Pageviews all the time

IBYAHISHUWE(Mozambique)2: Ambasade y’Agatsiko yaryanishije impunzi zo muri Mozambique zimaze kwanga Pasiporo y’Agatsiko/NKUSI Yozefu(yavuguruwe 19/5/2016, 10:45GMT)

Muri iyi videwo twabashyiriyeho ubushize tukaba twongeye kuyigarura, muriyumvira ukuntu Agatsiko kaciye kuri Baziga Louis uhagarariye DMI mu cyitwa Daspora muri Mozambique, maze bagafungisha umupasiteri witwa Tuganeyezu Diomedi wanze ko DMI yigarurira insengero zabo. Murasanga ko uyu Revokati azira ibyo uyu Diomedi ufunze yazize: "itekinika rya DMI". Jenerali Vitali arabisobanura neza ati: " Luwi(Louis) ntabwo yigeze yihisha mu bigunda nka Revokati kuko we yiberaga muri Hoteli( ndlr:nyamara muraza kumva ko Diomedi yazize izimira ry'uyu mwicanyi Luwi)! Diomedi se ubu ari he? Shebuja wabo!Ntibagafunze nk'imbwa, kakaba katagira dosiye! Nta gahugu k'akana kabaho, igihugu ni igihugu; ntawe uburana na Leta. Revokati natsinda umwavoka wacu uburanira Perezida wa Repubulika(ndlr: Pawulo Kagame) nzahita ntaha mu Rwanda! Hasi aha twabashyiriyeho inkuru irambuye y'iyi ncamake. Muryoherwe na SHIKAMA.
  
Uyu mwicanyi Vitali wiyita Jenerali avuga aya magambo 
yari mu kiriyo ninjoro ku musaza witwa  Bosco NTAGANDA wari wagize
 ibyago: umugore we yari yitabye Imana. Uyu musaza muramwumva muri iyi videwo


Nkuko twabibasezeranyije ko tuza kubagezaho amakuru asobanutse ku bibera muri Mozambique, abanyamakuru ba Shikama bari muri Mozambique bamaze gukora amatohoza ku byerekeye ihohoterwa ry’impunzi z’abanyarwanda ziri muri Mozambique. Muri make rero Leta y’Agatsiko k’Amabandi yitwaje intwaro nkuko yiyita, ngo yahatiye abanyarwanda baba muri Mozambique kureka ibyangombwa by’impunzi bagafata urwandiko rw’inzira(Pasiporo) rw’u Rwanda ariko inyinshi mu mpunzi ngo zibitera utwatsi nkuko byagenze muri Zambia

Agatsiko kamaze kubona ko izi mpunzi zanze ibyangombwa byako, kahise gashaka uko kacamo ibice impunzi z’abanyarwanda ziba muri Mozambique.  Nkuko abanyamakuru ba Shikama bariyo babitohoje hari abanyarwanda bariyo bemeye gufata ibyo bya ngombwa ariko bakabikora mu ibanga, abandi babikora ku mugaragaro. Nkuko Agatsiko kabikora mu Rwanda, karebye abantu bafite ijambo mu mpunzi ni ukuvuga abacuruzi n’abanyamadini maze kabakoresha mu gucamo ibice impunzi karahava. Uyu mugabo mwumvise wiyita jenerali ubundi witwa Vitali n’uwo yikomye muri iriya videwo mwumvise, bombi ni abacuruzi bakomeye muri Mozambique bakaba bakorera mu murwa mukuru I Maputo. Uyu Vitali atuye ahitwa Zimpeto-Drivin muri Karitiye( quartier) ya Vila akaba akorera hafi y’aho atuye ku isoko ry’ahitwa Drivin-Malanga. Naho Revokati bahanganye atuye ahitwa Liberdade akaba ariho anakorera.

Nkuko abanyamakuru bacu babitohoje, Amabasade y’u Rwanda itarivanga mu bibazo by’impunzi ziriyo ngo zari zibanye neza. Aba bagabo bombi nabo ngo nta kibazo bari bafitanye, ibintu ngo bikaba byarabaye bibi aho Vitali yemereye kuba umukozi wa DMI ku mugaragaro dore ko bakeka ko ngo ubundi yariwe ariko ku buryo bwa rwihishwa nkuko hari izindi nkoramaraso nyinshi zikorana na DMI ariko rwihishwa tuzagenda tubagezaho gahoro gahoro. Kubera udufranga twa DMI yashoye mu bucuruzi hariya muri Mozambique bukanamuhira, Vitali wiyita jenerali yagiye ahutaza ku mugaragaro uwo ahuye nawe wese akamubaza impamvu adafata pasiporo y’u Rwanda ubwo kandi niko yatangaga n’amakuru ku mpunzi i Kigali.  Leta ya Mozambique yaje kumuta muri yombi ariko aza kurekurwa Amabasade y’Agatsiko ikaba yaragize uruhare mu irekurwa rye.

Si abatunzi FPR yaryanishije mu Rwanda gusa, kuko nkuko Shikama idasiba kubibagezaho , FPR yashinze amadini muri Mozambique nkuko ibikora mu Rwanda, amadini ya baringa umuntu yavuga ko ayoborwa na Satani maze si ukuryanisha impunzi karahava yifashishije aya madini. Idini rikomeye abantu bari muri Mozambique bagereranya n’ibiro bya FPR rishinzwe kuryanisha impunzi hagati yazo ni iryiyita ko ari iry’abarokore riri mu murwa mukuru I Maputo ryitwa REAVIVAMENTO iri niryo ritegurirwamo amacakubiri yo kubiba mu mpunzi.

