ITANGAZO: URUBUGA RWO GUTANGA IBITEKEREZO BYANYU(KOMANTERI) KURI SHIKAMA NSHYA RWABONETSE/NKUSI YOZEFU

Basomyi ba Shikama,

Benshi muri mwe bagiye batwandikira ndetse bakanadutelefona badusaba ko babona aho bashyira ibitekerezo byabo. Ubu hari uburyo bubiri bwo gutambutsa ibitekerezo byawe kuri SHIKAMA nshya.

1. Gutanga igitekerezo uciye ahagenewe Komanteri. : Si ngombwa kwiyandikisha, ukora nk'uko ubigenza ku zindi mbuga: akazina k'agahimbano na imeli(email) yawe(ntabwo igaragara ku rubuga)

2. Gutanga igitekerezo uciye kuri  Forumu(IHURIRO). : ibi bisaba kwiyandikisha, hari abarenga 13,000 bamaze kwiyandikisha.

Icyitonderwa:

Uko komateri zanyu zizagenda ziba nyinshi, niko Shikama izagenda ibagezaho inyandiko nyinshi, uko zizaba nkeya ninako Shikama izagenda ibageza ho inyandiko nkeya.

Mukomeze muryoherwe na SHIKAMA

Nkusi Yozefu

www.ki.shikamaye.net

INYANDIKO ZO MU BUBIKO. Rwanda.Mu gihe Luwiza MUSHIKIWABO yemeza ko nta kwizera LONI kuko atari ikigega kibitse ukuri, Perezida Kagame we yaneguriye abazimu mu ndaro atakambira iyo LONI ngo ihagurukire FDLR byihutirwa, mu gihe ibibera mu Rwanda mu nzego zose muri iki gihe bishyira abenegihugu mu mwanya wo kwifatanya na FDLR nta kugisha inama kundi!!/UDAHEMUKA Eric

Iyi nyandiko yaciye kuri Shikama bwa mbere kuri 1/2/2014

Uyu munsi nanditse iyi nkuru nibwo u Rwanda rwizihiza ku nshuro ya makumyabiri (20) umunsi mukuru w’intwari z’igihugu. Mu gihe uyu munsi ngarukamwaka wizihizwa, imbere mu gihugu ibibazo ni insobe ku buryo kubivuga bitakorohera buri wese usobanukiwe u Rwanda.

Ibyo bibazo mvuga biragaragara hose haba mu butegetsi bwite bwa Leta aho akarengane gakomeje gukorerwa ABAHUTU b’ibikomerezwa bategekwa kwaka imbabazi ku byaha byakozwe na bene wabo baba abakiriho ndetse n’abatakiriho, hari ikigega agaciro kirimo kuvuza ubuhuha mu nkono z’abanyarwanda aho ubu abana birirwa ubusa bakaburara ;

INYANDIKO ZO MU BUBIKO. Nyuma y’ukwezi ari muri konji nk’icyunamo cy’itsindwa rya M23, uyu munsi Minisitiri Louise Mushikiwabo yongeye kwiha rubanda yishyira munsi y’umurongo utukura muri politiki no mu mateka by’u Rwanda kubera idosiye ya Colonel Patrick KAREGEYA/UDAHEMUKA Eric

    Iyi nyandiko yaciye bwa mbere kuri Shikama kuri 7/1/2014

Nongeye kubaramutsa bakunzi kandi basomyi ba shikama. Kuri uru rubuga rwanyu mukunda cyane twiyemeje kubagezaho amakuru aba agezweho mu Rwanda buri munsi kandi tukayandika neza nk’uko tuba twayakurikiranye kugira ngo duharanire ko ukuri kwaganza ikinyoma mu Rwanda rwatubyaye.

Twigeze kubagezaho inkuru mwanakunze cyane kandi igasomwa na benshi. Iyo yavugaga ko ku rutonde rw’abaminisitiri bayoboye minisiteri y’ububanyi n’amahanga n’ubutwererane bw’akarere mu Rwanda, Louise MUSHIKIWABO ariwe ufite ibigeragezo byinshi kandi bikomeye kurusha abamubanjirije bose ndetse n’abazamusimbura bose.

