PAUL KAGAME PEREZIDA WIBERA MU NDEGE N'AMAHOTELI AHENZE KU ISI, YAGARUTSE IWE ATEMBERERA MU NTANZI Z'URUGO ARITEGEREZA(...) AGEZE MU NKIKE YA KIREHE ASANGA ABANA BE BICAYE BIKUBYE BIGUNZE BARAJYAJYARITSE KUBERA KURWARA AMAVUNJA NA BWAKI KUKO URUGO RWABUZE KIYOBORA ABANA BAKABA IMFUBYI ZITAGIRA KIRERA/ UDAHEMUKA Eric

Abategetsi b'u Rwanda ku ngoma ya Nyakubahwa Perezida Paul Kagame bajya bafata umwanya nibura w'umunota umwe ngo basesengure ibyo twandika niba ari ukuri cyangwa niba ari amakabyankuru? Cyangwa batwita abarwanya ubutegetsi bwa FPR bikarangirira aho hagakurikiraho kuduhigisha uruhindu bakoresheje maneko, amarozi, imigozi,...?

Impamvu iyi nyandiko SHIKAMA tuyitangije iyi nteruro ibaza ni uko ubu ari ubwa gatatu nanditse inkuru nikurikiranya kuri Perezida Paul Kagame bikaba bishobora gufatwa nko kwibasira umuyobozi runaka ariko bikaba atari byo kuko mu itangazamakuru ryacu ry'umwuga muri SHIKAMA tujyana n'igihe.

Paul Kagame umugabo w'amayeri uruhuri, w'amagara make cyane kandi ureshya n'aho bwakereye(...)ararushye cyane!

Mu nkuru ya vuba twababwiye Kagame mu mushinga we mubisha wo kugura intwaro mu Bushinwa nk'ikimenyetso cy'uko atangiye kwerekwa n'iminsi. Tukimara gusohora iyo nyandiko ngo tuyitangarize abakunzi ba SHIKAMA, umwami Kagame yagize atya aba asuye umurengera wa Jabana mu karere ka Gasabo ajya gucyemura ibibazo mu by'ukuri bidahari maze nabyo duhita tubikoraho indi nyandiko nayo mwasomye. None Kagame asesekaye mu karere ka KIREHE gahana imbibi na Tanzaniya.

Ijambo ryiza se?

Paul KAGAME, umugabo muremure ureshya n'aho bwakereye, umugabo w'igara rito ugenda ahuhwa n'umuyaga akagarurwa n'abamurinda baba bamwegereye cyane, umugabo w'amayeri menshi ashoboka n'ayo utatekereza, umugabo wishongora cyane kandi agasuzugura abandi, umugabo utemera kugirwa inama, umugabo wanga Kiliziya Gatulika ku rwego rwo hejuru, umugabo ufata ABAHUTU NK'IBISIMBA (NAKO IBIKOKO),...mu by'ukuri biraboneka neza ko gutegeka u Rwanda bimunaniye kandi ko arushye ku buryo akwiye kuberereka inzira zikigendwa.

I KIREHE Kagame yapimwe ku munzani asanga adashyitse

Akarere ka Kirehe ni aka gatatu Kagame asuye nyuma ya GASABO na NYAGATARE mu gihe kitageze ku cyumweru muri SHIKAMA tukaba tubona amaherezo u Rwanda rwose ari buze kurumaza amapine ya BENZ mu kanya nk'ako guhumbya.

Ikigaragara ni uko izi ngendo mu turere nta ntego ifatika zishingiyeho (twabisobanuye ubwo yasuraga GASABO). N'ubwo umuntu yatekereza atya bishoboke ko Paul KAGAME yaba abibonamo uburyo bwo kongera kwiyegereza abaturage kugira ngo bizamworohere kubona uko abashuka bagatora guhindura itegeko nshinga bityo agahitamo kuzagwa ku butegetsi.

Mu ijambo yavugiye mu karere ka Kirehe ubwo yahasuraga kuri uyu wa gatanu taliki 14 Ugushyingo 2014 yasabye ko abahayobora bagomba guhagurukira ikibazo cy'amavunja amereye nabi abana n'abakuru.

Perezida aravuga ko uburangare bw'abayobozi b'inzego z'ibanze ari nabwo nkomoko y'ayo mavunja ngo bukabije ku buryo adashobora kubwihanganira.

Perezida Kagame yagize ati:“Sinari nzi ko mu Rwanda hari abantu bashobora kurwara amavunja! Gusanga abana b’Abanyarwanda mu ishuri barwaye amavunja. Ubu ni uburangare budashobora kwihanganirwa, tuzakemura ibyo bibazo (…) abayarwanye dushyireho uburyo bwo gutuma bikemuka, ariko turahangana n’abatuma bishoboka.”

Perezida Kagame yakomeje ashinyagurira abanyarwanda bajujubijwe n'ingoma ye mpotozi agira ati “Turaza guhangana n’abayobozi nabo bategereje abagiraneza bazaza kubahandurira amavunja. Ntabwo bishoboka. Biraza guhagara ku ngufu. Ntabwo tuza kubisaba abantu ku neza,

turaza gukoresha ingufu zibirangiza, ntabwo twakwemerera abana bacu ko barwara cyangwa ngo bicwe n’amavunja. Ntidukwiriye kureba ibiduteza imbere ngo dusige ibidusubiza inyuma bidasaba amikoro menshi cyane.”

