KIZITO – Ndifuza ko nahabwa amahirwe

---

Kuri uyu wa kane, tariki 28 Mata, Urukiko rw’ibanze rwa Kacyiru ruherereye i Kibagabaga rwakomeje urubanza ubushinjacyaha buregamo umuhanzi Kizito Mihigo, na bagenzi be Cassien Ntamuhanga, Dukuzumuremyi Jean Paul na Niyibizi Agnes ku ifunga n’ifungura ry’agateganyo. Kizito akaba yakomeje gusaba imbabazi ndetse arifuza gufungurwa agakosora amakosa yakoze. Umwanzuro ukaba uzafatwa kuwa mbere w’icyumweru gitaha.

Kizito Mihigo mu rubanza rwe none

Uru rubanza rwatangiye kuwa mbere ariko ruza gusubikwa kuko Kizito na Ntamuhanga bari basabye umwanya wo gushaka abunganizi mu mategeko.

Kuri uyu wa kane, Kizito Mihigo niwe wenyine wazanye abamwunganira babiri, aribo Bigaraba Rwaka John na Nsengabiro Felix, mu gihe mugenzi we Ntamuhanga atamubonye kuko ngo uwo yari yabonye yananiwe kumvikana n’umuryango we ku bihembo azahabwa.

Nyuma yo kubasomera ibyaha bashinjwa birimo Icyaha cyo kugirira nabi ubutegetsi buriho cyangwa Perezida wa Repubulika, Ubugambanyi bwo kugirira nabi ubutegetsi buriho cyangwa Perezida wa repubulika, Ubufatanyacyaha ku cyaha cy’iterabwoba, n’Ubugambanyi. N’icyaha gucura umugambi w’ubwicanyi Mihigo Kizito yihariye wenyine.

Abunganira Kizito Mihigo basabye ko urubanza rwabera mu muhezo kuko ari urubanza rukomeye kandi ruvuga ku bijyanye n’umutekano w’igihugu.

Ibi ariko ntiyabyumvikanaho n’umushinjacyaha kuko we ahubwo yavuze ko kuba bijyanye n’umutekano w’igihugu aribyo byatuma rujya ku karubanda kuko abaturage bakeneye kubimenya.

Urukiko rufata umwanzuro ko rukomeza kubera ku karubanda kuko nta mpamvu zifatika abunganira kizito bagaragaje.

Abaregwa bagejejwe mu rukiko bakuweho amapingu mbere yo kuburana.

Ubushinjacyaha bwasobanuye icyo Kizito na bagenzi be bashinjwa

Umushinjacyaha, Budengeri Boniface yavuze ko Kizito yari azi neza umugambi w’ibitero bitegurwa ku Rwanda, umugambi wo kwivugana Perezida Paul Kagame n’abandi bayobozi bakuru, umugambi wo guhungabanya umutekano, umugambi wo guhirika ubutegetsi buriho n’ibindi.

Ibi akabishimangira yifashishije ibiganiro Kizito yagiranye n’umuntu ngo wo mu ishyaka rya RNC witwa Sankara nk’uko wabisanga muri izi nkuru : Uko Kizito Mihigo yagambaniye Perezida Kagame na Niba Kizito yashukwa ni inde utashukwa? 

Naho Umunyamakuru Ntamuhanga Cassien we wari warashinzwe gukora ubuvugizi, gutera inkunga abantu bagiye mu bikorwa byo guhungabanya umutekano, n’ibindi.

Ibi ubushinjacyaha bukabigaragariza mu biganiro na we yagiranye n’abantu bo muri RNC, ndetse akaba yaranatanze amakuru kuri bamwe mu bayobozi b’igihugu ndetse n’amafaranga yahembwe uwari gutera garinade ahantu hatandukanye  Mujyi wa Kigali, by’umwihariko ku nyubako ndende mu Mujyi wa Kigali izwi nka “Kigali City Tower”, kuri Station ya lisansi y’imbere ya gare i Remera n’iy’imbere ya gare ya Kimironko, no ku isoko rya Kijyambere rya Nakumaat n’ibindi.

Umushinjacyaha kandi yagaragaje ibihamya ko Dukuzumuremyi Jean Paul ariwe wagombaga gutera izo izo garinade.

Gusa anagaragaza ko bose bari bazi umugambi w’intambara n’ibitero byategurwaga ku Rwanda, igurwa n’imyiteguro yo gutera za garinade, iyubakwa ry’urubyiruko rujya mu itsinda ry’impinduramatwara “New Generation for revolution” ryangombaga gukorera muri Tanzania rikayoborwa na Kizito n’ibindi.

Umushinjacyaha asaba ko abaregwa baba bafunzwe by’agateganyo iminsi 30 kuko ibyaha bashinjwa bikomeye cyane bityo bakaba bashobora gutoroka bageze hanze kugira ngo bacike ubutabera cyangwa ibihano bashobora guhabwa kandi ngo bashobora no kwica iperereza rigikomeje.

Umucamanza Gasana Jean Damascene yahise aha abaregwa kugira ibyo biregura mbere y’uko hafatwa umwanzuro.