Muri iyo nkuru twari twasesenguye imiterere y’iyo minisiteri tunagaragaza ukuntu n’ubusanzwe kuyiyobora bigoye kuko bisaba kugaragaza aho uhagaze ku madosiye runaka cyane cyane aba akomeye cyane mu rwego rwa politiki.

Muri iyo nyandiko twanabasobanuriye ukuntu abategetse iyi minisiteri uhereye kuri Minisitiri Dr Charles MULIGANDE, ugaca kuri Minisitiri Rose Mary MUSEMINARI, Minisitiri Andrea Habib BUMAYA, Minisitiri Anastase GASANA ndetse n’abandi nta n’umwe wigeze ahura n’ibigeragezo nk’ibyo Minisitiri Louise MUSHIKIWABO arimo guhura nabyo.

Icyo gihe twasobanuye ko byatangiye kumukomerana ubwo hasohokaga Mapping report yagaragazaga ukuntu ingabo za Kagame zarimburiye abahutu muri Kongo kandi ku buryo bwari bwagambiriwe. Kuri uwo mugoroba Minisitiri Mushikiwabo yahise atangaza ko nibakomeza kuvuga iby’iyo raporo ingabo z’u Rwanda zivanwa muri Darfour.

INYANDIKO ZO MU BUBIKO. Kagame bari bamwivuganye kuri 15/11/2013 Satani akinga akaboko!/Nkusi Yozefu

         Iyi nyandiko yahise bwa mbere kuri Shikama kuri 5/1/2014

Ngo n'uwendeye nyina mu nyenga yaramenyekanye.
Ibyo wakoraga ubigereka ku bandi muri RDCongo
n'abana bari bataravuka bazi ko ari wowe wabikoraga
N'ubwicanyi bwose wakoreye abaganda
abanyarwanda,abakongomani,
n'abarundi niko bizagenda!

Amakuru twahawe n'umwe mu ntasi za Kagame akaba ari inshuti n'umusomyi wa SHIKAMA aremeza ko ku cyumweru tariki ya 15/11/2013 mu Rugunga haruguru ya Cercle Sportif hafi y'icyicaro gikuru cya CICR- INTERNATIONAL GENEVA COMMITTEE, ahagana ku mugoroba Kagame yarusimbutse.

 Abacanshuro 2 b'Abanyasomaliya  ngo baba bari boherejwe na Kikwete na Karegeya bashatse kurasa  Kagame maze abasoda be bamurinda barasana nabo urufaya karahava! Nyuma rero ngo baje kubasamira hejuru babafata mpiri bajya kubahata ibibazo maze bavuga ko boherejwe na Kikwete na Karegeya.

INYANDIKO ZO MU BUBIKO. Ifungwa rya General Emmanuel K. KARENZI n’abandi bakekwaho kugirana ibiganiro na Colonel Patrick KAREGEYA rishobora gutuma igisirikari cya Kagame gicikamo ibice ku buryo bweruye intambara yo ku Rucuncu i Shyogwe kwa Kankazi yashyamiranije Abega n’Abanyiginya ikongera ikarota/Udahemuka Eric

Jenerali Karenzi Karake

Iyi nyandiko yaciyse bwa mbere kuri Shikama kuri 5/1/2014
     

 

Jenerali Jyemusi Kabarebe

Mu mujyi wa Kigali nta yindi nkuru irimo kuhavugwa uretse urupfu rubabaje kandi ruteye agahinda rw’ihotorwa rya Colonel Patrick KAREGEYA wiciwe muri Afurika y’Epfo mu ijoro ryo ku italiki ya mbere rishyira italiki ya kabiri Mutarama 2014.

INYANDIKO ZO MU BUBIKO. RWANDA. Urwishe ya nka ruracyayirimo, Kagame yahushije Kayumba Nyamwasa none yivuganye mugenzi we Patrick KAREGEYA wari waramuhungiye muri Afurika y'Epfo!/NKUSI Yozefu

Iyi nyandiko yaciye kuri Shikama bwa mbere kuri 2/1/2014

Nyakwigendera Patiriki Karegeya

Muribuka ibyabaye kuri Kayumba Nyamwasa mu gihe amahanga yari arangamiye irushanwa  ry'isi ry'umupira w'amaguru: abishi bari boherejwe na Kagame barashe Kayumba Imana ikinga akaboko ntiyanogoka. Nkuko abenshi bagiye babyiyemerera mu nkiko zo muri Afurika y'Epfo, nanone kandi ibiganiro byafashwe kuri teklefoni ya Munyuza , Ndahiro na Nziza(Tuzi) bigaragaza ko Kagame koko ariwe wohereje aba bantu kujya kwica Nyamwasa ku buryo bamaze kumuhusha bamusanze no mu bitaro kumwicirayo Imana ikinga akaboko ubugira kabiri.