Abanyamakuru ba Shikama bari muri Mozambique bashoboye kumenya ko hari umupasiteri w’umuhutu witwa Diomedi Tuganeyezu wari impunzi y’ukuri ariko kubera kwanga ko idini yayoboraga rikorera DMI, ubu Agatsiko kaciye hasi gaca hejuru kugeza igihe afungiwe! Ubu twandika iyi nkuru, arabarizwa muri gereza. Amakuru yizewe Shikama ifite ni uko umugabo witwa Baziga Ludoviko(Louis) uhagarariye DMI mucyo Agatsiko kita Diaspora yo muri Mozambique, niwe wafungishije uyu mupasiteri. Uyu Baziga yagize atya arizimiza hashize iminsi araboneka, iryo ngirwa zimira rye arigereka ku mutwe wa Pasiteri Diomedi!! Abanyarwanda bagera kuri 6 bavuganye n’abanyamakuru ba Shikama bari muri Mozambique, bemeje ko uyu mupasiteri arengana akaba azira ko yari ayoboye umutwe w’abapasiteri urwanya ko DMI yivanga mu madini yabo.

“ Rwose uyu mupasiteri wacu ararengana, none se bantu bo muri Shikama, ko Pasiteri Diomedi yari atuye ahitwa I Tete akaba ariho akorera n’imirimo y’ubucuruzi yari kugambanira ate umwicanyi Baziga uba I Maputo muri kilometero igihumbi na Magana atanu(1500km), nta bugome Agatsiko ka FPR kasize inyuma, FPR ni Satani waje hano ku isi ntitwabimenya!!!”

Ikindi ni uko umwe mu mpunzi z’abanyarwanda ziba I Maputo yaganiriye n’umunyamakuru wa Shikama amubwira ukuntu FPR yakoresheje ubugome bwinshi ngo ijujubye abanyarwanda ku buryo ngo hari n’abashyingiranwa umwe muribo atazi ko ashyingiwe ku mudayimoni wa FPR na DMI akazabivumbura nyuma! Dore uko yabwiye umunyamakuru wa Shikama:

Mukomere, tubanje kubashimira kubera amakuru mutugezaho kandi mukomere ku murimo wanyu kuko nizo mbaraga dufite za mbere mu kwibohora no guharanira amahoro kuri buri munyarwanda wese aho ava akagera nta vangura iryo ariryo ryose. Hano muri Mozambique hari impunzi z’ubwoko bubiri: impunzi nyampunzi(original) n’ impunzi zoherezwa n’ u Rwanda  zatwivanzemo hari n’abashyingirana batabizi kandi ari gahunda y’ Inkotanyi; izindi zikoresha amafranga bakaziyoboka. None ubu ntawe ukizera undi, byaratyobeye, dukeneye imfashanyo yanyu kuko Mozambique ibintu ntibikimeze neza.”

Buri munyarwanda aho ari hose yumve iyi ntabaza y’abavandimwe bacu bari muri Mozambique maze abahe inama ya kigabo. Email yacu ni : mahoriwacu@gmail.com. Naho twe muri Shikama turakomeza kuburira abanyarwanda bose bariho bijandika muri uru rukozasoni rw’Agatsiko tubibutsa ko uko FPR n’Abacanshuro bakorana nayo bahigisha Abahutu uruhindu mwe bizikuba kane kuko muzashakishwa n’umuhutu, umututsi, umutwa n’ikiremwamuntu cyose, bityo isi ikazababana ntoya cyane!!!Ikindi nabwira Agatsiko kari I Kigali ni uko kariho gakora nka wa mupfayongo utema ishami aryicayeho! Mu gutoteza impunzi mwerekana ko abanyarwanda aho bari hose ari abicanyi, bizabagaruko vuba aha igihe muzaba mwaka ubuhungiro!!Ngo umwijuto w’ikinonko ugirango imvura ntizagwa!!!

Dr NKUSI Joseph.
University Lecturer & Reseacher
Journalist
  • PhD in Social Sciences majoring in Social planing &Development/ El Fateh University, LIBYA
  • MPhil in Medicine , majoring in Health Economics, Policy & Management/ Oslo University, NORWAY
  • Tree Certificates in Journalism/ School of Journalism, Michigan State University, USA ( see the link )

No comments:

Post a Comment

Muvandimwe, nshuti ya SHIKAMA, turagushimira cyane umuganda utanga wo kubaka URWANDA rushya ubinyujije mu bitekerezo byawe( Komanteri). Kugirango turwanye urukungu rw'Agatsiko ni ngombwa ko buri komanteri ibanza gusuzumwa. Yohereze, irahita ijya ku rubuga mu minota mike niba idatandukira( kuvuga ibitajyanye n'inyandiko), itukana, cyangwa yuzuyemo uburere buke.

Wipfusha komanteri yawe ubusa ukoresha "ANONYMOUS", himba izina urikomeze kuko hari ibihembo mu Kuboza 2016 ku bantu 3 bazaba babaye indashyikirwa mu gutanga ibitekerezo. Dukomeje kubashimira ubwitange n'umurava muhorana. IMANA Y'I RWANDA ihorane namwe iminsi yose.

Dg NKUSI Yozefu
www.shikamaye.blogspot.com
Uharanire ko Ukuri gusimbura ikinyoma.
Email: mahoriwacu@gmail.com; tel: +4745564355