUKUNGU : «ELECTROGAZ IMAZE GUHINDURIRWA IZINA INSHURO 4 IGICIRO CY'AMAZI KIKIYONGERAHO 26% NAHO ICY'AMASHANYARAZI KIKAZAMUKAHO 31% NI IBIMENYETSO BYEREKANA KO AMAFARANGA ABANYARWANDA BAKORERA NGO BABESHEHO IMIRYANGO YABO ASHIRIRA MU MUFUKA W'AGATSIKO KA F.P.R MU CYAYENGE»/ UDAHEMUKA Eric

Amakuru yizewe SHIKAMA ifite ni ay'uko buyobozi bukuru bwa RURA buherutse gutangaza ko metero kibe imwe y’amazi yaguraga 240 Frw ubu igiye kujya yishyurwa 323 Frw, naho kilowati imwe y'umuriro w'amashanyarazi yishyurwaga 126 Frw ikaba yashyizwe kuri 182 Frw kandi ibi biciro bikazatangira kubahirizwa ku italiki 01 Nzeri 2015.

IFUNGWA RYA CHEIKH GAHUTU Abdul Karim : «Nyuma y'ihirima ry'ubutegetsi bwa FPR mu Rwanda, abanyarwanda bashobora kuzihakana Imana bazaniwe n'abazungu bakiremera izabo kuko itagaragara ngo irenganure abari mu kaga bityo ubu igihugu cyose kikaba ari imiborogo»/ UDAHEMUKA Eric

Sheikh Gahutu ni uyu uri iruhande rwa Kagame wambaye ingofero y'umweru
Sheikh Habimana Saleh ni uwo wataye intebe ye hirya ya Musoni akaza gupfukama
 imbere y'ikigirwamana Kagame!

Cheikh HABIMANA Saleh wayoboye idini ya Islam mu Rwanda, SHIKAMA ifite amakuru yizewe yemeza ko abayisilamu bamwanze bavuga ko avangura amoko, ko akorera FPR kandi ko acunga nabi umutungo w'idini.

Mu kumushinja ibi birego, Leta ya FPR ntacyo yakoze ngo imuburanishe kuko ariyo yari yamutumye kudurumbanya islam. Kubera ukuntu ibintu byari bimaze kudogera nta rutangira, byabaye ngombwa ko Cheikh HABIMANA Saleh yeguzwa asimbuzwa Cheikh GAHUTU Abdul Karim.

Inyandiko itaha yo kuwa kabiri tariki ya 11/8/2015 ya MBANGURUNUKA:Tunyuzemo tuve mu mukino mubisha wa Politiki, twinjire mu mukino nyakuri w’umupira w’amaguru tugereranya ibihangange biwurangwamo.

Paul Mbangurunuka 

Umuvandimwe wacu Mbangurunuka yaravuze ati: " Nje nje, abafite ikibazo cy'amaso nimuyavuze cyangwa mugure amataratara". Nanjye nti: " Mu nyandiko ye y'ubutaha, ifite umutwe uri hejuru aha, buri wese azabe afite uruho( urukebano, urukiza) rw'amazi iruhande rwe kuko muzaseka imihogo ikagwa umwuma bikaba ngombwa ko ibobezwa!". Si ngombwa kuba usobanukiwe cyane n'ibya RUHAHGO iyi bakinisha amaguru, hari aho agera akorohereza abatayizi akabanyurizamo RUHAGO bakinisha umunwa. Inkuru irangira buri wese asobanukiwe ariko yifuza ko Mbangurunuka yayiha igice cya kabiri!

Ni kuwa kabiri tariki ya 11/8/2015

Icyitonderwa: Abacikanywe n'inyandiko ya Mbangurunuka yo kuwa gatanu w'igishize, murayisanga kuri uru rubuga.