Mu kiganiro Nziza na Ndahiro bagiranye n'uwari ushinzwe abishi uri muri Afurika y'Epfo wakoranaga n'uhagarariye Urwanda muri Afurika y'Epfo nkuko byaciye ku rubuga UMUVUGIZI, bagize bati: " Muzungu amaze kumva ko bageze amanjanja mugenzi we yabyifashemo ate?" umwishi yarabasubije ati: " Muzungu yataye umutwe ku buryo bugaragara".

ITANGAZO. Ibyahishuwe bya 18 kuri www.ki.shikamaye.net kuri uyu wa 24/7/2015

Murasanga ibyahishuwe bya 18 kuri iyi linki: www.ki.shikamaye.net
Murakoze
Nkusi

INYANDIKO ZO MU BUBIKO.. Muri SHIKAMA twamaganye politiki ya NDUMUNYARWANDA ya RUCAGU, KAGAME, MUSONI, BAMPORIKI na MAKUZA Michel igambiriye kubamba ABAHUTU no kubapfukamisha ikazamura ABATUTSI mu bushorishori bw’igihugu kandi bose ari Bene-Kanyarwanda!!!

                     Iyi nyandiko yaciye bwa mbere kuri Shikama kuri 3/1/2014

Inkotanyi zitera Urwanda zirahira ko zizawatsa.
 ibikoresho byose mu kwica bizakoreshwa:
amasasu, udufuni,  amarozi,amakamba,.... 
Iyi ntama murayibuka muyibwirwa 
  mugahakana abari muri Kigali igihe cy'intambara

Mu mwaka w’1994 nigeze kurota inzozi nkeka ko zizashyira zikambera impamo none koko zibaye inzozi. Icyo gihe natangiye kuzirota hari mu 1990 ubwo FPR – inkotanyi yateraga u Rwanda. Ababyibuka kuri radiyo Muhabura bajyaga baririmba indirimbo ivuga ngo: “Reka twiririmbire demukarasi u Rwanda ni urwacu ntawe utuburanya agatsinda turi bene mugabo umwe,…inzira ni ubumwe ibindi byose byaza ejo, ikindi ni ukuri kuko iyo ubeshye umara inka”

Iyi ndirimbo ni imwe muri nyinshi zatumye abanyarwanda bakunda FPR-INkotanyi byimazeyo muri icyo gihe ku buryo muri 1994 bageze ku butegetsi abanyarwanda twumvaga tugeze muri paradizo. Nyamara ariko ya Demukarasi baririmbaga na rwa Rwanda rwabo ngo badafite uwo baruburana nawe, burya yari NDUMUNYARWANDA baduciragamo amarenga ntitwabimenya.

INYANDIKO ZO MU BUBIKO.Mu gusoza umunsi wa mbere w’inama ya 11 y’umushyikirano, Depite BAMPORIKI Edouard yacinye umudiho karahava : « Ikimenyetso cy’uko adasobanukiwe ibibazo by’abanyarwanda muri iki gihe »

                              Iyi nyandiko yaciye bwa mbere kuri SHIKAMA kuri 23/12/2013

       

Ku ngoma ya cyami mu Rwanda habayeho umusizi w’icyatwa mu bandi bahungu witwaga NYAKAYONGA ka MUSARE wahimbye igisigo cyakunzwe cyane cyitwa Umwami si umuntu (umwami aba akomeye cyane).

Hari n’ibindi bisigo byakunzwe cyane biganisha ku butware nyabami mu gihugu nk’igisigo cyitwa Mbwire umwami uko abandi bami bantumye, Ukwibyara gutera ababyeyi ineza n’ibindi byinshi tutarondora.

Mu mateka y’u Rwanda kandi si no mu  Rwanda gusa no mu yandi mahanga ya kure birahaba, si kenshi umwami ahaguruka ngo abyine uko yiboneye kuko cyera abiru bagombaga kugena inzoga ikaze umwami yagombaga gusoma yamara guhembuka akabyina, nako agateka akabyinirwa n’abagaragu babaga bamukikije.