Kwiregura kwa Kizito

Kizito Mihigo n’abamwunganira, ari nabo bigaragara ko bazafata umwanya munini muri uru rubanza, yavuze ko yemera amagambo yose ubushinjacyaha bumushinja ko yavuganye n’abayobozi ba RNC.

Kizito ariko yongera gushimangira ko amagambo yavuze ari amagambo nyine, nta mugambi mubisha yari afite dore ko ngo yamye arangwa n’ibikorwa by’amahoro.

Kizito avuga ko nta bushake yari afite bwo kugirira nabi Perezida uretse ko n’amagambo yemeza ko yuzuyemo ubugome, akaba abyicuza.

Kizito avuga ko yumvise iby’intambara akomeza gukurikirana kugira ngo yimenyere amakuru, hashize ibyumweru bibiri ahagarika ibiganiro yagiranaga n’umuntu wo muri RNC, ndetse anamubuza kuzongera kumuvugisha.

Kizito yabwiye urukiko ko yaguye mu ikosa ry’abantu bashakaga gukoresha isura ye mu bikorwa byabo, ariko nta gikorwa na kimwe cyabo yigeze ajyamo dore ko ngo banamusabye kenshi guhunga akabyanga.

Kizito Mihigo yisobanura imbere y’umucamanza.

Kizito yasabye ko amagambo ye atafatwa nk’ay’umuntu washakaga kugambanira ubutegetsi buriho kandi bizwi ko yamye ashyigikira gahunda zose za Leta, yaba mu buhanzi bwe n’ibikorwa bye by’umuryango uharanira amahoro yari yarashinze.

Uku guharanira amahoro yagushimangiye, asobanura uburyo mu biganiro yagiranye n’umuntu wo muri RNC, yamubwira ko bashaka gukora intambara ngo bakureho Perezida Kagame, akamusaba ko baza bakica Perezida gusa aho kugira ngo igihugu cyongere kubamo intambara.

Ati “Nasebeje Abanyarwanda, n’icyizere bari bamfitiye ndasaba imbabazi ku Mana n’abantu.”

Kizito Mihigo yavuze ko amaze iminsi yitekerezaho asanga yarahemutse, by’umwihariko agahemukira Perezida wa Repubulika n’ukuntu yamufashije.

Kubw’ibyo ngo arasaba imbabazi buri wese ndetse ngo arifuza umwanya agakosora amakosa yakoze kandi akerekana ko amakosa yakoze ataruta ibyiza yakoze, kandi ngo abonye uwo mwanya yakwikosora ntiyapfusha ubusa.

Me Bigaraba, umwunganira kimwe na mugenzi we bafatanyije babanje gusaba ko dosiye y’umukiliya wabo Kizito yatandukanywa ba bagenzi kuko we ashinjwa amagambo, kandi bo bashinjwa gutegura guhungabanya umutekano w’igihugu, bakaba bamwe baratanze amafaranga(Ntamuhanga), abandi bakajya gutozwa na FDLR uko bazazitera (Dukuzumuremyi) n’abayatanze bakajya no gusura ibirindiro bya FDLR (Niyibizi).

Bityo ngo ibyo bashinjwa ntibihuye n’ibyo we ashinjwa, basaba ko batandukanywa.

Ikindi abamwunganira bavuze ko kuba nta kigaragaza ko Kizito ari umurwanashyaka wa RNC cyangwa FDLR uretse amagambo yavuze gusa, ngo bitanshingirwaho mu kumushinja ibyaha ubushinjacyaha burimo kumushinja.

Abunganira Kizito banenze ubushinjacyaha kuba bwarafashe ibiganiro Kizito yagiranye n’umuntu wo muri RNC kuri Whatsap na Skype bakabiha inyito y’ibyaha itariyo, basaba urukiko gushakira ibyo Kizito yakoze inyito itari iyo ubushinjacyaha bwatanze.

Kubwabo ngo byari bikwiye kwitwa gusebanya no gutuka ubuyobozi buriho, kandi nabyo kuko atabikoreye mu ruhame nk’uko itegeko ribivuga, ngo uru rubanza rw’ibanze rukwiye guhita ruhuzwa n’urubanza mu mizi, umukiliya wabo akarekurwa kuko ari umwere.

Me Bigaraba Rwaka John arimo asaba urukiko kurekura umukiliya wabo.

Kwiregura kwa Ntamuhanga

Kuri Ntamuhanga Cassien wasobanuye ko aziranye n’umuyobozi muri RNC, uzwi nka Sankara kuva kera mu mashuri yisumbuye.

Gusa ngo yaje kumwinjiza mu bikorwa by’iryo shyaka mu mwaka ushize, anasobanura uburyo we yagiye amenyeshwa umugambi RNC yari afite wo kwihorera kuri Leta y’u Rwanda bakica umusirikare mu ngaboz z’u Rwanda Jacques Nziza, umupolisi Dan Munyuza, Minisitiri w’Ububanyi n’amahanga Louis Mushikiwabo kuko ariyo ngo yishe umuntu wabo Patrick Karegeya.

Ntamuhanga yaje kubabwira ko abo bose bigoye, bafata umugambi wo kwica Depite Bamporiki Eduard kuko ngo ariwe wazanye gahunda ya Ndi Umunyarwanda, ariko ngo urupfu rwe rwakongera rukanagumura abahutu mu gihugu bagahunga cyangwa hakaba imyivumbagatanyo.

