Iyi nyandiko yaciye bwa mbere kuri Shikama kuri 13/1/2014
Ejo ku cyumweru mu Rwanda habaye ikintu cyatunguye abaturage ubu bakaba bifashe mapfubyi bibaza uko byagendekeye Nyirigitinyiro mu Rwanda hose ariwe Nyakubahwa Paul Kagame. Ubusanzwe iyo abantu bagiye mu isengesho baba bagiye kwigorora n’Imana na bagenzi babo ku mpamvu buri wese yakumva kandi bitamugoye.
Umutwe wawe urakubwira ko ari nde ugiye kwica none ngo ubone ibitotsi? |
Mu isengesho abantu banoza imitekerereze y’umutima-nama wabo bakawuhuza n’ukuri kw’ibintu. Uku kuri kw’ibintu ni nako kubyara ukuri kw’ibiriho n’ibyahise maze umuntu akisubiramo mu mutima we. Mbere y’uko wumvikana na rubanda uba ukwiye kubanza kumvikana n’umutima wawe bwite ku buryo muhamanya ko ibyo ukora ari bizima kandi ntawakwibeshya na busa.