Ubwanditsi bwa SHIKAMA

Muzamenya ukuri kandi niko kuzababohora

Inama y'abaminisitiri yo ku italiki 05 Kanama 2015 yubikiye imbehe Dr. Daniel UFITIKIREZI wari umuyobozi mukuru wa R.S.S.B(CAISSE SOCIALE) kuko atabashije gutahura umutego w'ubujura na ruswa bya FPR yamuteze none ikaba imubiranduye nta n'umwaka amaze ategeka icyo kigo/ UDAHEMUKA Eric

Dg UFITIKIREZI Dannyeli

Shikama iheruka kubageza ho inyandiko ku itariki ya 24/07/2015 yari ifite umutwe ugira uti:

Ibyahishuwe bya 18. Menya ukuntu Inkomamashyi zo ku Kimihurura zabaye ikiraro FPR icaho isahura umutungo mu bigo bya Leta iwohereza i Buraya gutegura imanza z’amaraso . 

Iyi  nyandiko yasomwe cyane, yaberetse ukuntu FPR na Kagame uyiyoboye bariho basahura amafaranga y'igihugu bayohereza i Buraya mu manza z'amaraso bamennye kuva muri 1990 kugeza ubu. Ni muri urwo rwego ibigo byose bya Leta biriho bisahurwa na FPR ubwayo, igahita ikoresha ikinamico hagati y'abo yahaye gucunga buri kigo isahuye na Komisiyo ya za Nkomamashyi zo ku Kimihurura iyobowe na Nkusi Yuvenali.  Bamwe muri aba bayobozi bahuye n'uruvagusenya, harimo Dg Ufitikirezi Dannyeli wayoboraga ikigo cy'ubwishingizi RSSB. Kagame Pawulo akimara gusoma inyandiko ya Shikama yo kuwa 24/7/2015, yahise yirenza uyu mugabo hadashize n'ibyumweru bibiri dusohoye inyandiko tuvuze hejuru.Soma iyo nyandiko ya Shikama hano.. Hasi aha, umunyamakuru UDAHEMUKA Eric arabageza ho ku buryo burambuye akaga Dg Ufitikirezi Dannyeli yahuye nako ni ukuntu ubuzima bwe ubu buri hagati y'urupfu n'ubugingo!

Ubwanditsi bwa SHIKAMA

“Ingoma iraducitse" amagambo yavuye mu munwa wa Kagame ubwe. Mbangurunuka mbaye nisabiye imbabazi hakiri kare. Soma!/ Paul MBANGURUNUKA

Nkuko Shikama yabibagejeje ho ejo tariki ya 6/8/2015, Paul Mbangurunuka ni umunyarwanda ukurikira ibibera mu Rwanda no mu karere ruherereye mo guhera ku ngoma ya Bwengenyakuri Kayibanda kugeza ku ya Rukarabankaba Kagame. Uyu mugabo yagiye aburira abantu kenshi ku mahano abugarije, byose bikaba byarabaye. Kubirondora bwakwira bugacya; icyo twabibutsa cya hafi ni intambara y'i Burundi yatangaje ko yariho itegurirwa mu Rwanda umwaka ushize wa 2014, akavuga abari bayirimo n'izina rya Hoteli inama yaberaga mo, iyi nyandiko twayihitishije kenshi mu "nyandiko zo mu bubiko" Icyo gihe i Burundi hari amahoro bituma abantu benshi bafata ibyo Mbangurunuka yavugaga nk'amahomvu, nyamara amaso nabahe, ibiriho biba ubu byose murabisanga muri iyo nyandiko twavuze hejuru. Bityo, twe muri Shikama, tubona iby'uyu mugabo avuga nta muntu wabifata runono, abakora gutyo, bazabyumva bashaje!

Ubwanditsi bwa SHIKAMA
______________________________________________________________________________

Muraho  mwese basangirangendo. Abenshi mwibaza ko napfuye cyangwa se nkaba mfunze ariko ibi byose nta na kimwe kigeze kimbaho..ndi mutaraga.

Reka ngaruke ku mutwe w’iyi nyandiko aho ngira nti : Ingoma iraducitse. Ku giti cyanjye ndasaba imbabazi z’ibibi byose twakoreye u Rwanda, Abanyarwanda muri  rusange ntibagiwe n’abanyamahanga.  Ubwo duherukana niba ntibeshye hashize umwaka, nasize hanuka uruntu runtu ariko mubicira inyeri, none ubu byamaze kuba urukonda.