Kagame yanagarutse kuri BWAKI avuga ko nayo igomba gucika. Si muri Kirehe gusa amavunja ari kuko no muri Gisagara na Huye ari uko ariko wagera i Kansi na Nyaruhengeri ukaba wakeka ko ari amarogano.

Kugura intwaro kirimbuzi no kwibera mu mahanga se nibyo byavura AMAVUNJA na BWAKI mu Rwanda?

Iyo perezida agiye gusura abaturage ntibita kubyo ababwira ngo babisesengure ahubwo baba bashaka kumureba(kumubona) ibyo bikaba bihagije bagataha bakisubirira ku kabo. Aha ngaha niho habonekera umusanzu w'itangazamakuru ridafite aho ribogamiye kandi rikorera rubanda mu nyungu za rusange kandi zigera kuri buri wese.

Amafranga agurwa intwaro za kirimbuzi yagaburira aba bantu baguye umudari
 akabaha n'agasabune ko koga ntibarware amavunja n'abana babo!

Muri SHIKAMA turasanga nta gitangaza mu byo Kagame yasanze i Kirehe ko ahubwo byari kuba ikibazo iyo asanga abana b'abanyarwanda batarwaye amavunja na bwaki. Perezida Kagame arigira nyoni nyinshi ngo agiye guhangana n'abayobozi bajenjekera amavunja na bwaki. Kagame se ashobora guhangana nawe ubwe ko ariwe ushyiraho abo bayobozi kandi sisiteme ya FPR ikababuragiza bakabura umwanya wo kwita ku baturage.

Kagame kandi akwiye kwigarukamo nk'umunyarwanda usanzwe akibuka ko kugura intwaro kirimbuzi no kujya muri KAGAME DAY iyo giterwa inkingi atari byo bizavura abana bacu amavunja na bwaki. Akwiye kandi kwirinda gukabya gushinyagurira bene goderons mu mvugo za politiki zidashinga kuko kuvuga ngo abana bacu nawe akishyiramo kandi neza ko abe bibereye muri USA atari byo.

Bwaki n'amavunja: Indwara ebyiri zidasigana

Imibereho y'abana b'abanyarwanda mbere y'iterambere n'umwaduko w'abazungu yari myiza kuko nta barwaraga bwaki bitewe n'uko amata yabonekaga kandi ibiryo by'umwimerere bikaboneka ku bwinshi.

Uwavuga ko kurwara bwaki cyangwa kurwaza umwana bwaki biterwa n'ubujiji yaba abeshye abanyarwanda kuko kuyirwanya bitigwa mu ishuri ahubwo bimirwa bigashyirwa mu gifu(amagara ntamerwa aramirwa).

Ibyo Kagame yasanze i Kirehe kandi muri SHIKAMA tukaba twiteguye ko azabisanga no mu tundi turere azasura ni ingaruka z'ubutegetsi bwe bubi bwajujubije abana b'u Rwanda bubabuza guhinga ibihingwa ngandurarugo kandi Kagame akaba yarabikoze abizi neza kandi abishaka kugira ngo arimbure abahutu yita ibikoko none arajya imbere y'abaturage akabahenda ubwenge anabashinyagurira ngo bazongere bamutore akomeze abahere!

Abanyarwanda bagomba kandi bakwiye kwangira Kagame n'agatsiko ke k'abajura n'abicanyi guhindura itegeko nshinga

Abanyarwanda bamaze imyaka 24 barishwe n'agahiri n'agahinda, imitima yabo yarabaye ibisebe by'imivogo kandi byose bikomotse kuri FPR kuko nshobora kwemeza ko abanyarwanda bungukiye mu gushyiraho ingoma ya FPR ari mbarwa ndetse ubanza nta nabo niba ntibeshye.

Amafranga agurwa intwaro za kirimbuzi yagaburira aba bantu baguye umudari
 akabaha n'agasabune ko koga ntibarware amavunja n'abana babo!

Kugira ngo abana b'u Rwanda badakomeza kurwara andi mavunja, kugira ngo umubare w'abana barwaye bwaki utiyongera, kugira ngo hafatwe ingamba zatuma n'abayirwaye bayikira,kugira ngo abana b'u Rwanda batongera kujugunywa muri Rweru bazira Ubu sa, kugira ngo umuturage ahinge yeze ibyo ashaka kandi abisarure ntawe umuhagaze hejuru,... ni ngombwa impinduramatwara itavusha amaraso mu Rwanda kandi irashoboka.

Uyu munsi ndongera kubisubiramo nk'uko mperutse kubyandika, ingabo z'igihugu nizo zigomba gufata iya mbere mu rugamba rwo gukura abanyarwanda ku ngoyi y'umunyagitugu Paul Kagame kuko abaturage FPR yababibyemo ubwoba, kunekana no kutizerana ku buryo ingabo z'igihugu zitabigizemo uruhare, Paul Kagame ashobora gutegeka u Rwanda indi myaka 20 inarengaho ndetse ikaba 30.

UDAHEMUKA Eric

shikamaye.blogspot.com/

Shikama ku Kuri na Demukarasi(SKUD)