Akaba ari nawe watanze amafaranga ibihumbi 200 byo guhemba Dukuzumuremyi Jean Paul nk’umushahara w’ibanze (avance) kugira ngo atere garinade mu bice twavuze haruguru nk’uko yari yabyumvikanyeho na bamwe mu bantu bo muri FDLR bahuriye muri Uganda.

Ntamuhanga yabwiye urukiko ko byose yabikoraga nta mugambi, asaba ko atafungwa by’agateganyo kuko adashobora gucika ubutabera kuko n’ubundi amakuru ubushinjacyaha burimo kwifashisha bumushinja ariwe wayatanze kandi ngo akaba afite n’umuryango, n’abana icyenda (9) b’imfubyi arere.

Ati “Ahubwo ubu bagiye gusubira ku ishuri, mundekuye n’iyo mwanshyiraho amabwiriza y’uko najya nitaba urukiko buri munsi mwaba mumfashije.”

Ntamuhanga Cassien yisobanura imbere y’umucamanza.

Kwiregura kwa Dukuzumuremyi

Dukuzumuremyi Jean Paul, wagombaga gutera garinade, ndetse akaza no kubihererwa amahugurwa n’umusirikare ba FDLR bahuriye muri DRC, ndetse nyuma akajya no mu Burundi kugura garinade azakoresha mu bitero ahantu havuzwe haruguru.

Dukuzumuremyi wahoze ari umusirikare akaza kukivamo muri 2005, Yasabye imbabazi, Abanyarwanda na Perezida wa Repubulika kuko ngo atatekereza kugirira nabi umuntu wamugiriye neza (Perezida), ahubwo ngo yishakiraga igihembo cy’amafaranga miliyoni eshatu (3 000 000 Frw) yari yemerewe gusa.

Niyibizi we yavuze ko yabigiyemo atabizi

Naho Niyibizi Agnes, we wakoraga nk’umubitsi w’amafaranga akoreshwa mu bikorwa byo guhungabanya umutekano, yemeye ko yabigiyemo abijyanywemo na Iyakaremye Jean Damascene babyaranye mbere y’uko yinjira muri FDLR mu mwaka wa 2011.

Niyibizi ariko yisobanuye avuga ko umugabo we yabimujyanyemo azi ko ari umucuruzi muri Uganda. Nawe asaba imbabazi Abanyarwanda na Perezida wa Repubulika, ari nayo bose basa n’abahuriyeho.

Nyuma yo kumva ibitekerezo byo ku ruhande rw’abaregwa bose n’ubushinjacyaha, urukiko rwafashe umwanzuro ko rugiye kwicara rukabisesengura, hanyuma rukazatangaza umwanzuro ku ifungwa n’ifungurwa, kuwa mbere w’icyumweru gitaha tariki 28 Mata, aho urubanza rwabere Kibagabaga.

Mu cymba cy’Urukiko hari abantu benshi

Hanze naho bari buzuye ariko noneho baterewe intebe

Abaregwa uko ari bane ibyaha byabo Ubushinjacyaha buravuga ko bihuriye ku gufatanya na RNC nayo ifatanya na FDLR mu gushaka guhirika ubutegetsi bw’u Rwanda

Umwe muri babiri bari kunganira Kizito

Kizito Mihigo arasaba umwanya ngo akosore amakosa yakoze

Jean Paul Dukuzumuremyi yemera kujya muri Congo kubonana na FDLR no kugura grenades i Burundi ariko ko atari kuzitera ahuwbo yishakiraga amafaranga

Niyibizi Agnes avuga ko we atazi neza impamvu y’amafaranga yahawe na Cassien nawe akayashyikiriza Dukuzumuremyi, aya ngo yari avance ya 300 000Rwf kuri miliyoni eshatu yari yaremerewe

Arareba mu nzandiko z’urubanza rwe

Urubanza rurangiye, abaregwa ubona bacyeye mu maso, bagiye gusubizwa aho bafungiye

Abantu benshi hanze bategereje kureba Kizito na bagenzi be basubijwe aho bafungiye

Urubanza rurangiye umuhanda wari wuzuye abantu bataha

Kamanzi Vénuste

UMUSEKE.RW

umva uko www.igihe.com ivuga uko ibintu byari bimeze ku buryo butandukanye n'ubwo hejuru!

Kizito Mihigo na bagenzi be basabiwe gufungwa by’agateganyo iminsi 30

Yanditswe kuya 24-04-2014 - Saa 19:22' na Olivier Rubibi

• 
  

Umuhanzi Kizito Mihigo n’abo baregwa hamwe, Ubushinjacyaha bwabasabiye ko bafungwa iminsi 30 kuko baregwa ibyaha bikomeye ndetse bakaba bashobora no gutoroka ubutabera.