SHIKAMA iriho irarwanywa n’abafite imbuga zitwa ko zirwanya Leta ya Kagame bayibibaho urukungu amanywa n’ijoro!

                       

Hari abari bufate iyi nkuru nk’urwenya nyamara ni ukuri kwambaye ubusa! Kuva twashinga  SHIKAMA nshya muri Gicurasi 2015, hari bamwe mu bafite imbuga zikorera hanze babuze amahwemo. Ibi byagiye bigaragarira mu guhindagura kenshi gahunda  zahitaga ku mbuga zabo. Ntibyahagarariye aho kuko bagiye bakoresha uko bashoboye bifashisha ikoranabuhanga bakohereza urukungu( spams) kuri Shikama ahantu babona hahurira abantu benshi nko mu IHURIRO cyangwa Komanteri. Ibi byagiye bikorwa kugirango imbuga zabo zidahagarara dore ko zubakiye kuri komanteri aho kuba guhitisha inyandiko nyinshi. Bakeka rero ko Komanteri za SHIKAMA zikoze, imbuga zabo zahagarara cyangwa bikabasaba umwanya uhagije wo gutegura inyandiko kenshi kugirango imbuga zabo zikomeze zisurwe.

Ntimukomeze gushakira Paul MBANGURUNUKA mu bapfuye, ni muzima kandi aje aje !

Mbangurunuka Paul

Mbangurunuka ni umunyarwanda w'umunyabwenge, uhumeka politike y'u Rwanda kuva ku ngoma ya Kayibanda kugeza ku ya Kagame Pawulo. Yakunze guhitisha inyandiko ku mbuga zinyuranye ariko yamenyekanye bwa mbere ku buryo budasubirwaho ku nyandiko yacishaga ku rubuga rwa Padiri Tomasi Nahimana, Leporofete(www.leprophete.fr).

Nyuma y'aho SHIKAMA ishingiwe, umuvandimwe Mbangurunuka yabaye inshuti yayo y'akadasoka. Yacishijeho inyandiko zagiye zihuruza benshi kubera ubwenge ziba zandikanye n'ubutumwa aba ashaka kugeza ku banyarwanda. 

ISESENGURAMPAMVU-POLITIKI N'IYOBOKAMANA : «ICYEMEZO CYA MINEDUC CYO KWEMERERA ABIGA MU MASHURI YISUMBUYE GUTUNGA TEREFONI ZIGENDANWA GISHOBORA KUBA IMBARUTSO Y'INTAMBARA Y'UBUTITA HAGATI YA F.P.R NA KILIZIYA GATULIKA MU RWANDA IGIKANYAKANYA MU KUBUMBATIRA IREME RY'UBUREZI KANDI IKABA ARIYO IFITE IBIRENGA 50% BY'AMASHURI AFATIKA MU GIHUGU»/ UDAHEMUKA Eric

Mu nyandiko mperuka kubandikira hano kuri SHIKAMA navuze ku kibazo ubu gihangayikishije ababyeyi cy'uko leta ya FPR irimo kwitegura guha abana biga mu mashuri yisumbuye uburenganzira bwo gutunga terefoni zigendanwa kandi uzatwitira ku ishuri ntazongere kwirukanwa.

Ba Ngofero bo mu mugi wa Kigali ejo kuri 3/8/2015 bifashishije intwaro za gakondo babuza ubutegetsi kubasenyeraho amazu, ba Ngofero bo mu giturage nabo bagomba kwifashisha izo ntwaro bakirukana ubutegetsi bubafungira ko bahinze amasaka n'ibijumba/Nkusi Yozefu

Abaturage birukanye abakegesi n'amahiri

Ejo ku itariki ya 3 /8/2015 mu kagari ka Gatunga, Umurenge wa Nduba mu karere ka Gasabo mu mujyi wa Kigali abaturage babyutse birukana ibitero bari bagabweho n'utegeka aka kajagali, umunyamabanga nshingwabikorwa Yankurije Antoniya. Uyu mutegetsi wari wazinduwe no gusenyera aba ba Ngofero, yakubiswe n'inkuba abonye abaturage bose bashyize hamwe bakavuga ko usenya inzu n'imwe ahagwa! Ibi ntibabivugishije iminwa gusa kuko bari bitwaje n'intwaro za gakondo: imyasi, imihini, n'amahiri.

