Ibyahishuwe bya 4: Indagu z’Abahanuzi Nyirabiyoro na Magayane zigeze ku musozo! Amerika yamukatiye, agahinda agatura ibyegera bye. Kurikira!

Uyu ni Magayane wahanuye ko umuzungu uzaha ingoma abicanyi ba FPR azayibakuraho mu bufindo.

Kuba Kagame atararaswa umwambi w'igishirira n'umwe mu muryango we akaba n'inshuti ye magara nk'uko umuhanuzi Magayane yabihanuye, kuba ubwatsi bw'epfo na ruguru butarahura nk'uko Nyirabiyoro yabiraguye, no kuba Umwami Kigeli ataracyurwa n'umusaza usheshe akanguhe Twagiramungu F. nk'uko Magayane yabivuze, Ibi byose sibyo byatuma ubuhanuzi bw'aba bahanuzi bakomeye, umuntu atavuga ko bugeze ku musozo.

Icyo bahanuye gikomeye kandi kibonwa n'imbaga nyinshi mbere y'uko ingoma y'Agatsiko  ihenuka nk'uko Magayane yabivuze, maze Kagame nawe akabitsindagira abwirira ku Karubanda ibihumbi n'ibihumbagiza by'abantu ko azabarasa ku mugaragaro, ni umwera(umuzungu) wamwimitse, uzamukura ku mbehe ku bufundo! Amerika n'Ubwongereza kuvana Kagame ku butegetsi, aho bigeze bishobora kuba iri joro, ejo cyangwa ejo bundi, ariko ikizwi gifitiwe na gihamya, ni uko habayeho gutinda gato, bitarenza umwaka nk'uko Kagame aherutse gutakira abakuru b'ingabo ze n'umusivile Musoni James, ababaza icyo yakora!

Byatangiriye he?

Byatangiye Kagame yanga kumva inama z'Abazungu, ubwo imirwano yari irimbanyije hagati y'ingabo ze za APR n'ingabo z'u Rwanda igihe cy'ubutegetsi bwa Habyarimana.Kagame ubwe yitangarije ko yigeze gufungirwa mu Bufaransa ijoro rimwe, umuyobozi umwe ukomeye (Kagame atatangaje izina) ngo yamubwiye ko niba atemeye gushyikirana na Habyarimana bagakorana, abantu be bari imbere(Abatutsi) atazabasanga mu gihugu. Ibi ni Kagame wabyitangarije!

Yarabiburiwe ko Abatutsi bazicwa kuko Abazungu baturusha kureba kure, ariko aho gukurikiza inama bamugiriye, ahitamo kwica Habyarimana imivu y'amaraso ihita itangira gutemba.Umusirikare mukuru wo mu ngabo za Kagame ubu wacyuye igihe akaba ataranijanditse mu bwicanyi bwakorewe Abahutu, yigeze gutangaza ko nyuma y'uko Kagame abwirwa iryo jambo, hari benshi mu bakuru b'ingabo barimo Komanda Denis Karere waserewe mu ngabo ari Majoro, ariko akaba afite umwanya w'ibanga ukomeye muri Police y'u Rwanda akaba na nyiri Car Wash hariya mu Kanogo.

Hari kandi na Komanda Musitu wasezerewe muri RDF ari Koloneri,ubu akaba ariwe usa naho ayobora TIG (urwego rwo kubabaza umuhutu, aho amaze imyaka n'imyaka amenagura amabuye y'urutare), Lt Col. Gashumba na Rwahama basezerewe muri RDF ubu bayobora ibigo bitwara akayabo abasoreshwa aribyo Intersec na KK Security, hamwe n'abandi barimo nka Majoro Sam Kaka, n'abandi bakuru b'ingabo.Aba bose wongeyeho Mazimpaka Patrick, Rutaremara Tito, Koloneri Alexis Kanyarengwe, bagiriye inama Kagame ko ibyo umuzungu yamubwiye yabyitondera kuko Abatutsi bari imbere mu gihugu bashobora kuzicwa.

Kagame w'umunyamayeri wemera ikintu ku munwa ariko ku mutima ahishe ikindi kitari cyiza, yarabumviye akurikira inzira y'imishyikirano ariko ijambo rutwitsi abarokotse batazapfa bibagiwe riranga riramucika. Iryo ntarindi ni "nibyo inzira y'imishyikirano ni ngombwa, ariko urwo rwitwazo ko bariya bari imbere bazashira, ntacyo bivuze kuko urya umuleti ari uko wabanje kumena igi"!

Amaze gutoneka Abatutsi, yakomereje ku Bahutu ategeka ko bicwa kuko ari ibipingamize.

Ashinyagurira umukuru w'igihugu watabarutse ariwe umwishe ngo : " Ese ubundi iyo ndege mudushinja ko twahanuye yarimo igiki?"

Uyu ni Magayane wahanuye ko umuzungu wahaye ingoma abicanyi ba FPR azayibakuraho mu bufindo.

Ingabo z'u Rwanda zijya kwiba no kwica Abahutu muri Congo, Kagame abwira Abanyarwanda abicishije mu itangazamakuru ryigenga n'irya Leta ko nta ngabo z'u Rwanda ziri muri Congo. Bukeye Leta itumiza ba Banyamakuru ngo baze ku mupaka kwakira ingabo zivuye Congo ku mugaragaro ngo noneho Amahanga ntazongere kubeshya ko hari ingabo zikirangwa muri Congo. Mbega kwinyuramo!!!!