Ubwo urubanza ruregwamo Kizito Mihigo, Umunyamakuru Ntamuhanga Cassien, Umunyeshuri akaba n’umukozi muri Edition Bakame Niyibizi Agnes na Dukuzumuremyi Jean Paul bageraga imbere y’Urukiko rw’Ibanze rwa, Umushinjachaha Budengeri Boniface yasabye ko baba bafunzwe iminsi 30 iperereza rigakomeza gukorwa neza bakirinda ko batoroka ubutabera kubera ibyaha bose bakurikiranweho, ibyaha bikomeye birimo no gushaka kwica Perezida Paul Kagame.

Ubushize urubanza rwari rwimuriwe kuri uyu munsi kuko Kizito yari yasabye ko yabona umwunganira mu mategeko nyuma yo gutenguhwa n’uwa mbere yari yashatse. Ubu yagaragaye mu rukiko afite abamwunganira babiri, ariko abandi baregwa hamwe bavuze ko baziburanira.

Urukiko rwahaye umwanya uruhande rw’Ubushinjacyaha, n’uruhande rw’abaregwa.

Urw’abaregwa rwo, cyane cyane Kizito Mihigo yongeye kwemra ko ubutumwa bwagaragajwe ko yandikiranye n’abo mu mutwe urwanya Leta y’u Rwanda, RNC, ari byo, ariko avuga ko hari ibitaragaragajwe birimo ubutumwa bugaragaza ko atari afite umugambi wo guteza intambara ndetse no kwica bamwe mu bayobozi bakuru b’igihugu, barimo na Perezida Kagame.

Kizito yavuze ko yahatiwe inshuro nyinshi guhunga igihugu ariko ngo aranga, ari nacyo cyaje gutuma uwo bita Sankara muri RNC babipfa, Kizito amusaba ko atazongera kumwandikira kuko ngo amutesha umutwe. Abunganira Kizito basabye ko barekurwa, bakajya hanze bemye.

Umushinjacyaha Budengeri yagaragaje uruhare rwa buri muntu mu mugambi wo gushaka kugambanira u Rwanda no gushaka guhitana bamwe mu bayobozi b’igihugu barimo Perezida Pau Kagame, abasirikare bakuru barimo Gen. Jacques Nziza, Col Dan Munyuza n’abandi banyapolitike barimo Minisitiri w’Ububanyi n’amahanga, Louise Mushikiwabo ndetse na Depite Bamporiki Edouard.

Umushinjacyaha yavuze ko ibi byose bikubiye mu butumwa umuhanzi Kizito Mihigo yagiranye na Sankara abinyujije mu kuri WhatsApp no kuri Skype.

Umunyamakuru Ntamuhanga Cassien wakoreraga Radiyo Amazing Grace nawe ngo yakoranaga n’abayoboke ba RNC nabo bafite umugambi wo kubafasha mu Rwanda hakaba impinduka mu buyobozi, Abanyarwanda ngo bakarenganurwa.

Umushinjacyaha yakomeje avuga ko umusore bita Nganji Alipe na Niyomugabo Gerald aribo bahuje Ntamuhanga na Sankara batangira kuvugana uburyo Ntamuhanga yabafasha bakabohora u Rwanda.

Sankara yasabye Ntamuhanga ibintu bitatu birimo kuzajya akora uko ashoboye nk’umunyamakuru akavuganira abasore ba RNC na FDRL kugira ngo nibafatwa bazajye bajyanwa mu butabera aho kwicwa, yamusabye na none kuzajya afasha abari i Kigali mu kubaha amafaranga, kujya aho bajya gutera gerenade no kumushakira abasore bo gukoma imbarutso ahereye mu basirikare b’Ingabo z’u Rwanda RDF, kuko bamubwiraga ko 70% byabo ari ababo.

Ntamuhanga yasabwe kandi gushaka uburyo babona impozamarira ( kwihorera) ku rupfu rwa Patrick Karegeya, nabo bakica Gen. Jacques Nziza, byakwanga akabafasha uburyo Minisitiri w’Ububanyi n’Amahanga, Mushikiwabo yakwicwa cyangwa Depite Bamporiki akaba yakwicwa.

Bavugaga ko Bamporiki yishwe byagira ingaruka za Politike kuko Abahutu babona ko byakomeye bagahunga.

Dukuzumuremyi Jean Paul, we ngo yari ashinzwe kuzajya atera gerenade nyuma akishyurwa amafaranga, mu gihe Niyibizi Agnes we ari we watangaga amafaranga yo kugura ibikoresho.

Bisobanura ku byo baregwaga, Kizito Mihigo yavuze ko ibyo bavuga byose ari ukuri, ariko ko byose byari mu magambo akaba nta bitekerezo yigeze agira byo kwica Perezida Kagame, akaba ari nayo mpamvu yasabaga Sankara ko niba bashaka gukora impinduka bayikora ariko bakirinda ikintu cyakongera guteza intambara ngo abaturage bapfe.

Kizito Mihigo yavuganaga agahinda yageze n'aho arira mu rukiko

Umwunganizi wa Kizito Mihigo Me Bigaraba Rwaka John yasabye urukiko ko rwarekura Kizito agataha kuko ari umwere ati “Ibintu byose yakoze yabikoze mu magambo kandi ntaho amategeko ahana y’u Rwanda agaragaza ibihano bihabwa umuntu uhana n’undi ibitekerezo. Ibikorwa nibyo byari kugaragazwa hano Kizito akabihanirwa .”