Soma inkuru irambuye kuri shikama nshya hano

Dg Nkusi Yozefu

MINISITERI Y'UBUREZI MU RWANDA IMAZE GUCA AMARENGA INSHURO EBYIRI KO KWITWAZA TEREFONI IGENDANWA KU MUNYESHURI WIGA MU MASHURI YISUMBUYE BYEMEWE KUGIRA NGO KAGAME ASHAKE IGIKUNDIRO MU RUBYIRUKO RW'AMASHAGAGA BITYO MANDA YA GATATU IGERWEHO NTA NKOMYI/ UDAHEMUKA Eric

Ese izi mobayilo Kagame ashishikariza abana gutunga ntizaba ari nyirabayazana w'inda z'indaro
zibasiye n'abatarageza ku myaka 15 hirya no hino mu Rwanda?

Hari ikinyamakuru gikorera mu Rwanda mperutse gusomamo inkuru maze umuntu bigaragara ko ajijutse atangaho igitekerezo agira ati : «Amashuri make inkotanyi zakuye Nyakivala adukozeho adusenyeye igihugu». Uku niko yanditse ariko mu kumukosora kugira ngo ubutumwa yashakaga gutambutsa bwumvikane yashakaga kuvuga ati : «Amashuri make inkotanyi zakuye NAKIVALE(UGANDA) adukozeho adusenyeye igihugu».

Iyi NAKIVALE abatayizi ni inkambi y'impunzi iba muri Uganda. Iyi nkambi ni iyo hambere kuko abatutsi bo mu Rwanda bahunze muri 1959 bayibayemo bakayigiramo bakahakurira. Uyu watangaga igitekerezo rero yashakaga kwerekana ko abanyarwanda bajingutse bavuye muri Uganda ubutegetsi bwabo burembeje abanyarwanda.

MANDA ZITAGIRA IHEREZO ZA PAUL KAGAME : «MU GIHE ABANYARWANDA TWESE TUGITEGEREJE KO UMUSOZO W'INDAGU ZA MAGAYANE UZACA URUBANZA RUTABERA MBERE Y'UKO UMWAKA WA 2017 UGERA, ABATURAGE BAGIYE GUTAGANGARA BAPFUKAMIRA PAUL KAGAME USHAKA KWIGIRA UMWAMI KU KIGUZI ICYO ARICYO CYOSE NGO BAREBE KO BWACYA KABIRI»/ UDAHEMUKA Eric

Uyu munsi nanditse iyi nkuru ni ku munsi w'umuganura mu mateka n'umuco mu Rwanda ariko urebye uko ibintu bimeze i Kigali no mu Rwanda hose ubu birashyushye cyane.

Impamvu bishyuhye ibi byotsa amatama ni uko ubu Kagame yugarijwe impande zose n'ubwoba nyagupfa batabibonesha amaso ariko abareba kure barabona neza ko ibintu bikaze.

Inyandiko nshya gusa kuri shikamaye.blogspot.no Kuva tariki ya 2/8/2015

Umwanditsi mukuru wa Shikama  UDAHEMUKA Eric
azabagezaho udushya twinshi akuye mu biruhuko

Abakunda INYANDIKO ZO MU BUBIKO muraba mwihanganye kuko Shikama igiye gukomeza na gahunda zo gusohora inyandiko nshya kuri www.shikamaye.blogspot, www.ki.shikamaye.net no kuri www.udusajya.blogspot.com.

Buri rubuga rwose ruzatambutsa gahunda zihariye tuzabageza ho mu minsi iri imbere. Ejo kuri 2/8/2015 niho inyandiko ya mbere y'umwanditsi mukuru wa SHIKAMA UDAHEMUKA Eric mukunda cyane izahita kuri www.shikamaye.blogspot.com. Abazaniye amakuru menshi akuye mu biruhuko!