IBYAHISHUWE. Shikama yavumbuye ko amafaranga ariho asahurwa mu bigo bya Leta FPR na Kagame bayohereza i Buraya muri Esipanye, Ubufaransa n'Ubwongereza/ Nkusi

Dg Nkusi Yozefu

Hashize igihe Shikama ibabwiye ko hari amazu FPR iriho igura i Buraya yo guteguriramo ibikorwa byo kwica abanyarwanda badafata Kagame Pawulo nka murumuna wa Yezu. Benshi bashobora kuba baragize gushidikanya k'ukuri kw'iyi nyandiko nyamara baje kubyemera mu rubanza rw'ikinywamaraso Karenzi Karake, igihe hamenyekanaga ko ambasade y'u Rwanda mu Bwongereza ifite amazu 2 ikodesha nta bantu bayabamo, imwe muri aya mazu niyo Karenzi afungiyemo ubu.

Shikama rero imaze hafi amezi 2 ikora amatohoza ku makuru twari twahawe na ba maneko ba Kagame yerekeranye n'inyerezwa ry'amafaranga rivugwa mu bigo hafi ya byose bya leta. Ejo  kuri 24/7/2015 muzasobanukirwa n'ukuntu ayo mafaranga anyerezwa, aho ajya n'icyo agomba gukora.

Kubera ko abashinzwe gutunganya imbuga za shikama bagikora kuri Shikama nshya y'ikinyarwanda, iyi nyandiko y'amapaje 8 muzayisanga kuri SHIKAMA nshya yagenewe icyongereza: www.shikamaye.net, muzaba mufite n'ahantu mutangira ibitekerezo byanyu(komanteri). Si ngombwa kwiyandikisha, upfa gushyira mo imeli yawe gusa kandi si ngombwa gukoresha amazina yawe y'ukuri.

Ni ahejo

Dg NKUSI Yozefu
www.shikamaye.net
Muzamenya ukuri kandi niko kuzababohora

INYANDIKO ZO MU BUBIKO. Rwanda.Maitre Evode U. wavugiye muri Canada ko u Rwanda rutegekwa na FPR nk’agatsiko k’amabandi yitwaje intwaro akaba n’inshuti magara-ntunsige ya Faustin Twagiramungu ahisemo kunywana n’impyisi ku manywa y’ihangu ikazamutapfuna nk’uko yatapfunnye abatari bacye!!!/UDAHEMUKA Eric

                            Iyi nyandiko yaciye bwa mbere kuri Shikama kuri 28/2/2014

Evode na Karugarama

Habayeho umugabo witwaga Bagabobarabona wanywanye n’impyisi. Muri uko kunywana, impyisi yamusabye ko azajya ayiheka. Ni uko mucuti wayo ayiterera ku bitugu. Kubera ko abantu bazi ubugome bw’impyisi, bamubona ayihetse bati : «Kandi iyo mpyisi uheka izakurya wa kibura-bwenge we!»

Kubera ukuntu bari banywanye, Bagabobarabona ntabyumve, bucyeye yongera kugenda ayihetse, arenze umusozi wa mbere abantu baramukomera bati : «Iyo nyagwa y’impyisi uhetse izakurya nta kabuza kandi umenye ko ushaka urupfu asoma impyisi!!!»

Arenze umusozi wa kabiri abaturage bakuze bamubonye kuko yari azwi hose bati : «Kandi iyo mpyisi uhetse izakurya nta kabuza !!!» Ya mpyisi yumvise abantu bakomeza kumukomera no kumutwama irahindukira iramubwira iti : «Urajye ukenga irivuzwe n’abagabo batatu!!!»