Me. Bigaraba Rwaka John yakomeje avuga ko abantu bose barebye ibitekerezo byabo nta muntu wazongera gusuhuza undi ati ; “ Abantu dutekereza nabi”.

Umunyamakuru Ntamuhanga nawe yavuze ko ibintu yavuze byose atigeze atekereza kugirira nabi igihugu, ndetse asaba ko yarekurwa agakurikiranwa ari hanze, ngo akabona uko akomeza kurera barumuna be icyenda, akanabashakira uburyo basubira ku ishuri. Ibyo yabivugaga yizeaza ko atatoroka.

Dukuzumuremyi Jean Paul we yasabye urukiko ko arirwo rwafata umwanzuro rukurikije ibyo aregwa.

Niyibizi Agnes yasabye ko atafungwa iminsi 30 kuko ari umunyeshuri bikaba byamubangamira mu masomo ye. Urubanza ruzasomwa kuwa Mbere w’icyumweru gitaha saa munani z’amanywa.

Nk’uko bisanzwe uru rubanza ruri guhuruza imbaga, icyumba cy’Urukiko cyari cyuzuye no hanze hari hashyizwe indangururamajwi mu gufasha abatabonye uko binjira.

Ibyo twabasomeye

1.SHIKAMA EN FRANCAIS

Inzu ndangamuco y'ubufransa gufunga imiryango  i Kigali

ikinyamakuru cyanditse kuri iyi nkuru musoma ku rubuga rwa shikama mu gifransa,kiraravuga ko iyi nzu ndangamuco yari i Kigali mu mujyi rwagati , ikaba yari ku buso bunini. U Rwanda rukaba ruvuga ko ubutaka iyo nzu irimo budakoreshwa neza. Bityo, ikaba igomba kuhava hakubakwa amazu agezweho( wasanga Kagame na Kabarebe bashaka kuhazamura indi miturirwa!,). Shikama irashishikariza Rutaremara na Mudidi kahafata ibibanza rugikubita bakareka kujujubya impfubyi n'abapfakazi mu dushitu tw'amasambo twabo.

Akarengane, gutwara abantu n’ubutabera. Abatuye umujyi wa Kigali n’abawutembereramo barinubira akarengane n’iyica-rubozo bakorerwa mu ngendo bakora bifashishije imodoka YUTONG za K.B.S n’ubwo zahinduriwe moteri ariko zigahamana intebe zavanye mu Bushinwa zikaba zibatwara bahekeranye nk’inka ziri mu ikamyo ya FUSO zigiye i Cyangugu.

Richard Kandt( Kanayoge),umudage waje
ashaka isoko ya Nile akaza no kuba
rezida wa mbere mu Rwanda

Umujyi wa Kigali wagiye utera imbere guhera mu ishingwa ryawo mu mwaka w’1906 ushinzwe na Dr Richard KANDT. Uyu mudage yari atuye mu Gakinjiro ahabatijwe kwa Kandt kubera uruhare rukomeye yagize mu gutuma Kigali ibaho.

Abasaza bakuze cyane kandi bazi Kigali mu myaka ya za 1945 iyo bagutekerereje uko Kigali yasaga icyo gihe wumva ugize amatsiko no kwifuza ko amateka yasubira inyuma ngo wibone muri icyo gihe ariko kuko bidashoboka kubitekereza byaba ari uguta igihe mu buzima no kwibabariza umutwe n’umutima ku busa.

Muri icyo kiganiro abo basaza bambwiye ko ku Muhima ubundi hitwaga ku Muhima w’impyisi ngo kuko habaga impyisi nyinshi ku buryo iyo wahanyuraga uri umwe zakuvuniraga umuheto. Abanyarwanda bajyaga guhaha i Bugande bagombaga kugenda mu masibo (amatsinda) kugira ngo izo nyagwa z’impyisi nizumva umurindi wabo zigire ubwoba maze zihunge.

Ibinshengura umutima. Ntabwo ari Kagame uhohotera impfubyi gusa mu karere, na Museveni ntazoroheye ku buryo ubu hari agakobwa k'impfubyi kiga mu wa gatanu w'amashuri abanza gafunganywe na nyina kazira ko kahaye ibaruwa Museveni!

Ibya aka kana k'agakobwa  kiga mu wa gatanu w'amashuri abanza kuri Kanyaryeru, i Nyabushozi, muri District ya Kiruhura muri Mbarara iwabo wa Museveni, bimeze nka ba bandi bagiraga bati:" ya mabati mwatwemereye, amaso yaheze mu kirere". Abari mu Rwanda icyo gihe muribuka uwo babwiraga! Ni Kinani.

Uyu mwana nawe w'impfubyi, Museveni ngo yari yaramwemereye ko azabagurira isambu, akabubakira akazu ko kwikinganamo na nyina umubyara, akanamurihira n'amashuri. Icyizere rero cyaje kuraza amasinde maze ibyo yemerewe bimera nka ya mababti!