Icyumweru cyiza

Dg NKUSI Yozefu

Muzamenya Ukuri kandi niko kuzababohora

INYANDIKO ZO MU BUBIKO.Rwanda.Kubera ko abanyarwanda badafite uruvugiro ngo bamuvuguruze, Kagame ejo yababeshyeye ko bamutoye kandi baratoye Faustin Twagiramungu muri 2003 naho muri 2010 bagatora Dr Ntawukuriryayo J.D, abeshyera n’umunyamerika-kazi kuko atumva ikinyarwanda ngo amunyomoze !!!

    Iyi nyandiko yaciye bwa mbere kuri Shikama kuri 13/1/2014

Umutwe wawe urakubwira ko ari nde ugiye
 kwica none ngo ubone ibitotsi?

Ejo ku cyumweru mu Rwanda habaye ikintu cyatunguye abaturage ubu bakaba bifashe mapfubyi bibaza uko byagendekeye Nyirigitinyiro mu Rwanda hose ariwe Nyakubahwa Paul Kagame. Ubusanzwe iyo abantu bagiye mu isengesho baba bagiye kwigorora n’Imana na bagenzi babo ku mpamvu buri wese yakumva kandi bitamugoye.

Mu isengesho abantu banoza imitekerereze y’umutima-nama wabo bakawuhuza n’ukuri kw’ibintu. Uku kuri kw’ibintu ni nako kubyara ukuri kw’ibiriho n’ibyahise maze umuntu akisubiramo mu mutima we. Mbere y’uko wumvikana na rubanda uba ukwiye kubanza kumvikana n’umutima wawe bwite ku buryo muhamanya ko ibyo ukora ari bizima kandi ntawakwibeshya na busa.

INYANDIKO ZO MU BUBIKO.Ubuhamya n'isesengura: Mbagurunuka Pawulo araduha ubuhamya bw'ibyamubayeho mu ntambara y'Inkotanyi n'uko abahutu bayobotse FPR yabirengeje imaze gutsinda urugamba

Iyi nyandiko yaciye bwa mbere kuri Shikama kuri 11/1/2014

Abanyarwanda bagomba kwihagararaho 

imbere y'ubwicanyi bwa Kagame

 nkuko inzovu zibikora kuri ba Rushimusi

 kuko tugeraniwe nkazo!

Muri amahoro?

Reka nse nkubibwiraho gato ariko bitari 100% kugirango ntinyuramo. Ibimbitewe  n’ibibazo bamwe bajya bibaza  kuwo naba ndiwe, ariko igihe kizagera wenda menyekane ntawamenya.

Ndi umunyarwanda w’umunyenduga w’umututsi utavangiye,  nk’aba imfubyi ya Jenoside n’imfubyi ya RPF muri gahunda yayo ya Fanyiziya(nshatse kuvugako inshuti zanjye nyinshi mugisirikare  zishwe n’abacu ubwacu).

Ndi  umusirikare wa RDF , ninjiye muri 1992 (ukwezi n’ibanga) . Kubera  ubunajua, kuba clever kw’abanyendunga cyane cyane b’Abatutsi, no kuba naravugaga ikinyarwanda neza cyane, igiswayile, n’igifaransa ngerageza kandi nkaba narimfite n’abenshi mu muryango binjiye munkotanyi  kuva 1991, l’intégration ntiyangoye nagato, bituma mba no muri services zimwe na zimwe nziza.  