INYANDIKO ZO MU BUBIKO.Afurika y'Epfo. Karegeya yashyinguwe muri Afurika y'Epfo, naho Kagame n'Agatsiko baratangaza ko abatavuga rumwe nabo bashinze umutwe wa gisirikare kugirango barangaze abariho bakurikirana iby'urupfu rwa Karegeya./NKUSI Yozefu

                                     Iyi nyandiko yahise bwa mbere kuri Shikama kuri 20/1/2014

Umutekano wari wakajijwe mu ishyingura 

yakwigendera Patrike Karegeya yashyinguwe uyu munsi kuri 19/1/2014 i Johannesbourg  muri Afrika y'Epfo aho agatsiko ka Kagame kamutsinze kamuhotoresheje ikiziriko. Hari abantu bavuye impande zose z'isi basaga 150 bari baje guherekeza uyu nyakwigendera, barimo umubyeyi we Jane Kanimba ufite imyaka 80   y'amavuko, umupfakazi we Leah, abana  ba nyakwigendera batatu. Hakaba hari abayobozi bakuru ba RNC aribo Dr Rudasingwa Theogene, Kayumba Nyamwasa n'abandi. Hari n'abandi bari bahagarariye FDU- Inkingi bari barangajwe imbere na Madelena Bicamumpaka.

INYANDIKO ZO MU BUBIKO. Rwanda.Abanyarwanda bose bakwiye PENETENSIYA muri NDUMUNYARWANDA/ UDAHEMUKA Eric

                  Iyi nyandiko yahise bwa mbere kuri SHIKAMA kuri 28/12/2013

Dg  LEWO MUGESERA

Ihuzamvugo : Dr Léon MUGESERA ati : «Abatutsi tuzabanyuza muri Nyabarongo basubire iwabo muri Abisiniya-Ethiopia» naho Dr Senateri Antoine MUGESERA we ati : «Abana barakubaganye barasa Abasenyeri i Gakurazo ku italiki ya 05 Kamena 1994»

INYANDIKO ZO MU BUBIKO. Kenya. Hazima Uwatse: Kagame ntiyagiye muri Kenya kwishimana na Kenyatta, mu gihe Nkurunziza na Kikwete babikoze!/Nkusi Yozefu

                         Iyi nyandiko yaciye kuri Shikama bwa mbere kuri 13/12/2013             

     Kikwete na Nkurunziza n'abagore babo bari babukereye

(kanda ku ifoto uyigire nini)

Abanyarwanda turavuga ngo hazima uwatse, nta mezi abiri ashize Kagame na Kenyatta na Sewabo Museveni bakora iminsi mikuru ya buri cyumweru i Kigali, Kampala na Nairobi. Ni nako kandi ibindi bihugu 2 bigize umuryango w'Afrika y'Uburengerazuba aribyo Tanzania n'Uburundi  byavuzaga induru ko aba baperezida 3 tuvuze babiheje muri uyu muryango uhuje ibihugu byabo uko ari bitanu. Abakurikirana Politiki yo mu Karere bakaba bibazaga aho ikururana rya hato na hato hagati ya Kagame na Kenyatta rizageza ibihugu byo mu karere mu rwego rwa Politiki ndetse n'Ubukungu.

INYANDIKO ZO MU BUBIKO. Perezida Kagame yongeye kwerekana ko abadepite ntacyo bavuze imbere y’icyifuzo cye; abategeka gutora ku bwiganze burunduye Itegeko rigena imicungire y’imitungo igifite bene yo ; kugira ngo FPR ibone uko ikegeta imitungo ya RUJUGIRO AYABATWA Tribert n’iy’abandi baherwe nkawe iri mu Rwanda!!!/UDAHEMUKA Eric

 Iyi nyandiko yahise bwa mbere kuri Shikama kuri 12/2/2014

Inzu abadepite bicaramo ku Kimihurura i Kigali

Umunyamakuru w’umunyarwanda NKUSI UWIMANA Agnes yigeze kwandika mu kinyamakuru cye UMURABYO ko Kagame ategeka nka Hitler Adolf warimbuye abanazi maze baramwanjama baramukwesheburana bamujyana mu nkiko none imyaka igiye kuba hafi ine cyangwa itanu.

Nibutse ko uwo Hitler yategetse Ubudage maze akaba gashozantambara intambara ya mbere yarangira Umuryango w’abibumbye w’icyo gihe witwaga SDN ukamutegeka gutanga amafaranga y’ibyo yangije mu cyo bise DIKTAT akabyanga kuko yabonye ingabo ze zarangije ibitabarika maze agahitamo guteza intambara ya kabiri y’isi yose aho yaje kurangira yiyahuye kuko byari byamurenze.