Umwana sinzi uko yarikandagiye ko Museveni azaba ari ahitwa Ntare School mu nama bise old boys school. Ni inama ihuza abaherwe bose bize muri iryo shuri( Shikama yamenye ko Kagame ashobora kuba yariyo akaba yaranatanze  miliyoni 25 z'amanyarwanda. Abanyamakuru bacu bariho barashakisha niba iyi nkuru ari impamo, tuzabibagezaho ku buryo burambuye).

Ibyo twabasomeye

Fawusitini Twagiramungu Rukokoma aherutse kuvuga ati " hari uwaririmbye ngo twaza mwajya he? Ati  nanjye ndabaza nti twiyunze mwajya he?

Hari umukongomani nawe uyu munsi wasohoye inyandiko irambuye isa n'isubiza iki kibazo cya Twagiramungu! Dr Fernand Mutabwiti Enkunu yahaye inyandiko ye umutwe ugira uti: 

"UGUKORERA HAMWE KW'ABARWANYA UBUTEGETSI BW'IGITUGU BW'I KIGALI KWATEYE ICYOBA GIHANITSE KAGAME". Muri iyi nyandiko aravugamo ibi bikurikira:

Mbere ya Maitre Evode, hari undi mushakashatsi witwa Bjom Willum wo muri Kaminuza ya Denmark wavumbuye muri 2001 ko Leta Kagame ayoboye atari Leta ahubwo ari agatsiko k'amabandi we yita Mafiya kagamije kwigwizaho umutungo gakoreshe uburyo ubwo aribwo bwose : imisoro, inkunga z’amahanga n’intambara ya Republika iharanira rubanda ya Congo. Ni uko FDLR yabereye Kagame igisubizo.

                        

Abanyarwanda tumaze igihe kinini tubwirwa n’abategetsi bacu ko hari umutwe w’iterabwoba ugizwe n’abajenosideri witwa FDLR uri muri Republika iharanira Demokarasi ya Congo. Urwanda rwakoze intambara zirenga ebyiri muri 1996, na 1998 byitwa ko rushaka gusenya uwo mutwe. Haje kubaho yewe n’ ibitero Urwanda rwahuriyemo na Republika iharanira rubanda ya Congo : “Umoja wetu na Amani leo” hagamijwe gusenya uwo mutwe nanone. Igitangaje rero ni ukuntu, abanyarwanda bose bariho bafungwa , ari abanyamakuru, abasirikare, abasivile bose bariho bashinjwa gukorana n’uwo mutwe! Ese nkuko byagiye bivugwa mu nyandiko nyinshi,aho Kagame impamvu adashaka gushyikirana na FDLR nkuko amahanga abimusaba si uko azi ko ikibazo cy'uyu mutwe ari iturufu yo kujya kwiba amabuye ya RDCongo amufasha kurushaho gukira vuba no gukomeza intambara mu karere k'ibiyaga bigari by'Afrika? Igisubizo kuri iki kibazo, turagihabwa n'ubushakashatsi bwakozwe n'umuyeshuri wo muri Kaminuza ya Denmark wemeza ko u Rwanda ruyobowe n'agatsiko k'ibyihebe "Mafia" kifashisha igisoda kugirango kigwizeho imitungo gakura ahantu hatatu: imisoro, inkunga z'amahanga no mu ntambara.

Umuco. Agahugu umuco n' akandi umuco: ubwoko bw'aba SURI muri Etiyopiya butera uruho ku munwa w'umwangavu ngo azakobwe inka nyinshi kubera ubwiza bwe.

umukobwa w'ihogoza mu bwoko
bwitwa SURI muri Etiyopiya

Agahugu umuco n' akandi umuco. Aya ni amagambo umwami w'i Burundi yahaye intumwa y'umwami w'u Rwanda wari wayohereje yishongora ku Barundi, abaza umwami w'aho ngo " kuki ibi mubikora gutya byagombaga gukorwa gutya?"

Ibi mbivugiye ko hari benshi muri mwe bakimara kubona ifoto iri hasi aha, bahita basa na wa mwami w'u Rwanda tuvuze hejuru, bakibaza impamvu  ubwoko bw'ABASURI bakora kuriya.  Aho twe ntabyo dukora twibwira ko ari byiza kandi abandi bashobora kubifata ukundi?Umva uko abantu benshi bafite imyumvire itandukanye  kuri wa muco wacu wo gukuna.Culture. Rallonger ses lèvres vaginales pour plus de plaisir?

Aba basuri bo muri Etiyopiya, iyo umukobwa amaze kuba umwangavu, bamukura amenyo yo hasi nk'urukebanomaze aho avuye bagasobekamo kiriya kintu kimeze (uruho, urukiza) bakagifatanya n'umunwa wo hasi. Uko igihe kigenda niko umunwa ugenda ukweguka ukaba muremure. umukobwa ufite umunwa muremure na ruriya rukebano ruriho, se amukosha inka nyinshi kuko aba ari ihogoza, twagereranya na BWIZA bwa Mashira budashira irora n'irongorwa.

FDLR IRAMAGANA IFUNGWA RYA KIZITO MIHIGO NA BAGENZI BE N’ABANDI BANYARWANDA BAKOMEJE GUHOHOTERWA NA LETA YA FPR-INKOTANYI.

