Isesenguramvugo, Politiki n’ubutabera mpuzamahanga. «Njyewe Kagame na FPR turababuye iyo dukubise dukubita mu cyico tukagusha!!!» Kagame i Gatsibo kuwa 05 Kanama 2010, na none ati : «Uwajya kunyitakana ngo ninjye wamutumye kwica, sinamwihorera gutyo gusa ahubwo namwica ariwe!!!» Kagame kuwa 03 Kamena 2013 hamwe n’urubyiruko i Remera, naho Colonel Patrick KAREGEYA akiriho ati : « Nabaga nzi gahunda n’ingendo zose za Perezida Paul KAGAME ku buryo nashoboraga kumwica iyo mbishaka ariko amaraso yamenetse mu Rwanda arahagije kandi uretse n’ibyo birakwiye ko Paul KAGAME ashyikirizwa inkiko akisobanura ku byaha yakoze byibasira inyoko-muntu!!!»

   

Mu nyandiko zityaye tubagezaho ku rubuga rwanyu SHIKAMA ubu abanyarwanda bamwe basigaye bita IKINYAMATEKA twabonye ko mukunda cyane Isesenguramvugo na politiki tukaba tubanje kubibashimira kandi ntitwajya aho ngo twihandagaze ngo tubabwire ko tuzi byose ariko tugerageza uko dushoboye tukabiva imuzi.

Mu myaka ya za 89 mu Rwanda muribuka mwese cyangwa abakiri bato mwabwiwe ko habaga radiyo imwe rukumbi ariyo Radio Rwanda. Hari indirimbo nibuka yari yarakunzwe cyane baririmbagamo ngo «Adela MUKASINE umukobwa wa Sitanisilasi yasomye wisiki arayisinda ayicuruye iramucurangura, Nyiramwiza nyina amubonye amabere yikora atonsa maze amarira amubunga mu maso………..burya kutiga biragatsindwa!!!»

Imfura y’i Rwanda RUGAMBA Sipiriyani nawe mu ndirimbo ye TUZA KURENGERA ati : «Jya umenya urugero rwawe utuze kurengera wavaho wikoraho wikorera ibikabije, bikaza kukuremerera bikakugora uzize iryo rari ryawe burya ukama izo atunze niwe mugabo jya umenya urugero rwawe cyo tuza kurengera!!!»

Burya iyo abahanzi barara bahagaze bahimba indirimbo bakazishyira mu manota ntibaba bagira ngo bifotoze ahubwo baba baha amasomo rubanda azarufasha kubaho muri ubu buzima. Uriya mukobwa Adela yakabije kunywa inzoga bitewe n’ubujiji bwe bwo kutagera mu ishuri biza kumuhindukira ikibazo kandi ubusanzwe kunywa inzoga atari ikosa.

Rugamba Sipiriyani nawe yafashe igihe gihagije yigisha kandi yihaniza abantu bose bagira ingeso n’imico mibi byo gukabya no guhinda nk’inkuba mu bicu nka Kagame urenza urugero mu nshingano ze bikagera n’aho yigamba ko azica abantu kandi akabivugira mu ruhame imbere y’imbaga imukikije nk’aho yabaremye.

Kagame rwose niwe nyirizina wa mutegetsi Rugamba Sipiriyani yacuranze ngo wahawe abantu agomba gutegeka akamusaba kubikorana umurava ariko we ntabategekane urukundo ahubwo agahinda nk’inkuba y’igicu abagira nk’akarima ke ahingamo ibyo ashaka abandi akabahindura ibinyugunyugu ugize ngo aravuze akamwohereza muri Gereza, akamwicwa cyangwa akamumenesha agahunga.

Nk’uko twabivuze dutangira iyi nyandiko mukunda isesengura-mvugo na politiki. Muri aka kanya tugiye kubereka ukuntu hamwe n’aya magambo Kagame ari ikivume hamwe n’gatsiko k’abantu bacye cyane abereye ku isonga muri FPR Inkotanyi.  

imana Kagame izatura nk'isi, itanga urupfu k'uwo ishaka n'igihe ishakiye

Kagame i Gatsibo, taliki 05 Kanama 2010
Kagame ubwo yari mu Karere ka Gatsibo mu Ntara y’iburasirazuba ku italiki 05 Kanama 2010 nanjye nari mpari nagiyeyo gutara amakuru maze ahavugira ijambo riteye agahinda agira ati: ”Njye na FPR turababuye iyo dukubise dukubita mu cyico tukagusha” Icyo gihe abaturage bamuhaye amashyi ariko nibajije icyo bayamuhereye ndakibura.