Igihe kitarambiranye, zimwe mu nkoramutima za Kagame zirimo Karegeya, Kayumba bafata iy'ubuhungiro. Kagame ati: " mwibataho igihe ibyo ni ibigarasha bicitse kandi aho bahungiye (Afurika y'Epfo) ni mu musarane (Toilet)."

Zuma ntiyihanganiye kubahuka igihugu cye yahise ahagurutsa indege ze kabuhariwe mu ntamabara, zica ingabo za Kagame(M23 na RDF), bacye basigaye bakwirwa imishwaro mu Rwanda na Uganda bata ibikoresho by'intambara bifite agaciro ka kubaka ibitaro n'amashuli, Abanyarwanda bakiga bakanavurwa ku buntu nta rumiya batanze.

Igihuha gisakazwa na J. Nziza ashaka kwibonekeza imbere ya Kagame.

 Yamukubise igihuha ko abahungu be babonye Karegeya arebana umupira na Kikwete muri Sitade. Kagame atazuyaje ahita ategeka umurerera abana ariwe Ambasaderi Gasana, kujya kubivuga muri UN. Gasana akibihingutsa abayobozi b'Umuryango w'Abibumbye bamuha inkwenene ngo ayo ni amazimwe!

Kagame ntiyarekera aho abwira umukuru wa Tanzania ko azaza atwike nyakatsi ze azigire umuyonga. Perezida Kikwete yanga ako gasuzuguro ahita ategeka Kagame ku mugaragaro mu nama ko ahita ashyikirana na FDLR nta yandi mananiza. Kagame ati noneho urankurugushuye ubu mbere yo gutwika nyakatsi zawe, nzabanza nkubikire ngukindure!Kikwete atazuyaje, asubiza Kagame ko azamusiga ari amateka n'aho yari atuye akanakorera (Kigali) hazibagirana.

Ese uku kose Kagame yagiye yishongora ku bo bakoranye nyuma bagashwana, ni nako azishongora kuri Amerika n'Ubwongereza?

Rukokoma ati: " Abicanyi bose bagomba guhanwa". Shikama irabishyigikiye

Ibyabaye byose rwari urugendo rugana isozwa ry'ubuhanuzi bwahanuwe mu myaka amagana.
Ubwo buhanuzi bugaragaza mu isozwa ryabwo, abantu bakurikira :

- Rukirigitangwe Rwabujindiri (Kagame)
- Umukambwe rumenywa (Twagiramungu F.)
- Rukara rw'igisage (Kigeli)
- Rwara rw'umugara(FDLR)
- Umutegetsi w'isi (Amerika n'Ubwongereza)

Aba bose uko bahanuwe, ubu nibo bigaragaza muri iyi minsi ya nyuma ya Kagame.

Twagiramungu na FDLR nibo bari kwiharira ingingo z'ingenzi z'amakuru arangwa ku isi, arimo ibinyamakuru bya Leta n'ibyigenga, amaradiyo n'amateleviziyo mpuzamahanga. Amakuru yizewe aturuka ku bagendana, bagasangira bakanakorana bya hafi na J. Nziza, aratumenyesha ko nyuma y'ijambo rutwitsi rya Kagame i Nyabihu ko azica abaturage ku mugaragaro abarashe, yatumije inama ihuriweho n'Abayobozi bakuru b'ingabo yizera.

Iyo nama yarimo n'Abasivile bavuga rikijyana kwa Kagame, aribo Minisitiri Musoni James, Umunyamabanga mukuru wa FPR Ngarambe F. na Tito Rutaremara. Icyo yababwiraga ntakindi usibye inkuru y'incamugongo ko Amerika yamuvanyeho amaboko burundu. Akaba ngo yaragishaga inama y'ukuntu bagomba kubyitwaramo.

Iyi nkuru uwayitanze yasaga nk'aho adafite akanya gahagije ariko yanyijeje ko azakora uko ashoboye akantangariza vuba amakuru arambuye ku byavugiwe muri iyo nama n'imyanzuro yavuyemo.

Kagame Pawulo ageze muyo abagabo! Amaraso arasama.Ntawe uzamena amaraso y'abanyarwanda ngo abikire, ni igihe gusa. It is a matter of time.

Icyo yabashije kuntangariza ni uko, Kagame ngo yasaga nk'uwihebye, asa nk'aho yifuza urupfu kuko n'ikangata ngo yakunze kugira mu yandi manama, icyo gihe ngo yari yifashe mapfubyi, yikiriza akoresheje umutwe buri gitekerezo cyose gitanzwe. Ubu nkaba navuga ko dushonje duhishiwe, kuko ayo makuru azatuma tumenya amasaha asigaye ngo ibyahanuwe bisohore.

Ariko byanashoboka ko, koko Kagame yaba yambuwe inkongoro n'abamukamiraga kuko yatangiye kubigabiza mu itangazamakuru asa nk'aho ateganya kubashinja ubwicanyi bakoranye. Iyo Kagame ashaka kugirira nabi umuntu runaka, amutangirira mu itangazamakuru rye. Urugero : Ni iyicwa rya Karegeya babanje gushinja ko ariwe wishe C. Matata. Mbere y' iburizwamo ryo kwica Twagiramungu F. na Padiri T.Nahimana, Rushyashya yari yabanje kubigabiza, n'ibindi n'ibindi.

Ni aha Nyagasani!

Bakizimbwa Pawulo Kizito
Umwanditsi Mukuru wungirije
Shikama2.com

Shikama ku kuri na Demukarasi(SKUD)