URUGAGA RUHARANIRA DEMOKARASI NO KUBOHOZA URWANDA, FDLR, ruhangarikishiijwe nuko Leta y’ u Rwanda iyobowe na FPR Inkotanyi, ikomeje gutegekesha igitugu abaturage b’ u Rwanda, ibambura uburenganzira bwabo bw’ ibanze, ikoresheje iterabwoba no gufunga abatavuga rumwe nayo abaribo bose.

1. Mu rwego rwo gutera ubwoba abadashaka ingenga bitekrezo ya FPR, muri poliki yabo y’ ivangura koko n’ amacakubiri mu banyarwanda, Leta ya Kigali iherutse gufunga umuhanzi w’ umuririmbyi Kizito Mihigo na bagenzi be Cassien Ntamuhanga na Jean Paul Dukuzumuremyi, bashinjwa gufatanya na FDLR na RNC.

Iyobokamana.Tuzirikane ku ijambo ry’Imana ryo kuri iki Cyumweru, taliki 20 Mata 2014 : PASIKA –Umunsi Mukuru w’Izuka rya Nyagasani Yezu Kirisitu. Isomo rya mbere : Ibyakozwe n’Intumwa : 10, 24a.37-43. Isomo rya kabiri : 1 Abakolinti : 5,6b-8. Ivanjiri :Yohani : 20,1-9

Yezu wazutse none, zukira mu mitima
y'abanyarwanda ubahindure bashya kandi
ubakize ingoyi ya Sekibi.Amina

Mu masomo matagatifu yo kuri iki Cyumweru, taliki 20 Mata 2014, Umunsi mukuru w’izuka rya Nyagasani, Kiliziya Gatolika y’isi yose uhereye i Roma ku gicumbi cyayo ukagera mu miryango-remezo turi mu byishimo bitagereranywa kandi koko hari impamvu kuko niba umuntu yirirwa asingiza uwamuhaye inka imwe nayo y’amagufwa nta cyamubuza gupfukamira uwamuhaye ubugingo bwuzuye kandi bw’iteka ryose.

Niba abantu twabashaga kugira ubushobozi bwadufasha kumva neza uko bikwiye agaciro k’amaraso yatanzwe ku musaraba rimwe rizima; ibibazo isi irimo muri iyi minsi n’u Rwanda by’umwihariko byacika abantu bakabaho mu mudendezo.

Mu ijambo Papa Faransisiko yateguye i Vaticani azabwira abakirisitu n’abemera b’isi yose kuri uyu munsi mukuru wa Pasika, natwe muri SHIKAMA tukaba turifitiye Kopi, Nyirubutungane azagaruka ku gaciro k’umusaraba wamanitsweho agakiza k’isi yose.

Papa Faransisiko kandi ntazabura gukomoza ku mucuri wa rubanda rukomeza kwinangira ntirwumve neza impamvu Yezu yitanze ku bushake ku musaraba akazanaboneraho kugira icyo avuga ku ntambara zirimo guca ibintu mu bihugu bitandukanye aho azanasaba abashyamiranye gusubiz ainkota mu nzubati bagaha abaturage amahoro kuko aribo bahababarira.

Amakuru mashya kuri Shikama mu Gifaransa

shikamafrancais.blogspot.com

Rwanda-Sipesiyali : Isesengura-mpamvu na Politiki. Rwanda. Kizito MIHIGO : umuhanzi, umuririmbyi, umucuranzi n’umuharanizi w’amahoro agonze urukuta rwa ba Minisitiri Mussa Fazil na Mitari Protais bitwaje indirimbo ye « igisobanuro cy’urupfu » mu gihe ahubwo abaturage bari biteze ko agirwa Minisitiri w’urubyiruko n’umuco bityo MITARI akubikirwa imbehe !!!

Kizito Mihigo na bamwe mu bahanzi bo
mu Rwanda.  Ifoto:Inyarwanda.com

Hashize ukwezi muri Kigali havugwa inkuru mbi y’ishimutwa rya KIZITO Mihigo. Aya makuru akimenyekana cyangwa agikekwa, abaturage baguye mu kantu kuko batumvaga icyatuma umukunzi wa Kagame nimero ya mbere aburirwa irengero. Kuri uyu wa mbere taliki 14 Mata 2014 nibwo umuyobozi w’ishami rishinzwe ubugenzacyaha muri Polisi y’u Rwanda C.I.D ariwe Theos BADEGE yasobanuye ko KIZITO Mihigo na NTAMUHANGA Cassiyani babafite.

Assistant Commissioner of Police Theos BADEGE mu kiganiro yagiranye n’abanyamakuru ku buyobozi bukuru bwa CID anabereye ku isonga ku Kacyiru kuri iyi taliki mvuze hejuru n’umunyamakuru wa SHIKAMA akaba yari ahari yatubwiye ko aba bagabo bombi bakekwaho guhirika ubutegetsi bw’u Rwanda ndetse Kizito MIHIGO we akaba anakekwaho kwica abategetsi bakuru b’igihugu.