Koko FPR kuva yavuka ntigira imbabazi, ntawe igirira ikigongwe ku buryo ubu n’impinja zivuka zikavutswa konka ba nyina bashimutwa zizayibara inkuru nizimara gukura. Mu cyico Kagame yavugaga ni muri NYIRAMIVUMBI kuko ariho ukubita umuntu akava ku isi agafata inzira y’abakurambere aka wa mugani wa MASABO Nyangezi Yuvenali.

Kubwirira abanyarwanda i Gatsibo ko FPR izi gukubita mu cyico, Kagame yagira ngo abahe umwitangirizwa na gasopo kandi abateguze ko n’abasigaye azabica kuko atishe bacye. Iyi mvugo ikaba ari icyaha gikomeye kuko bisa no gukangurira rubanda gukora ubwicanyi bwibasira imbaga.

Ikindi kigomba gusobanuka hano ni uko iyo avuze ngo Njyewe Kagame na FPR,… FPR aba avuga ni agatsiko gato cyane k’abantu mbarwa bavuye i Bugande ku buryo nta muhutu wakwibeshya ngo yishyire mu myanya. Abo bonyine nibo bafite ububasha bwo gukora icyo bashatse harimo no kurimbura imbaga mu karere k’ibiyaga bigari.

FPR ikigera mu Rwanda byabaye itegeko ku banyarwanda bose kuyibera abanyamuryango aho usanga abahutu benshi b’abanyabwoba barayinjiyemo bigura bararahira kandi basezerana ko nibatatira indahiro bazahanwa nk’undi mugome wese.

Mu mategeko Kagame yashyizeho harimo gukona abahutu ngo batazongera kubyara, kubabuza kwihwiturira abagore n’ubwo bitari bikwiye ariko we akaba yarabikoreye kugira ngo hatagira umugabo wongera kugira ijambo mu gihugu ndetse no mu rugo rwe. Koko bazi gukubita mu cyico ntiyigeze abeshya.

Kagame kuri Petit Sitadi Amahoro i Remera kuwa 03 Kamena 2013:

Kurya abanyamakuru tuba twaragowe aha naho nari nagiyeyo gutara amakuru mu byo agatsiko kari kabatije YOUTH CONNECT maze Kagame arihanukira ati: ”Uwajya kunyitakana ngo ninjye wamutumye kwica, sinamwihorera gutyo gusa ahubwo namwica ariwe!!!»

Urubyiruko rwari ruhateraniye ruhita rumuhundagazaho amashyi y’urufaya nanone nongera kwibaza icyo bakomeye ayo mashyi ndakibura. Nitegereje Kagame wari wicaye mu cyubahiro imbere yanjye kurya abanyamakuru tuba turi hafi aho mu byubahiro ndeba n’ijambo avuze nyoberwa icyo nkora ariko ntashye mfata icyemezo cy’uko nta nkuru na ntoya nkora kuri iryo jambo rye ruvumwa mpita ndibika muri archives zanjye.

Nahise mbona Kagame ntaho ataniye na Jean Bosco BARAYAGWIZA muri 1994 mbere gato y’uko indege ya Habyarimana ihanurwa aho yavugiye kuri sitadi i Nyamirambo muri mitingi ya CDR ati: ”Usibye abatutsi baje kutwumviriza na twa dukingirizo twabo, nta wakwemera ko Inyenzi Inkotanyi zadutegeka arakomeza ati tuzashyiraho guverinoma ya rubanda nyamwinshi y’…..ABAHUTU…..bamuha amashyi”

Ikibazo kuri Kagame si abo yica n’abo atuma kubica ahubwo ikibazo kuri we ni uwatinyuka kumwitakana nk’uko abyivugira akemeza ko ariwe wamutumye. Iyi mvugo ya Kagame ikaba yuzuyemo iterabwoba no guhahamura rubanda byagera n’aho nta muntu watinyuka kwihana ibyaha by’ubwicanyi yakoze abitegetswe na Kagame.