INYANDIKO ZO MU BUBIKO. Rwanda. IYO MANA YAMWIGISHIJE KUVUGA IYO AYISABA NK'UMWAMI SALOMON/ NKUSI Yozefu

Iyi nyandiko yahise bwa mbere kuri Shikama kuri 9/3/2014

Uratangara nusoma inkuru ikurikira ugasanga ko Kagame buri gihe akora udushya muri ya Masengesho we n'Agatsiko ka FPR n'inyakwaha zayo bakora mu ntangiriro za buri mwaka ngo agamije gusengera igihugu! Iyi niyo nyandiko ya mbere nasohoye ku rubuga Shikama.fr rugishingwa kuri 12/6/2013. Utarumvise ibyo Kagame yivugiye kuri 14/1/2014 muri ya ngirwamasengesho mvuze hejuru, yavuga ati nyiri iyi nyandiko ntashyigikiye abasenga; ntabwo ari uko bimeze. Nkuko uri bubyisomere, umuntu ufite igihugu ku mutwe we nka Kagame utinyuka akajya imbere ya za Nkomamashyi akihandagaza akavuga ngo arashima Imana ko asigaye azi kuvuga, abashatse kubumbura umunwa  bavuga akarengane kari mu Rwanda yarabohereje kwa Nyamuzinda abandi akabohereza muri gereza, abasigaye akabamenesha ndetse akabakurikira n'aho bamuhungiye ngo abatsindeyo si uwo kwihanganira. Ese imvugo nk'iyi koko ikwiye kuvugirwa aho yavugiwe n'ababwirwaga bakayiha amashyi y'urufaya nkuko babikoze kuri 14/1/214, ababwiye ko agiye kurimbura mu gihe gito abamuhunze bose!  Isomere nawe wumve uko u Rwanda rwagendesheje.

Nkusi Yozefu

Shikamaye.blogspot.no

Shikama ku Kuri na Demukarasi(SKUD)

INYANDIKO ZO MU BUBIKO. Rwanda.MUNYANGIRE YA KAGAME ITUMYE BASHIKI BA RUJUGIRO NABO BAHUNGA IGIHUGU

      Iyi nyandiko yaciye bwa mbere kuri Shikama kuri 14/1/2014

Tribert Ayabatwa Rujugiro arasaba Imana

Mwongeye  kwirirwa nshuti nza abasomyi ba shikama.fr ?Ariko nanone sinabura kuvuga ngo mwaramutse ku bavandimwe, Abasomyi ba shikama.fr bari kumpembe zi isi zitandukanye zidahuje amasaha ! That is how it is. Nshuti zacu, muri iyi minsi nkunze gusoma kandi ngasesengurana ubuhanga buhanitse ibinyamakuru byaba ibya leta ibitigenge(byaba ibyo mugihugu cyangwa ibyo hanze).

Mu nkuru rero zimaze iminsi zibica harimo urupfu rwa kizigenza Col. Patrick,byakurikiwe ni ibikwa rya Gen Kagame.Ibi byose byakurikiranwe nabyo ni iterana magambo ritandukanye.Nko kwi ibikwa rya kagame ho aba congomani ntibatinye kwerekana what they think. Ariko jye si ibi byanzinduye kuku byavuzwe so much more Nku uko natangiye uyu mutwe wi iyi nkuru(MUNYANGIRE YA KAGAME ITUMYE BASHIKI BA RUJUGIRO BAHUNGA IGIHUGU)

INYANDIKO ZO MU BUBIKO. Diana KAMUNTU aramagana se Perezida Museveni. Ese ibi ntibyabera urugero abana ba Kagame ngo bamagane ubwicanyi bwe n'imiborogo akomeje gushoza mu karere?

 

Diana KAMUNTU

Iyi nyandiko yaciye bwa mbere kuri Shikama kuri 2/3/2014
Ntibisanzwe ko abatware bari ku ngoma hirya no hino ku isi bamaganwa n'abo bibyariye cyangwa bashakanye. Muri Afrika ibi duheruka kubibona muri Afrika y'Epfo aho Winny Madikizela Mandela  wahoze ari umufasha wa Nyakwigendera Madiba Nelson Mandela, kutabona kimwe icyerekezo cya Politike mu kuyobora Afrika y'Epfo, byateye kutumvikana hagati ye n'umugabo we, biza kuririraho n'ibindi bibazo by'umuryango, ibintu bigera mu nkiko kugeza batandukanye burundu. Ahandi habaye ikibazo nk'iki ni muri Qatar, igihugu cy'abarabu cyavumbuye peteroli mu mpera za 1960, uwari igikomangoma Sheikh Hamad Bin Khalifa Al-Thani ahirika se afata ubuyobozi bw'igihugu, akiyobora by'intangarugero ku buryo bunyuranye n'ibindi bihugu by'abarabu. Iki gihugu cyahise gikataza mu iterambere mu nzego zose twavuga nk'itangazamgauru rirangajwe imbere na Al Jezira, gutwara abantu mu ndege, ubucuruzi, n'ibindi. Ikindi ni uko uyu mugabo amaze gushyira ibintu mu buryo, nubwo yari akiri muto, yasezeye ku butegetsi, aha inkoni y'ubushumba abakiri bato.