INYANDIKO ZO MU BUBIKO..Muri Kigali ibintu biracika mu gutwara abantu muri TAXI kubera uburenganzira bunyunyuza imitsi y’abashoferi ikigirwamana Colonel TWAHIRWA Dodo yahawe na Perezida KAGAME!!!/UDAHEMUKA Eric

Iyi nyandiko yaciye bwa mbere kuri Shikama kuri 18/1/2014

Kuri GARE ya Nyabugogo

Tumaze iminsi igera ku mezi atandatu dukora ubushakashatsi n’iperereza kugira ngo tumenye impamvu nyamukuru ituma ishyaka FPR Inkotanyi ryaririmbaga indirimbo ziryoheye amatwi n’igitwenge cy’urumenesha bavuga ko baje gukura abanyarwanda ku ngoyi y’ingoma y’abashiru basigaye bakora ibiri hanyuma y’ibyakorwaga no kwa Habyarimana.

Abantu benshi bakomeje kwandikira SHIKAMA basobanuza iby'akazi ko kuri enterineti/NKUSI Yozefu

ClixSense

Clixsense ni sosiyete yamamaza ikabikorera amasosiyete akomeye ku isi nka Coca Cola, n'ayandi.  Urinjira ku rubuga rwabo, kurugeraho ni ugukanda kuri banner nabashyiriye kuri www.udusajya.blogspot.com cyangwa kuri www.ki.shikamaye.net. Ariko ushobora guhita ugera no ku rubuga rwabo ukanze kuri iyi linki.http://csstatic.com/banners/clixsense468x60a.gif

Numara kugera ho uriyandikisha: urabikora ukanda kuri Sign Up. , ibisigaye biri mu cyongereza, urabyikorera. Ni ubuntu , nta mafaranga utanga. Ugomba ariko kuba ufite account muri banki kugirango ugire PayPal. Iyo ufite account muri bank ujya kuri www.paypal. com ugashyiramo email yawe, mu masegonda 30 ukaba ubonye konti muri PayPal. Mu minsi iri imbere ndabashyiriraho andi makampuni menshi.

Amahirwe masa.

Nkusi Yosefu

Akandare : Mu Rwanda hari abakozi bahembwa n'abaherekeza abandi !/NKUSI Yozefu

Mu gihe hari inyandiko tuzabageza ho vuba aha yerekeranye n'IBYAHISHUWE, tubasabye kurebana ubushishozi n'ubusesenguzi iyi mbonerahamwe y'imishahara ihembwa abakora muri Perezidansi kwa Pawulo Kagame n'imwe mu mishahara ihabwa abakora mu burezi.

Rwanda/    Presidency                          1.PEREZIDANSI
No	Position/Umwanya		Salary /Umushahara
3	Director of Cabinet in the Office of the President		2,304,540
17	Director General first Lady Office		1,352,972
11	Director General of State Protocol		1,352,972
24	Deputy DG State Protocol		1,303,360
12	Director General of Communication		1,352,972
18	Senior Analyst		1,352,972
19	Senior Legal Analyst		1,352,972
23	Deputy DG Communication		1,303,360
16	Director General of General Services		1,352,972
25	Deputy Director General of General Services		1,303,360
3	Director of Cabinet in the Office of the President	v	v
4	Deputy Director of Cabinet Presirep		2,011,950
13	Senior Advisor to the DirCab		1,352,972
29	Junior Advisor to the DirCab		980,010
63	Office Manager to the DirCab		930,823
64	Office Manager to the Deputy DirCab		930,823
43	Director of Audiences		980,010
44	Director of Visits		980,010
55	Cameraman		980,010
56	photographer		980,010
59	Deputy Director of VIP Club		944,074
27	State House Manager		1,352,972
62	Chief Cook		930,823
68	Assistant Chief Cook		808,888
81	Senior Cook		562,180
87	Junior Cook		467,893
85	Senior Domestic Assistant		562,180
89	Domestic Assistant		467,893
Rwanda/ Education                        2.      UBUREZI
UNIVERSITY/KAMINUZA
8	Lecturer		781,594
Secondary & Primary/ Amashuri abanza n’ayisumbuye
1	A0 Head Master		330,026
2	A1 Headmaster		243,986
3	A0		212,504
4	A1		159,900
5	A2 Headmaster		111,431
6	A2		59,125

Source: Official Gazette n° Special of 01/03/2013

Byakusanyijwe na SHIKAMA/ www.shikamaye.blogspot.com