Iyi mvugo ya Kagame nta gushidikanya ko ari wo musingi wa NDI UMUNYARWANDA kuko nta mututsi n’umwe wari waba intwari ngo asabe abanyarwanda imbabazi ku byaha yabakoreye kandi abenshi muri bo babitegetswe nawe. Bazabivuge maze abice nabo???

Ubu abasirikari bishe abasenyeri i Gakurazo twirirwa tubabona hano i Kigali bidegembya banywa za byeri hano i Remera ku Giporoso na Rwamagana na za Kibungo nta cyo bikanga. Kubera icyo kidodo bamwe muri bo babyara abana b’ibimara nka Major Wilson UKWISHAKA ubyara apfusha, akabyara apfusha, ubwo se yungutse iki gutumwa na Kagame ???

Major BUTERA nawe yari kumwe n’uyu mvuze hejuru bafatanya kurasa abasenyeri i Gakurazo. Uyu Major Butera we yarahahamutse bya burundu kubera kurasa abasenyeri i Gakurazo ku itegeko rya shebuja. Ubu se byamwunguye iki kumvira shebuja bigera aho ahahamuka????

Brig. Gen. KABANDANA Innocent Kagame yahamagaye i Gakurazo akamubwira ko azamuhemba ikintu gikomeye kuko amukijije umwanzi Nimero ya mbere Kiliziya Gatolika ngo kuko ariyo yatumye ahunga muri 1959, ubu yamugororeye kumugira Attache Militaire muri Ambasadi y’u Rwanda muri Amerika.

Hejuru y’ibi yamuhembye kandi Kagame yategetse KABANDANA Innocent ko atazahirahira na rimwe ngo aze mu Rwanda kandi amutegeka ko naramuka agize n’ijambo na rimwe abwira igitangazamakuru icyo aricyo cyose azahita amwica. Ubwo se KABANDANA Inoncent yungutse iki bigera n’aho acibwa mu gihugu cye kandi yarakirwaniye mu 1994 ngo ni ukubikira ibanga ry’amaraso shebuja Kagame???

Gen. Fred IBINGIRA warimbuye imbaga ya rubanda i Kibeho yarangiza akavuga ko ku isi nta muntu wamumerera nka Kagame kuko nta wundi muntu wari kumuha Ipeti rya Jenerali atazi no kwandika izina rye uretse Kagame, ntashobora kuvuga ibyo yakoze.

Aba bose rero nibo Kagame yavugaga ko azabica nibatinyuka kumuvamo kandi ko bategetswe kumubikira ibanga. Kuzageza ryari???

Imbere y’abanyarwanda Kagame ni IKIVUME nka GAHINI muri Bibiliya

Perezida Kagame n’ubwo yirirwa akangata biragaragara ko ubwoba bwamurenze aho asigaye yirirwa amarira amafaranga y’igihugu mu manama atampaye agaciro ashinga imiryango y’akarere yo gutabarana akibagirwa icy’ingenzi. Ubundi akajya ngo gusengerwa n’umutekamitwe Rick Warren muri California nk’aho nta Mana iba i Rwanda.

Amaraso yamennye niyo amuburagiza akamubuza amahwemo. Kubera iyi mpamvu SHIKAMA turasaba abasirikari bose ba FPR bashowe mu bwicanyi na Kagame gutinyuka bakabwiza ukuri abanyarwanda bakabasaba imbabazi kandi bakitandukanya n’umwicanyi Kagame warimbuye imbaga. Nibigenda bitya Kagame ntacyo azongera kwiratana kandi bahumure ntabwo azabica.

Ahubwo ibiri amambu, Kagame agomba kumenya ko abo atera ubwoba aribo bamufite mu biganza byabo kandi ko babishatse umunota ku munota bamuhitana kandi nawe arabizi kuko yabakubiye imishahara inshuro zirenga makumyabiri ngo abagabanyirize kubihirwa.

Ibi mvuga ndabizi kuko abajepe bamurinda b’inshuti zanjye bambwira ko soluda umurinda ahembwa ibihumbi magana atanu mu gihe soluda usanzwe utari REPUBLICAN GUARD (utarinda Perezida) ahembwa ibihumbi makumyabiri na bitatu. Rero isaha ku isaha bamwica aribo ariko bakaba batabikora ku mugani wa Nyakwigendera Colonel KAREGEYA Patrick kuko amaraso yamenetse mu Rwanda ahagije kandi bakaba bamurashe baba bamugiriye neza bitabaho maze bakima ubutabera akazi kuko butamuburanisha yamaze gupfa.