Umukobwa wa Kaguta Museveni Diana KAMUNTU nawe yaba agiye gukora nk'uwari igikoma cya Qatar kuko atangiye kunenga se Museveni ku mugaragaro kubera politike ye idashyira imbere inyungu z'abaturage.Iki ni ikintu cyiza akoreye abaturage ba Uganda, umuryango we, nawe ubwe atisize kuko ejobundi Museveni niyitahira nibo bazasigara baryozwa amafuti ya se. Ibi bikaba bitandukanye n'ibyo musaza we Brig. Mohoozi Kainerugaba akora, usigaye yarahindutse Nziza (Tuzi) w'Abagande n'icyitso cya Kagame mu kunyereza, guhohotera no kwica abanyarwanda bahungiye ingoma y'Agatsiko ka Kagame muri iki gihugu.  Diana KAMUNTU nabere urugero Cyomoro cya Kagame, maze aho guharanira amapeti azarangirana n'ingoma ya se, akore uko ashoboye yamagane ku mugaragaro ubwicanyi bwa se, intanbmbara ze z'urudaca mu karere, kunyereza umutungo w'igihugu, no kubiba inzangano mu banyarwanda.

NKUSI Yozefu

shikamaye.blospot.no
Shikama ku Kuri na Demukarasi(SKUD)

INYANDIKO ZO MU BUBIKO. Rwanda.Ikibazo cya ELECTROGAZ / EWSA cyongeye : Kagame n’agatsiko k’abasahuzi be, nyuma y’uko SHIKAMA tubabujije amahwemo ku bujura bakoreye abanyarwanda ku mashanyarazi, ubu noneho batangiye amayeri yo gushakira indamu y’iyi si muri mubazi z’amazi mu gihugu hose./Udahemuka Eric

                           Iyi nyandiko yaciye bwa mbere kuri Shikama kuri 4/3/2014

Pr Silas Lwakabamba n'abafasha be

Ubu ni ubwa kane muri SHIKAMA twandika inkuru kuri ELECTROGAZ yaje guhinduka RECO-RWASCO ubu ikaba yitwa EWSA nayo igiye guhindurirwa izina mu minsi mikeya kuko inama y’abaminisitiri yamaze gufata icyo cyemezo cyo kongera kujijisha abaturage iyihindurira izina mu gihe bitari ngombwa.

Ubuheruka twavugaga ko umuyobozi mushya wa EWSA witwa KARITANYI Jules akaba n’umugabo w’Ambasaderi w’u Rwanda muri KENYA yatanguranwe n’umushyikirano wa 2013 atangaza ko bakuyeho amafaranga yishyurwaga n’abaturage nk’ubukode bwa mubazi y’amashanyarazi buri kwezi.

ITANGAZO: URUBUGA RWO GUTANGA IBITEKEREZO BYANYU(KOMANTERI) KURI SHIKAMA NSHYA RWABONETSE/NKUSI YOZEFU

Basomyi ba Shikama,

Benshi muri mwe bagiye batwandikira ndetse bakanadutelefona badusaba ko babona aho bashyira ibitekerezo byabo. Ubu hari uburyo bubiri bwo gutambutsa ibitekerezo byawe kuri SHIKAMA nshya.

1. Gutanga igitekerezo uciye ahagenewe Komanteri. : Si ngombwa kwiyandikisha, ukora nk'uko ubigenza ku zindi mbuga: akazina k'agahimbano na imeli(email) yawe(ntabwo igaragara ku rubuga)

2. Gutanga igitekerezo uciye kuri  Forumu(IHURIRO). : ibi bisaba kwiyandikisha, hari abarenga 13,000 bamaze kwiyandikisha.

Icyitonderwa:

Uko komateri zanyu zizagenda ziba nyinshi, niko Shikama izagenda ibagezaho inyandiko nyinshi, uko zizaba nkeya ninako Shikama izagenda ibageza ho inyandiko nkeya.

Mukomeze muryoherwe na SHIKAMA

Nkusi Yozefu

www.ki.shikamaye.net