Kagame mu ngendo ze ziruta iza Ibuni Batuta ngo burya aba yagiye guhahira Abanyarwanda? Aho ntasoroma intagwira?/NKUSI Yozefu

   

Twari tumenyereye ko ibyo Agatsiko kita Rwanda Deyi( Rwanda day) biba rimwe mu mwaka ubu noneho abanyarwanda bagomba kumenya ,ko  aho Kagame ahise hose mu ngendo ze ziruta iz'umugenzi w'umwarabu IBN BATOUTA hagomba kubera Rwanda Day!!! Rwanda, ihangane si wowe ni ba Mpatsibihugu bakugize uko umeze ubu.

Nta mezi ane ashize habaye Rwanda Deyi mu Buholande, Kagame n'Agatsiko bakaba bongeye gukoresha indi Rwanda Deyi mu mujyi wa Boston muri Leta Zunze Ubumwe z'Amerika(USA) kuri 27/2/2016. Nkuko amafoto yahafatiwe abigaragaza,  abari muri iyi yo mu Buuholandi mu mezi ashize ni nabo bari baje no muri iyi ya Boston, muribo twavuga Bamporiki , Pr Shyaka n'abandi bategetsi  ntarondoye.

Kagame yaboneyeho umwanya wo gusobanura impamvu ataba mu Rwanda 

 Pawulo Kagame yaboneyeho akanya ko kunyomeka abanyarwanda n'isi ngo kubibaza ku ngendo ze za buri munsi agirira mu mahanga. Burya ngo aba yagiye guhahira abanyarwanda! Birababaje kuba uyu mugabo amaze imyaka 25 ahahira Abanyarwanda ariko hakaba hagaragara aya mahano tugiye kubereka;  tukaba twibaza niba Kagame ataragiye gusoroma intagwira!

1. Mu gihe Amafaranga yavaga mu nkunga yose yagiye akoreshwa nabi mu kwishimisha kw'Agatsiko nko muri za Rwanda Deyi no kuyajugunyira Abacanshuro bibumbiye muri PAC bava muri USA, Ubwongereza na Uganda, ubu ibigega by'u Rwanda birera. Mu nama y'abaministri yo kuri 19/2/2016 icy'ingenzi cyavuzwemo ni ukwemeza imishinga y'itegeko  4 inyuranye yemeza inguzanyo z'amahanga. None se mu myaka 25 Kagame ategeka u Rwanda kandi anaruhahira, ni gute rwaba rugitungwa n'inguzanyo z'amahanga no kugurisha impapuro mpesha-mwenda?

2. Ni gute avuga ko ahahira Abanyarwanda mu gihe yirirwa mu ngendo zinyuranye zikosha, asize hari abana mu Rwanda barara muri ruhurura?

3. Ni gute avuga ko aduhahira mu gihe ikigo cya LONI cyita ku biribwa ku isi FAO cyemeza ko muri 2014,  mu Rwanda 42% by'abana bari bafite ikibazo cy'imirire mibi naho 38%  by'abana bari munsi y'imyaka 5 bakaba baragwingiye kubera ikibazo cy'imirire nyine?

4. Ni gute Pawulo Kagame ajya kwigisha abanyeshuri ba Kaminuza ya Harvard yoherezamo abana be, mu gihe atarakandagiza ikirenge muri za kaminuza z'u Rwanda ngo areke kwigisha wenda kuko yakwiyanduza n'ingwa kuko zo arizo zigikoresha, akabaza abanyeshuri ubuzima babayeho:

•  Kutagira icyo kurya bakajya guca inshuro aho kwiga
• Abarangiza kaminuza bakabasubirishamo barahawe impamyabumenyi!
• Abanyeshuri basimbutswa imyaka y'amashuri
• Abanyeshuri barara mu macumbi ateye ubwoba

Yagiye i Boston ariko anigisha muri kaminuza ya Harvard yo muri USA
atarigisha na rimwe muzo mu Rwanda!

Rwanda Dey yiswe noneho meet the President

Bamporiki yari ahari

Pr Shyaka yari ahari

Hari imbaga nini yaje kurya ku nkunga z'u Rwanda

Kagame aramutse umwe mu bacanshuro

MUPENZI W'IMYAKA 12 yavukiye muri ruhurura n'ubu niho yibera
 na nyina na barumuna be 2

Dore abana b'indobanure Kagame aba yagiye guhahira

Mupenzi na barumuna be

Ruhurura Mupenzi yeiberamo

Mushiki wabo yari ahari

Nkuko aya mafoto ari hejuru abigaragaza, Pawulo Kagame iyo agiye kwibera mu mahanga ntaba agiye kuduhahira nkuko abyemeza ahubwo aba agiye kwirebera aho ubutunzi bwe bugeze nokwishimisha n'umuryango we n'Agatsiko.

Dg NKUSI Yozefu

www.shikamaye.blogspot.no

Uharanire ko Ukuri gusimbura ikinyoma