Kagame nashoboraga kumwica iyo mbishaka…………

Nk’uko bigenda ku isi hose, buri Perezida w’igihugu agira abantu be ba hafi b’inkoramutima ku buryo ababitsa amabanga akomeye ye n’ay’igihugu. Nyakwigendera Colonel Patrick KAREGEYA yabwiye inshuti ye mbere gato y’uko yicwa ko iyo abishaka yari kwica Kagame kuko buri gihe yabaga azi gahunda ze zose n’ingendo azakora.

Col. Karegeya azandikwa mu ntwari z’u Rwanda

Akamaro k’umunyamakuru ni ugutara no gutangaza amakuru ariko hari igihe binaba ngombwa ko umunyamakuru atera ibuye mu gihuru kugira ngo avumbure icyihishemo. Ari Kagame uvuga kandi akigamba ko azica abantu ari na Col KAREGEYA wavuze ko yashoboraga kubikora ariko ntabikore kubera ineza ya rubanda, ubwo intwari ni nde???

Nyakwigendera Patrick Karegeya

Kuri njyewe intwari kandi umugabo w’umuhanga ni nyakwigendera Col. Patrick KAREGEYA kuko yagaragaje ko koko ari umuhanga w’umunyabwenge uzi ibibereye abaturage. Nkaba mbona nitumara gusezerera ingoma y’agatsiko ya Kagame tumaze kwicara mu myanya ikomeye ya Politiki ifatirwamo ibyemezo i Kigali, nta kabuza ko Colonel Patrick KAREGEYA tuzamwandika mu ntwari z’igihugu kubera iri jambo.

Inzira ntibwira umugenzi…!!!

Hari uwasoma iyi nkuru wenda yari inshuti ya KAREGEYA akambwira ati: Inzira ntibwira umugenzi kuko iyo amenya ko azamuhitana akamubanza kurya yari abifitiye n’ubushobozi. Iki kibazo birashoboka ko hari benshi bakibaza ariko sinjyewe wagisubiza kizasubizwa n’amateka kandi bitari cyera.

Bitari cyera kubera iki? Kuko Karegeya wavugaga atyo, iyo myanya yakoragamo yamuheshaga ububasha bwo kumenya ibyo Kagame yakoraga n’ibyo yateganyaga byose, hari abayikoramo ubungubu bayimusimbuyeho kandi nabo ntawe uzi icyo bahatse ku buryo rero bitaba igitangaza muri abo basimbuye Karegeya havuyemo umusore umwe w’intwari akadukiza icyihebe kabutindi cyoretse u Rwanda (Kagame) u Rwanda rukagira amahoro ababyeyi bakabyara bakonsa, inka zikahuka abana bakongera kunywa amata.

Mu yandi magambo, Kagame kuba yarishe Karegeya nta kibazo na kimwe yacyemuye ahubwo yabikubye ibihumbagiza kuko nk’uko nabivuze abasimbuye Karegeya bashobora kwikanga ko nabo azabivugana bakazamutungura bakamutanga kuko nabo za MASOTERA(Pistolets) bazitunze nk’uko Kagame nawe ayitunze.

Mu gusoza iri sesengura muri SHIKAMA turabona atari byiza kandi nta n’ishema ririmo kwigamba ko uzica abantu. Ndetse n’igisumbyeho, Perezida w’igihugu ubivugira imbere y’abaturage burya aba ababwiye ngo nabo bagende bice ugahita ubona ko ntaho ataniye n’abo yasimbuye ko ahubwo abari inyuma.

Iyi niyo mpamvu wa mugani wa Karegeya, Kagame akwiye gushyikirizwa ubutabera mpuzamahanga akisobanura ku byaha byibasira inyoko muntu yakoze aho ubu amaze kwica abaturage barenga miliyoni icumi mu Rwanda, muri RD Kongo, mu Burundi n’ahandi akaba yisuganya ngo ajye gucura inkumbi muri Tanzaniya.

GATENDO A.

shikamaye.blogspot.no

Shikama ku Kuri na Demukarasi(SKUD)