IYOBOKAMANA.Tuzirikane ku ijambo ry’Imana ryo kuri uyu wa KANE MUTAGATIFU, taliki ya 17 Mata 2014 : umunsi mukuru wo Guha umugisha amavuta, Koza ibirenge by’intumwa no Gusangira bwa nyuma : Isomo rya mbere : Izayi : 61, 1-3a.6a.8b-9. Isomo rya kabiri : Zaburi : 88,20ab.21,22.25,27.29. Isomo rya gatatu : Ibyahishuwe : 1,5-8. Isomo rya kane : Luka :4,16-21. Isomo rya gatanu : Iyimukamisiri : 12,1-8.11-14. Isomo rya gatandatu :Zaburi :115,12-13.15-16a.c,17-18. Isomo rya karindwi : 1Abakolinti : 11,23-26. Isomo rya munani : Yohani : 13 :1-15

Ifunguro rya Nyuma
Leonardo da Vinchi 1494-1498
Santa Maria delle Grazie,Milan, Ubutaliyani

Mu mateka ya Kiliziya Gatolika, umunsi mukuru wa Pasika ni umwe mu minsi ikomeye kandi igaragaza umwimerere w’iri dini rikomeye kuri iyi si y’abazima. Mu bituma Kiliziya Gatolika ikomera twakunze kubibabwira kuko harimo no kugira iminsi mikuru ihoraho twakwita ngaruka-mwaka.

Abapapa uko bagiye basimburana mu kuyobora Kiliziya bagiye bubahiriza uyu mugenzo mukuru kandi wa cyera cyane kuko ari Yezu ubwe wawikoreye ku giti cye awukorera intumwa ze 12. Mbere y’uko tubasobanurira ibi bikorwa-nyabutatu dukwiye kubanza kubibutsa ko kuwa kane mutagatifu mu Misa yo kumugoroba hasomwa amasomo umunani yose nk’uko twayabatondekeye hano n’aho aboneka muri Bibiliya zanyu.

Shikama mu cyongereza nayo yatangiye!

Nshuti za Shikama,
Urubuga rwanyu rwongeye kubibuka rubagezaho gahunda zinyuranye. Uyu munsi twabashyiriyeho urundi rubuga rushya Shikama in English  ruzajya rukora mu cyongereza. Uru rukazakora nka Magazine, rubagezaho gahunda zinyuranye: politike, siporo, umuziki no kwidagadura. Uru rubuga rushobora kuzabona abanyamakuru b'umwuga mu minsi ya vuba bazobereye muri izi gahunda tuvuze hejuru nkuko bimeze mu Kinyarwanda.

Mu gihe tugitunganya ubuhinga bw'ibyuma wa mugani w'Abarundi, turaba tubacishirizaho amakuru ava ku zindi mbuga. Nibirangira, niho gahunda nyiri zina zizatangira.

Mukomeze muryoherwe na SHIKAMA

Nkusi Yozefu
Shikama in English
www.shikamaenglish.blogspot.no

Shikama Mu Gifransa: Inkuru nshya z'uyu munsi

-- Rwanda: trois personnes arrêtées pour «menace» contre l’Etat

- France-Rwanda: l’excuse et l’enquête

- Tanzanie : Une attaque dans un bar fait 17 blessés à Arusha

- Roger Lumbala, met en place avec l'aide de Kigali, une nouvelle rébellion pour déstabiliser de plus belle, l'Est de la RDC...

- Nord-Kivu : de nouveaux déplacés affluent à Kasugho depuis 3 jours

- En RDC, le congrès du Parti du peuple pour la reconstruction et la démocratie (PPRD) a pris fin à Mbandaka. Le parti présidentiel s'est prononcé en faveur des réformes constitutionnelles, celles qui devront permettre au président Joseph Kabila de conserver le pouvoir après 2016.

- Suite à une forte et intense activité volcanique : Goma, Martin Kobler a offert son soutien aux autorités provinciales

- Le volcan Nyamlagira prêt à cracher

Itangazo: SHIKAMA MU GIFRANSA YATANGIYE !

Musome Shikama mu rurimi rw'igifransa

www.shikamafrancais.blogspot.com cyangwa ukande kuri link yayo iri iburyo bwawe aha uhite uyigeraho.

Ibihe Byiza.

Nkusi Yozefu
Shikama.blogspot.no
Shikama ku Kuri na Demukarasi

Iyobokamana.Tuzirikane ku ijambo ry’Imana ryo kuri iki cyumweru cya MASHAMI, taliki ya 13 Mata 2014 Mbere ya Misa : Matayo : 21, 1 – 11. Isomo rya mbere : Izayi : 50, 4 - 7. Isomo rya kabiri : Abanyafilipi : 2,6 - 11. Ivanjiri : Matayo : 26, 14 – 27,66 Abatagatifu Maritini na Herimenijilidi

MASHAMI nziza kuri mwese

Mbere ya Misa : Nk’uko amategeko ya Liturugiya ya Kiliziya Gatulika abigena, mu Misa yo kuri Mashami nk’icyumweru kibanziriza umunsi mukuru wa Pasika y’izuka rya Nyagasani, mbere y’uko igitambo cya Misa cyinikiza basoma inyandiko igizwe n’interuro 11 iboneka mu Ivanjiri ya Matayo umutwe wa makumyabiri n’umwe guhera ku murongo wa mbere kugera ku murongo wa cumi n’umwe.